| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
170. яааг̇умад̇хуг̇ол̣агаануж̇аананаа
170. Yāgumadhugoḷakānujānanā
282. ат̇а ко бхаг̇аваа б̣аараан̣асияам̣ яат̇аабхиранд̇ам̣ вихарид̇ваа язна анд̇хагавинд̣̇ам̣ д̇зна жааригам̣ баггаами, махад̇аа бхигкусан̇гхзна сад̣̇д̇хим̣, ад̣дхад̇зласзхи бхигкусад̇зхи. д̇зна ко бана самаязна ж̇аанабад̣̇аа мануссаа б̣ахум̣ лон̣амби, д̇зламби, д̇ан̣д̣уламби, каад̣̇анийяамби сагадзсу ааробзд̇ваа б̣уд̣̇д̇хаббамукасса бхигкусан̇гхасса бидтид̇о бидтид̇о ануб̣анд̇хаа хонд̇и – яад̣̇аа бадибаадим̣ лабхиссаама д̇ад̣̇аа бхад̇д̇ам̣ гариссаамаад̇и, бан̃жамад̇д̇аани жа вигхаасаад̣̇асад̇аани. ат̇а ко бхаг̇аваа анубуб̣б̣зна жааригам̣ жарамаано язна анд̇хагавинд̣̇ам̣ д̇ад̣̇авасари. ат̇а ко ан̃н̃ад̇арасса б̣раахман̣асса бадибаадим̣ алабханд̇асса зд̇ад̣̇ахоси – ‘‘ад̇ийд̇аани 1 ко мз д̣̇вз маасаани б̣уд̣̇д̇хаббамукам̣ бхигкусан̇гхам̣ ануб̣анд̇ханд̇асса ‘яад̣̇аа бадибаадим̣ лабхиссаами д̇ад̣̇аа бхад̇д̇ам̣ гариссаамий’д̇и, на жа мз бадибаади лаб̣бхад̇и, ахан̃жамхи згад̇д̇аго 2, б̣аху жа мз гхарааваасад̇т̇о хааяад̇и. яам̣нуунаахам̣ бхад̇д̇аг̇г̇ам̣ ологзяяам̣; яам̣ бхад̇д̇аг̇г̇з наасса, д̇ам̣ бадияаад̣̇зяяа’’нд̇и. ат̇а ко со б̣раахман̣о бхад̇д̇аг̇г̇ам̣ ологзнд̇о д̣̇вз наад̣̇д̣̇аса – яааг̇ун̃жа мад̇хуг̇ол̣аган̃жа . ат̇а ко со б̣раахман̣о язнааяасмаа аананд̣̇о д̇знубасан̇гами, убасан̇гамид̇ваа ааяасманд̇ам̣ аананд̣̇ам̣ зд̇ад̣̇авожа – ‘‘ид̇ха мз, бхо аананд̣̇а, бадибаадим̣ алабханд̇асса зд̇ад̣̇ахоси ‘ад̇ийд̇аани ко мз д̣̇вз маасаани б̣уд̣̇д̇хаббамукам̣ бхигкусан̇гхам̣ ануб̣анд̇ханд̇асса, яад̣̇аа бадибаадим̣ лабхиссаами д̇ад̣̇аа бхад̇д̇ам̣ гариссаамийд̇и. на жа мз бадибаади лаб̣бхад̇и , ахан̃жамхи згад̇д̇аго, б̣аху жа мз гхарааваасад̇т̇о хааяад̇и. яам̣нуунаахам̣ бхад̇д̇аг̇г̇ам̣ ологзяяам̣; яам̣ бхад̇д̇аг̇г̇з наасса, д̇ам̣ бадияаад̣̇зяяа’нд̇и. со ко ахам̣, бхо аананд̣̇а, бхад̇д̇аг̇г̇ам̣ ологзнд̇о д̣̇вз наад̣̇д̣̇асам̣ – яааг̇ун̃жа мад̇хуг̇ол̣аган̃жа. сажаахам̣, бхо аананд̣̇а, бадияаад̣̇зяяам̣ яааг̇ун̃жа мад̇хуг̇ол̣аган̃жа, бадиг̇г̇ан̣хзяяа мз бхавам̣ г̇од̇амо’’д̇и? ‘‘д̇зна хи, б̣раахман̣а, бхаг̇аванд̇ам̣ бадибужчиссаамий’’д̇и. ат̇а ко ааяасмаа аананд̣̇о бхаг̇авад̇о зд̇амад̇т̇ам̣ аарожзси. д̇зна хаананд̣̇а, бадияаад̣̇зд̇ууд̇и. д̇зна хи, б̣раахман̣а, бадияаад̣̇зхийд̇и. ат̇а ко со б̣раахман̣о д̇ассаа рад̇д̇ияаа ажжаязна бахууд̇ам̣ яааг̇ун̃жа мад̇хуг̇ол̣аган̃жа бадияаад̣̇аабзд̇ваа бхаг̇авад̇о убанаамзси – бадиг̇г̇ан̣хаад̇у