| Library / Tipiṭaka / ತಿಪಿಟಕ • Tipiṭaka / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā |
ಯಾಗುಮಧುಗೋಳಕಾದಿಕಥಾವಣ್ಣನಾ
Yāgumadhugoḷakādikathāvaṇṇanā
೨೮೨. ಮಧುಗೋಳಕನ್ತಿ ಸಕ್ಕರಾದಿಸಂಯುತ್ತಪೂವಂ। ಆಯುಂ ದೇತೀತಿ ಆಯುದಾನಂ ದೇತಿ। ವಣ್ಣನ್ತಿ ಸರೀರವಣ್ಣಂ। ಸುಖನ್ತಿ ಕಾಯಿಕಚೇತಸಿಕಸುಖಂ। ಬಲನ್ತಿ ಸರೀರಥಾಮಂ। ಪಟಿಭಾನನ್ತಿ ಯುತ್ತಮುತ್ತಪಟಿಭಾನಂ। ವಾತಂ ಅನುಲೋಮೇತೀತಿ ವಾತಂ ಅನುಲೋಮೇತ್ವಾ ಹರತಿ। ವತ್ಥಿಂ ಸೋಧೇತೀತಿ ಧಮನಿಯೋ ಸುದ್ಧಂ ಕರೋತಿ। ಆಮಾವಸೇಸಂ ಪಾಚೇತೀತಿ ಸಚೇ ಆಮಾವಸೇಸಕಂ ಹೋತಿ, ತಂ ಪಾಚೇತಿ। ಅನುಪ್ಪವೇಚ್ಛತೀತಿ ದೇತಿ। ವಾತಞ್ಚ ಬ್ಯಪನೇತೀತಿ ಸಮ್ಬನ್ಧಿತಬ್ಬಂ।
282.Madhugoḷakanti sakkarādisaṃyuttapūvaṃ. Āyuṃ detīti āyudānaṃ deti. Vaṇṇanti sarīravaṇṇaṃ. Sukhanti kāyikacetasikasukhaṃ. Balanti sarīrathāmaṃ. Paṭibhānanti yuttamuttapaṭibhānaṃ. Vātaṃ anulometīti vātaṃ anulometvā harati. Vatthiṃ sodhetīti dhamaniyo suddhaṃ karoti. Āmāvasesaṃ pācetīti sace āmāvasesakaṃ hoti, taṃ pāceti. Anuppavecchatīti deti. Vātañca byapanetīti sambandhitabbaṃ.
೨೮೩. ನನು ಚ ‘‘ಪರಮ್ಪರಭೋಜನೇನ ಕಾರೇತಬ್ಬೋ’’ತಿ ಕಸ್ಮಾ ವುತ್ತಂ। ಪರಮ್ಪರಭೋಜನಞ್ಹಿ ಪಞ್ಚನ್ನಂ ಭೋಜನಾನಂ ಅಞ್ಞತರೇನ ನಿಮನ್ತಿತಸ್ಸ ತಂ ಠಪೇತ್ವಾ ಅಞ್ಞಂ ಪಞ್ಚನ್ನಂ ಭೋಜನಾನಂ ಅಞ್ಞತರಂ ಭುಞ್ಜನ್ತಸ್ಸ ಹೋತಿ, ಇಮೇ ಚ ಭಿಕ್ಖೂ ಭೋಜ್ಜಯಾಗುಂ ಪರಿಭುಞ್ಜಿಂಸು, ಪಞ್ಚಸು ಭೋಜನೇಸು ಅಞ್ಞತರನ್ತಿ ಆಹ ‘‘ಭೋಜ್ಜಯಾಗುಯಾ ಹಿ ಪವಾರಣಾ ಹೋತೀ’’ತಿ। ಯಸ್ಮಾ ಪಞ್ಚನ್ನಂ ಭೋಜನಾನಂ ಅಞ್ಞತರಂ ಪಟಿಕ್ಖಿಪನ್ತಸ್ಸ ವುತ್ತಾ ಪವಾರಣಾ ಭೋಜ್ಜಯಾಗುಂ ಪಟಿಕ್ಖಿಪನ್ತಸ್ಸಪಿ ಹೋತಿಯೇವ, ತಸ್ಮಾ ಭೋಜ್ಜಯಾಗುಪಿ ಓದನಗತಿಕಾಯೇವಾತಿ ಅಧಿಪ್ಪಾಯೋ।
283. Nanu ca ‘‘paramparabhojanena kāretabbo’’ti kasmā vuttaṃ. Paramparabhojanañhi pañcannaṃ bhojanānaṃ aññatarena nimantitassa taṃ ṭhapetvā aññaṃ pañcannaṃ bhojanānaṃ aññataraṃ bhuñjantassa hoti, ime ca bhikkhū bhojjayāguṃ paribhuñjiṃsu, pañcasu bhojanesu aññataranti āha ‘‘bhojjayāguyā hi pavāraṇā hotī’’ti. Yasmā pañcannaṃ bhojanānaṃ aññataraṃ paṭikkhipantassa vuttā pavāraṇā bhojjayāguṃ paṭikkhipantassapi hotiyeva, tasmā bhojjayāgupi odanagatikāyevāti adhippāyo.
೨೮೪. ಸುಖುಮೋಜಂ ಪಕ್ಖಿಪಿಂಸೂತಿ ‘‘ಭಗವಾ ಪರಿಭುಞ್ಜಿಸ್ಸತೀ’’ತಿ ಮಞ್ಞಮಾನಾ ಪಕ್ಖಿಪಿಂಸು।
284.Sukhumojaṃpakkhipiṃsūti ‘‘bhagavā paribhuñjissatī’’ti maññamānā pakkhipiṃsu.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi
೧೭೦. ಯಾಗುಮಧುಗೋಳಕಾನುಜಾನನಾ • 170. Yāgumadhugoḷakānujānanā
೧೭೧. ತರುಣಪಸನ್ನಮಹಾಮತ್ತವತ್ಥು • 171. Taruṇapasannamahāmattavatthu
೧೭೨. ಬೇಲಟ್ಠಕಚ್ಚಾನವತ್ಥು • 172. Belaṭṭhakaccānavatthu
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಯಾಗುಮಧುಗೋಳಕಾದಿಕಥಾ • Yāgumadhugoḷakādikathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಯಾಗುಮಧುಗೋಳಕಾದಿಕಥಾವಣ್ಣನಾ • Yāgumadhugoḷakādikathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಯಾಗುಮಧುಗೋಳಕಾದಿಕಥಾವಣ್ಣನಾ • Yāgumadhugoḷakādikathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೧೭೦. ಯಾಗುಮಧುಗೋಳಕಾದಿಕಥಾ • 170. Yāgumadhugoḷakādikathā
