| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
70. яамагабаадихийран̃аан̣анид̣̇д̣̇зсаван̣н̣анаа
70. Yamakapāṭihīrañāṇaniddesavaṇṇanā
116. яамагабаадихийран̃аан̣анид̣̇д̣̇зсз асаад̇хааран̣ам̣ саавагзхийд̇и сзсаасаад̇хааран̣ан̃аан̣анид̣̇д̣̇зсз ан̃н̃аважанзхи огаасаабхаавад̇о на вуд̇д̇ам̣, ид̇ха бана ан̃н̃аважанаабхаавад̇о вуд̇д̇анд̇и взд̣̇ид̇аб̣б̣ам̣. убаримагааяад̇од̇и наабхияаа уд̣̇д̇хам̣ сарийрад̇о. аг̇г̇игканд̇хо бавад̇д̇ад̇ийд̇и д̇зж̇огасин̣аарамман̣ам̣ баад̣̇агаж̇жхаанам̣ самаабаж̇ж̇ид̇ваа вудтааяа ‘‘убаримагааяад̇о аг̇г̇иж̇аалаа вудтаад̇уу’’д̇и ааваж̇ж̇ид̇ваа баригаммам̣ гад̇ваа ананд̇арам̣ абхин̃н̃аан̃аан̣зна ‘‘убаримагааяад̇о аг̇г̇иж̇аалаа вудтаад̇уу’’д̇и ад̇хидтид̇з саха ад̇хидтаанаа убаримагааяад̇о аг̇г̇иж̇аалаа вудтаад̇и. саа хи ид̇ха раасадтзна канд̇ход̇и вуд̇д̇аа. хздтимагааяад̇од̇и наабхид̇о хздтаа сарийрад̇о. уд̣̇агад̇хаараа бавад̇д̇ад̇ийд̇и аабогасин̣аарамман̣ам̣ баад̣̇агаж̇жхаанам̣ самаабаж̇ж̇ид̇ваа вудтааяа ‘‘хздтимагааяад̇о уд̣̇агад̇хаараа вудтаад̇уу’’д̇и ааваж̇ж̇ид̇ваа баригаммам̣ гад̇ваа ананд̇арам̣ абхин̃н̃аан̃аан̣зна ‘‘хздтимагааяад̇о уд̣̇агад̇хаараа вудтаад̇уу’’д̇и ад̇хидтид̇з саха ад̇хидтаанаа хздтимагааяад̇о уд̣̇агад̇хаараа вудтаад̇и. убхаяад̇т̇ааби аб̣б̣ожчзд̣̇авасзна бавад̇д̇ад̇ийд̇и вуд̇д̇ам̣. ад̇хидтаанасса ааваж̇ж̇анасса жа анд̇арз д̣̇вз бхаван̇г̇ажид̇д̇аани вад̇д̇анд̇и. д̇асмааязва яуг̇алаа худ̇ваа аг̇г̇игканд̇хауд̣̇агад̇хаараа бавад̇д̇анд̇и, анд̇арам̣ на бан̃н̃ааяад̇и. ан̃н̃зсам̣ бана бхаван̇г̇абарижчзд̣̇о над̇т̇и . бурад̇т̇имагааяад̇од̇и абхимукабассад̇о. бажчимагааяад̇од̇и бидтибассад̇о. д̣̇агкин̣аагкид̇о ваамаагкид̇од̇иаад̣̇и самаасабаатоязва, на ан̃н̃о. д̣̇агкин̣анаасигаасод̇ад̇о вааманаасигаасод̇ад̇од̇и баато сунд̣̇аро. рассам̣ гад̇вааби батанд̇и. ам̣сагуудад̇од̇и зд̇т̇а аб̣бхуг̇г̇ад̇адтзна гуудо вияаад̇и гуудо, ам̣соязва гуудо ам̣сагуудо. ан̇г̇улан̇г̇улзхийд̇и ан̇г̇улийхи ан̇г̇улийхи. ан̇г̇уланд̇аригаахийд̇и ан̇г̇улийнам̣ анд̇аригаахи. згзгаломад̇о аг̇г̇игканд̇хо бавад̇д̇ад̇и, згзгаломад̇о уд̣̇агад̇хаараа бавад̇д̇ад̇ийд̇и убхаяад̇т̇ааби аамзд̣ид̇аважанзна саб̣б̣аломаанам̣ барияаад̣̇иннад̇д̇аа згзгаломад̇ова аг̇г̇игканд̇хауд̣̇агад̇хаараа яуг̇алаа яуг̇алаа худ̇ваа бавад̇д̇анд̇ийд̇и вуд̇д̇ам̣ ход̇и. ломагуубад̇о ломагуубад̇о аг̇г̇игканд̇хо бавад̇д̇ад̇и, ломагуубад̇о ломагуубад̇о уд̣̇агад̇хаараа бавад̇д̇ад̇ийд̇и зд̇т̇ааби зсзва наяо. гзсужи бод̇т̇агзсу ‘‘згзгаломад̇о аг̇г̇игканд̇хо бавад̇д̇ад̇и. ломагуубад̇о ломагуубад̇о уд̣̇агад̇хаараа бавад̇д̇ад̇и, ломагуубад̇о ломагуубад̇о аг̇г̇игканд̇хо бавад̇д̇ад̇и, згзгаломад̇о уд̣̇агад̇хаараа бавад̇д̇ад̇ий’’д̇и ликид̇ам̣. д̇амби яуж̇ж̇ад̇иязва. баадихийрасса ад̇исукумад̇д̇ад̣̇ийбанад̇о бана буримабаатоязва сунд̣̇арад̇аро.
116. Yamakapāṭihīrañāṇaniddese asādhāraṇaṃ sāvakehīti sesāsādhāraṇañāṇaniddese aññavacanehi okāsābhāvato na vuttaṃ, idha pana aññavacanābhāvato vuttanti veditabbaṃ. Uparimakāyatoti nābhiyā uddhaṃ sarīrato. Aggikkhandho pavattatīti tejokasiṇārammaṇaṃ pādakajjhānaṃ samāpajjitvā vuṭṭhāya ‘‘uparimakāyato aggijālā vuṭṭhātū’’ti āvajjitvā parikammaṃ katvā anantaraṃ abhiññāñāṇena ‘‘uparimakāyato aggijālā vuṭṭhātū’’ti adhiṭṭhite saha adhiṭṭhānā uparimakāyato aggijālā vuṭṭhāti. Sā hi idha rāsaṭṭhena khandhoti vuttā. Heṭṭhimakāyatoti nābhito heṭṭhā sarīrato. Udakadhārā pavattatīti āpokasiṇārammaṇaṃ pādakajjhānaṃ samāpajjitvā vuṭṭhāya ‘‘heṭṭhimakāyato udakadhārā vuṭṭhātū’’ti āvajjitvā parikammaṃ katvā anantaraṃ abhiññāñāṇena ‘‘heṭṭhimakāyato udakadhārā vuṭṭhātū’’ti adhiṭṭhite saha adhiṭṭhānā heṭṭhimakāyato udakadhārā vuṭṭhāti. Ubhayatthāpi abbocchedavasena pavattatīti vuttaṃ. Adhiṭṭhānassa āvajjanassa ca antare dve bhavaṅgacittāni vattanti. Tasmāyeva yugalā hutvā aggikkhandhaudakadhārā pavattanti, antaraṃ na paññāyati. Aññesaṃ pana bhavaṅgaparicchedo natthi . Puratthimakāyatoti abhimukhapassato. Pacchimakāyatoti piṭṭhipassato. Dakkhiṇaakkhito vāmaakkhitotiādi samāsapāṭhoyeva, na añño. Dakkhiṇanāsikāsotato vāmanāsikāsotatoti pāṭho sundaro. Rassaṃ katvāpi paṭhanti. Aṃsakūṭatoti ettha abbhuggataṭṭhena kūṭo viyāti kūṭo, aṃsoyeva kūṭo aṃsakūṭo. Aṅgulaṅgulehīti aṅgulīhi aṅgulīhi. Aṅgulantarikāhīti aṅgulīnaṃ antarikāhi. Ekekalomato aggikkhandho