| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
4. яагкабахаарасуд̇д̇ам̣
4. Yakkhapahārasuttaṃ
34. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа жа саарибуд̇д̇о ааяасмаа жа махаамог̇г̇аллаано габод̇аганд̣̇арааяам̣ вихаранд̇и. д̇зна ко бана самаязна ааяасмаа саарибуд̇д̇о ж̇ун̣хааяа рад̇д̇ияаа наворобид̇зхи гзсзхи аб̣бхогаасз нисинно ход̇и ан̃н̃ад̇арам̣ самаад̇хим̣ самаабаж̇ж̇ид̇ваа.
34. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena āyasmā ca sāriputto āyasmā ca mahāmoggallāno kapotakandarāyaṃ viharanti. Tena kho pana samayena āyasmā sāriputto juṇhāya rattiyā navoropitehi kesehi abbhokāse nisinno hoti aññataraṃ samādhiṃ samāpajjitvā.
д̇зна ко бана самаязна д̣̇вз яагкаа сахааяагаа уд̇д̇арааяа д̣̇исааяа д̣̇агкин̣ам̣ д̣̇исам̣ г̇ажчанд̇и гзнажид̣̇зва гаран̣ийязна. ад̣̇д̣̇асам̣су ко д̇з яагкаа ааяасманд̇ам̣ саарибуд̇д̇ам̣ ж̇ун̣хааяа рад̇д̇ияаа наворобид̇зхи гзсзхи аб̣бхогаасз нисиннам̣. д̣̇исваана зго яагко д̣̇уд̇ияам̣ яагкам̣ зд̇ад̣̇авожа – ‘‘бадибхаад̇и мам̣, самма, имасса саман̣асса сийсз бахаарам̣ д̣̇аад̇у’’нд̇и. звам̣ вуд̇д̇з, со яагко д̇ам̣ яагкам̣ зд̇ад̣̇авожа – ‘‘алам̣, самма, маа саман̣ам̣ аасаад̣̇зси. ул̣ааро со, самма, саман̣о махид̣̇д̇хиго махаанубхааво’’д̇и.
Tena kho pana samayena dve yakkhā sahāyakā uttarāya disāya dakkhiṇaṃ disaṃ gacchanti kenacideva karaṇīyena. Addasaṃsu kho te yakkhā āyasmantaṃ sāriputtaṃ juṇhāya rattiyā navoropitehi kesehi abbhokāse nisinnaṃ. Disvāna eko yakkho dutiyaṃ yakkhaṃ etadavoca – ‘‘paṭibhāti maṃ, samma, imassa samaṇassa sīse pahāraṃ dātu’’nti. Evaṃ vutte, so yakkho taṃ yakkhaṃ etadavoca – ‘‘alaṃ, samma, mā samaṇaṃ āsādesi. Uḷāro so, samma, samaṇo mahiddhiko mahānubhāvo’’ti.
д̣̇уд̇ияамби ко со яагко д̇ам̣ яагкам̣ зд̇ад̣̇авожа – ‘‘бадибхаад̇и мам̣, самма, имасса саман̣асса сийсз бахаарам̣ д̣̇аад̇у’’нд̇и. д̣̇уд̇ияамби ко со яагко д̇ам̣ яагкам̣ зд̇ад̣̇авожа – ‘‘алам̣, самма, маа саман̣ам̣ аасаад̣̇зси. ул̣ааро со, самма, саман̣о махид̣̇д̇хиго махаанубхааво’’д̇и. д̇ад̇ияамби ко со яагко д̇ам̣ яагкам̣ зд̇ад̣̇авожа – ‘‘бадибхаад̇и мам̣, самма, имасса саман̣асса сийсз бахаарам̣ д̣̇аад̇у’’нд̇и. д̇ад̇ияамби ко со яагко д̇ам̣ яагкам̣ зд̇ад̣̇авожа – ‘‘алам̣, самма, маа саман̣ам̣ аасаад̣̇зси. ул̣ааро со, самма, саман̣о махид̣̇д̇хиго махаанубхааво’’д̇и.
