| Library / Tipiṭaka / তিপিটক • Tipiṭaka / থেরীগাথা-অট্ঠকথা • Therīgāthā-aṭṭhakathā |
১৬. ৰুড্ঢপব্বজিতসুমনাথেরীগাথাৰণ্ণনা
16. Vuḍḍhapabbajitasumanātherīgāthāvaṇṇanā
সুখং ত্ৰং ৰুড্ঢিকে সেহীতি সুমনায ৰুড্ঢপব্বজিতায গাথা। অযম্পি পুরিমবুদ্ধেসু কতাধিকারা তত্থ তত্থ ভৰে কুসলং উপচিনিত্ৰা ইমস্মিং বুদ্ধুপ্পাদে সাৰত্থিযং মহাকোসলরঞ্ঞো ভগিনী হুত্ৰা নিব্বত্তি। সা সত্থারা রঞ্ঞো পসেনদিস্স কোসলস্স ‘‘চত্তারো খো মে, মহারাজ, দহরাতি ন উঞ্ঞাতব্বা’’তিআদিনা (সং॰ নি॰ ১.১১২) দেসিতং ধম্মং সুত্ৰা লদ্ধপ্পসাদা সরণেসু চ সীলেসু চ পতিট্ঠায পব্বজিতুকামাপি ‘‘অয্যিকং পটিজগ্গিস্সামী’’তি চিরকালং ৰীতিনামেত্ৰা অপরভাগে অয্যিকায কালঙ্কতায রঞ্ঞা সদ্ধিং মহগ্ঘানি অত্থরণপাৰুরণানি গাহাপেত্ৰা ৰিহারং গন্ত্ৰা সঙ্ঘস্স দাপেত্ৰা সত্থু সন্তিকে ধম্মং সুত্ৰা অনাগামিফলে পতিট্ঠিতা পব্বজ্জং যাচি। সত্থা তস্সা ঞাণপরিপাকং দিস্ৰা –
Sukhaṃ tvaṃ vuḍḍhike sehīti sumanāya vuḍḍhapabbajitāya gāthā. Ayampi purimabuddhesu katādhikārā tattha tattha bhave kusalaṃ upacinitvā imasmiṃ buddhuppāde sāvatthiyaṃ mahākosalarañño bhaginī hutvā nibbatti. Sā satthārā rañño pasenadissa kosalassa ‘‘cattāro kho me, mahārāja, daharāti na uññātabbā’’tiādinā (saṃ. ni. 1.112) desitaṃ dhammaṃ sutvā laddhappasādā saraṇesu ca sīlesu ca patiṭṭhāya pabbajitukāmāpi ‘‘ayyikaṃ paṭijaggissāmī’’ti cirakālaṃ vītināmetvā aparabhāge ayyikāya kālaṅkatāya raññā saddhiṃ mahagghāni attharaṇapāvuraṇāni gāhāpetvā vihāraṃ gantvā saṅghassa dāpetvā satthu santike dhammaṃ sutvā anāgāmiphale patiṭṭhitā pabbajjaṃ yāci. Satthā tassā ñāṇaparipākaṃ disvā –
১৬.
16.
‘‘সুখং ত্ৰং ৰুড্ঢিকে সেহি, কত্ৰা চোল়েন পারুতা।
‘‘Sukhaṃ tvaṃ vuḍḍhike sehi, katvā coḷena pārutā;
উপসন্তো হি তে রাগো, সীতিভূতাসি নিব্বুতা’’তি॥ –
Upasanto hi te rāgo, sītibhūtāsi nibbutā’’ti. –
ইমং গাথং অভাসি। সা গাথাপরিযোসানে সহ পটিসম্ভিদাহি অরহত্তং পত্ৰা উদানৰসেন তমেৰ গাথং অভাসি। ইদমেৰ চস্সা অঞ্ঞাব্যাকরণং অহোসি, সা তাৰদেৰ পব্বজি। গাথায পন ৰুড্ঢিকেতি ৰুড্ঢে, ৰযোৰুড্ঢেতি অত্থো। অযং পন সীলাদিগুণেহিপি ৰুড্ঢা, থেরিযা ৰুত্তগাথায চতুত্থপাদে সীতিভূতাসি নিব্বুতাতি যোজেতব্বং। সেসং ৰুত্তনযমেৰ।
Imaṃ gāthaṃ abhāsi. Sā gāthāpariyosāne saha paṭisambhidāhi arahattaṃ patvā udānavasena tameva gāthaṃ abhāsi. Idameva cassā aññābyākaraṇaṃ ahosi, sā tāvadeva pabbaji. Gāthāya pana vuḍḍhiketi vuḍḍhe, vayovuḍḍheti attho. Ayaṃ pana sīlādiguṇehipi vuḍḍhā, theriyā vuttagāthāya catutthapāde sītibhūtāsi nibbutāti yojetabbaṃ. Sesaṃ vuttanayameva.
ৰুড্ঢপব্বজিতসুমনাথেরীগাথাৰণ্ণনা নিট্ঠিতা।
Vuḍḍhapabbajitasumanātherīgāthāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / থেরীগাথাপাল়ি • Therīgāthāpāḷi / ১৬. ৰুড্ঢপব্বজিতসুমনাথেরীগাথা • 16. Vuḍḍhapabbajitasumanātherīgāthā
