| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. вудтисуд̇д̇аван̣н̣анаа
4. Vuṭṭhisuttavaṇṇanā
74. уббад̇анд̇аананд̇и бат̇авим̣ бхинд̣̇ид̇ваа удтаханд̇аанам̣. ‘‘сздта’’нд̇и вужжамаанад̇д̇аа ‘‘сад̇д̇авид̇ха’’нд̇и вуд̇д̇ам̣, ид̇арзсам̣ ваа д̇ад̣̇ануломад̇о. кзмо ход̇и д̣̇уб̣бхигкубад̣̇д̣̇аваабхаавад̇о. д̇знааха ‘‘субхигко’’д̇и. нибад̇анд̇аананд̇и ад̇хомукам̣ бавад̇д̇анд̇аанам̣. баваж̇амаанаананд̇и важ̇анасийлаанам̣. д̇з бана яасмаа ж̇ан̇г̇амаа наама хонд̇и, на ругкаад̣̇аяо вияа т̇аавараа, д̇асмаа ааха ‘‘ж̇ан̇г̇амаана’’нд̇и. г̇аавод̇и д̇хзнуяо. д̇зна махим̣саад̣̇игаанамби сан̇г̇ахо д̣̇адтаб̣б̣о. вад̣̇анд̇аананд̇и уббаннам̣ ад̇т̇ам̣ вад̣̇анд̇аанам̣.
74.Uppatantānanti pathaviṃ bhinditvā uṭṭhahantānaṃ. ‘‘Seṭṭha’’nti vuccamānattā ‘‘sattavidha’’nti vuttaṃ, itaresaṃ vā tadanulomato. Khemo hoti dubbhikkhupaddavābhāvato. Tenāha ‘‘subhikkho’’ti. Nipatantānanti adhomukhaṃ pavattantānaṃ. Pavajamānānanti vajanasīlānaṃ. Te pana yasmā jaṅgamā nāma honti, na rukkhādayo viya thāvarā, tasmā āha ‘‘jaṅgamāna’’nti. Gāvoti dhenuyo. Tena mahiṃsādikānampi saṅgaho daṭṭhabbo. Vadantānanti uppannaṃ atthaṃ vadantānaṃ.
ад̇д̇ано канд̇ияаад̇и ад̇д̇ано канд̇ияаа ружияаа г̇ахид̇абхаавзна. ид̇араа д̣̇звад̇аа д̇ассаа виссаж̇ж̇анз абарид̇уссамаанаа ааха. яаава бад̇хам̣сийд̇и г̇ун̣ад̇хам̣сий сад̇т̇уд̣̇зсанааяа лад̣̇д̇хаб̣б̣аг̇ун̣анаасанад̇о. баг̇аб̣б̣аад̇и бааг̇аб̣б̣иязна саманнааг̇ад̇аа, яат̇аа важийбааг̇аб̣б̣иязна акараа, д̇ат̇аа ваажааяа бхавид̇аб̣б̣ам̣. мукараад̇и мукакараа. д̣̇асаб̣алам̣ бужчи сан̣хам̣ сукумам̣ рад̇анад̇д̇аяасам̣хид̇ам̣ ад̇т̇ам̣ сод̇угаамаа. ассаа д̣̇звад̇ааяа виссаж̇ж̇знд̇о аж̇жхаасаяаануруубам̣. уббад̇амаанаад̇и уббад̇анд̇ий самуг̇гхаадзд̇и од̇хисо. ваддамуулагамахааавиж̇ж̇аад̇и д̇ассаа аад̣̇ийнавад̣̇ассанад̇т̇ам̣ бхууд̇агат̇анависзсанам̣. осийд̣̇анд̇аананд̇и бадибагкавасзна ад̇хо сийд̣̇анд̇аанам̣, уссаад̣̇аяамаанаананд̇и ад̇т̇о. бун̃н̃агкзд̇д̇абхууд̇од̇и ид̣̇ам̣ ‘‘бад̣̇асаа жарамаанаана’’нд̇и бад̣̇асса ад̇т̇авиваран̣авасзна бхууд̇агат̇анависзсанам̣. яаад̣̇исо буд̇д̇о ваа ход̇ууд̇и ид̣̇ам̣ буримабад̣̇з д̣̇звад̇ааяа буд̇д̇аг̇ахан̣асса гад̇ад̇д̇аа вуд̇д̇ам̣.
Attanokhantiyāti attano khantiyā ruciyā gahitabhāvena. Itarā devatā tassā vissajjane aparitussamānā āha. Yāva padhaṃsīti guṇadhaṃsī satthudesanāya laddhabbaguṇanāsanato. Pagabbāti pāgabbiyena samannāgatā, yathā vacīpāgabbiyena akharā, tathā vācāya bhavitabbaṃ. Mukharāti mukhakharā. Dasabalaṃ pucchi saṇhaṃ sukhumaṃ ratanattayasaṃhitaṃ atthaṃ sotukāmā. Assā devatāya vissajjento ajjhāsayānurūpaṃ. Uppatamānāti uppatantī samugghāṭeti odhiso. Vaṭṭamūlakamahāavijjāti tassā ādīnavadassanatthaṃ bhūtakathanavisesanaṃ. Osīdantānanti paṭipakkhavasena adho sīdantānaṃ, ussādayamānānanti attho. Puññakkhettabhūtoti idaṃ ‘‘padasā caramānāna’’nti padassa atthavivaraṇavasena bhūtakathanavisesanaṃ. Yādiso putto vā hotūti idaṃ purimapade devatāya puttagahaṇassa katattā vuttaṃ.
вудтисуд̇д̇аван̣н̣анаа нидтид̇аа.
Vuṭṭhisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. вудтисуд̇д̇ам̣ • 4. Vuṭṭhisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. вудтисуд̇д̇аван̣н̣анаа • 4. Vuṭṭhisuttavaṇṇanā
