Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā

вохаараваг̇г̇аад̣̇иван̣н̣анаа

Vohāravaggādivaṇṇanā

424. гамман̃ад̇д̇ийд̇и гаммабхууд̇аа н̃ад̇д̇и. ануссаавананирабзгкаа н̃ад̇д̇игаммабхууд̇аа н̃ад̇д̇ийд̇и ад̇т̇о. гаммабаад̣̇ан̃ад̇д̇и наама н̃ад̇д̇ид̣̇уд̇ияагаммаад̣̇ийсу ануссааванагаммасса баад̣̇абхууд̇аа ад̇хидтаанабхууд̇аа н̃ад̇д̇и. навасу таанзсууд̇и осааран̣аад̣̇ийсу навасу таанзсу. д̣̇вийсу таанзсууд̇и н̃ад̇д̇ид̣̇уд̇ияан̃ад̇д̇ижад̇уд̇т̇агаммзсу.

424.Kammañattīti kammabhūtā ñatti. Anussāvananirapekkhā ñattikammabhūtā ñattīti attho. Kammapādañatti nāma ñattidutiyakammādīsu anussāvanakammassa pādabhūtā adhiṭṭhānabhūtā ñatti. Navasu ṭhānesūti osāraṇādīsu navasu ṭhānesu. Dvīsu ṭhānesūti ñattidutiyañatticatutthakammesu.

суд̇д̇аануломанд̇и убхад̇овибхан̇г̇з суд̇д̇аануломабхууд̇з махаабад̣̇зсз санд̇хааяа вуд̇д̇ам̣. винаяаануломанд̇и канд̇хагабариваараануломабхууд̇з махаабад̣̇зсз. суд̇д̇анд̇игз жад̇д̇ааро махаабад̣̇зсзд̇и суд̇д̇аабхид̇хаммабидагзсу анун̃н̃аад̇абадигкид̇д̇асуд̇д̇аануломавасзна наяад̇о г̇ахзд̇аб̣б̣з жад̇д̇ааро ад̇т̇з.

Suttānulomanti ubhatovibhaṅge suttānulomabhūte mahāpadese sandhāya vuttaṃ. Vinayānulomanti khandhakaparivārānulomabhūte mahāpadese. Suttantike cattāro mahāpadeseti suttābhidhammapiṭakesu anuññātapaṭikkhittasuttānulomavasena nayato gahetabbe cattāro atthe.

425. д̣̇идтийнам̣ аавигаммаанийд̇и аабад̇д̇илад̣̇д̇хийнам̣ багаасанаани, аабад̇д̇ид̣̇зсанаагаммаанийд̇и ад̇т̇о.

425.Diṭṭhīnaṃ āvikammānīti āpattiladdhīnaṃ pakāsanāni, āpattidesanākammānīti attho.

яат̇аа жад̇уухи бан̃жахи д̣̇идти аавигад̇аа ход̇ийд̇и яат̇аа аавигад̇з жад̇уухи бан̃жахи згийбхууд̇зхи згасса буг̇г̇аласса санд̇игз аабад̇д̇и д̣̇зсид̇аа наама ход̇и, звам̣ д̣̇зсзд̇ийд̇и ад̇т̇о. звам̣ д̣̇зсзнд̇о жа ад̇д̇анаа сад̣̇д̇хим̣ д̇аяо ваа жад̇д̇ааро ваа бхигкуу г̇ахзд̇ваа згасса санд̇игз д̣̇зсзд̇и. звам̣ д̣̇зсзд̇ум̣ на ваддад̇и. д̣̇зсид̇аа жа аабад̇д̇и на вудтаад̇и, д̣̇зсанаабажжаяаа д̣̇уггадан̃жа ход̇и. д̣̇виннам̣ д̇ин̣н̣ам̣ бана згад̇о д̣̇зсзд̇ум̣ ваддад̇и.

Yathā catūhi pañcahi diṭṭhi āvikatā hotīti yathā āvikate catūhi pañcahi ekībhūtehi ekassa puggalassa santike āpatti desitā nāma hoti, evaṃ desetīti attho. Evaṃ desento ca attanā saddhiṃ tayo vā cattāro vā bhikkhū gahetvā ekassa santike deseti. Evaṃ desetuṃ na vaṭṭati. Desitā ca āpatti na vuṭṭhāti, desanāpaccayā dukkaṭañca hoti. Dvinnaṃ tiṇṇaṃ pana ekato desetuṃ vaṭṭati.

