| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੭. ਯਕ੍ਖਪਞ੍ਹੋ
7. Yakkhapañho
੭. ‘‘ਭਨ੍ਤੇ ਨਾਗਸੇਨ, ਅਤ੍ਥਿ ਲੋਕੇ ਯਕ੍ਖਾ ਨਾਮਾ’’ਤਿ? ‘‘ਆਮ, ਮਹਾਰਾਜ, ਅਤ੍ਥਿ ਲੋਕੇ ਯਕ੍ਖਾ ਨਾਮਾ’’ਤਿ। ‘‘ਚવਨ੍ਤਿ ਪਨ ਤੇ, ਭਨ੍ਤੇ, ਯਕ੍ਖਾ ਤਮ੍ਹਾ ਯੋਨਿਯਾ’’ਤਿ? ‘‘ਆਮ, ਮਹਾਰਾਜ, ਚવਨ੍ਤਿ ਤੇ ਯਕ੍ਖਾ ਤਮ੍ਹਾ ਯੋਨਿਯਾ’’ਤਿ। ‘‘ਕਿਸ੍ਸ ਪਨ, ਭਨ੍ਤੇ ਨਾਗਸੇਨ, ਤੇਸਂ ਮਤਾਨਂ ਯਕ੍ਖਾਨਂ ਸਰੀਰਂ ਨ ਦਿਸ੍ਸਤਿ, ਕੁਣਪਗਨ੍ਧੋਪਿ ਨ વਾਯਤੀ’’ਤਿ? ‘‘ਦਿਸ੍ਸਤਿ, ਮਹਾਰਾਜ, ਮਤਾਨਂ ਯਕ੍ਖਾਨਂ ਸਰੀਰਂ, ਕੁਣਪਗਨ੍ਧੋਪਿ ਤੇਸਂ વਾਯਤਿ, ਮਤਾਨਂ, ਮਹਾਰਾਜ, ਯਕ੍ਖਾਨਂ ਸਰੀਰਂ ਕੀਟવਣ੍ਣੇਨ વਾ ਦਿਸ੍ਸਤਿ, ਕਿਮਿવਣ੍ਣੇਨ વਾ ਦਿਸ੍ਸਤਿ, ਕਿਪਿਲ੍ਲਿਕવਣ੍ਣੇਨ વਾ ਦਿਸ੍ਸਤਿ, ਪਟਙ੍ਗવਣ੍ਣੇਨ વਾ ਦਿਸ੍ਸਤਿ, ਅਹਿવਣ੍ਣੇਨ વਾ ਦਿਸ੍ਸਤਿ, વਿਚ੍ਛਿਕવਣ੍ਣੇਨ વਾ ਦਿਸ੍ਸਤਿ, ਸਤਪਦਿવਣ੍ਣੇਨ વਾ ਦਿਸ੍ਸਤਿ, ਦਿਜવਣ੍ਣੇਨ વਾ ਦਿਸ੍ਸਤਿ, ਮਿਗવਣ੍ਣੇਨ વਾ ਦਿਸ੍ਸਤੀ’’ਤਿ। ‘‘ਕੋ ਹਿ, ਭਨ੍ਤੇ ਨਾਗਸੇਨ, ਅਞ੍ਞੋ ਇਦਂ ਪਞ੍ਹਂ ਪੁਟ੍ਠੋ વਿਸਜ੍ਜੇਯ੍ਯ ਅਞ੍ਞਤ੍ਰ ਤવਾਦਿਸੇਨ ਬੁਦ੍ਧਿਮਤਾ’’ਤਿ।
7. ‘‘Bhante nāgasena, atthi loke yakkhā nāmā’’ti? ‘‘Āma, mahārāja, atthi loke yakkhā nāmā’’ti. ‘‘Cavanti pana te, bhante, yakkhā tamhā yoniyā’’ti? ‘‘Āma, mahārāja, cavanti te yakkhā tamhā yoniyā’’ti. ‘‘Kissa pana, bhante nāgasena, tesaṃ matānaṃ yakkhānaṃ sarīraṃ na dissati, kuṇapagandhopi na vāyatī’’ti? ‘‘Dissati, mahārāja, matānaṃ yakkhānaṃ sarīraṃ, kuṇapagandhopi tesaṃ vāyati, matānaṃ, mahārāja, yakkhānaṃ sarīraṃ kīṭavaṇṇena vā dissati, kimivaṇṇena vā dissati, kipillikavaṇṇena vā dissati, paṭaṅgavaṇṇena vā dissati, ahivaṇṇena vā dissati, vicchikavaṇṇena vā dissati, satapadivaṇṇena vā dissati, dijavaṇṇena vā dissati, migavaṇṇena vā dissatī’’ti. ‘‘Ko hi, bhante nāgasena, añño idaṃ pañhaṃ puṭṭho visajjeyya aññatra tavādisena buddhimatā’’ti.
ਯਕ੍ਖਪਞ੍ਹੋ ਸਤ੍ਤਮੋ।
Yakkhapañho sattamo.
