| Library / Tipiṭaka / തിപിടക • Tipiṭaka / സാരത്ഥദീപനീ-ടീകാ • Sāratthadīpanī-ṭīkā |
യാഗുമധുഗോളകാദികഥാവണ്ണനാ
Yāgumadhugoḷakādikathāvaṇṇanā
൨൮൨. മധുഗോളകന്തി സക്കരാദിസംയുത്തപൂവം. ആയും ദേതീതി ആയുദാനം ദേതി. വണ്ണന്തി സരീരവണ്ണം. സുഖന്തി കായികചേതസികസുഖം. ബലന്തി സരീരഥാമം. പടിഭാനന്തി യുത്തമുത്തപടിഭാനം. വാതം അനുലോമേതീതി വാതം അനുലോമേത്വാ ഹരതി. വത്ഥിം സോധേതീതി ധമനിയോ സുദ്ധം കരോതി. ആമാവസേസം പാചേതീതി സചേ ആമാവസേസകം ഹോതി, തം പാചേതി. അനുപ്പവേച്ഛതീതി ദേതി. വാതഞ്ച ബ്യപനേതീതി സമ്ബന്ധിതബ്ബം.
282.Madhugoḷakanti sakkarādisaṃyuttapūvaṃ. Āyuṃ detīti āyudānaṃ deti. Vaṇṇanti sarīravaṇṇaṃ. Sukhanti kāyikacetasikasukhaṃ. Balanti sarīrathāmaṃ. Paṭibhānanti yuttamuttapaṭibhānaṃ. Vātaṃ anulometīti vātaṃ anulometvā harati. Vatthiṃ sodhetīti dhamaniyo suddhaṃ karoti. Āmāvasesaṃ pācetīti sace āmāvasesakaṃ hoti, taṃ pāceti. Anuppavecchatīti deti. Vātañca byapanetīti sambandhitabbaṃ.
൨൮൩. നനു ച ‘‘പരമ്പരഭോജനേന കാരേതബ്ബോ’’തി കസ്മാ വുത്തം. പരമ്പരഭോജനഞ്ഹി പഞ്ചന്നം ഭോജനാനം അഞ്ഞതരേന നിമന്തിതസ്സ തം ഠപേത്വാ അഞ്ഞം പഞ്ചന്നം ഭോജനാനം അഞ്ഞതരം ഭുഞ്ജന്തസ്സ ഹോതി, ഇമേ ച ഭിക്ഖൂ ഭോജ്ജയാഗും പരിഭുഞ്ജിംസു, പഞ്ചസു ഭോജനേസു അഞ്ഞതരന്തി ആഹ ‘‘ഭോജ്ജയാഗുയാ ഹി പവാരണാ ഹോതീ’’തി. യസ്മാ പഞ്ചന്നം ഭോജനാനം അഞ്ഞതരം പടിക്ഖിപന്തസ്സ വുത്താ പവാരണാ ഭോജ്ജയാഗും പടിക്ഖിപന്തസ്സപി ഹോതിയേവ, തസ്മാ ഭോജ്ജയാഗുപി ഓദനഗതികായേവാതി അധിപ്പായോ.
283. Nanu ca ‘‘paramparabhojanena kāretabbo’’ti kasmā vuttaṃ. Paramparabhojanañhi pañcannaṃ bhojanānaṃ aññatarena nimantitassa taṃ ṭhapetvā aññaṃ pañcannaṃ bhojanānaṃ aññataraṃ bhuñjantassa hoti, ime ca bhikkhū bhojjayāguṃ paribhuñjiṃsu, pañcasu bhojanesu aññataranti āha ‘‘bhojjayāguyā hi pavāraṇā hotī’’ti. Yasmā pañcannaṃ bhojanānaṃ aññataraṃ paṭikkhipantassa vuttā pavāraṇā bhojjayāguṃ paṭikkhipantassapi hotiyeva, tasmā bhojjayāgupi odanagatikāyevāti adhippāyo.
൨൮൪. സുഖുമോജം പക്ഖിപിംസൂതി ‘‘ഭഗവാ പരിഭുഞ്ജിസ്സതീ’’തി മഞ്ഞമാനാ പക്ഖിപിംസു.
284.Sukhumojaṃpakkhipiṃsūti ‘‘bhagavā paribhuñjissatī’’ti maññamānā pakkhipiṃsu.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi
൧൭൦. യാഗുമധുഗോളകാനുജാനനാ • 170. Yāgumadhugoḷakānujānanā
൧൭൧. തരുണപസന്നമഹാമത്തവത്ഥു • 171. Taruṇapasannamahāmattavatthu
൧൭൨. ബേലട്ഠകച്ചാനവത്ഥു • 172. Belaṭṭhakaccānavatthu
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / യാഗുമധുഗോളകാദികഥാ • Yāgumadhugoḷakādikathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / യാഗുമധുഗോളകാദികഥാവണ്ണനാ • Yāgumadhugoḷakādikathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / യാഗുമധുഗോളകാദികഥാവണ്ണനാ • Yāgumadhugoḷakādikathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧൭൦. യാഗുമധുഗോളകാദികഥാ • 170. Yāgumadhugoḷakādikathā