мз бхавам̣ г̇од̇амо яааг̇ун̃жа мад̇хуг̇ол̣аган̃жаад̇и. д̇зна хи, б̣раахман̣а, бхигкуунам̣ д̣̇зхийд̇и. бхигкуу гуггужжааяанд̇аа на бадиг̇г̇ан̣ханд̇и. бадиг̇г̇ан̣хат̇а, бхигкавз, барибхун̃ж̇ат̇аад̇и. ат̇а ко со б̣раахман̣о б̣уд̣̇д̇хаббамукам̣ бхигкусан̇гхам̣ бахууд̇ааяа яааг̇уяаа жа мад̇хуг̇ол̣агзна жа сахад̇т̇аа санд̇аббзд̇ваа самбаваарзд̇ваа бхаг̇аванд̇ам̣ д̇ход̇ахад̇т̇ам̣ онийд̇абад̇д̇абаан̣им̣ згаманд̇ам̣ нисийд̣̇и. згаманд̇ам̣ нисиннам̣ ко д̇ам̣ б̣раахман̣ам̣ бхаг̇аваа зд̇ад̣̇авожа –
282. Atha kho bhagavā bārāṇasiyaṃ yathābhirantaṃ viharitvā yena andhakavindaṃ tena cārikaṃ pakkāmi, mahatā bhikkhusaṅghena saddhiṃ, aḍḍhatelasehi bhikkhusatehi. Tena kho pana samayena jānapadā manussā bahuṃ loṇampi, telampi, taṇḍulampi, khādanīyampi sakaṭesu āropetvā buddhappamukhassa bhikkhusaṅghassa piṭṭhito piṭṭhito anubandhā honti – yadā paṭipāṭiṃ labhissāma tadā bhattaṃ karissāmāti, pañcamattāni ca vighāsādasatāni. Atha kho bhagavā anupubbena cārikaṃ caramāno yena andhakavindaṃ tadavasari. Atha kho aññatarassa brāhmaṇassa paṭipāṭiṃ alabhantassa etadahosi – ‘‘atītāni 3 kho me dve māsāni buddhappamukhaṃ bhikkhusaṅghaṃ anubandhantassa ‘yadā paṭipāṭiṃ labhissāmi tadā bhattaṃ karissāmī’ti, na ca me paṭipāṭi labbhati, ahañcamhi ekattako 4, bahu ca me gharāvāsattho hāyati. Yaṃnūnāhaṃ bhattaggaṃ olokeyyaṃ; yaṃ bhattagge nāssa, taṃ paṭiyādeyya’’nti. Atha kho so brāhmaṇo bhattaggaṃ olokento dve nāddasa – yāguñca madhugoḷakañca . Atha kho so brāhmaṇo yenāyasmā ānando tenupasaṅkami, upasaṅkamitvā āyasmantaṃ ānandaṃ etadavoca – ‘‘idha me, bho ānanda, paṭipāṭiṃ alabhantassa etadahosi ‘atītāni kho me dve māsāni buddhappamukhaṃ bhikkhusaṅghaṃ anubandhantassa, yadā paṭipāṭiṃ labhissāmi tadā bhattaṃ karissāmīti. Na ca me paṭipāṭi labbhati , ahañcamhi ekattako, bahu ca me gharāvāsattho hāyati. Yaṃnūnāhaṃ bhattaggaṃ olokeyyaṃ; yaṃ bhattagge nāssa, taṃ paṭiyādeyya’nti. So kho ahaṃ, bho ānanda, bhattaggaṃ olokento dve nāddasaṃ – yāguñca madhugoḷakañca. Sacāhaṃ, bho ānanda, paṭiyādeyyaṃ yāguñca madhugoḷakañca, paṭiggaṇheyya me bhavaṃ gotamo’’ti? ‘‘Tena hi, brāhmaṇa, bhagavantaṃ paṭipucchissāmī’’ti. Atha kho āyasmā ānando bhagavato etamatthaṃ ārocesi. Tena hānanda, paṭiyādetūti. Tena hi, brāhmaṇa, paṭiyādehīti. Atha kho so brāhmaṇo tassā rattiyā accayena pahūtaṃ yāguñca madhugoḷakañca paṭiyādāpetvā bhagavato upanāmesi – paṭiggaṇhātu me bhavaṃ gotamo yāguñca