| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
ৰোহারৰগ্গাদিৰণ্ণনা
Vohāravaggādivaṇṇanā
৪২৪. কম্মঞত্তীতি কম্মভূতা ঞত্তি। অনুস্সাৰননিরপেক্খা ঞত্তিকম্মভূতা ঞত্তীতি অত্থো। কম্মপাদঞত্তি নাম ঞত্তিদুতিযকম্মাদীসু অনুস্সাৰনকম্মস্স পাদভূতা অধিট্ঠানভূতা ঞত্তি। নৰসু ঠানেসূতি ওসারণাদীসু নৰসু ঠানেসু। দ্ৰীসু ঠানেসূতি ঞত্তিদুতিযঞত্তিচতুত্থকম্মেসু।
424.Kammañattīti kammabhūtā ñatti. Anussāvananirapekkhā ñattikammabhūtā ñattīti attho. Kammapādañatti nāma ñattidutiyakammādīsu anussāvanakammassa pādabhūtā adhiṭṭhānabhūtā ñatti. Navasu ṭhānesūti osāraṇādīsu navasu ṭhānesu. Dvīsu ṭhānesūti ñattidutiyañatticatutthakammesu.
সুত্তানুলোমন্তি উভতোৰিভঙ্গে সুত্তানুলোমভূতে মহাপদেসে সন্ধায ৰুত্তং। ৰিনযানুলোমন্তি খন্ধকপরিৰারানুলোমভূতে মহাপদেসে। সুত্তন্তিকে চত্তারো মহাপদেসেতি সুত্তাভিধম্মপিটকেসু অনুঞ্ঞাতপটিক্খিত্তসুত্তানুলোমৰসেন নযতো গহেতব্বে চত্তারো অত্থে।
Suttānulomanti ubhatovibhaṅge suttānulomabhūte mahāpadese sandhāya vuttaṃ. Vinayānulomanti khandhakaparivārānulomabhūte mahāpadese. Suttantike cattāro mahāpadeseti suttābhidhammapiṭakesu anuññātapaṭikkhittasuttānulomavasena nayato gahetabbe cattāro atthe.
৪২৫. দিট্ঠীনং আৰিকম্মানীতি আপত্তিলদ্ধীনং পকাসনানি, আপত্তিদেসনাকম্মানীতি অত্থো।
425.Diṭṭhīnaṃ āvikammānīti āpattiladdhīnaṃ pakāsanāni, āpattidesanākammānīti attho.
যথা চতূহি পঞ্চহি দিট্ঠি আৰিকতা হোতীতি যথা আৰিকতে চতূহি পঞ্চহি একীভূতেহি একস্স পুগ্গলস্স সন্তিকে আপত্তি দেসিতা নাম হোতি, এৰং দেসেতীতি অত্থো। এৰং দেসেন্তো চ অত্তনা সদ্ধিং তযো ৰা চত্তারো ৰা ভিক্খূ গহেত্ৰা একস্স সন্তিকে দেসেতি। এৰং দেসেতুং ন ৰট্টতি। দেসিতা চ আপত্তি ন ৰুট্ঠাতি, দেসনাপচ্চযা দুক্কটঞ্চ হোতি। দ্ৰিন্নং তিণ্ণং পন একতো দেসেতুং ৰট্টতি।
Yathā catūhi pañcahi diṭṭhi āvikatā hotīti yathā āvikate catūhi pañcahi ekībhūtehi ekassa puggalassa santike āpatti desitā nāma hoti, evaṃ desetīti attho. Evaṃ desento ca attanā saddhiṃ tayo vā cattāro vā bhikkhū gahetvā ekassa santike deseti. Evaṃ desetuṃ na vaṭṭati. Desitā ca āpatti na vuṭṭhāti, desanāpaccayā dukkaṭañca hoti. Dvinnaṃ tiṇṇaṃ pana ekato desetuṃ vaṭṭati.
৪৪৪. অদস্সনেনাতি ইমস্স অকপ্পিযং পরিৰজ্জেন্তানং ৰিনযধরানং পটিপত্তিযা অদস্সনেন , তেসং দিট্ঠানুগতিং অনাপজ্জনেনাতিপি অত্থো গহেতব্বো। অকপ্পিযে কপ্পিযসঅঞতাযাতি রজতাদিঅকপ্পিযে তিপুআদিসঞ্ঞিতায । পুচ্ছিত্ৰা ৰা অঞ্ঞেসং ৰা ৰুচ্চমানং অসুণন্তো আপজ্জতীতি এত্থ পুচ্ছিত্ৰা অসুণন্তো ৰা পুচ্ছিযমানং অসুণন্তো ৰাতি পচ্চেকং যোজেতব্বং। একরত্তাতিক্কমাদিৰসেনাতি অধিট্ঠিতচীৰরেন ৰিপ্পৰসিত্ৰা একরত্তাতিক্কমেন পাচিত্তিযং আপজ্জতি। আদি-সদ্দেন ছরত্তাতিক্কমাদীনং সঙ্গহো।
444.Adassanenāti imassa akappiyaṃ parivajjentānaṃ vinayadharānaṃ paṭipattiyā adassanena , tesaṃ diṭṭhānugatiṃ anāpajjanenātipi attho gahetabbo. Akappiye kappiyasaañatāyāti rajatādiakappiye tipuādisaññitāya . Pucchitvā vā aññesaṃ vā vuccamānaṃ asuṇanto āpajjatīti ettha pucchitvā asuṇanto vā pucchiyamānaṃ asuṇanto vāti paccekaṃ yojetabbaṃ. Ekarattātikkamādivasenāti adhiṭṭhitacīvarena vippavasitvā ekarattātikkamena pācittiyaṃ āpajjati. Ādi-saddena charattātikkamādīnaṃ saṅgaho.
