| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
ཡཱགུམདྷུགོལ༹ཀཱདིཀཐཱཝཎྞནཱ
Yāgumadhugoḷakādikathāvaṇṇanā
༢༨༢. མདྷུགོལ༹ཀནྟི སཀྐརཱདིསཾཡུཏྟཔཱུཝཾ། ཨཱཡུཾ དེཏཱིཏི ཨཱཡུདཱནཾ དེཏི། ཝཎྞནྟི སརཱིརཝཎྞཾ། སུཁནྟི ཀཱཡིཀཙེཏསིཀསུཁཾ། བལནྟི སརཱིརཐཱམཾ། པཊིབྷཱནནྟི ཡུཏྟམུཏྟཔཊིབྷཱནཾ། ཝཱཏཾ ཨནུལོམེཏཱིཏི ཝཱཏཾ ཨནུལོམེཏྭཱ ཧརཏི། ཝཏྠིཾ སོདྷེཏཱིཏི དྷམནིཡོ སུདྡྷཾ ཀརོཏི། ཨཱམཱཝསེསཾ པཱཙེཏཱིཏི སཙེ ཨཱམཱཝསེསཀཾ ཧོཏི, ཏཾ པཱཙེཏི། ཨནུཔྤཝེཙྪཏཱིཏི དེཏི། ཝཱཏཉྩ བྱཔནེཏཱིཏི སམྦནྡྷིཏབྦཾ།
282.Madhugoḷakanti sakkarādisaṃyuttapūvaṃ. Āyuṃ detīti āyudānaṃ deti. Vaṇṇanti sarīravaṇṇaṃ. Sukhanti kāyikacetasikasukhaṃ. Balanti sarīrathāmaṃ. Paṭibhānanti yuttamuttapaṭibhānaṃ. Vātaṃ anulometīti vātaṃ anulometvā harati. Vatthiṃ sodhetīti dhamaniyo suddhaṃ karoti. Āmāvasesaṃ pācetīti sace āmāvasesakaṃ hoti, taṃ pāceti. Anuppavecchatīti deti. Vātañca byapanetīti sambandhitabbaṃ.
༢༨༣. ནནུ ཙ ‘‘པརམྤརབྷོཛནེན ཀཱརེཏབྦོ’’ཏི ཀསྨཱ ཝུཏྟཾ། པརམྤརབྷོཛནཉྷི པཉྩནྣཾ བྷོཛནཱནཾ ཨཉྙཏརེན ནིམནྟིཏསྶ ཏཾ ཋཔེཏྭཱ ཨཉྙཾ པཉྩནྣཾ བྷོཛནཱནཾ ཨཉྙཏརཾ བྷུཉྫནྟསྶ ཧོཏི, ཨིམེ ཙ བྷིཀྑཱུ བྷོཛྫཡཱགུཾ པརིབྷུཉྫིཾསུ, པཉྩསུ བྷོཛནེསུ ཨཉྙཏརནྟི ཨཱཧ ‘‘བྷོཛྫཡཱགུཡཱ ཧི པཝཱརཎཱ ཧོཏཱི’’ཏི། ཡསྨཱ པཉྩནྣཾ བྷོཛནཱནཾ ཨཉྙཏརཾ པཊིཀྑིཔནྟསྶ ཝུཏྟཱ པཝཱརཎཱ བྷོཛྫཡཱགུཾ པཊིཀྑིཔནྟསྶཔི ཧོཏིཡེཝ, ཏསྨཱ བྷོཛྫཡཱགུཔི ཨོདནགཏིཀཱཡེཝཱཏི ཨདྷིཔྤཱཡོ།
283. Nanu ca ‘‘paramparabhojanena kāretabbo’’ti kasmā vuttaṃ. Paramparabhojanañhi pañcannaṃ bhojanānaṃ aññatarena nimantitassa taṃ ṭhapetvā aññaṃ pañcannaṃ bhojanānaṃ aññataraṃ bhuñjantassa hoti, ime ca bhikkhū bhojjayāguṃ paribhuñjiṃsu, pañcasu bhojanesu aññataranti āha ‘‘bhojjayāguyā hi pavāraṇā hotī’’ti. Yasmā pañcannaṃ bhojanānaṃ aññataraṃ paṭikkhipantassa vuttā pavāraṇā bhojjayāguṃ paṭikkhipantassapi hotiyeva, tasmā bhojjayāgupi odanagatikāyevāti adhippāyo.
༢༨༤. སུཁུམོཛཾ པཀྑིཔིཾསཱུཏི ‘‘བྷགཝཱ པརིབྷུཉྫིསྶཏཱི’’ཏི མཉྙམཱནཱ པཀྑིཔིཾསུ།
284.Sukhumojaṃpakkhipiṃsūti ‘‘bhagavā paribhuñjissatī’’ti maññamānā pakkhipiṃsu.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi
༡༧༠. ཡཱགུམདྷུགོལ༹ཀཱནུཛཱནནཱ • 170. Yāgumadhugoḷakānujānanā
༡༧༡. ཏརུཎཔསནྣམཧཱམཏྟཝཏྠུ • 171. Taruṇapasannamahāmattavatthu
༡༧༢. བེལཊྛཀཙྩཱནཝཏྠུ • 172. Belaṭṭhakaccānavatthu
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཡཱགུམདྷུགོལ༹ཀཱདིཀཐཱ • Yāgumadhugoḷakādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཡཱགུམདྷུགོལ༹ཀཱདིཀཐཱཝཎྞནཱ • Yāgumadhugoḷakādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཡཱགུམདྷུགོལ༹ཀཱདིཀཐཱཝཎྞནཱ • Yāgumadhugoḷakādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༧༠. ཡཱགུམདྷུགོལ༹ཀཱདིཀཐཱ • 170. Yāgumadhugoḷakādikathā
