| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
වොහාරවග්‌ගාදිවණ්‌ණනා
Vohāravaggādivaṇṇanā
424. කම්‌මඤත්‌තීති කම්‌මභූතා ඤත්‌ති. අනුස්‌සාවනනිරපෙක්‌ඛා ඤත්‌තිකම්‌මභූතා ඤත්‌තීති අත්‌ථො. කම්‌මපාදඤත්‌ති නාම ඤත්‌තිදුතියකම්‌මාදීසු අනුස්‌සාවනකම්‌මස්‌ස පාදභූතා අධිට්‌ඨානභූතා ඤත්‌ති. නවසු ඨානෙසූති ඔසාරණාදීසු නවසු ඨානෙසු. ද්‌වීසු ඨානෙසූති ඤත්‌තිදුතියඤත්‌තිචතුත්‌ථකම්‌මෙසු.
424.Kammañattīti kammabhūtā ñatti. Anussāvananirapekkhā ñattikammabhūtā ñattīti attho. Kammapādañatti nāma ñattidutiyakammādīsu anussāvanakammassa pādabhūtā adhiṭṭhānabhūtā ñatti. Navasu ṭhānesūti osāraṇādīsu navasu ṭhānesu. Dvīsu ṭhānesūti ñattidutiyañatticatutthakammesu.
සුත්‌තානුලොමන්‌ති උභතොවිභඞ්‌ගෙ සුත්‌තානුලොමභූතෙ මහාපදෙසෙ සන්‌ධාය වුත්‌තං. විනයානුලොමන්‌ති ඛන්‌ධකපරිවාරානුලොමභූතෙ මහාපදෙසෙ. සුත්‌තන්‌තිකෙ චත්‌තාරො මහාපදෙසෙති සුත්‌තාභිධම්‌මපිටකෙසු අනුඤ්‌ඤාතපටික්‌ඛිත්‌තසුත්‌තානුලොමවසෙන නයතො ගහෙතබ්‌බෙ චත්‌තාරො අත්‌ථෙ.
Suttānulomanti ubhatovibhaṅge suttānulomabhūte mahāpadese sandhāya vuttaṃ. Vinayānulomanti khandhakaparivārānulomabhūte mahāpadese. Suttantike cattāro mahāpadeseti suttābhidhammapiṭakesu anuññātapaṭikkhittasuttānulomavasena nayato gahetabbe cattāro atthe.
425. දිට්‌ඨීනං ආවිකම්‌මානීති ආපත්‌තිලද්‌ධීනං පකාසනානි, ආපත්‌තිදෙසනාකම්‌මානීති අත්‌ථො.
425.Diṭṭhīnaṃ āvikammānīti āpattiladdhīnaṃ pakāsanāni, āpattidesanākammānīti attho.
යථා චතූහි පඤ්‌චහි දිට්‌ඨි ආවිකතා හොතීති යථා ආවිකතෙ චතූහි පඤ්‌චහි එකීභූතෙහි එකස්‌ස පුග්‌ගලස්‌ස සන්‌තිකෙ ආපත්‌ති දෙසිතා නාම හොති, එවං දෙසෙතීති අත්‌ථො. එවං දෙසෙන්‌තො ච අත්‌තනා සද්‌ධිං තයො වා චත්‌තාරො වා භික්‌ඛූ ගහෙත්‌වා එකස්‌ස සන්‌තිකෙ දෙසෙති. එවං දෙසෙතුං න වට්‌ටති. දෙසිතා ච ආපත්‌ති න වුට්‌ඨාති, දෙසනාපච්‌චයා දුක්‌කටඤ්‌ච හොති. ද්‌වින්‌නං තිණ්‌ණං පන එකතො දෙසෙතුං වට්‌ටති.
Yathā catūhi pañcahi diṭṭhi āvikatā hotīti yathā āvikate catūhi pañcahi ekībhūtehi ekassa puggalassa santike āpatti desitā nāma hoti, evaṃ desetīti attho. Evaṃ desento ca attanā saddhiṃ tayo vā cattāro vā bhikkhū gahetvā ekassa santike deseti. Evaṃ desetuṃ na vaṭṭati. Desitā ca āpatti na vuṭṭhāti, desanāpaccayā dukkaṭañca hoti. Dvinnaṃ tiṇṇaṃ pana ekato desetuṃ vaṭṭati.