৪৫০. অনত্থং কলিসাসনন্তি অনত্থাৰহং কোধৰচনং আরোপেন্তো দোসং আরোপেন্তো উপদ্দৰায পরিসক্কতীতি অত্থো।
450.Anatthaṃ kalisāsananti anatthāvahaṃ kodhavacanaṃ āropento dosaṃ āropento upaddavāya parisakkatīti attho.
৪৫৪. ৰোহারনিরুত্তিযন্তি তস্স তস্স অত্থস্স ৰাচকসদ্দে পভেদগতঞাণপ্পত্তো ন হোতীতি অত্থো।
454.Vohāraniruttiyanti tassa tassa atthassa vācakasadde pabhedagatañāṇappatto na hotīti attho.
৪৫৫. পরিমণ্ডলব্যঞ্জনারোপনে কুসলো ন হোতীতি পরিমণ্ডলেন পদব্যঞ্জনেন ৰত্থুং, পরেহি ৰুত্তং জানিতুঞ্চ অসমত্থোতি অত্থো।
455.Parimaṇḍalabyañjanāropane kusalo na hotīti parimaṇḍalena padabyañjanena vatthuṃ, parehi vuttaṃ jānituñca asamatthoti attho.
৪৫৮. অনুস্সাৰনেনাতি অনু অনু কথনেন। তেনাহ ‘‘ননু তুম্হে’’তিআদি, যং অৰোচুম্হ, স্ৰাযং পকাসিতোতি সম্বন্ধো। তত্থ যন্তি ইদং যস্মা ৰচনাপেক্খং ন হোতি, ৰচনত্থাপেক্খমেৰ, তস্মা তেন ৰচনেন নানাকরণাভাৰং পকাসযিস্সামাতি যমত্থং অৰোচুম্হাতি অত্থো গহেতব্বো। তেনেৰ ‘‘স্ৰায’’ন্তি পুল্লিঙ্গৰসেন পটিনিদ্দেসো কতো, তস্স সো অযং নানাকরণাভাৰোতি অত্থো।
458.Anussāvanenāti anu anu kathanena. Tenāha ‘‘nanu tumhe’’tiādi, yaṃ avocumha, svāyaṃ pakāsitoti sambandho. Tattha yanti idaṃ yasmā vacanāpekkhaṃ na hoti, vacanatthāpekkhameva, tasmā tena vacanena nānākaraṇābhāvaṃ pakāsayissāmāti yamatthaṃ avocumhāti attho gahetabbo. Teneva ‘‘svāya’’nti pulliṅgavasena paṭiniddeso kato, tassa so ayaṃ nānākaraṇābhāvoti attho.
৪৬৭. মঞ্চপদাদীসুপি নল়াটং পটিহঞ্ঞেয্যাতি অন্ধকারে চম্মখণ্ডং পঞ্ঞপেত্ৰা ৰন্দিতুং ওনমন্তস্স নল়াটং ৰা অক্খি ৰা মঞ্চাদীসু পটিহঞ্ঞতি। এতেন ৰন্দতোপি আপত্তিঅভাৰং ৰত্ৰা ৰন্দনায সব্বথা পটিক্খেপাভাৰঞ্চ দীপেতি। এৰং সব্বত্থ সুত্তন্তরেহি অপ্পটিক্খিত্তেসু। নগ্গাদীসু পন ৰন্দিতুং ন ৰট্টতীতি। একতো আৰট্টোতি একস্মিং দোসাগতিপক্খে পরিৰত্তো পৰিট্ঠোতি অত্থো। তেনাহ ‘‘সপত্তপক্খে ঠিতো’’তি। ৰন্দিযমানোতি ওনমিত্ৰা ৰন্দিযমানো। ৰন্দিতব্বেসু উদ্দেসাচরিযো, নিস্সযাচরিযো চ যস্মা নৰকাপি হোন্তি, তস্মা তে ৰুড্ঢা এৰ ৰন্দিযাতি ৰেদিতব্বা।
467.Mañcapadādīsupi naḷāṭaṃ paṭihaññeyyāti andhakāre cammakhaṇḍaṃ paññapetvā vandituṃ onamantassa naḷāṭaṃ vā akkhi vā mañcādīsu paṭihaññati. Etena vandatopi āpattiabhāvaṃ vatvā vandanāya sabbathā paṭikkhepābhāvañca dīpeti. Evaṃ sabbattha suttantarehi appaṭikkhittesu. Naggādīsu pana vandituṃ na vaṭṭatīti. Ekato āvaṭṭoti ekasmiṃ dosāgatipakkhe parivatto paviṭṭhoti attho. Tenāha ‘‘sapattapakkhe ṭhito’’ti. Vandiyamānoti onamitvā vandiyamāno. Vanditabbesu uddesācariyo, nissayācariyo ca yasmā navakāpi honti, tasmā te vuḍḍhā eva vandiyāti veditabbā.
