| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
вохаараваг̇г̇аван̣н̣анаа
Vohāravaggavaṇṇanā
424. аабад̇д̇ияаа баяог̇ам̣ на ж̇аанаад̇ийд̇и ‘‘аяам̣ аабад̇д̇и гааяаббаяог̇аа, аяам̣ важийбаяог̇аа’’д̇и на ж̇аанаад̇и. аабад̇д̇ияаа вуубасамам̣ на ж̇аанаад̇ийд̇и ‘‘аяам̣ аабад̇д̇и д̣̇зсанааяа вуубасамад̇и, аяам̣ вудтаанзна, аяам̣ нзва д̣̇зсанааяа на вудтаанзнаа’’д̇и на ж̇аанаад̇и. аабад̇д̇ияаа на винижчаяагусало ход̇ийд̇и ‘‘имасмим̣ вад̇т̇усмим̣ аяам̣ аабад̇д̇ий’’д̇и на ж̇аанаад̇и, д̣̇осаануруубам̣ аабад̇д̇им̣ уд̣̇д̇харид̇ваа бад̇идтаабзд̇ум̣ на саггод̇и.
424.Āpattiyā payogaṃ na jānātīti ‘‘ayaṃ āpatti kāyappayogā, ayaṃ vacīpayogā’’ti na jānāti. Āpattiyā vūpasamaṃ na jānātīti ‘‘ayaṃ āpatti desanāya vūpasamati, ayaṃ vuṭṭhānena, ayaṃ neva desanāya na vuṭṭhānenā’’ti na jānāti. Āpattiyā na vinicchayakusalohotīti ‘‘imasmiṃ vatthusmiṃ ayaṃ āpattī’’ti na jānāti, dosānurūpaṃ āpattiṃ uddharitvā patiṭṭhāpetuṃ na sakkoti.
ад̇хигаран̣асамудтаанам̣ на ж̇аанаад̇ийд̇и ‘‘ид̣̇ам̣ ад̇хигаран̣ам̣ адтаараса бхзд̣̇агаравад̇т̇ууни ниссааяа самудтаад̇и, ид̣̇ам̣ жад̇ассо вибад̇д̇ияо, ид̣̇ам̣ бан̃жа ваа сад̇д̇а ваа аабад̇д̇игканд̇хз, ид̣̇ам̣ жад̇д̇аари сан̇гхагижжаани ниссааяа самудтаад̇ий’’д̇и на ж̇аанаад̇и. баяог̇ам̣ на ж̇аанаад̇ийд̇и ‘‘ид̣̇ам̣ ад̇хигаран̣ам̣ д̣̇ваад̣̇асамуулаббаяог̇ам̣, ид̣̇ам̣ жуд̣̇д̣̇асамуулаббаяог̇ам̣, ид̣̇ам̣ чамуулабаяог̇ам̣, ид̣̇ам̣ згамуулабаяог̇а’’нд̇и на ж̇аанаад̇и. ад̇хигаран̣аанан̃хи яат̇аасагам̣мууламзва баяог̇аа наама хонд̇и, д̇ам̣ саб̣б̣амби на ж̇аанаад̇ийд̇и ад̇т̇о. вуубасамам̣ на ж̇аанаад̇ийд̇и ‘‘ид̣̇ам̣ ад̇хигаран̣ам̣ д̣̇вийхи самат̇зхи вуубасамад̇и, ид̣̇ам̣ д̇ийхи, ид̣̇ам̣ жад̇уухи, ид̣̇ам̣ згзна самат̇зна вуубасамад̇ий’’д̇и на ж̇аанаад̇и. на винижчаяагусало ход̇ийд̇и ад̇хигаран̣ам̣ винижчинид̇ваа самат̇ам̣ баабзд̇ум̣ на ж̇аанаад̇и.