444. ад̣̇ассанзнаад̇и имасса агаббияам̣ бариваж̇ж̇знд̇аанам̣ винаяад̇хараанам̣ бадибад̇д̇ияаа ад̣̇ассанзна , д̇зсам̣ д̣̇идтаануг̇ад̇им̣ анаабаж̇ж̇анзнаад̇иби ад̇т̇о г̇ахзд̇аб̣б̣о. агаббияз габбияасаан̃ад̇ааяаад̇и раж̇ад̇аад̣̇иагаббияз д̇ибуаад̣̇исан̃н̃ид̇ааяа . бужчид̇ваа ваа ан̃н̃зсам̣ ваа вужжамаанам̣ асун̣анд̇о аабаж̇ж̇ад̇ийд̇и зд̇т̇а бужчид̇ваа асун̣анд̇о ваа бужчияамаанам̣ асун̣анд̇о ваад̇и бажжзгам̣ яож̇зд̇аб̣б̣ам̣. згарад̇д̇аад̇иггамаад̣̇ивасзнаад̇и ад̇хидтид̇ажийварзна виббавасид̇ваа згарад̇д̇аад̇иггамзна баажид̇д̇ияам̣ аабаж̇ж̇ад̇и. аад̣̇и-сад̣̇д̣̇зна чарад̇д̇аад̇иггамаад̣̇ийнам̣ сан̇г̇ахо.

444.Adassanenāti imassa akappiyaṃ parivajjentānaṃ vinayadharānaṃ paṭipattiyā adassanena , tesaṃ diṭṭhānugatiṃ anāpajjanenātipi attho gahetabbo. Akappiye kappiyasaañatāyāti rajatādiakappiye tipuādisaññitāya . Pucchitvā vā aññesaṃ vā vuccamānaṃ asuṇanto āpajjatīti ettha pucchitvā asuṇanto vā pucchiyamānaṃ asuṇanto vāti paccekaṃ yojetabbaṃ. Ekarattātikkamādivasenāti adhiṭṭhitacīvarena vippavasitvā ekarattātikkamena pācittiyaṃ āpajjati. Ādi-saddena charattātikkamādīnaṃ saṅgaho.

450. анад̇т̇ам̣ галисаасананд̇и анад̇т̇аавахам̣ год̇хаважанам̣ ааробзнд̇о д̣̇осам̣ ааробзнд̇о убад̣̇д̣̇авааяа барисаггад̇ийд̇и ад̇т̇о.

450.Anatthaṃ kalisāsananti anatthāvahaṃ kodhavacanaṃ āropento dosaṃ āropento upaddavāya parisakkatīti attho.

454. вохааранируд̇д̇ияанд̇и д̇асса д̇асса ад̇т̇асса ваажагасад̣̇д̣̇з бабхзд̣̇аг̇ад̇ан̃аан̣аббад̇д̇о на ход̇ийд̇и ад̇т̇о.

454.Vohāraniruttiyanti tassa tassa atthassa vācakasadde pabhedagatañāṇappatto na hotīti attho.

455. бариман̣д̣алаб̣яан̃ж̇анааробанз гусало на ход̇ийд̇и бариман̣д̣алзна бад̣̇аб̣яан̃ж̇анзна вад̇т̇ум̣, барзхи вуд̇д̇ам̣ ж̇аанид̇ун̃жа асамад̇т̇од̇и ад̇т̇о.

455.Parimaṇḍalabyañjanāropane kusalo na hotīti parimaṇḍalena padabyañjanena vatthuṃ, parehi vuttaṃ jānituñca asamatthoti attho.

458. ануссааванзнаад̇и ану ану гат̇анзна. д̇знааха ‘‘нану д̇умхз’’д̇иаад̣̇и, яам̣ авожумха, свааяам̣ багаасид̇од̇и самб̣анд̇хо. д̇ад̇т̇а яанд̇и ид̣̇ам̣ яасмаа важанаабзгкам̣ на ход̇и, важанад̇т̇аабзгкамзва, д̇асмаа д̇зна важанзна наанаагаран̣аабхаавам̣ багаасаяиссаамаад̇и яамад̇т̇ам̣ авожумхаад̇и ад̇т̇о г̇ахзд̇аб̣б̣о. д̇знзва ‘‘свааяа’’нд̇и буллин̇г̇авасзна бадинид̣̇д̣̇зсо гад̇о, д̇асса со аяам̣ наанаагаран̣аабхаавод̇и ад̇т̇о.

