| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
7. யக்க²பஞ்ஹோ
7. Yakkhapañho
7. ‘‘ப⁴ந்தே நாக³ஸேன, அத்தி² லோகே யக்கா² நாமா’’தி? ‘‘ஆம, மஹாராஜ, அத்தி² லோகே யக்கா² நாமா’’தி. ‘‘சவந்தி பன தே, ப⁴ந்தே, யக்கா² தம்ஹா யோனியா’’தி? ‘‘ஆம, மஹாராஜ, சவந்தி தே யக்கா² தம்ஹா யோனியா’’தி. ‘‘கிஸ்ஸ பன, ப⁴ந்தே நாக³ஸேன, தேஸங் மதானங் யக்கா²னங் ஸரீரங் ந தி³ஸ்ஸதி, குணபக³ந்தோ⁴பி ந வாயதீ’’தி? ‘‘தி³ஸ்ஸதி, மஹாராஜ, மதானங் யக்கா²னங் ஸரீரங், குணபக³ந்தோ⁴பி தேஸங் வாயதி, மதானங், மஹாராஜ, யக்கா²னங் ஸரீரங் கீடவண்ணேன வா தி³ஸ்ஸதி, கிமிவண்ணேன வா தி³ஸ்ஸதி, கிபில்லிகவண்ணேன வா தி³ஸ்ஸதி, படங்க³வண்ணேன வா தி³ஸ்ஸதி, அஹிவண்ணேன வா தி³ஸ்ஸதி, விச்சி²கவண்ணேன வா தி³ஸ்ஸதி, ஸதபதி³வண்ணேன வா தி³ஸ்ஸதி, தி³ஜவண்ணேன வா தி³ஸ்ஸதி, மிக³வண்ணேன வா தி³ஸ்ஸதீ’’தி. ‘‘கோ ஹி, ப⁴ந்தே நாக³ஸேன, அஞ்ஞோ இத³ங் பஞ்ஹங் புட்டோ² விஸஜ்ஜெய்ய அஞ்ஞத்ர தவாதி³ஸேன பு³த்³தி⁴மதா’’தி.
7. ‘‘Bhante nāgasena, atthi loke yakkhā nāmā’’ti? ‘‘Āma, mahārāja, atthi loke yakkhā nāmā’’ti. ‘‘Cavanti pana te, bhante, yakkhā tamhā yoniyā’’ti? ‘‘Āma, mahārāja, cavanti te yakkhā tamhā yoniyā’’ti. ‘‘Kissa pana, bhante nāgasena, tesaṃ matānaṃ yakkhānaṃ sarīraṃ na dissati, kuṇapagandhopi na vāyatī’’ti? ‘‘Dissati, mahārāja, matānaṃ yakkhānaṃ sarīraṃ, kuṇapagandhopi tesaṃ vāyati, matānaṃ, mahārāja, yakkhānaṃ sarīraṃ kīṭavaṇṇena vā dissati, kimivaṇṇena vā dissati, kipillikavaṇṇena vā dissati, paṭaṅgavaṇṇena vā dissati, ahivaṇṇena vā dissati, vicchikavaṇṇena vā dissati, satapadivaṇṇena vā dissati, dijavaṇṇena vā dissati, migavaṇṇena vā dissatī’’ti. ‘‘Ko hi, bhante nāgasena, añño idaṃ pañhaṃ puṭṭho visajjeyya aññatra tavādisena buddhimatā’’ti.
யக்க²பஞ்ஹோ ஸத்தமோ.
Yakkhapañho sattamo.