Adhikaraṇasamuṭṭhānaṃ na jānātīti ‘‘idaṃ adhikaraṇaṃ aṭṭhārasa bhedakaravatthūni nissāya samuṭṭhāti, idaṃ catasso vipattiyo, idaṃ pañca vā satta vā āpattikkhandhe, idaṃ cattāri saṅghakiccāni nissāya samuṭṭhātī’’ti na jānāti. Payogaṃ na jānātīti ‘‘idaṃ adhikaraṇaṃ dvādasamūlappayogaṃ, idaṃ cuddasamūlappayogaṃ, idaṃ chamūlapayogaṃ, idaṃ ekamūlapayoga’’nti na jānāti. Adhikaraṇānañhi yathāsakaṃmūlameva payogā nāma honti, taṃ sabbampi na jānātīti attho. Vūpasamaṃ na jānātīti ‘‘idaṃ adhikaraṇaṃ dvīhi samathehi vūpasamati, idaṃ tīhi, idaṃ catūhi, idaṃ ekena samathena vūpasamatī’’ti na jānāti. Na vinicchayakusalo hotīti adhikaraṇaṃ vinicchinitvā samathaṃ pāpetuṃ na jānāti.
гаммам̣ на ж̇аанаад̇ийд̇и д̇аж̇ж̇анийяаад̣̇и сад̇д̇авид̇хам̣ гаммам̣ на ж̇аанаад̇и. гаммасса гаран̣ам̣ на ж̇аанаад̇ийд̇и ‘‘ид̣̇ам̣ гаммам̣ иминаа нийхаарзна гаад̇аб̣б̣а’’нд̇и на ж̇аанаад̇и. гаммасса вад̇т̇ум̣ на ж̇аанаад̇ийд̇и ‘‘ид̣̇ам̣ д̇аж̇ж̇анийяасса вад̇т̇у, ид̣̇ам̣ нияассаад̣̇ийна’’нд̇и на ж̇аанаад̇и. вад̇д̇анд̇и сад̇д̇асу гаммзсу хздтаа жад̇уннам̣ гаммаанам̣ адтаарасавид̇хам̣ д̇ивид̇хасса жа угкзбанийяагаммасса д̇зжад̇д̇аалийсавид̇хам̣ вад̇д̇ам̣ на ж̇аанаад̇и. гаммасса вуубасамам̣ на ж̇аанаад̇ийд̇и ‘‘яо бхигку вад̇д̇з вад̇д̇ид̇ваа яаажад̇и, д̇асса гаммам̣ бадиббассамбхзд̇аб̣б̣ам̣, ажжаяо д̣̇зсаабзд̇аб̣б̣о’’д̇и на ж̇аанаад̇и.
Kammaṃ na jānātīti tajjanīyādi sattavidhaṃ kammaṃ na jānāti. Kammassa karaṇaṃ na jānātīti ‘‘idaṃ kammaṃ iminā nīhārena kātabba’’nti na jānāti. Kammassa vatthuṃ na jānātīti ‘‘idaṃ tajjanīyassa vatthu, idaṃ niyassādīna’’nti na jānāti. Vattanti sattasu kammesu heṭṭhā catunnaṃ kammānaṃ aṭṭhārasavidhaṃ tividhassa ca ukkhepanīyakammassa tecattālīsavidhaṃ vattaṃ na jānāti. Kammassa vūpasamaṃ na jānātīti ‘‘yo bhikkhu vatte vattitvā yācati, tassa kammaṃ paṭippassambhetabbaṃ, accayo desāpetabbo’’ti na jānāti.
вад̇т̇ум̣ на ж̇аанаад̇ийд̇и сад̇д̇аннам̣ аабад̇д̇игканд̇хаанам̣ вад̇т̇ум̣ на ж̇аанаад̇и. нид̣̇аанам̣ на ж̇аанаад̇ийд̇и ‘‘ид̣̇ам̣ сигкаабад̣̇ам̣ имасмим̣ наг̇арз бан̃н̃ад̇д̇ам̣, ид̣̇ам̣ имасми’’нд̇и на ж̇аанаад̇и. бан̃н̃ад̇д̇им̣ на ж̇аанаад̇ийд̇и бан̃н̃ад̇д̇ианубан̃н̃ад̇д̇иануббаннабан̃н̃ад̇д̇ивасзна д̇ивид̇хам̣ бан̃н̃ад̇д̇им̣ на ж̇аанаад̇и. бад̣̇абажжаабхадтам̣ на ж̇аанаад̇ийд̇и саммукаа гаад̇аб̣б̣ам̣ бад̣̇ам̣ на ж̇аанаад̇и. ‘‘б̣уд̣̇д̇хо бхаг̇аваа’’д̇и вад̇д̇аб̣б̣з ‘‘бхаг̇аваа б̣уд̣̇д̇хо’’д̇и хздтубарияам̣ гад̇ваа бад̣̇ам̣ яож̇зд̇и.
Vatthuṃ na jānātīti sattannaṃ āpattikkhandhānaṃ vatthuṃ na jānāti. Nidānaṃ na jānātīti ‘‘idaṃ sikkhāpadaṃ imasmiṃ nagare paññattaṃ, idaṃ imasmi’’nti na jānāti. Paññattiṃ na jānātīti paññattianupaññattianuppannapaññattivasena tividhaṃ paññattiṃ na jānāti. Padapaccābhaṭṭhaṃ na jānātīti sammukhā kātabbaṃ padaṃ na jānāti. ‘‘Buddho bhagavā’’ti vattabbe ‘‘bhagavā buddho’’ti heṭṭhupariyaṃ katvā padaṃ yojeti.
агусало жа ход̇и винаязд̇и винаяабаал̣ияан̃жа адтагат̇ааяан̃жа агусало ход̇и.
Akusalo ca hoti vinayeti vinayapāḷiyañca aṭṭhakathāyañca akusalo hoti.
н̃ад̇д̇им̣ на ж̇аанаад̇ийд̇и сан̇кзбад̇о хи д̣̇увид̇хаа н̃ад̇д̇и – ‘‘зсаа н̃ад̇д̇ий’’д̇и звам̣ нид̣̇д̣̇идтаа жа анид̣̇д̣̇идтаа жа. д̇ад̇т̇а яаа звам̣ анид̣̇д̣̇идтаа, саа ‘‘гамман̃ад̇д̇и’’ наама ход̇и. яаа нид̣̇д̣̇идтаа, саа ‘‘гаммабаад̣̇ан̃ад̇д̇и’’ наама, д̇ам̣ саб̣б̣зна саб̣б̣ам̣ н̃ад̇д̇им̣ на ж̇аанаад̇и. н̃ад̇д̇ияаа гаран̣ам̣ на ж̇аанаад̇ийд̇и навасу таанзсу гамман̃ад̇д̇ияаа гаран̣ам̣ на ж̇аанаад̇и, д̣̇вийсу таанзсу гаммабаад̣̇ан̃ад̇д̇ияаа. н̃ад̇д̇ияаа ануссаавананд̇и ‘‘имиссаа н̃ад̇д̇ияаа згаа ануссааванаа, имиссаа д̇иссо’’д̇и на ж̇аанаад̇и. н̃ад̇д̇ияаа самат̇ам̣ на ж̇аанаад̇ийд̇и явааяам̣ сад̇ивинаяо, амуул̣хавинаяо, д̇ассабаабияасигаа, д̇ин̣авад̇т̇аарагод̇и жад̇уб̣б̣ид̇хо самат̇о н̃ад̇д̇ияаа винаа на ход̇и, д̇ам̣ н̃ад̇д̇ияаа самат̇од̇и на ж̇аанаад̇и. н̃ад̇д̇ияаа вуубасамам̣ на ж̇аанаад̇ийд̇и яам̣ ад̇хигаран̣ам̣ иминаа жад̇уб̣б̣ид̇хзна н̃ад̇д̇исамат̇зна вуубасамад̇и, д̇асса д̇ам̣ вуубасамам̣ ‘‘аяам̣ н̃ад̇д̇ияаа вуубасамо гад̇о’’д̇и на ж̇аанаад̇и.
Ñattiṃ na jānātīti saṅkhepato hi duvidhā ñatti – ‘‘esā ñattī’’ti evaṃ niddiṭṭhā ca aniddiṭṭhā ca. Tattha yā evaṃ aniddiṭṭhā, sā ‘‘kammañatti’’ nāma hoti. Yā niddiṭṭhā, sā ‘‘kammapādañatti’’ nāma, taṃ sabbena sabbaṃ ñattiṃ na jānāti. Ñattiyākaraṇaṃ na jānātīti navasu ṭhānesu kammañattiyā karaṇaṃ na jānāti, dvīsu ṭhānesu kammapādañattiyā. Ñattiyā anussāvananti ‘‘imissā ñattiyā ekā anussāvanā, imissā tisso’’ti na jānāti. Ñattiyā samathaṃ na jānātīti yvāyaṃ sativinayo, amūḷhavinayo, tassapāpiyasikā, tiṇavatthārakoti catubbidho samatho ñattiyā vinā na hoti, taṃ ñattiyā samathoti na jānāti. Ñattiyā vūpasamaṃ na jānātīti yaṃ adhikaraṇaṃ iminā catubbidhena ñattisamathena vūpasamati, tassa taṃ vūpasamaṃ ‘‘ayaṃ ñattiyā vūpasamo kato’’ti na jānāti.