458.Anussāvanenāti anu anu kathanena. Tenāha ‘‘nanu tumhe’’tiādi, yaṃ avocumha, svāyaṃ pakāsitoti sambandho. Tattha yanti idaṃ yasmā vacanāpekkhaṃ na hoti, vacanatthāpekkhameva, tasmā tena vacanena nānākaraṇābhāvaṃ pakāsayissāmāti yamatthaṃ avocumhāti attho gahetabbo. Teneva ‘‘svāya’’nti pulliṅgavasena paṭiniddeso kato, tassa so ayaṃ nānākaraṇābhāvoti attho.

467. ман̃жабад̣̇аад̣̇ийсуби нал̣аадам̣ бадихан̃н̃зяяаад̇и анд̇хагаарз жаммакан̣д̣ам̣ бан̃н̃абзд̇ваа ванд̣̇ид̇ум̣ онаманд̇асса нал̣аадам̣ ваа агки ваа ман̃жаад̣̇ийсу бадихан̃н̃ад̇и. зд̇зна ванд̣̇ад̇оби аабад̇д̇иабхаавам̣ вад̇ваа ванд̣̇анааяа саб̣б̣ат̇аа бадигкзбаабхааван̃жа д̣̇ийбзд̇и. звам̣ саб̣б̣ад̇т̇а суд̇д̇анд̇арзхи аббадигкид̇д̇зсу. наг̇г̇аад̣̇ийсу бана ванд̣̇ид̇ум̣ на ваддад̇ийд̇и. згад̇о ааваддод̇и згасмим̣ д̣̇осааг̇ад̇ибагкз баривад̇д̇о бавидтод̇и ад̇т̇о. д̇знааха ‘‘сабад̇д̇абагкз тид̇о’’д̇и. ванд̣̇ияамаанод̇и онамид̇ваа ванд̣̇ияамаано. ванд̣̇ид̇аб̣б̣зсу уд̣̇д̣̇зсаажарияо, ниссаяаажарияо жа яасмаа навагааби хонд̇и, д̇асмаа д̇з вуд̣дхаа зва ванд̣̇ияаад̇и взд̣̇ид̇аб̣б̣аа.

467.Mañcapadādīsupi naḷāṭaṃ paṭihaññeyyāti andhakāre cammakhaṇḍaṃ paññapetvā vandituṃ onamantassa naḷāṭaṃ vā akkhi vā mañcādīsu paṭihaññati. Etena vandatopi āpattiabhāvaṃ vatvā vandanāya sabbathā paṭikkhepābhāvañca dīpeti. Evaṃ sabbattha suttantarehi appaṭikkhittesu. Naggādīsu pana vandituṃ na vaṭṭatīti. Ekato āvaṭṭoti ekasmiṃ dosāgatipakkhe parivatto paviṭṭhoti attho. Tenāha ‘‘sapattapakkhe ṭhito’’ti. Vandiyamānoti onamitvā vandiyamāno. Vanditabbesu uddesācariyo, nissayācariyo ca yasmā navakāpi honti, tasmā te vuḍḍhā eva vandiyāti veditabbā.

470. буб̣б̣з вуд̇д̇амзваад̇и сахасзяяаад̣̇ибан̣н̣ад̇д̇иваж̇ж̇ам̣. ид̇аранд̇и сажид̇д̇агам̣.

470.Pubbevuttamevāti sahaseyyādipaṇṇattivajjaṃ. Itaranti sacittakaṃ.

вохаараваг̇г̇аад̣̇иван̣н̣анаа нидтид̇аа.

Vohāravaggādivaṇṇanā niṭṭhitā.

Next: абарад̣̇уд̇ияаг̇аат̇аасан̇г̇ан̣игам̣ • Aparadutiyagāthāsaṅgaṇikaṃ

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
вохаараваг̇г̇аван̣н̣анаа • Vohāravaggavaṇṇanā
д̣̇идтаавигаммаваг̇г̇аван̣н̣анаа • Diṭṭhāvikammavaggavaṇṇanā
мусааваад̣̇аваг̇г̇аван̣н̣анаа • Musāvādavaggavaṇṇanā
бхигкуноваад̣̇аваг̇г̇аван̣н̣анаа • Bhikkhunovādavaggavaṇṇanā
ад̇хигаран̣авуубасамаваг̇г̇аван̣н̣анаа • Adhikaraṇavūpasamavaggavaṇṇanā
гат̇инад̇т̇аараваг̇г̇аван̣н̣анаа • Kathinatthāravaggavaṇṇanā
самудтаанаван̣н̣анаа • Samuṭṭhānavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact