| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੧੮੪. વੁਡ੍ਢਪਬ੍ਬਜਿਤવਤ੍ਥੁ
184. Vuḍḍhapabbajitavatthu
੩੦੩. ਅਥ ਖੋ ਭਗવਾ ਕੁਸਿਨਾਰਾਯਂ ਯਥਾਭਿਰਨ੍ਤਂ વਿਹਰਿਤ੍વਾ ਯੇਨ ਆਤੁਮਾ ਤੇਨ ਚਾਰਿਕਂ ਪਕ੍ਕਾਮਿ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਅਡ੍ਢਤੇਲਸੇਹਿ ਭਿਕ੍ਖੁਸਤੇਹਿ। ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ વੁਡ੍ਢਪਬ੍ਬਜਿਤੋ ਆਤੁਮਾਯਂ ਪਟਿવਸਤਿ ਨਹਾਪਿਤਪੁਬ੍ਬੋ। ਤਸ੍ਸ ਦ੍વੇ ਦਾਰਕਾ ਹੋਨ੍ਤਿ, ਮਞ੍ਜੁਕਾ ਪਟਿਭਾਨੇਯ੍ਯਕਾ, ਦਕ੍ਖਾ ਪਰਿਯੋਦਾਤਸਿਪ੍ਪਾ ਸਕੇ ਆਚਰਿਯਕੇ ਨਹਾਪਿਤਕਮ੍ਮੇ। ਅਸ੍ਸੋਸਿ ਖੋ ਸੋ વੁਡ੍ਢਪਬ੍ਬਜਿਤੋ – ‘‘ਭਗવਾ ਕਿਰ ਆਤੁਮਂ ਆਗਚ੍ਛਤਿ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਅਡ੍ਢਤੇਲਸੇਹਿ ਭਿਕ੍ਖੁਸਤੇਹੀ’’ਤਿ। ਅਥ ਖੋ ਸੋ વੁਡ੍ਢਪਬ੍ਬਜਿਤੋ ਤੇ ਦਾਰਕੇ ਏਤਦવੋਚ – ‘‘ਭਗવਾ ਕਿਰ, ਤਾਤਾ, ਆਤੁਮਂ ਆਗਚ੍ਛਤਿ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਅਡ੍ਢਤੇਲਸੇਹਿ ਭਿਕ੍ਖੁਸਤੇਹਿ। ਗਚ੍ਛਥ ਤੁਮ੍ਹੇ, ਤਾਤਾ, ਖੁਰਭਣ੍ਡਂ ਆਦਾਯ ਨਾਲ਼ਿਯਾવਾਪਕੇਨ ਅਨੁਘਰਕਂ ਅਨੁਘਰਕਂ ਆਹਿਣ੍ਡਥ, ਲੋਣਮ੍ਪਿ, ਤੇਲਮ੍ਪਿ, ਤਣ੍ਡੁਲਮ੍ਪਿ, ਖਾਦਨੀਯਮ੍ਪਿ ਸਂਹਰਥ, ਭਗવਤੋ ਆਗਤਸ੍ਸ ਯਾਗੁਪਾਨਂ ਕਰਿਸ੍ਸਾਮਾ’’ਤਿ। ‘‘ਏવਂ, ਤਾਤਾ’’ਤਿ ਖੋ ਤੇ ਦਾਰਕਾ ਤਸ੍ਸ વੁਡ੍ਢਪਬ੍ਬਜਿਤਸ੍ਸ ਪਟਿਸ੍ਸੁਣਿਤ੍વਾ ਖੁਰਭਣ੍ਡਂ ਆਦਾਯ ਨਾਲ਼ਿਯਾવਾਪਕੇਨ ਅਨੁਘਰਕਂ ਅਨੁਘਰਕਂ ਆਹਿਣ੍ਡਨ੍ਤਿ, ਲੋਣਮ੍ਪਿ, ਤੇਲਮ੍ਪਿ, ਤਣ੍ਡੁਲਮ੍ਪਿ, ਖਾਦਨੀਯਮ੍ਪਿ ਸਂਹਰਨ੍ਤਾ। ਮਨੁਸ੍ਸਾ ਤੇ ਦਾਰਕੇ ਮਞ੍ਜੁਕੇ ਪਟਿਭਾਨੇਯ੍ਯਕੇ ਪਸ੍ਸਿਤ੍વਾ ਯੇਪਿ ਨ ਕਾਰਾਪੇਤੁਕਾਮਾ ਤੇਪਿ ਕਾਰਾਪੇਨ੍ਤਿ, ਕਾਰਾਪੇਤ੍વਾਪਿ ਬਹੁਂ ਦੇਨ੍ਤਿ। ਅਥ ਖੋ ਤੇ ਦਾਰਕਾ ਬਹੁਂ ਲੋਣਮ੍ਪਿ, ਤੇਲਮ੍ਪਿ, ਤਣ੍ਡੁਲਮ੍ਪਿ, ਖਾਦਨੀਯਮ੍ਪਿ ਸਂਹਰਿਂਸੁ।