444. අදස්‌සනෙනාති ඉමස්‌ස අකප්‌පියං පරිවජ්‌ජෙන්‌තානං විනයධරානං පටිපත්‌තියා අදස්‌සනෙන , තෙසං දිට්‌ඨානුගතිං අනාපජ්‌ජනෙනාතිපි අත්‌ථො ගහෙතබ්‌බො. අකප්‌පියෙ කප්‌පියසඅඤතායාති රජතාදිඅකප්‌පියෙ තිපුආදිසඤ්‌ඤිතාය . පුච්‌ඡිත්‌වා වා අඤ්‌ඤෙසං වා වුච්‌චමානං අසුණන්‌තො ආපජ්‌ජතීති එත්‌ථ පුච්‌ඡිත්‌වා අසුණන්‌තො වා පුච්‌ඡියමානං අසුණන්‌තො වාති පච්‌චෙකං යොජෙතබ්‌බං. එකරත්‌තාතික්‌කමාදිවසෙනාති අධිට්‌ඨිතචීවරෙන විප්‌පවසිත්‌වා එකරත්‌තාතික්‌කමෙන පාචිත්‌තියං ආපජ්‌ජති. ආදි-සද්‌දෙන ඡරත්‌තාතික්‌කමාදීනං සඞ්‌ගහො.
444.Adassanenāti imassa akappiyaṃ parivajjentānaṃ vinayadharānaṃ paṭipattiyā adassanena , tesaṃ diṭṭhānugatiṃ anāpajjanenātipi attho gahetabbo. Akappiye kappiyasaañatāyāti rajatādiakappiye tipuādisaññitāya . Pucchitvā vā aññesaṃ vā vuccamānaṃ asuṇanto āpajjatīti ettha pucchitvā asuṇanto vā pucchiyamānaṃ asuṇanto vāti paccekaṃ yojetabbaṃ. Ekarattātikkamādivasenāti adhiṭṭhitacīvarena vippavasitvā ekarattātikkamena pācittiyaṃ āpajjati. Ādi-saddena charattātikkamādīnaṃ saṅgaho.
450. අනත්‌ථං කලිසාසනන්‌ති අනත්‌ථාවහං කොධවචනං ආරොපෙන්‌තො දොසං ආරොපෙන්‌තො උපද්‌දවාය පරිසක්‌කතීති අත්‌ථො.
450.Anatthaṃ kalisāsananti anatthāvahaṃ kodhavacanaṃ āropento dosaṃ āropento upaddavāya parisakkatīti attho.
454. වොහාරනිරුත්‌තියන්‌ති තස්‌ස තස්‌ස අත්‌ථස්‌ස වාචකසද්‌දෙ පභෙදගතඤාණප්‌පත්‌තො න හොතීති අත්‌ථො.
454.Vohāraniruttiyanti tassa tassa atthassa vācakasadde pabhedagatañāṇappatto na hotīti attho.
455. පරිමණ්‌ඩලබ්‍යඤ්‌ජනාරොපනෙ කුසලො න හොතීති පරිමණ්‌ඩලෙන පදබ්‍යඤ්‌ජනෙන වත්‌ථුං, පරෙහි වුත්‌තං ජානිතුඤ්‌ච අසමත්‌ථොති අත්‌ථො.
455.Parimaṇḍalabyañjanāropane kusalo na hotīti parimaṇḍalena padabyañjanena vatthuṃ, parehi vuttaṃ jānituñca asamatthoti attho.
458. අනුස්‌සාවනෙනාති අනු අනු කථනෙන. තෙනාහ ‘‘නනු තුම්‌හෙ’’තිආදි, යං අවොචුම්‌හ, ස්‌වායං පකාසිතොති සම්‌බන්‌ධො. තත්‌ථ යන්‌ති ඉදං යස්‌මා වචනාපෙක්‌ඛං න හොති, වචනත්‌ථාපෙක්‌ඛමෙව, තස්‌මා තෙන වචනෙන නානාකරණාභාවං පකාසයිස්‌සාමාති යමත්‌ථං අවොචුම්‌හාති අත්‌ථො ගහෙතබ්‌බො. තෙනෙව ‘‘ස්‌වාය’’න්‌ති පුල්‌ලිඞ්‌ගවසෙන පටිනිද්‌දෙසො කතො, තස්‌ස සො අයං නානාකරණාභාවොති අත්‌ථො.
