| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
6. යජමානසුත්‌තවණ්‌ණනා
6. Yajamānasuttavaṇṇanā
262. යජන්‌තානන්‌ති දක්‌ඛිණෙය්‍යං උද්‌දිස්‌ස දෙන්‌තානං. අට්‌ඨුප්‌පත්‌තිකො සුත්‌තනික්‌ඛෙපොති දස්‌සෙත්‌වා අත්‌ථවණ්‌ණනං කාතුං ‘‘තදා කිරා’’තිආදි වුත්‌තං. අග්‌ගන්‌ති සෙට්‌ඨං. තෙහි තෙහි වා යථාලද්‌ධසප්‌පිආදයො මා නස්‌සන්‌තු, අග්‌ගභාවෙන ගහිතානි සප්‌පිආදීනි කෙවලං අග්‌ගිම්‌හි ඣාපනෙන, දෙවා මනුස්‌සා මිච්‌ඡාගාහෙන මා නස්‌සන්‌තු. තක්‌කෙනාති තක්‌කමත්‌තෙන. ‘‘කථෙමා’’ති අම්‌හෙ මඤ්‌ඤථ, ඉදානි පස්‌සථ, පච්‌චක්‌ඛතො අයං වො…පෙ.… ආගච්‌ඡතීති ආහංසූති යොජනා.
262.Yajantānanti dakkhiṇeyyaṃ uddissa dentānaṃ. Aṭṭhuppattiko suttanikkhepoti dassetvā atthavaṇṇanaṃ kātuṃ ‘‘tadā kirā’’tiādi vuttaṃ. Agganti seṭṭhaṃ. Tehi tehi vā yathāladdhasappiādayo mā nassantu, aggabhāvena gahitāni sappiādīni kevalaṃ aggimhi jhāpanena, devā manussā micchāgāhena mā nassantu. Takkenāti takkamattena. ‘‘Kathemā’’ti amhe maññatha, idāni passatha, paccakkhato ayaṃ vo…pe… āgacchatīti āhaṃsūti yojanā.
උපධිවිපාකන්‌ති උපධීසු වා විපච්‌චති, උපධයො වා විපාකා එතස්‌සාති උපධිවිපාකං. විප්‌ඵාරවන්‌තං හොති විපුලපක්‌ඛතාය. භික්‌ඛුසඞ්‌ඝස්‌ස අදංසු ‘‘සම්‌මාසම්‌බුද්‌ධෙන මහාබ්‍රහ්‌මුනා ච එවං ඔවාදො දින්‌නො’’ති.
Upadhivipākanti upadhīsu vā vipaccati, upadhayo vā vipākā etassāti upadhivipākaṃ. Vipphāravantaṃ hoti vipulapakkhatāya. Bhikkhusaṅghassa adaṃsu ‘‘sammāsambuddhena mahābrahmunā ca evaṃ ovādo dinno’’ti.
යජමානසුත්‌තවණ්‌ණනා නිට්‌ඨිතා.
Yajamānasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6. යජමානසුත්‌තං • 6. Yajamānasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. යජමානසුත්‌තවණ්‌ණනා • 6. Yajamānasuttavaṇṇanā
