| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৬. যজমানসুত্তৰণ্ণনা
6. Yajamānasuttavaṇṇanā
২৬২. যজন্তানন্তি দক্খিণেয্যং উদ্দিস্স দেন্তানং। অট্ঠুপ্পত্তিকো সুত্তনিক্খেপোতি দস্সেত্ৰা অত্থৰণ্ণনং কাতুং ‘‘তদা কিরা’’তিআদি ৰুত্তং। অগ্গন্তি সেট্ঠং। তেহি তেহি ৰা যথালদ্ধসপ্পিআদযো মা নস্সন্তু, অগ্গভাৰেন গহিতানি সপ্পিআদীনি কেৰলং অগ্গিম্হি ঝাপনেন, দেৰা মনুস্সা মিচ্ছাগাহেন মা নস্সন্তু। তক্কেনাতি তক্কমত্তেন। ‘‘কথেমা’’তি অম্হে মঞ্ঞথ, ইদানি পস্সথ, পচ্চক্খতো অযং ৰো…পে॰… আগচ্ছতীতি আহংসূতি যোজনা।
262.Yajantānanti dakkhiṇeyyaṃ uddissa dentānaṃ. Aṭṭhuppattiko suttanikkhepoti dassetvā atthavaṇṇanaṃ kātuṃ ‘‘tadā kirā’’tiādi vuttaṃ. Agganti seṭṭhaṃ. Tehi tehi vā yathāladdhasappiādayo mā nassantu, aggabhāvena gahitāni sappiādīni kevalaṃ aggimhi jhāpanena, devā manussā micchāgāhena mā nassantu. Takkenāti takkamattena. ‘‘Kathemā’’ti amhe maññatha, idāni passatha, paccakkhato ayaṃ vo…pe… āgacchatīti āhaṃsūti yojanā.
উপধিৰিপাকন্তি উপধীসু ৰা ৰিপচ্চতি, উপধযো ৰা ৰিপাকা এতস্সাতি উপধিৰিপাকং। ৰিপ্ফারৰন্তং হোতি ৰিপুলপক্খতায। ভিক্খুসঙ্ঘস্স অদংসু ‘‘সম্মাসম্বুদ্ধেন মহাব্রহ্মুনা চ এৰং ওৰাদো দিন্নো’’তি।
Upadhivipākanti upadhīsu vā vipaccati, upadhayo vā vipākā etassāti upadhivipākaṃ. Vipphāravantaṃ hoti vipulapakkhatāya. Bhikkhusaṅghassa adaṃsu ‘‘sammāsambuddhena mahābrahmunā ca evaṃ ovādo dinno’’ti.
যজমানসুত্তৰণ্ণনা নিট্ঠিতা।
Yajamānasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৬. যজমানসুত্তং • 6. Yajamānasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬. যজমানসুত্তৰণ্ণনা • 6. Yajamānasuttavaṇṇanā