Dutiyampi kho so yakkho taṃ yakkhaṃ etadavoca – ‘‘paṭibhāti maṃ, samma, imassa samaṇassa sīse pahāraṃ dātu’’nti. Dutiyampi kho so yakkho taṃ yakkhaṃ etadavoca – ‘‘alaṃ, samma, mā samaṇaṃ āsādesi. Uḷāro so, samma, samaṇo mahiddhiko mahānubhāvo’’ti. Tatiyampi kho so yakkho taṃ yakkhaṃ etadavoca – ‘‘paṭibhāti maṃ, samma, imassa samaṇassa sīse pahāraṃ dātu’’nti. Tatiyampi kho so yakkho taṃ yakkhaṃ etadavoca – ‘‘alaṃ, samma, mā samaṇaṃ āsādesi. Uḷāro so, samma, samaṇo mahiddhiko mahānubhāvo’’ti.
ат̇а ко со яагко д̇ам̣ яагкам̣ анаад̣̇ияид̇ваа ааяасмад̇о саарибуд̇д̇ад̇т̇зрасса сийсз бахаарам̣ ад̣̇ааси. д̇аава махаа бахааро ахоси, аби д̇зна бахаарзна сад̇д̇арад̇анам̣ ваа ад̣дхадтамарад̇анам̣ ваа нааг̇ам̣ осаад̣̇зяяа, маханд̇ам̣ ваа баб̣б̣ад̇агуудам̣ бад̣̇аалзяяа. ат̇а жа бана со яагко ‘д̣аяхаами д̣аяхаамий’д̇и вад̇ваа д̇ад̇т̇зва махаанираяам̣ абад̇ааси 1.
Atha kho so yakkho taṃ yakkhaṃ anādiyitvā āyasmato sāriputtattherassa sīse pahāraṃ adāsi. Tāva mahā pahāro ahosi, api tena pahārena sattaratanaṃ vā aḍḍhaṭṭhamaratanaṃ vā nāgaṃ osādeyya, mahantaṃ vā pabbatakūṭaṃ padāleyya. Atha ca pana so yakkho ‘ḍayhāmi ḍayhāmī’ti vatvā tattheva mahānirayaṃ apatāsi 2.
ад̣̇д̣̇асаа ко ааяасмаа махаамог̇г̇аллаано д̣̇иб̣б̣зна жагкунаа висуд̣̇д̇хзна ад̇игганд̇амаанусагзна д̇зна яагкзна ааяасмад̇о саарибуд̇д̇ад̇т̇зрасса сийсз бахаарам̣ д̣̇ийяамаанам̣. д̣̇исваа язна ааяасмаа саарибуд̇д̇о д̇знубасан̇гами; убасан̇гамид̇ваа ааяасманд̇ам̣ саарибуд̇д̇ам̣ зд̇ад̣̇авожа – ‘‘гажжи д̇з, аавусо, каманийяам̣, гажжи яаабанийяам̣, гажжи на гин̃жи д̣̇угка’’нд̇и ? ‘‘каманийяам̣ мз, аавусо мог̇г̇аллаана, яаабанийяам̣ мз, аавусо мог̇г̇аллаана; аби жа мз сийсам̣ т̇огам̣ д̣̇угка’’нд̇и.
Addasā kho āyasmā mahāmoggallāno dibbena cakkhunā visuddhena atikkantamānusakena tena yakkhena āyasmato sāriputtattherassa sīse pahāraṃ dīyamānaṃ. Disvā yena āyasmā sāriputto tenupasaṅkami; upasaṅkamitvā āyasmantaṃ sāriputtaṃ etadavoca – ‘‘kacci te, āvuso, khamanīyaṃ, kacci yāpanīyaṃ, kacci na kiñci dukkha’’nti ? ‘‘Khamanīyaṃ me, āvuso moggallāna, yāpanīyaṃ me, āvuso moggallāna; api ca me sīsaṃ thokaṃ dukkha’’nti.
