| Library / Tipiṭaka / ਤਿਪਿਟਕ • Tipiṭaka / ਥੇਰੀਗਾਥਾ-ਅਟ੍ਠਕਥਾ • Therīgāthā-aṭṭhakathā |
੧੬. વੁਡ੍ਢਪਬ੍ਬਜਿਤਸੁਮਨਾਥੇਰੀਗਾਥਾવਣ੍ਣਨਾ
16. Vuḍḍhapabbajitasumanātherīgāthāvaṇṇanā
ਸੁਖਂ ਤ੍વਂ વੁਡ੍ਢਿਕੇ ਸੇਹੀਤਿ ਸੁਮਨਾਯ વੁਡ੍ਢਪਬ੍ਬਜਿਤਾਯ ਗਾਥਾ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰਾ ਤਤ੍ਥ ਤਤ੍ਥ ਭવੇ ਕੁਸਲਂ ਉਪਚਿਨਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਮਹਾਕੋਸਲਰਞ੍ਞੋ ਭਗਿਨੀ ਹੁਤ੍વਾ ਨਿਬ੍ਬਤ੍ਤਿ। ਸਾ ਸਤ੍ਥਾਰਾ ਰਞ੍ਞੋ ਪਸੇਨਦਿਸ੍ਸ ਕੋਸਲਸ੍ਸ ‘‘ਚਤ੍ਤਾਰੋ ਖੋ ਮੇ, ਮਹਾਰਾਜ, ਦਹਰਾਤਿ ਨ ਉਞ੍ਞਾਤਬ੍ਬਾ’’ਤਿਆਦਿਨਾ (ਸਂ॰ ਨਿ॰ ੧.੧੧੨) ਦੇਸਿਤਂ ਧਮ੍ਮਂ ਸੁਤ੍વਾ ਲਦ੍ਧਪ੍ਪਸਾਦਾ ਸਰਣੇਸੁ ਚ ਸੀਲੇਸੁ ਚ ਪਤਿਟ੍ਠਾਯ ਪਬ੍ਬਜਿਤੁਕਾਮਾਪਿ ‘‘ਅਯ੍ਯਿਕਂ ਪਟਿਜਗ੍ਗਿਸ੍ਸਾਮੀ’’ਤਿ ਚਿਰਕਾਲਂ વੀਤਿਨਾਮੇਤ੍વਾ ਅਪਰਭਾਗੇ ਅਯ੍ਯਿਕਾਯ ਕਾਲਙ੍ਕਤਾਯ ਰਞ੍ਞਾ ਸਦ੍ਧਿਂ ਮਹਗ੍ਘਾਨਿ ਅਤ੍ਥਰਣਪਾવੁਰਣਾਨਿ ਗਾਹਾਪੇਤ੍વਾ વਿਹਾਰਂ ਗਨ੍ਤ੍વਾ ਸਙ੍ਘਸ੍ਸ ਦਾਪੇਤ੍વਾ ਸਤ੍ਥੁ ਸਨ੍ਤਿਕੇ ਧਮ੍ਮਂ ਸੁਤ੍વਾ ਅਨਾਗਾਮਿਫਲੇ ਪਤਿਟ੍ਠਿਤਾ ਪਬ੍ਬਜ੍ਜਂ ਯਾਚਿ। ਸਤ੍ਥਾ ਤਸ੍ਸਾ ਞਾਣਪਰਿਪਾਕਂ ਦਿਸ੍વਾ –
Sukhaṃ tvaṃ vuḍḍhike sehīti sumanāya vuḍḍhapabbajitāya gāthā. Ayampi purimabuddhesu katādhikārā tattha tattha bhave kusalaṃ upacinitvā imasmiṃ buddhuppāde sāvatthiyaṃ mahākosalarañño bhaginī hutvā nibbatti. Sā satthārā rañño pasenadissa kosalassa ‘‘cattāro kho me, mahārāja, daharāti na uññātabbā’’tiādinā (saṃ. ni. 1.112) desitaṃ dhammaṃ sutvā laddhappasādā saraṇesu ca sīlesu ca patiṭṭhāya pabbajitukāmāpi ‘‘ayyikaṃ paṭijaggissāmī’’ti cirakālaṃ vītināmetvā aparabhāge ayyikāya kālaṅkatāya raññā saddhiṃ mahagghāni attharaṇapāvuraṇāni gāhāpetvā vihāraṃ gantvā saṅghassa dāpetvā satthu santike dhammaṃ sutvā anāgāmiphale patiṭṭhitā pabbajjaṃ yāci. Satthā tassā ñāṇaparipākaṃ disvā –
੧੬.