pavattati, ekekalomato udakadhārā pavattatīti ubhayatthāpi āmeḍitavacanena sabbalomānaṃ pariyādinnattā ekekalomatova aggikkhandhaudakadhārā yugalā yugalā hutvā pavattantīti vuttaṃ hoti. Lomakūpato lomakūpato aggikkhandho pavattati, lomakūpato lomakūpato udakadhārā pavattatīti etthāpi eseva nayo. Kesuci potthakesu ‘‘ekekalomato aggikkhandho pavattati. Lomakūpato lomakūpato udakadhārā pavattati, lomakūpato lomakūpato aggikkhandho pavattati, ekekalomato udakadhārā pavattatī’’ti likhitaṃ. Tampi yujjatiyeva. Pāṭihīrassa atisukhumattadīpanato pana purimapāṭhoyeva sundarataro.
ид̣̇аани чаннам̣ ван̣н̣аананд̇и го самб̣анд̇хо? хздтаа ‘‘убаримагааяад̇о’’д̇иаад̣̇ийхи анзгзхи сарийрааваяаваа вуд̇д̇аа. д̇зна сарийрааваяавасамб̣анд̇хо бавад̇д̇ад̇ийд̇и важанасамб̣анд̇хзна жа яамагабаадихийраад̇хигаарзна жа чаннам̣ ван̣н̣аанам̣ сарийрааваяавабхууд̇аанам̣ расмияо яамагаа худ̇ваа бавад̇д̇анд̇ийд̇и вуд̇д̇ам̣ ход̇и. саамиважанасамб̣анд̇хзна жа авассам̣ ‘‘расмияо’’д̇и баатасзсо ижчид̇аб̣б̣оязва. нийлаананд̇и умаабубпаван̣н̣аанам̣. бийд̇агаананд̇и ган̣игаарабубпаван̣н̣аанам̣. лохид̇агаананд̇и инд̣̇аг̇обагаван̣н̣аанам̣. од̣̇аад̇аананд̇и осад̇хид̇аарагаван̣н̣аанам̣. ман̃ж̇идтаананд̇и манд̣̇арад̇д̇аван̣н̣аанам̣. бабхассараананд̇и бабхаасанабагад̇игаанам̣ бабхассараван̣н̣аанам̣. бабхассараван̣н̣з висум̣ авиж̇ж̇амаанзби вуд̇д̇зсу бан̃жасу ван̣н̣зсу яз яз бабхаа самуж̇ж̇алаа, д̇з д̇з бабхассараа. д̇ат̇аа хи д̇ат̇ааг̇ад̇асса яамагабаадихийрам̣ гаронд̇асса яамагабаадихийран̃аан̣аб̣алзнзва гзсамассуунан̃жзва агкийнан̃жа нийладтаанзхи нийларасмияо нигкаманд̇и, яаасам̣ васзна г̇аг̇анад̇алам̣ ан̃ж̇анажун̣н̣асамогин̣н̣ам̣ вияа умаабубпанийлуббалад̣̇аласан̃чаннам̣ вияа вийд̇ибад̇анд̇аман̣ид̇аалаван̣дам̣ вияа басаарид̇амзжагабадам̣ вияа жа ход̇и. чавид̇о жзва агкийнан̃жа бийд̇агадтаанзхи бийд̇арасмияо нигкаманд̇и, яаасам̣ васзна д̣̇исаабхааг̇аа суван̣н̣арасанисин̃жамаанаа вияа суван̣н̣абадабасаарид̇аа вияа гун̇гумажун̣н̣аган̣игаарабубпасамбаригин̣н̣аа вияа жа вирожанд̇и. мам̣салохид̇зхи жзва агкийнан̃жа рад̇д̇адтаанзхи лохид̇арасмияо нигкаманд̇и, яаасам̣ васзна д̣̇исаабхааг̇аа жинабидтажун̣н̣аран̃ж̇ид̇аа вияа субаггалаакаарасанисин̃жамаанаа вияа рад̇д̇агамб̣алабаригкид̇д̇аа вияа ж̇аяасуманабаалибхад̣̇д̣̇агаб̣анд̇хуж̇ийвагагусумасамбаригин̣н̣аа вияа жа вирожанд̇и. адтийхи жзва д̣̇анд̇зхи жа агкийнан̃жа сзд̇адтаанзхи од̣̇аад̇арасмияо нигкаманд̇и, яаасам̣ васзна д̣̇исаабхааг̇аа раж̇ад̇агудзхи аасин̃жамаанакийрад̇хаараасамбаригин̣н̣аа вияа басаарид̇араж̇ад̇абаддавид̇аанаа вияа вийд̇ибад̇анд̇араж̇ад̇ад̇аалаван̣даа вияа гунд̣̇агумуд̣̇асинд̣̇уваарасуманамаллигаад̣̇игусумасан̃чаннаа вияа жа вирожанд̇и. хад̇т̇ад̇алабаад̣̇ад̇алаад̣̇ийхи манд̣̇арад̇д̇адтаанзхи ман̃ж̇идтарасмияо нигкаманд̇и, яаасам̣ васзна д̣̇исаабхааг̇аа баваал̣аж̇аалабаригкид̇д̇аа вияа рад̇д̇агуравагагусумасамогин̣н̣аа вияа жа вирожанд̇и. ун̣н̣аанакаад̣̇ийхи бабхассарадтаанзхи бабхассарарасмияо нигкаманд̇и, яаасам̣ васзна д̣̇исаабхааг̇аа осад̇хид̇аарагабун̃ж̇абун̣н̣аа вияа виж̇ж̇убадалаад̣̇ибарибун̣н̣аа вияа жа вирожанд̇и.
Idāni channaṃ vaṇṇānanti ko sambandho? Heṭṭhā ‘‘uparimakāyato’’tiādīhi anekehi sarīrāvayavā vuttā. Tena sarīrāvayavasambandho pavattatīti vacanasambandhena ca yamakapāṭihīrādhikārena ca channaṃ vaṇṇānaṃ sarīrāvayavabhūtānaṃ rasmiyo yamakā hutvā pavattantīti vuttaṃ hoti. Sāmivacanasambandhena ca avassaṃ ‘‘rasmiyo’’ti pāṭhaseso icchitabboyeva. Nīlānanti umāpupphavaṇṇānaṃ. Pītakānanti kaṇikārapupphavaṇṇānaṃ. Lohitakānanti indagopakavaṇṇānaṃ. Odātānanti osadhitārakavaṇṇānaṃ. Mañjiṭṭhānanti mandarattavaṇṇānaṃ. Pabhassarānanti pabhāsanapakatikānaṃ pabhassaravaṇṇānaṃ. Pabhassaravaṇṇe visuṃ avijjamānepi vuttesu pañcasu vaṇṇesu ye ye pabhā samujjalā, te te pabhassarā. Tathā hi tathāgatassa yamakapāṭihīraṃ karontassa yamakapāṭihīrañāṇabaleneva kesamassūnañceva akkhīnañca nīlaṭṭhānehi nīlarasmiyo nikkhamanti, yāsaṃ vasena gaganatalaṃ añjanacuṇṇasamokiṇṇaṃ viya umāpupphanīluppaladalasañchannaṃ viya vītipatantamaṇitālavaṇṭaṃ viya pasāritamecakapaṭaṃ viya ca hoti. Chavito ceva akkhīnañca pītakaṭṭhānehi pītarasmiyo nikkhamanti, yāsaṃ vasena disābhāgā suvaṇṇarasanisiñcamānā viya suvaṇṇapaṭapasāritā