458.Anussāvanenāti anu anu kathanena. Tenāha ‘‘nanu tumhe’’tiādi, yaṃ avocumha, svāyaṃ pakāsitoti sambandho. Tattha yanti idaṃ yasmā vacanāpekkhaṃ na hoti, vacanatthāpekkhameva, tasmā tena vacanena nānākaraṇābhāvaṃ pakāsayissāmāti yamatthaṃ avocumhāti attho gahetabbo. Teneva ‘‘svāya’’nti pulliṅgavasena paṭiniddeso kato, tassa so ayaṃ nānākaraṇābhāvoti attho.
467. මඤ්‌චපදාදීසුපි නළාටං පටිහඤ්‌ඤෙය්‍යාති අන්‌ධකාරෙ චම්‌මඛණ්‌ඩං පඤ්‌ඤපෙත්‌වා වන්‌දිතුං ඔනමන්‌තස්‌ස නළාටං වා අක්‌ඛි වා මඤ්‌චාදීසු පටිහඤ්‌ඤති. එතෙන වන්‌දතොපි ආපත්‌තිඅභාවං වත්‌වා වන්‌දනාය සබ්‌බථා පටික්‌ඛෙපාභාවඤ්‌ච දීපෙති. එවං සබ්‌බත්‌ථ සුත්‌තන්‌තරෙහි අප්‌පටික්‌ඛිත්‌තෙසු. නග්‌ගාදීසු පන වන්‌දිතුං න වට්‌ටතීති. එකතො ආවට්‌ටොති එකස්‌මිං දොසාගතිපක්‌ඛෙ පරිවත්‌තො පවිට්‌ඨොති අත්‌ථො. තෙනාහ ‘‘සපත්‌තපක්‌ඛෙ ඨිතො’’ති. වන්‌දියමානොති ඔනමිත්‌වා වන්‌දියමානො. වන්‌දිතබ්‌බෙසු උද්‌දෙසාචරියො, නිස්‌සයාචරියො ච යස්‌මා නවකාපි හොන්‌ති, තස්‌මා තෙ වුඩ්‌ඪා එව වන්‌දියාති වෙදිතබ්‌බා.
467.Mañcapadādīsupi naḷāṭaṃ paṭihaññeyyāti andhakāre cammakhaṇḍaṃ paññapetvā vandituṃ onamantassa naḷāṭaṃ vā akkhi vā mañcādīsu paṭihaññati. Etena vandatopi āpattiabhāvaṃ vatvā vandanāya sabbathā paṭikkhepābhāvañca dīpeti. Evaṃ sabbattha suttantarehi appaṭikkhittesu. Naggādīsu pana vandituṃ na vaṭṭatīti. Ekato āvaṭṭoti ekasmiṃ dosāgatipakkhe parivatto paviṭṭhoti attho. Tenāha ‘‘sapattapakkhe ṭhito’’ti. Vandiyamānoti onamitvā vandiyamāno. Vanditabbesu uddesācariyo, nissayācariyo ca yasmā navakāpi honti, tasmā te vuḍḍhā eva vandiyāti veditabbā.
470. පුබ්‌බෙ වුත්‌තමෙවාති සහසෙය්‍යාදිපණ්‌ණත්‌තිවජ්‌ජං. ඉතරන්‌ති සචිත්‌තකං.
470.Pubbevuttamevāti sahaseyyādipaṇṇattivajjaṃ. Itaranti sacittakaṃ.
වොහාරවග්‌ගාදිවණ්‌ණනා නිට්‌ඨිතා.
Vohāravaggādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
3. වොහාරවග්‌ගො • 3. Vohāravaggo
4. දිට්‌ඨාවිකම්‌මවග්‌ගො • 4. Diṭṭhāvikammavaggo
7. මුසාවාදවග්‌ගො • 7. Musāvādavaggo
8. භික්‌ඛුනොවාදවග්‌ගො • 8. Bhikkhunovādavaggo
9. උබ්‌බාහිකවග්‌ගො • 9. Ubbāhikavaggo
10. අධිකරණවූපසමවග්‌ගො • 10. Adhikaraṇavūpasamavaggo
14. කථිනත්‌ථාරවග්‌ගො • 14. Kathinatthāravaggo
1. පාරාජිකං • 1. Pārājikaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā
වොහාරවග්‌ගවණ්‌ණනා • Vohāravaggavaṇṇanā
දිට්‌ඨාවිකම්‌මවග්‌ගවණ්‌ණනා • Diṭṭhāvikammavaggavaṇṇanā
මුසාවාදවග්‌ගවණ්‌ණනා • Musāvādavaggavaṇṇanā
භික්‌ඛුනොවාදවග්‌ගවණ්‌ණනා • Bhikkhunovādavaggavaṇṇanā
උබ්‌බාහිකවග්‌ගවණ්‌ණනා • Ubbāhikavaggavaṇṇanā
අධිකරණවූපසමවග්‌ගවණ්‌ණනා • Adhikaraṇavūpasamavaggavaṇṇanā
කථිනත්‌ථාරවග්‌ගවණ්‌ණනා • Kathinatthāravaggavaṇṇanā
ආපත්‌තිසමුට්‌ඨානවණ්‌ණනා • Āpattisamuṭṭhānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā
වොහාරවග්‌ගවණ්‌ණනා • Vohāravaggavaṇṇanā
දිට්‌ඨාවිකම්‌මවග්‌ගවණ්‌ණනා • Diṭṭhāvikammavaggavaṇṇanā
මුසාවාදවග්‌ගවණ්‌ණනා • Musāvādavaggavaṇṇanā
භික්‌ඛුනොවාදවග්‌ගවණ්‌ණනා • Bhikkhunovādavaggavaṇṇanā
අධිකරණවූපසමවග්‌ගවණ්‌ණනා • Adhikaraṇavūpasamavaggavaṇṇanā
කථිනත්‌ථාරවග්‌ගවණ්‌ණනා • Kathinatthāravaggavaṇṇanā
සමුට්‌ඨානවණ්‌ණනා • Samuṭṭhānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā
වොහාරවග්‌ගවණ්‌ණනා • Vohāravaggavaṇṇanā
දිට්‌ඨාවිකම්‌මවග්‌ගවණ්‌ණනා • Diṭṭhāvikammavaggavaṇṇanā
මුසාවාදවග්‌ගවණ්‌ණනා • Musāvādavaggavaṇṇanā
භික්‌ඛුනොවාදවග්‌ගවණ්‌ණනා • Bhikkhunovādavaggavaṇṇanā
උබ්‌බාහිකවග්‌ගවණ්‌ණනා • Ubbāhikavaggavaṇṇanā
අධිකරණවූපසමවග්‌ගවණ්‌ණනා • Adhikaraṇavūpasamavaggavaṇṇanā
කථිනත්‌ථාරවග්‌ගවණ්‌ණනා • Kathinatthāravaggavaṇṇanā
ආපත්‌තිසමුට්‌ඨානවණ්‌ණනා • Āpattisamuṭṭhānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi
වොහාරවග්‌ගවණ්‌ණනා • Vohāravaggavaṇṇanā
දිට්‌ඨාවිකම්‌මවග්‌ගවණ්‌ණනා • Diṭṭhāvikammavaggavaṇṇanā
මුසාවාදවග්‌ගවණ්‌ණනා • Musāvādavaggavaṇṇanā
භික්‌ඛුනොවාදවග්‌ගවණ්‌ණනා • Bhikkhunovādavaggavaṇṇanā
උබ්‌බාහිකවග්‌ගවණ්‌ණනා • Ubbāhikavaggavaṇṇanā
අධිකරණවූපසමවග්‌ගවණ්‌ණනා • Adhikaraṇavūpasamavaggavaṇṇanā
කථිනත්‌ථාරවග්‌ගවණ්‌ණනා • Kathinatthāravaggavaṇṇanā
ආපත්‌තිසමුට්‌ඨානවණ්‌ණනා • Āpattisamuṭṭhānavaṇṇanā