16.
‘‘ਸੁਖਂ ਤ੍વਂ વੁਡ੍ਢਿਕੇ ਸੇਹਿ, ਕਤ੍વਾ ਚੋਲ਼ੇਨ ਪਾਰੁਤਾ।
‘‘Sukhaṃ tvaṃ vuḍḍhike sehi, katvā coḷena pārutā;
ਉਪਸਨ੍ਤੋ ਹਿ ਤੇ ਰਾਗੋ, ਸੀਤਿਭੂਤਾਸਿ ਨਿਬ੍ਬੁਤਾ’’ਤਿ॥ –
Upasanto hi te rāgo, sītibhūtāsi nibbutā’’ti. –
ਇਮਂ ਗਾਥਂ ਅਭਾਸਿ। ਸਾ ਗਾਥਾਪਰਿਯੋਸਾਨੇ ਸਹ ਪਟਿਸਮ੍ਭਿਦਾਹਿ ਅਰਹਤ੍ਤਂ ਪਤ੍વਾ ਉਦਾਨવਸੇਨ ਤਮੇવ ਗਾਥਂ ਅਭਾਸਿ। ਇਦਮੇવ ਚਸ੍ਸਾ ਅਞ੍ਞਾਬ੍ਯਾਕਰਣਂ ਅਹੋਸਿ, ਸਾ ਤਾવਦੇવ ਪਬ੍ਬਜਿ। ਗਾਥਾਯ ਪਨ વੁਡ੍ਢਿਕੇਤਿ વੁਡ੍ਢੇ, વਯੋવੁਡ੍ਢੇਤਿ ਅਤ੍ਥੋ। ਅਯਂ ਪਨ ਸੀਲਾਦਿਗੁਣੇਹਿਪਿ વੁਡ੍ਢਾ, ਥੇਰਿਯਾ વੁਤ੍ਤਗਾਥਾਯ ਚਤੁਤ੍ਥਪਾਦੇ ਸੀਤਿਭੂਤਾਸਿ ਨਿਬ੍ਬੁਤਾਤਿ ਯੋਜੇਤਬ੍ਬਂ। ਸੇਸਂ વੁਤ੍ਤਨਯਮੇવ।
Imaṃ gāthaṃ abhāsi. Sā gāthāpariyosāne saha paṭisambhidāhi arahattaṃ patvā udānavasena tameva gāthaṃ abhāsi. Idameva cassā aññābyākaraṇaṃ ahosi, sā tāvadeva pabbaji. Gāthāya pana vuḍḍhiketi vuḍḍhe, vayovuḍḍheti attho. Ayaṃ pana sīlādiguṇehipi vuḍḍhā, theriyā vuttagāthāya catutthapāde sītibhūtāsi nibbutāti yojetabbaṃ. Sesaṃ vuttanayameva.
વੁਡ੍ਢਪਬ੍ਬਜਿਤਸੁਮਨਾਥੇਰੀਗਾਥਾવਣ੍ਣਨਾ ਨਿਟ੍ਠਿਤਾ।
Vuḍḍhapabbajitasumanātherīgāthāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਥੇਰੀਗਾਥਾਪਾਲ਼ਿ • Therīgāthāpāḷi / ੧੬. વੁਡ੍ਢਪਬ੍ਬਜਿਤਸੁਮਨਾਥੇਰੀਗਾਥਾ • 16. Vuḍḍhapabbajitasumanātherīgāthā
