| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
184. вуд̣дхабаб̣б̣аж̇ид̇авад̇т̇у
184. Vuḍḍhapabbajitavatthu
303. ат̇а ко бхаг̇аваа гусинаарааяам̣ яат̇аабхиранд̇ам̣ вихарид̇ваа язна аад̇умаа д̇зна жааригам̣ баггаами махад̇аа бхигкусан̇гхзна сад̣̇д̇хим̣ ад̣дхад̇зласзхи бхигкусад̇зхи. д̇зна ко бана самаязна ан̃н̃ад̇аро вуд̣дхабаб̣б̣аж̇ид̇о аад̇умааяам̣ бадивасад̇и нахаабид̇абуб̣б̣о. д̇асса д̣̇вз д̣̇аарагаа хонд̇и, ман̃ж̇угаа бадибхаанзяяагаа, д̣̇агкаа барияод̣̇аад̇асиббаа сагз аажарияагз нахаабид̇агаммз. ассоси ко со вуд̣дхабаб̣б̣аж̇ид̇о – ‘‘бхаг̇аваа гира аад̇умам̣ ааг̇ажчад̇и махад̇аа бхигкусан̇гхзна сад̣̇д̇хим̣ ад̣дхад̇зласзхи бхигкусад̇зхий’’д̇и. ат̇а ко со вуд̣дхабаб̣б̣аж̇ид̇о д̇з д̣̇аарагз зд̇ад̣̇авожа – ‘‘бхаг̇аваа гира, д̇аад̇аа, аад̇умам̣ ааг̇ажчад̇и махад̇аа бхигкусан̇гхзна сад̣̇д̇хим̣ ад̣дхад̇зласзхи бхигкусад̇зхи. г̇ажчат̇а д̇умхз, д̇аад̇аа, курабхан̣д̣ам̣ аад̣̇ааяа наал̣ияааваабагзна анугхарагам̣ анугхарагам̣ аахин̣д̣ат̇а, лон̣амби, д̇зламби, д̇ан̣д̣уламби, каад̣̇анийяамби сам̣харат̇а, бхаг̇авад̇о ааг̇ад̇асса яааг̇убаанам̣ гариссаамаа’’д̇и. ‘‘звам̣, д̇аад̇аа’’д̇и ко д̇з д̣̇аарагаа д̇асса вуд̣дхабаб̣б̣аж̇ид̇асса бадиссун̣ид̇ваа курабхан̣д̣ам̣ аад̣̇ааяа наал̣ияааваабагзна анугхарагам̣ анугхарагам̣ аахин̣д̣анд̇и, лон̣амби, д̇зламби, д̇ан̣д̣уламби, каад̣̇анийяамби сам̣харанд̇аа. мануссаа д̇з д̣̇аарагз ман̃ж̇угз бадибхаанзяяагз бассид̇ваа язби на гаараабзд̇угаамаа д̇зби гаараабзнд̇и, гаараабзд̇вааби б̣ахум̣ д̣̇знд̇и. ат̇а ко д̇з д̣̇аарагаа б̣ахум̣ лон̣амби, д̇зламби, д̇ан̣д̣уламби, каад̣̇анийяамби сам̣харим̣су.