303. Atha kho bhagavā kusinārāyaṃ yathābhirantaṃ viharitvā yena ātumā tena cārikaṃ pakkāmi mahatā bhikkhusaṅghena saddhiṃ aḍḍhatelasehi bhikkhusatehi. Tena kho pana samayena aññataro vuḍḍhapabbajito ātumāyaṃ paṭivasati nahāpitapubbo. Tassa dve dārakā honti, mañjukā paṭibhāneyyakā, dakkhā pariyodātasippā sake ācariyake nahāpitakamme. Assosi kho so vuḍḍhapabbajito – ‘‘bhagavā kira ātumaṃ āgacchati mahatā bhikkhusaṅghena saddhiṃ aḍḍhatelasehi bhikkhusatehī’’ti. Atha kho so vuḍḍhapabbajito te dārake etadavoca – ‘‘bhagavā kira, tātā, ātumaṃ āgacchati mahatā bhikkhusaṅghena saddhiṃ aḍḍhatelasehi bhikkhusatehi. Gacchatha tumhe, tātā, khurabhaṇḍaṃ ādāya nāḷiyāvāpakena anugharakaṃ anugharakaṃ āhiṇḍatha, loṇampi, telampi, taṇḍulampi, khādanīyampi saṃharatha, bhagavato āgatassa yāgupānaṃ karissāmā’’ti. ‘‘Evaṃ, tātā’’ti kho te dārakā tassa vuḍḍhapabbajitassa paṭissuṇitvā khurabhaṇḍaṃ ādāya nāḷiyāvāpakena anugharakaṃ anugharakaṃ āhiṇḍanti, loṇampi, telampi, taṇḍulampi, khādanīyampi saṃharantā. Manussā te dārake mañjuke paṭibhāneyyake passitvā yepi na kārāpetukāmā tepi kārāpenti, kārāpetvāpi bahuṃ denti. Atha kho te dārakā bahuṃ loṇampi, telampi, taṇḍulampi, khādanīyampi saṃhariṃsu.
