| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
யாகு³மது⁴கோ³ளகாதி³கதா²வண்ணனா
Yāgumadhugoḷakādikathāvaṇṇanā
282. மது⁴கோ³ளகந்தி ஸக்கராதி³ஸங்யுத்தபூவங். ஆயுங் தே³தீதி ஆயுதா³னங் தே³தி. வண்ணந்தி ஸரீரவண்ணங். ஸுக²ந்தி காயிகசேதஸிகஸுக²ங். ப³லந்தி ஸரீரதா²மங். படிபா⁴னந்தி யுத்தமுத்தபடிபா⁴னங். வாதங் அனுலோமேதீதி வாதங் அனுலோமெத்வா ஹரதி. வத்தி²ங் ஸோதே⁴தீதி த⁴மனியோ ஸுத்³த⁴ங் கரோதி. ஆமாவஸேஸங் பாசேதீதி ஸசே ஆமாவஸேஸகங் ஹோதி, தங் பாசேதி. அனுப்பவெச்ச²தீதி தே³தி. வாதஞ்ச ப்³யபனேதீதி ஸம்ப³ந்தி⁴தப்³ப³ங்.
282.Madhugoḷakanti sakkarādisaṃyuttapūvaṃ. Āyuṃ detīti āyudānaṃ deti. Vaṇṇanti sarīravaṇṇaṃ. Sukhanti kāyikacetasikasukhaṃ. Balanti sarīrathāmaṃ. Paṭibhānanti yuttamuttapaṭibhānaṃ. Vātaṃ anulometīti vātaṃ anulometvā harati. Vatthiṃ sodhetīti dhamaniyo suddhaṃ karoti. Āmāvasesaṃ pācetīti sace āmāvasesakaṃ hoti, taṃ pāceti. Anuppavecchatīti deti. Vātañca byapanetīti sambandhitabbaṃ.
283. நனு ச ‘‘பரம்பரபோ⁴ஜனேன காரேதப்³போ³’’தி கஸ்மா வுத்தங். பரம்பரபோ⁴ஜனஞ்ஹி பஞ்சன்னங் போ⁴ஜனானங் அஞ்ஞதரேன நிமந்திதஸ்ஸ தங் ட²பெத்வா அஞ்ஞங் பஞ்சன்னங் போ⁴ஜனானங் அஞ்ஞதரங் பு⁴ஞ்ஜந்தஸ்ஸ ஹோதி, இமே ச பி⁴க்கூ² போ⁴ஜ்ஜயாகு³ங் பரிபு⁴ஞ்ஜிங்ஸு, பஞ்சஸு போ⁴ஜனேஸு அஞ்ஞதரந்தி ஆஹ ‘‘போ⁴ஜ்ஜயாகு³யா ஹி பவாரணா ஹோதீ’’தி. யஸ்மா பஞ்சன்னங் போ⁴ஜனானங் அஞ்ஞதரங் படிக்கி²பந்தஸ்ஸ வுத்தா பவாரணா போ⁴ஜ்ஜயாகு³ங் படிக்கி²பந்தஸ்ஸபி ஹோதியேவ, தஸ்மா போ⁴ஜ்ஜயாகு³பி ஓத³னக³திகாயேவாதி அதி⁴ப்பாயோ.
283. Nanu ca ‘‘paramparabhojanena kāretabbo’’ti kasmā vuttaṃ. Paramparabhojanañhi pañcannaṃ bhojanānaṃ aññatarena nimantitassa taṃ ṭhapetvā aññaṃ pañcannaṃ bhojanānaṃ aññataraṃ bhuñjantassa hoti, ime ca bhikkhū bhojjayāguṃ paribhuñjiṃsu, pañcasu bhojanesu aññataranti āha ‘‘bhojjayāguyā hi pavāraṇā hotī’’ti. Yasmā pañcannaṃ bhojanānaṃ aññataraṃ paṭikkhipantassa vuttā pavāraṇā bhojjayāguṃ paṭikkhipantassapi hotiyeva, tasmā bhojjayāgupi odanagatikāyevāti adhippāyo.
284. ஸுகு²மோஜங் பக்கி²பிங்ஸூதி ‘‘ப⁴க³வா பரிபு⁴ஞ்ஜிஸ்ஸதீ’’தி மஞ்ஞமானா பக்கி²பிங்ஸு.
284.Sukhumojaṃpakkhipiṃsūti ‘‘bhagavā paribhuñjissatī’’ti maññamānā pakkhipiṃsu.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
170. யாகு³மது⁴கோ³ளகானுஜானநா • 170. Yāgumadhugoḷakānujānanā
171. தருணபஸன்னமஹாமத்தவத்து² • 171. Taruṇapasannamahāmattavatthu
172. பே³லட்ட²கச்சானவத்து² • 172. Belaṭṭhakaccānavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / யாகு³மது⁴கோ³ளகாதி³கதா² • Yāgumadhugoḷakādikathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / யாகு³மது⁴கோ³ளகாதி³கதா²வண்ணனா • Yāgumadhugoḷakādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / யாகு³மது⁴கோ³ளகாதி³கதா²வண்ணனா • Yāgumadhugoḷakādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 170. யாகு³மது⁴கோ³ளகாதி³கதா² • 170. Yāgumadhugoḷakādikathā