‘‘ажчарияам̣, аавусо саарибуд̇д̇а, аб̣бхуд̇ам̣, аавусо саарибуд̇д̇а! яаава 3 махид̣̇д̇хиго ааяасмаа саарибуд̇д̇о махаанубхааво! ид̇ха д̇з, аавусо саарибуд̇д̇а, ан̃н̃ад̇аро яагко сийсз бахаарам̣ ад̣̇ааси. д̇аава махаа бахааро ахоси, аби д̇зна бахаарзна сад̇д̇арад̇анам̣ ваа ад̣дхадтамарад̇анам̣ ваа нааг̇ам̣ осаад̣̇зяяа, маханд̇ам̣ ваа баб̣б̣ад̇агуудам̣ бад̣̇аалзяяа, ат̇а жа банааяасмаа саарибуд̇д̇о звамааха – ‘каманийяам̣ мз, аавусо мог̇г̇аллаана, яаабанийяам̣ мз, аавусо мог̇г̇аллаана; аби жа мз сийсам̣ т̇огам̣ д̣̇угка’’’нд̇и.
‘‘Acchariyaṃ, āvuso sāriputta, abbhutaṃ, āvuso sāriputta! Yāva 4 mahiddhiko āyasmā sāriputto mahānubhāvo! Idha te, āvuso sāriputta, aññataro yakkho sīse pahāraṃ adāsi. Tāva mahā pahāro ahosi, api tena pahārena sattaratanaṃ vā aḍḍhaṭṭhamaratanaṃ vā nāgaṃ osādeyya, mahantaṃ vā pabbatakūṭaṃ padāleyya, atha ca panāyasmā sāriputto evamāha – ‘khamanīyaṃ me, āvuso moggallāna, yāpanīyaṃ me, āvuso moggallāna; api ca me sīsaṃ thokaṃ dukkha’’’nti.
‘‘ажчарияам̣, аавусо мог̇г̇аллаана, аб̣бхуд̇ам̣, аавусо мог̇г̇аллаана! яаава 5 махид̣̇д̇хиго ааяасмаа махаамог̇г̇аллаано махаанубхааво яад̇ра хи наама яагкамби бассиссад̇и! маяам̣ банзд̇арахи бам̣субисаажагамби на бассаамаа’’д̇и.
‘‘Acchariyaṃ, āvuso moggallāna, abbhutaṃ, āvuso moggallāna! Yāva 6 mahiddhiko āyasmā mahāmoggallāno mahānubhāvo yatra hi nāma yakkhampi passissati! Mayaṃ panetarahi paṃsupisācakampi na passāmā’’ti.
ассоси ко бхаг̇аваа д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа д̇зсам̣ убхиннам̣ махаанааг̇аанам̣ имам̣ зваруубам̣ гат̇аасаллаабам̣.
Assosi kho bhagavā dibbāya sotadhātuyā visuddhāya atikkantamānusikāya tesaṃ ubhinnaṃ mahānāgānaṃ imaṃ evarūpaṃ kathāsallāpaṃ.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘яасса сзлуубамам̣ жид̇д̇ам̣, тид̇ам̣ наанубагамбад̇и;
‘‘Yassa selūpamaṃ cittaṃ, ṭhitaṃ nānupakampati;
вирад̇д̇ам̣ раж̇анийязсу, гобанзяяз на губбад̇и;
Virattaṃ rajanīyesu, kopaneyye na kuppati;
яассзвам̣ бхаавид̇ам̣ жид̇д̇ам̣, гуд̇о д̇ам̣ д̣̇угкамзссад̇ий’’д̇и. жад̇уд̇т̇ам̣;
Yassevaṃ bhāvitaṃ cittaṃ, kuto taṃ dukkhamessatī’’ti. catutthaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 4. яагкабахаарасуд̇д̇аван̣н̣анаа • 4. Yakkhapahārasuttavaṇṇanā