viya kuṅkumacuṇṇakaṇikārapupphasamparikiṇṇā viya ca virocanti. Maṃsalohitehi ceva akkhīnañca rattaṭṭhānehi lohitarasmiyo nikkhamanti, yāsaṃ vasena disābhāgā cinapiṭṭhacuṇṇarañjitā viya supakkalākhārasanisiñcamānā viya rattakambalaparikkhittā viya jayasumanapālibhaddakabandhujīvakakusumasamparikiṇṇā viya ca virocanti. Aṭṭhīhi ceva dantehi ca akkhīnañca setaṭṭhānehi odātarasmiyo nikkhamanti, yāsaṃ vasena disābhāgā rajatakuṭehi āsiñcamānakhīradhārāsamparikiṇṇā viya pasāritarajatapaṭṭavitānā viya vītipatantarajatatālavaṇṭā viya kundakumudasinduvārasumanamallikādikusumasañchannā viya ca virocanti. Hatthatalapādatalādīhi mandarattaṭṭhānehi mañjiṭṭharasmiyo nikkhamanti, yāsaṃ vasena disābhāgā pavāḷajālaparikkhittā viya rattakuravakakusumasamokiṇṇā viya ca virocanti. Uṇṇānakhādīhi pabhassaraṭṭhānehi pabhassararasmiyo nikkhamanti, yāsaṃ vasena disābhāgā osadhitārakapuñjapuṇṇā viya vijjupaṭalādiparipuṇṇā viya ca virocanti.
бхаг̇аваа жан̇гамад̇ийд̇иаад̣̇и ‘‘бхаг̇авад̇о жа ниммид̇аанан̃жа наанааирияаабат̇агаран̣ам̣ яамагабаадихийрзнзва ход̇ий’’д̇и д̣̇ассанад̇т̇ам̣ вуд̇д̇ам̣. д̇зсан̃хи ниммид̇аанам̣ ирияаабат̇аа яуг̇алаава худ̇ваа вад̇д̇анд̇и. яад̣̇и ниммид̇аа б̣ахугаа хонд̇и, ‘‘ниммид̇о’’д̇иаад̣̇и гасмаа згаважанам̣ гад̇анд̇и жз? ниммид̇зсуби згзгасса наанааирияаабат̇абхаавад̣̇ассанад̇т̇ам̣. б̣ахуважанзна хи вуд̇д̇з саб̣б̣зби ниммид̇аа сагим̣ згзгаирияаабат̇игаа вияа хонд̇и. згаважанзна бана вуд̇д̇з ниммид̇зсу згзго наанааирияаабат̇игод̇и н̃ааяад̇и. д̇асмаа згаважананид̣̇д̣̇зсо гад̇о. жуул̣абант̇агад̇т̇зроби д̇аава наанааирияаабат̇игабхигкуунам̣ сахассам̣ маабзси, гим̣ бана бхаг̇аваа яамагабаадихийрз б̣ахуу ниммид̇з на гариссад̇и. жуул̣абант̇агад̇т̇зрам̣ мун̃жид̇ваа ан̃н̃зсам̣ саавагаанам̣ згааваж̇ж̇анзна наанааирияабат̇игаанам̣ наанааруубаанан̃жа ниммаанам̣ на иж̇жхад̇и. анияамзд̇ваа хи ниммид̇аа ид̣̇д̇химад̇аа сад̣̇исаава хонд̇и. таананисаж̇ж̇аад̣̇ийсу ваа бхаасид̇ад̇ун̣хийбхааваад̣̇ийсу ваа яам̣ яам̣ ид̣̇д̇химаа гарод̇и, д̇ам̣ д̇ад̣̇зва гаронд̇и, висад̣̇исагаран̣ам̣ наанаагирияаагаран̣ан̃жа ‘‘зд̇д̇агаа ийд̣̇исаа хонд̇у, зд̇д̇агаа