| Library / Tipiṭaka / තිපිටක • Tipiṭaka / මහාවග්‌ග-අට්‌ඨකථා • Mahāvagga-aṭṭhakathā |
යාගුමධුගොළකාදිකථා
Yāgumadhugoḷakādikathā
282. එකත්‌තකොති එකකො, නත්‌ථි මෙ දුතියොති අත්‌ථො. පහූතං යාගුඤ්‌ච මධුගොළකඤ්‌ච පටියාදාපෙත්‌වාති සො කිර සතසහස්‌සං වයං කත්‌වා පටියාදාපෙසි. අනුමොදනාගාථාපරියොසානෙ ‘‘පත්‌ථයතං ඉච්‌ඡත’’න්‌ති පදානං ‘‘අලමෙව දාතු’’න්‌ති ඉමිනා සම්‌බන්‌ධො. සචෙ පන ‘‘පත්‌ථයතා ඉච්‌ඡතා’’ති පාඨො අත්‌ථි, සොයෙව ගහෙතබ්‌බො.
282.Ekattakoti ekako, natthi me dutiyoti attho. Pahūtaṃ yāguñca madhugoḷakañca paṭiyādāpetvāti so kira satasahassaṃ vayaṃ katvā paṭiyādāpesi. Anumodanāgāthāpariyosāne ‘‘patthayataṃ icchata’’nti padānaṃ ‘‘alameva dātu’’nti iminā sambandho. Sace pana ‘‘patthayatā icchatā’’ti pāṭho atthi, soyeva gahetabbo.
283. භොජ්‌ජයාගුන්‌ති යා පවාරණං ජනෙති. යදග්‌ගෙනාති යං ආදිං කත්‌වා. සග්‌ගා තෙ ආරද්‌ධාති සග්‌ගනිබ්‌බත්‌තකපුඤ්‌ඤං උපචිතන්‌ති අත්‌ථො. යථාධම්‌මො කාරෙතබ්‌බොති පරම්‌පරභොජනෙන කාරෙතබ්‌බො, භොජ්‌ජයාගුයා හි පවාරණා හොතීති.
283.Bhojjayāgunti yā pavāraṇaṃ janeti. Yadaggenāti yaṃ ādiṃ katvā. Saggā te āraddhāti sagganibbattakapuññaṃ upacitanti attho. Yathādhammokāretabboti paramparabhojanena kāretabbo, bhojjayāguyā hi pavāraṇā hotīti.
284. නාහං තං කච්‌චානාති තස්‌මිං කිර අවසිට්‌ඨගුළෙ දෙවතා සුඛුමොජං පක්‌ඛිපිංසු, සා අඤ්‌ඤෙසං පරිණාමං න ගච්‌ඡති, තස්‌මා එවමාහ. ගිලානස්‌ස ගුළන්‌ති තථාරූපෙන බ්‍යාධිනා ගිලානස්‌ස පච්‌ඡාභත්‌තං ගුළං අනුජානාමීති අත්‌ථො.
284.Nāhaṃ taṃ kaccānāti tasmiṃ kira avasiṭṭhaguḷe devatā sukhumojaṃ pakkhipiṃsu, sā aññesaṃ pariṇāmaṃ na gacchati, tasmā evamāha. Gilānassa guḷanti tathārūpena byādhinā gilānassa pacchābhattaṃ guḷaṃ anujānāmīti attho.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
170. යාගුමධුගොළකානුජානනා • 170. Yāgumadhugoḷakānujānanā
171. තරුණපසන්‌නමහාමත්‌තවත්‌ථු • 171. Taruṇapasannamahāmattavatthu
172. බෙලට්‌ඨකච්‌චානවත්‌ථු • 172. Belaṭṭhakaccānavatthu
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / යාගුමධුගොළකාදිකථාවණ්‌ණනා • Yāgumadhugoḷakādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / යාගුමධුගොළකාදිකථාවණ්‌ණනා • Yāgumadhugoḷakādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / යාගුමධුගොළකාදිකථාවණ්‌ණනා • Yāgumadhugoḷakādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 170. යාගුමධුගොළකාදිකථා • 170. Yāgumadhugoḷakādikathā