суд̇д̇ам̣ на ж̇аанаад̇ийд̇и убхад̇овибхан̇г̇ам̣ на ж̇аанаад̇и. суд̇д̇аануломам̣ на ж̇аанаад̇ийд̇и жад̇д̇ааро махаабад̣̇зсз на ж̇аанаад̇и. винаяам̣ на ж̇аанаад̇ийд̇и канд̇хагабариваарам̣ на ж̇аанаад̇и. винаяаануломам̣ на ж̇аанаад̇ийд̇и жад̇д̇ааро махаабад̣̇зсзязва на ж̇аанаад̇и. на жа таанаатаанагусалод̇и гааран̣аагааран̣агусало на ход̇и.
Suttaṃ na jānātīti ubhatovibhaṅgaṃ na jānāti. Suttānulomaṃ na jānātīti cattāro mahāpadese na jānāti. Vinayaṃ na jānātīti khandhakaparivāraṃ na jānāti. Vinayānulomaṃ na jānātīti cattāro mahāpadeseyeva na jānāti. Na ca ṭhānāṭhānakusaloti kāraṇākāraṇakusalo na hoti.
д̇хаммам̣ на ж̇аанаад̇ийд̇и табзд̇ваа винаяабидагам̣ авасзсам̣ бидагад̣̇ваяам̣ на ж̇аанаад̇и. д̇хаммаануломам̣ на ж̇аанаад̇ийд̇и суд̇д̇анд̇игз жад̇д̇ааро махаабад̣̇зсз на ж̇аанаад̇и. винаяам̣ на ж̇аанаад̇ийд̇и канд̇хагабариваарамзва на ж̇аанаад̇и. винаяаануломам̣ на ж̇аанаад̇ийд̇и жад̇д̇ааро махаабад̣̇зсз на ж̇аанаад̇и. убхад̇овибхан̇г̇аа банзд̇т̇а асан̇г̇ахид̇аа хонд̇и, д̇асмааяам̣ гурунд̣̇ияам̣ вуд̇д̇ам̣ – ‘‘винаяанд̇и сагалам̣ винаяабидагам̣ на ж̇аанаад̇ий’’д̇и д̇ам̣ на г̇ахзд̇аб̣б̣ам̣. на жа буб̣б̣аабарагусало ход̇ийд̇и бурзгат̇ааяа жа бажчаагат̇ааяа жа агусало ход̇и. сзсам̣ саб̣б̣ад̇т̇а вуд̇д̇абадибагкавасзна н̃зяяад̇д̇аа буб̣б̣з багаасид̇ад̇д̇аа жа уд̇д̇аанамзваад̇и.
Dhammaṃ na jānātīti ṭhapetvā vinayapiṭakaṃ avasesaṃ piṭakadvayaṃ na jānāti. Dhammānulomaṃ na jānātīti suttantike cattāro mahāpadese na jānāti. Vinayaṃ na jānātīti khandhakaparivārameva na jānāti. Vinayānulomaṃ na jānātīti cattāro mahāpadese na jānāti. Ubhatovibhaṅgā panettha asaṅgahitā honti, tasmāyaṃ kurundiyaṃ vuttaṃ – ‘‘vinayanti sakalaṃ vinayapiṭakaṃ na jānātī’’ti taṃ na gahetabbaṃ. Na ca pubbāparakusalo hotīti purekathāya ca pacchākathāya ca akusalo hoti. Sesaṃ sabbattha vuttapaṭipakkhavasena ñeyyattā pubbe pakāsitattā ca uttānamevāti.
аниссид̇аваг̇г̇анаббадиббассамбханаваг̇г̇авохаараваг̇г̇аван̣н̣анаа нидтид̇аа.
Anissitavagganappaṭippassambhanavaggavohāravaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 3. вохаараваг̇г̇о • 3. Vohāravaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / вохаараваг̇г̇аван̣н̣анаа • Vohāravaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вохаараваг̇г̇аван̣н̣анаа • Vohāravaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаараваг̇г̇аад̣̇иван̣н̣анаа • Vohāravaggādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вохаараваг̇г̇аван̣н̣анаа • Vohāravaggavaṇṇanā
