| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៦. យជមានសុត្តវណ្ណនា
6. Yajamānasuttavaṇṇanā
២៦២. យជន្តានន្តិ ទក្ខិណេយ្យំ ឧទ្ទិស្ស ទេន្តានំ។ អដ្ឋុប្បត្តិកោ សុត្តនិក្ខេបោតិ ទស្សេត្វា អត្ថវណ្ណនំ កាតុំ ‘‘តទា កិរា’’តិអាទិ វុត្តំ។ អគ្គន្តិ សេដ្ឋំ។ តេហិ តេហិ វា យថាលទ្ធសប្បិអាទយោ មា នស្សន្តុ, អគ្គភាវេន គហិតានិ សប្បិអាទីនិ កេវលំ អគ្គិម្ហិ ឈាបនេន, ទេវា មនុស្សា មិច្ឆាគាហេន មា នស្សន្តុ។ តក្កេនាតិ តក្កមត្តេន។ ‘‘កថេមា’’តិ អម្ហេ មញ្ញថ, ឥទានិ បស្សថ, បច្ចក្ខតោ អយំ វោ…បេ.… អាគច្ឆតីតិ អាហំសូតិ យោជនា។
262.Yajantānanti dakkhiṇeyyaṃ uddissa dentānaṃ. Aṭṭhuppattiko suttanikkhepoti dassetvā atthavaṇṇanaṃ kātuṃ ‘‘tadā kirā’’tiādi vuttaṃ. Agganti seṭṭhaṃ. Tehi tehi vā yathāladdhasappiādayo mā nassantu, aggabhāvena gahitāni sappiādīni kevalaṃ aggimhi jhāpanena, devā manussā micchāgāhena mā nassantu. Takkenāti takkamattena. ‘‘Kathemā’’ti amhe maññatha, idāni passatha, paccakkhato ayaṃ vo…pe… āgacchatīti āhaṃsūti yojanā.
ឧបធិវិបាកន្តិ ឧបធីសុ វា វិបច្ចតិ, ឧបធយោ វា វិបាកា ឯតស្សាតិ ឧបធិវិបាកំ។ វិប្ផារវន្តំ ហោតិ វិបុលបក្ខតាយ។ ភិក្ខុសង្ឃស្ស អទំសុ ‘‘សម្មាសម្ពុទ្ធេន មហាព្រហ្មុនា ច ឯវំ ឱវាទោ ទិន្នោ’’តិ។
Upadhivipākanti upadhīsu vā vipaccati, upadhayo vā vipākā etassāti upadhivipākaṃ. Vipphāravantaṃ hoti vipulapakkhatāya. Bhikkhusaṅghassa adaṃsu ‘‘sammāsambuddhena mahābrahmunā ca evaṃ ovādo dinno’’ti.
យជមានសុត្តវណ្ណនា និដ្ឋិតា។
Yajamānasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៦. យជមានសុត្តំ • 6. Yajamānasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៦. យជមានសុត្តវណ្ណនា • 6. Yajamānasuttavaṇṇanā