имам̣ наама гаронд̇уу’’д̇и висум̣ висум̣ ааваж̇ж̇ид̇ваа ад̇хидтаанзна иж̇жхад̇и. д̇ат̇ааг̇ад̇асса бана згааваж̇ж̇анаад̇хидтаанзнзва наанаббагаараниммаанам̣ иж̇жхад̇и. звамзва аг̇г̇игканд̇хауд̣̇агад̇хаарааниммаанз жа наанааван̣н̣аниммаанз жа взд̣̇ид̇аб̣б̣ам̣. д̇ад̇т̇а бхаг̇аваа жан̇гамад̇ийд̇и аагаасз ваа бат̇авияам̣ ваа жан̇гамад̇и. ниммид̇од̇и ид̣̇д̇хияаа маабид̇аб̣уд̣̇д̇харуубам̣. д̇идтад̇и ваад̇иаад̣̇ийниби аагаасз ваа бат̇авияам̣ ваа. габбзд̇ийд̇и гарод̇и. бхаг̇аваа д̇идтад̇ийд̇иаад̣̇ийсуби зсзва наяод̇и.
Bhagavā caṅkamatītiādi ‘‘bhagavato ca nimmitānañca nānāiriyāpathakaraṇaṃ yamakapāṭihīreneva hotī’’ti dassanatthaṃ vuttaṃ. Tesañhi nimmitānaṃ iriyāpathā yugalāva hutvā vattanti. Yadi nimmitā bahukā honti, ‘‘nimmito’’tiādi kasmā ekavacanaṃ katanti ce? Nimmitesupi ekekassa nānāiriyāpathabhāvadassanatthaṃ. Bahuvacanena hi vutte sabbepi nimmitā sakiṃ ekekairiyāpathikā viya honti. Ekavacanena pana vutte nimmitesu ekeko nānāiriyāpathikoti ñāyati. Tasmā ekavacananiddeso kato. Cūḷapanthakattheropi tāva nānāiriyāpathikabhikkhūnaṃ sahassaṃ māpesi, kiṃ pana bhagavā yamakapāṭihīre bahū nimmite na karissati. Cūḷapanthakattheraṃ muñcitvā aññesaṃ sāvakānaṃ ekāvajjanena nānāiriyapathikānaṃ nānārūpānañca nimmānaṃ na ijjhati. Aniyametvā hi nimmitā iddhimatā sadisāva honti. Ṭhānanisajjādīsu vā bhāsitatuṇhībhāvādīsu vā yaṃ yaṃ iddhimā karoti, taṃ tadeva karonti, visadisakaraṇaṃ nānākiriyākaraṇañca ‘‘ettakā īdisā hontu, ettakā imaṃ nāma karontū’’ti visuṃ visuṃ āvajjitvā adhiṭṭhānena ijjhati. Tathāgatassa pana ekāvajjanādhiṭṭhāneneva nānappakāranimmānaṃ ijjhati. Evameva aggikkhandhaudakadhārānimmāne ca nānāvaṇṇanimmāne ca veditabbaṃ. Tattha bhagavā caṅkamatīti ākāse vā pathaviyaṃ vā caṅkamati. Nimmitoti iddhiyā māpitabuddharūpaṃ. Tiṭṭhati vātiādīnipi ākāse vā pathaviyaṃ vā. Kappetīti karoti. Bhagavā tiṭṭhatītiādīsupi eseva nayoti.
яамагабаадихийран̃аан̣анид̣̇д̣̇зсаван̣н̣анаа нидтид̇аа.
Yamakapāṭihīrañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 70. яамагабаадихийран̃аан̣анид̣̇д̣̇зсо • 70. Yamakapāṭihīrañāṇaniddeso
