| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
যাগুমধুগোল়কাদিকথাৰণ্ণনা
Yāgumadhugoḷakādikathāvaṇṇanā
২৮২. মধুগোল়কন্তি সক্করাদিসংযুত্তপূৰং। আযুং দেতীতি আযুদানং দেতি। ৰণ্ণন্তি সরীরৰণ্ণং। সুখন্তি কাযিকচেতসিকসুখং। বলন্তি সরীরথামং। পটিভানন্তি যুত্তমুত্তপটিভানং। ৰাতং অনুলোমেতীতি ৰাতং অনুলোমেত্ৰা হরতি। ৰত্থিং সোধেতীতি ধমনিযো সুদ্ধং করোতি। আমাৰসেসং পাচেতীতি সচে আমাৰসেসকং হোতি, তং পাচেতি। অনুপ্পৰেচ্ছতীতি দেতি। ৰাতঞ্চ ব্যপনেতীতি সম্বন্ধিতব্বং।
282.Madhugoḷakanti sakkarādisaṃyuttapūvaṃ. Āyuṃ detīti āyudānaṃ deti. Vaṇṇanti sarīravaṇṇaṃ. Sukhanti kāyikacetasikasukhaṃ. Balanti sarīrathāmaṃ. Paṭibhānanti yuttamuttapaṭibhānaṃ. Vātaṃ anulometīti vātaṃ anulometvā harati. Vatthiṃ sodhetīti dhamaniyo suddhaṃ karoti. Āmāvasesaṃ pācetīti sace āmāvasesakaṃ hoti, taṃ pāceti. Anuppavecchatīti deti. Vātañca byapanetīti sambandhitabbaṃ.
২৮৩. ননু চ ‘‘পরম্পরভোজনেন কারেতব্বো’’তি কস্মা ৰুত্তং। পরম্পরভোজনঞ্হি পঞ্চন্নং ভোজনানং অঞ্ঞতরেন নিমন্তিতস্স তং ঠপেত্ৰা অঞ্ঞং পঞ্চন্নং ভোজনানং অঞ্ঞতরং ভুঞ্জন্তস্স হোতি, ইমে চ ভিক্খূ ভোজ্জযাগুং পরিভুঞ্জিংসু, পঞ্চসু ভোজনেসু অঞ্ঞতরন্তি আহ ‘‘ভোজ্জযাগুযা হি পৰারণা হোতী’’তি। যস্মা পঞ্চন্নং ভোজনানং অঞ্ঞতরং পটিক্খিপন্তস্স ৰুত্তা পৰারণা ভোজ্জযাগুং পটিক্খিপন্তস্সপি হোতিযেৰ, তস্মা ভোজ্জযাগুপি ওদনগতিকাযেৰাতি অধিপ্পাযো।
283. Nanu ca ‘‘paramparabhojanena kāretabbo’’ti kasmā vuttaṃ. Paramparabhojanañhi pañcannaṃ bhojanānaṃ aññatarena nimantitassa taṃ ṭhapetvā aññaṃ pañcannaṃ bhojanānaṃ aññataraṃ bhuñjantassa hoti, ime ca bhikkhū bhojjayāguṃ paribhuñjiṃsu, pañcasu bhojanesu aññataranti āha ‘‘bhojjayāguyā hi pavāraṇā hotī’’ti. Yasmā pañcannaṃ bhojanānaṃ aññataraṃ paṭikkhipantassa vuttā pavāraṇā bhojjayāguṃ paṭikkhipantassapi hotiyeva, tasmā bhojjayāgupi odanagatikāyevāti adhippāyo.
২৮৪. সুখুমোজং পক্খিপিংসূতি ‘‘ভগৰা পরিভুঞ্জিস্সতী’’তি মঞ্ঞমানা পক্খিপিংসু।
284.Sukhumojaṃpakkhipiṃsūti ‘‘bhagavā paribhuñjissatī’’ti maññamānā pakkhipiṃsu.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১৭০. যাগুমধুগোল়কানুজাননা • 170. Yāgumadhugoḷakānujānanā
১৭১. তরুণপসন্নমহামত্তৰত্থু • 171. Taruṇapasannamahāmattavatthu
১৭২. বেলট্ঠকচ্চানৰত্থু • 172. Belaṭṭhakaccānavatthu
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / যাগুমধুগোল়কাদিকথা • Yāgumadhugoḷakādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / যাগুমধুগোল়কাদিকথাৰণ্ণনা • Yāgumadhugoḷakādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / যাগুমধুগোল়কাদিকথাৰণ্ণনা • Yāgumadhugoḷakādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১৭০. যাগুমধুগোল়কাদিকথা • 170. Yāgumadhugoḷakādikathā