৪৭০. পুব্বে ৰুত্তমেৰাতি সহসেয্যাদিপণ্ণত্তিৰজ্জং। ইতরন্তি সচিত্তকং।
470.Pubbevuttamevāti sahaseyyādipaṇṇattivajjaṃ. Itaranti sacittakaṃ.
ৰোহারৰগ্গাদিৰণ্ণনা নিট্ঠিতা।
Vohāravaggādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
৩. ৰোহারৰগ্গো • 3. Vohāravaggo
৪. দিট্ঠাৰিকম্মৰগ্গো • 4. Diṭṭhāvikammavaggo
৭. মুসাৰাদৰগ্গো • 7. Musāvādavaggo
৮. ভিক্খুনোৰাদৰগ্গো • 8. Bhikkhunovādavaggo
৯. উব্বাহিকৰগ্গো • 9. Ubbāhikavaggo
১০. অধিকরণৰূপসমৰগ্গো • 10. Adhikaraṇavūpasamavaggo
১৪. কথিনত্থারৰগ্গো • 14. Kathinatthāravaggo
১. পারাজিকং • 1. Pārājikaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā
ৰোহারৰগ্গৰণ্ণনা • Vohāravaggavaṇṇanā
দিট্ঠাৰিকম্মৰগ্গৰণ্ণনা • Diṭṭhāvikammavaggavaṇṇanā
মুসাৰাদৰগ্গৰণ্ণনা • Musāvādavaggavaṇṇanā
ভিক্খুনোৰাদৰগ্গৰণ্ণনা • Bhikkhunovādavaggavaṇṇanā
উব্বাহিকৰগ্গৰণ্ণনা • Ubbāhikavaggavaṇṇanā
অধিকরণৰূপসমৰগ্গৰণ্ণনা • Adhikaraṇavūpasamavaggavaṇṇanā
কথিনত্থারৰগ্গৰণ্ণনা • Kathinatthāravaggavaṇṇanā
আপত্তিসমুট্ঠানৰণ্ণনা • Āpattisamuṭṭhānavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
ৰোহারৰগ্গৰণ্ণনা • Vohāravaggavaṇṇanā
দিট্ঠাৰিকম্মৰগ্গৰণ্ণনা • Diṭṭhāvikammavaggavaṇṇanā
মুসাৰাদৰগ্গৰণ্ণনা • Musāvādavaggavaṇṇanā
ভিক্খুনোৰাদৰগ্গৰণ্ণনা • Bhikkhunovādavaggavaṇṇanā
অধিকরণৰূপসমৰগ্গৰণ্ণনা • Adhikaraṇavūpasamavaggavaṇṇanā
কথিনত্থারৰগ্গৰণ্ণনা • Kathinatthāravaggavaṇṇanā
সমুট্ঠানৰণ্ণনা • Samuṭṭhānavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā
ৰোহারৰগ্গৰণ্ণনা • Vohāravaggavaṇṇanā
দিট্ঠাৰিকম্মৰগ্গৰণ্ণনা • Diṭṭhāvikammavaggavaṇṇanā
মুসাৰাদৰগ্গৰণ্ণনা • Musāvādavaggavaṇṇanā
ভিক্খুনোৰাদৰগ্গৰণ্ণনা • Bhikkhunovādavaggavaṇṇanā
উব্বাহিকৰগ্গৰণ্ণনা • Ubbāhikavaggavaṇṇanā
অধিকরণৰূপসমৰগ্গৰণ্ণনা • Adhikaraṇavūpasamavaggavaṇṇanā
কথিনত্থারৰগ্গৰণ্ণনা • Kathinatthāravaggavaṇṇanā
আপত্তিসমুট্ঠানৰণ্ণনা • Āpattisamuṭṭhānavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
ৰোহারৰগ্গৰণ্ণনা • Vohāravaggavaṇṇanā
দিট্ঠাৰিকম্মৰগ্গৰণ্ণনা • Diṭṭhāvikammavaggavaṇṇanā
মুসাৰাদৰগ্গৰণ্ণনা • Musāvādavaggavaṇṇanā
ভিক্খুনোৰাদৰগ্গৰণ্ণনা • Bhikkhunovādavaggavaṇṇanā
উব্বাহিকৰগ্গৰণ্ণনা • Ubbāhikavaggavaṇṇanā
অধিকরণৰূপসমৰগ্গৰণ্ণনা • Adhikaraṇavūpasamavaggavaṇṇanā
কথিনত্থারৰগ্গৰণ্ণনা • Kathinatthāravaggavaṇṇanā
আপত্তিসমুট্ঠানৰণ্ণনা • Āpattisamuṭṭhānavaṇṇanā