ਅਥ ਖੋ ਭਗવਾ ਅਨੁਪੁਬ੍ਬੇਨ ਚਾਰਿਕਂ ਚਰਮਾਨੋ ਯੇਨ ਆਤੁਮਾ ਤਦવਸਰਿ। ਤਤ੍ਰ ਸੁਦਂ ਭਗવਾ ਆਤੁਮਾਯਂ વਿਹਰਤਿ ਭੁਸਾਗਾਰੇ। ਅਥ ਖੋ ਸੋ વੁਡ੍ਢਪਬ੍ਬਜਿਤੋ ਤਸ੍ਸਾ ਰਤ੍ਤਿਯਾ ਅਚ੍ਚਯੇਨ ਪਹੂਤਂ ਯਾਗੁਂ ਪਟਿਯਾਦਾਪੇਤ੍વਾ ਭਗવਤੋ ਉਪਨਾਮੇਸਿ – ‘‘ਪਟਿਗ੍ਗਣ੍ਹਾਤੁ ਮੇ, ਭਨ੍ਤੇ, ਭਗવਾ ਯਾਗੁ’’ਨ੍ਤਿ। ਜਾਨਨ੍ਤਾਪਿ ਤਥਾਗਤਾ ਪੁਚ੍ਛਨ੍ਤਿ…ਪੇ॰… ਸਾવਕਾਨਂ વਾ ਸਿਕ੍ਖਾਪਦਂ ਪਞ੍ਞਪੇਸ੍ਸਾਮਾਤਿ। ਅਥ ਖੋ ਭਗવਾ ਤਂ વੁਡ੍ਢਪਬ੍ਬਜਿਤਂ ਏਤਦવੋਚ – ‘‘ਕੁਤਾਯਂ, ਭਿਕ੍ਖੁ ਯਾਗੂ’’ਤਿ? ਅਥ ਖੋ ਸੋ વੁਡ੍ਢਪਬ੍ਬਜਿਤੋ ਭਗવਤੋ ਏਤਮਤ੍ਥਂ ਆਰੋਚੇਸਿ। વਿਗਰਹਿ ਬੁਦ੍ਧੋ ਭਗવਾ, ‘‘ਅਨਨੁਚ੍ਛવਿਕਂ, ਮੋਘਪੁਰਿਸ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਪਬ੍ਬਜਿਤੋ ਅਕਪ੍ਪਿਯੇ ਸਮਾਦਪੇਸ੍ਸਸਿ 1। ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… વਿਗਰਹਿਤ੍વਾ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ ‘ਨ, ਭਿਕ੍ਖવੇ, ਪਬ੍ਬਜਿਤੇਨ ਅਕਪ੍ਪਿਯੇ ਸਮਾਦਪੇਤਬ੍ਬਂ, ਯੋ ਸਮਾਦਪੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਨ ਚ, ਭਿਕ੍ਖવੇ, ਨਹਾਪਿਤਪੁਬ੍ਬੇਨ ਖੁਰਭਣ੍ਡਂ ਪਰਿਹਰਿਤਬ੍ਬਂ। ਯੋ ਪਰਿਹਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’’ਤਿ।
Atha kho bhagavā anupubbena cārikaṃ caramāno yena ātumā tadavasari. Tatra sudaṃ bhagavā ātumāyaṃ viharati bhusāgāre. Atha kho so vuḍḍhapabbajito tassā rattiyā accayena pahūtaṃ yāguṃ paṭiyādāpetvā bhagavato upanāmesi – ‘‘paṭiggaṇhātu me, bhante, bhagavā yāgu’’nti. Jānantāpi tathāgatā pucchanti…pe… sāvakānaṃ vā sikkhāpadaṃ paññapessāmāti. Atha kho bhagavā taṃ vuḍḍhapabbajitaṃ etadavoca – ‘‘kutāyaṃ, bhikkhu yāgū’’ti? Atha kho so vuḍḍhapabbajito bhagavato etamatthaṃ ārocesi. Vigarahi buddho bhagavā, ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, pabbajito akappiye samādapessasi 2. Netaṃ, moghapurisa, appasannānaṃ vā pasādāya…pe… vigarahitvā dhammiṃ kathaṃ katvā bhikkhū āmantesi ‘na, bhikkhave, pabbajitena akappiye samādapetabbaṃ, yo samādapeyya, āpatti dukkaṭassa. Na ca, bhikkhave, nahāpitapubbena khurabhaṇḍaṃ pariharitabbaṃ. Yo parihareyya, āpatti dukkaṭassā’’’ti.