303. Atha kho bhagavā kusinārāyaṃ yathābhirantaṃ viharitvā yena ātumā tena cārikaṃ pakkāmi mahatā bhikkhusaṅghena saddhiṃ aḍḍhatelasehi bhikkhusatehi. Tena kho pana samayena aññataro vuḍḍhapabbajito ātumāyaṃ paṭivasati nahāpitapubbo. Tassa dve dārakā honti, mañjukā paṭibhāneyyakā, dakkhā pariyodātasippā sake ācariyake nahāpitakamme. Assosi kho so vuḍḍhapabbajito – ‘‘bhagavā kira ātumaṃ āgacchati mahatā bhikkhusaṅghena saddhiṃ aḍḍhatelasehi bhikkhusatehī’’ti. Atha kho so vuḍḍhapabbajito te dārake etadavoca – ‘‘bhagavā kira, tātā, ātumaṃ āgacchati mahatā bhikkhusaṅghena saddhiṃ aḍḍhatelasehi bhikkhusatehi. Gacchatha tumhe, tātā, khurabhaṇḍaṃ ādāya nāḷiyāvāpakena anugharakaṃ anugharakaṃ āhiṇḍatha, loṇampi, telampi, taṇḍulampi, khādanīyampi saṃharatha, bhagavato āgatassa yāgupānaṃ karissāmā’’ti. ‘‘Evaṃ, tātā’’ti kho te dārakā tassa vuḍḍhapabbajitassa paṭissuṇitvā khurabhaṇḍaṃ ādāya nāḷiyāvāpakena anugharakaṃ anugharakaṃ āhiṇḍanti, loṇampi, telampi, taṇḍulampi, khādanīyampi saṃharantā. Manussā te dārake mañjuke paṭibhāneyyake passitvā yepi na kārāpetukāmā tepi kārāpenti, kārāpetvāpi bahuṃ denti. Atha kho te dārakā bahuṃ loṇampi, telampi, taṇḍulampi, khādanīyampi saṃhariṃsu.
ат̇а ко бхаг̇аваа анубуб̣б̣зна жааригам̣ жарамаано язна аад̇умаа д̇ад̣̇авасари. д̇ад̇ра суд̣̇ам̣ бхаг̇аваа аад̇умааяам̣ вихарад̇и бхусааг̇аарз. ат̇а ко со вуд̣дхабаб̣б̣аж̇ид̇о д̇ассаа рад̇д̇ияаа ажжаязна бахууд̇ам̣ яааг̇ум̣ бадияаад̣̇аабзд̇ваа бхаг̇авад̇о убанаамзси – ‘‘бадиг̇г̇ан̣хаад̇у мз, бханд̇з, бхаг̇аваа яааг̇у’’нд̇и. ж̇аананд̇ааби д̇ат̇ааг̇ад̇аа бужчанд̇и…бз… саавагаанам̣ ваа сигкаабад̣̇ам̣ бан̃н̃абзссаамаад̇и. ат̇а ко бхаг̇аваа д̇ам̣ вуд̣дхабаб̣б̣аж̇ид̇ам̣ зд̇ад̣̇авожа – ‘‘гуд̇ааяам̣, бхигку яааг̇уу’’д̇и? ат̇а ко со вуд̣дхабаб̣б̣аж̇ид̇о бхаг̇авад̇о зд̇амад̇т̇ам̣ аарожзси. виг̇арахи б̣уд̣̇д̇хо бхаг̇аваа, ‘‘ананужчавигам̣, могхабуриса, анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама д̇вам̣, могхабуриса, баб̣б̣аж̇ид̇о агаббияз самаад̣̇абзссаси 1. нзд̇ам̣, могхабуриса, аббасаннаанам̣ ваа басаад̣̇ааяа…бз… виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси ‘на, бхигкавз, баб̣б̣аж̇ид̇зна агаббияз самаад̣̇абзд̇аб̣б̣ам̣, яо самаад̣̇абзяяа, аабад̇д̇и д̣̇уггадасса. на жа, бхигкавз, нахаабид̇абуб̣б̣зна курабхан̣д̣ам̣ барихарид̇аб̣б̣ам̣. яо барихарзяяа, аабад̇д̇и д̣̇уггадассаа’’’д̇и.
Atha kho bhagavā anupubbena cārikaṃ caramāno yena ātumā tadavasari. Tatra sudaṃ bhagavā ātumāyaṃ viharati bhusāgāre. Atha kho so vuḍḍhapabbajito tassā rattiyā accayena pahūtaṃ yāguṃ paṭiyādāpetvā bhagavato upanāmesi – ‘‘paṭiggaṇhātu me, bhante, bhagavā yāgu’’nti. Jānantāpi tathāgatā pucchanti…pe… sāvakānaṃ vā sikkhāpadaṃ paññapessāmāti. Atha kho bhagavā taṃ vuḍḍhapabbajitaṃ etadavoca – ‘‘kutāyaṃ, bhikkhu yāgū’’ti? Atha kho so vuḍḍhapabbajito bhagavato etamatthaṃ ārocesi. Vigarahi buddho bhagavā, ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, pabbajito akappiye samādapessasi 2. Netaṃ, moghapurisa, appasannānaṃ vā pasādāya…pe… vigarahitvā dhammiṃ kathaṃ katvā bhikkhū āmantesi ‘na, bhikkhave, pabbajitena akappiye samādapetabbaṃ, yo samādapeyya, āpatti dukkaṭassa. Na ca, bhikkhave, nahāpitapubbena khurabhaṇḍaṃ pariharitabbaṃ. Yo parihareyya, āpatti dukkaṭassā’’’ti.