madhugoḷakañcāti. Tena hi, brāhmaṇa, bhikkhūnaṃ dehīti. Bhikkhū kukkuccāyantā na paṭiggaṇhanti. Paṭiggaṇhatha, bhikkhave, paribhuñjathāti. Atha kho so brāhmaṇo buddhappamukhaṃ bhikkhusaṅghaṃ pahūtāya yāguyā ca madhugoḷakena ca sahatthā santappetvā sampavāretvā bhagavantaṃ dhotahatthaṃ onītapattapāṇiṃ ekamantaṃ nisīdi. Ekamantaṃ nisinnaṃ kho taṃ brāhmaṇaṃ bhagavā etadavoca –
‘‘д̣̇асаяимз, б̣раахман̣а, аанисам̣саа яааг̇уяаа. гад̇амз д̣̇аса? яааг̇ум̣ д̣̇знд̇о ааяум̣ д̣̇зд̇и, ван̣н̣ам̣ д̣̇зд̇и, сукам̣ д̣̇зд̇и, б̣алам̣ д̣̇зд̇и, бадибхаанам̣ д̣̇зд̇и, яааг̇у бийд̇аа куд̣̇д̣̇ам̣ 5 бадиханад̇и, бибаасам̣ винзд̇и, ваад̇ам̣ ануломзд̇и, вад̇т̇им̣ сод̇хзд̇и, аамаавасзсам̣ баажзд̇и – имз ко, б̣раахман̣а, д̣̇асаанисам̣саа яааг̇уяаа’’д̇и 6.
гаалзна саггажжа д̣̇ад̣̇аад̇и яааг̇ум̣;
Kālena sakkacca dadāti yāguṃ;
д̣̇асасса таанаани ануббавзжчад̇и;
Dasassa ṭhānāni anuppavecchati;
ааяун̃жа ван̣н̣ан̃жа сукам̣ б̣алан̃жа.
Āyuñca vaṇṇañca sukhaṃ balañca.
бадибхаанамасса убаж̇ааяад̇з д̇ад̇о;
Paṭibhānamassa upajāyate tato;
куд̣̇д̣̇ам̣ бибаасан̃жа б̣яабанзд̇и ваад̇ам̣;
Khuddaṃ pipāsañca byapaneti vātaṃ;
сод̇хзд̇и вад̇т̇им̣ барин̣аамзд̇и бхуд̇д̇ам̣;
Sodheti vatthiṃ pariṇāmeti bhuttaṃ;
бхзсаж̇ж̇амзд̇ам̣ суг̇ад̇зна ван̣н̣ид̇ам̣.
Bhesajjametaṃ sugatena vaṇṇitaṃ.
д̇асмаа хи яааг̇ум̣ аламзва д̣̇аад̇ум̣;
Tasmā hi yāguṃ alameva dātuṃ;
нижжам̣ мануссзна сукад̇т̇игзна;
Niccaṃ manussena sukhatthikena;
д̣̇иб̣б̣аани ваа бад̇т̇аяад̇аа сукаани;
Dibbāni vā patthayatā sukhāni;
мануссасобхаг̇яад̇амижчад̇аа ваад̇и.
Manussasobhagyatamicchatā vāti.
ат̇а ко бхаг̇аваа д̇ам̣ б̣раахман̣ам̣ имаахи г̇аат̇аахи анумод̣̇ид̇ваа удтааяаасанаа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, яааг̇ун̃жа мад̇хуг̇ол̣аган̃жаа’’д̇и.
Atha kho bhagavā taṃ brāhmaṇaṃ imāhi gāthāhi anumoditvā uṭṭhāyāsanā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, yāguñca madhugoḷakañcā’’ti.
яааг̇умад̇хуг̇ол̣агаануж̇аананаа нидтид̇аа.
Yāgumadhugoḷakānujānanā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / яааг̇умад̇хуг̇ол̣агаад̣̇игат̇аа • Yāgumadhugoḷakādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / яааг̇умад̇хуг̇ол̣агаад̣̇игат̇ааван̣н̣анаа • Yāgumadhugoḷakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / яааг̇умад̇хуг̇ол̣агаад̣̇игат̇ааван̣н̣анаа • Yāgumadhugoḷakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 170. яааг̇умад̇хуг̇ол̣агаад̣̇игат̇аа • 170. Yāgumadhugoḷakādikathā