ਅਥ ਖੋ ਭਗવਾ ਆਤੁਮਾਯਂ ਯਥਾਭਿਰਨ੍ਤਂ વਿਹਰਿਤ੍વਾ ਯੇਨ ਸਾવਤ੍ਥਿ ਤੇਨ ਚਾਰਿਕਂ ਪਕ੍ਕਾਮਿ। ਅਨੁਪੁਬ੍ਬੇਨ ਚਾਰਿਕਂ ਚਰਮਾਨੋ ਯੇਨ ਸਾવਤ੍ਥਿ ਤਦવਸਰਿ। ਤਤ੍ਰ ਸੁਦਂ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਸਾવਤ੍ਥਿਯਂ ਬਹੁਂ ਫਲਖਾਦਨੀਯਂ ਉਪ੍ਪਨ੍ਨਂ ਹੋਤਿ। ਅਥ ਖੋ ਭਿਕ੍ਖੂਨਂ ਏਤਦਹੋਸਿ – ‘‘ਕਿਂ ਨੁ ਖੋ ਭਗવਤਾ ਫਲਖਾਦਨੀਯਂ ਅਨੁਞ੍ਞਾਤਂ, ਕਿਂ ਅਨਨੁਞ੍ਞਾਤ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਸਬ੍ਬਂ ਫਲਖਾਦਨੀਯ’’ਨ੍ਤਿ।
Atha kho bhagavā ātumāyaṃ yathābhirantaṃ viharitvā yena sāvatthi tena cārikaṃ pakkāmi. Anupubbena cārikaṃ caramāno yena sāvatthi tadavasari. Tatra sudaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sāvatthiyaṃ bahuṃ phalakhādanīyaṃ uppannaṃ hoti. Atha kho bhikkhūnaṃ etadahosi – ‘‘kiṃ nu kho bhagavatā phalakhādanīyaṃ anuññātaṃ, kiṃ ananuññāta’’nti? Bhagavato etamatthaṃ ārocesuṃ. ‘‘Anujānāmi, bhikkhave, sabbaṃ phalakhādanīya’’nti.
੩੦੪. ਤੇਨ ਖੋ ਪਨ ਸਮਯੇਨ ਸਙ੍ਘਿਕਾਨਿ ਬੀਜਾਨਿ ਪੁਗ੍ਗਲਿਕਾਯ ਭੂਮਿਯਾ ਰੋਪਿਯਨ੍ਤਿ, ਪੁਗ੍ਗਲਿਕਾਨਿ ਬੀਜਾਨਿ ਸਙ੍ਘਿਕਾਯ ਭੂਮਿਯਾ ਰੋਪਿਯਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਸਙ੍ਘਿਕਾਨਿ, ਭਿਕ੍ਖવੇ, ਬੀਜਾਨਿ ਪੁਗ੍ਗਲਿਕਾਯ ਭੂਮਿਯਾ ਰੋਪਿਤਾਨਿ ਭਾਗਂ ਦਤ੍વਾ ਪਰਿਭੁਞ੍ਜਿਤਬ੍ਬਾਨਿ। ਪੁਗ੍ਗਲਿਕਾਨਿ ਬੀਜਾਨਿ ਸਙ੍ਘਿਕਾਯ ਭੂਮਿਯਾ ਰੋਪਿਤਾਨਿ ਭਾਗਂ ਦਤ੍વਾ ਪਰਿਭੁਞ੍ਜਿਤਬ੍ਬਾਨੀਤਿ।
304. Tena kho pana samayena saṅghikāni bījāni puggalikāya bhūmiyā ropiyanti, puggalikāni bījāni saṅghikāya bhūmiyā ropiyanti. Bhagavato etamatthaṃ ārocesuṃ. Saṅghikāni, bhikkhave, bījāni puggalikāya bhūmiyā ropitāni bhāgaṃ datvā paribhuñjitabbāni. Puggalikāni bījāni saṅghikāya bhūmiyā ropitāni bhāgaṃ datvā paribhuñjitabbānīti.
વੁਡ੍ਢਪਬ੍ਬਜਿਤવਤ੍ਥੁ ਨਿਟ੍ਠਿਤਂ।
Vuḍḍhapabbajitavatthu niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਰੋਜਮਲ੍ਲਾਦਿવਤ੍ਥੁਕਥਾ • Rojamallādivatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / વੁਡ੍ਢਪਬ੍ਬਜਿਤવਤ੍ਥੁਕਥਾવਣ੍ਣਨਾ • Vuḍḍhapabbajitavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਰੋਜਮਲ੍ਲਾਦਿવਤ੍ਥੁਕਥਾવਣ੍ਣਨਾ • Rojamallādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੮੩. ਰੋਜਮਲ੍ਲਾਦਿવਤ੍ਥੁਕਥਾ • 183. Rojamallādivatthukathā