ат̇а ко бхаг̇аваа аад̇умааяам̣ яат̇аабхиранд̇ам̣ вихарид̇ваа язна саавад̇т̇и д̇зна жааригам̣ баггаами. анубуб̣б̣зна жааригам̣ жарамаано язна саавад̇т̇и д̇ад̣̇авасари. д̇ад̇ра суд̣̇ам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна саавад̇т̇ияам̣ б̣ахум̣ палакаад̣̇анийяам̣ уббаннам̣ ход̇и. ат̇а ко бхигкуунам̣ зд̇ад̣̇ахоси – ‘‘гим̣ ну ко бхаг̇авад̇аа палакаад̣̇анийяам̣ анун̃н̃аад̇ам̣, гим̣ ананун̃н̃аад̇а’’нд̇и? бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, саб̣б̣ам̣ палакаад̣̇анийяа’’нд̇и.
Atha kho bhagavā ātumāyaṃ yathābhirantaṃ viharitvā yena sāvatthi tena cārikaṃ pakkāmi. Anupubbena cārikaṃ caramāno yena sāvatthi tadavasari. Tatra sudaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sāvatthiyaṃ bahuṃ phalakhādanīyaṃ uppannaṃ hoti. Atha kho bhikkhūnaṃ etadahosi – ‘‘kiṃ nu kho bhagavatā phalakhādanīyaṃ anuññātaṃ, kiṃ ananuññāta’’nti? Bhagavato etamatthaṃ ārocesuṃ. ‘‘Anujānāmi, bhikkhave, sabbaṃ phalakhādanīya’’nti.
304. д̇зна ко бана самаязна сан̇гхигаани б̣ийж̇аани буг̇г̇алигааяа бхуумияаа робияанд̇и, буг̇г̇алигаани б̣ийж̇аани сан̇гхигааяа бхуумияаа робияанд̇и. бхаг̇авад̇о зд̇амад̇т̇ам̣ аарожзсум̣. сан̇гхигаани, бхигкавз, б̣ийж̇аани буг̇г̇алигааяа бхуумияаа робид̇аани бхааг̇ам̣ д̣̇ад̇ваа барибхун̃ж̇ид̇аб̣б̣аани. буг̇г̇алигаани б̣ийж̇аани сан̇гхигааяа бхуумияаа робид̇аани бхааг̇ам̣ д̣̇ад̇ваа барибхун̃ж̇ид̇аб̣б̣аанийд̇и.
304. Tena kho pana samayena saṅghikāni bījāni puggalikāya bhūmiyā ropiyanti, puggalikāni bījāni saṅghikāya bhūmiyā ropiyanti. Bhagavato etamatthaṃ ārocesuṃ. Saṅghikāni, bhikkhave, bījāni puggalikāya bhūmiyā ropitāni bhāgaṃ datvā paribhuñjitabbāni. Puggalikāni bījāni saṅghikāya bhūmiyā ropitāni bhāgaṃ datvā paribhuñjitabbānīti.
вуд̣дхабаб̣б̣аж̇ид̇авад̇т̇у нидтид̇ам̣.
Vuḍḍhapabbajitavatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / рож̇амаллаад̣̇ивад̇т̇угат̇аа • Rojamallādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / вуд̣дхабаб̣б̣аж̇ид̇авад̇т̇угат̇ааван̣н̣анаа • Vuḍḍhapabbajitavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / рож̇амаллаад̣̇ивад̇т̇угат̇ааван̣н̣анаа • Rojamallādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 183. рож̇амаллаад̣̇ивад̇т̇угат̇аа • 183. Rojamallādivatthukathā
