| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. яамагасуд̇д̇аван̣н̣анаа
3. Yamakasuttavaṇṇanā
85. д̇ад̇ияз д̣̇идтиг̇ад̇анд̇и сажз хисса звам̣ бхавзяяа ‘‘сан̇каараа уббаж̇ж̇анд̇и жзва нируж̇жханд̇и жа, сан̇каараббавад̇д̇амзва аббавад̇д̇ам̣ ход̇ий’’д̇и, д̣̇идтиг̇ад̇ам̣ наама на бхавзяяа, саасанааважаригам̣ н̃аан̣ам̣ бхавзяяа. яасмаа банасса ‘‘сад̇д̇о ужчиж̇ж̇ад̇и винассад̇ий’’д̇и ахоси, д̇асмаа д̣̇идтиг̇ад̇ам̣ наама ж̇аад̇ам̣. т̇аамасаа бараамаасаад̇и д̣̇идтит̇аамзна жзва д̣̇идтибараамаасзна жа.
85. Tatiye diṭṭhigatanti sace hissa evaṃ bhaveyya ‘‘saṅkhārā uppajjanti ceva nirujjhanti ca, saṅkhārappavattameva appavattaṃ hotī’’ti, diṭṭhigataṃ nāma na bhaveyya, sāsanāvacarikaṃ ñāṇaṃ bhaveyya. Yasmā panassa ‘‘satto ucchijjati vinassatī’’ti ahosi, tasmā diṭṭhigataṃ nāma jātaṃ. Thāmasā parāmāsāti diṭṭhithāmena ceva diṭṭhiparāmāsena ca.
язнааяасмаа саарибуд̇д̇од̇и яат̇аа наама бажжанд̇з губид̇з д̇ам̣ вуубасамзд̇ум̣ асаггонд̇аа рааж̇абурисаа сзнаабад̇исса ваа ран̃н̃о ваа санд̇игам̣ г̇ажчанд̇и, звам̣ д̣̇идтиг̇ад̇авасзна д̇асмим̣ т̇зрз губид̇з д̇ам̣ вуубасамзд̇ум̣ асаггонд̇аа д̇з бхигкуу язна д̇хаммарааж̇асса д̇хаммасзнаабад̇и ааяасмаа саарибуд̇д̇о , д̇знубасан̇гамим̣су. звам̣б̣яаакод̇и д̇зсам̣ бхигкуунам̣ санд̇игз вияа т̇зрасса саммукаа баг̇г̇аяха вад̇д̇ум̣ асаггонд̇о оламб̣анд̇зна хад̣̇аязна ‘‘звам̣б̣яаако’’д̇и ааха. д̇ам̣ гим̣ ман̃н̃аси, аавусод̇и? ид̣̇ам̣ т̇зро д̇асса важанам̣ суд̇ваа, ‘‘нааяам̣ ад̇д̇ано лад̣̇д̇хияам̣ д̣̇осам̣ бассад̇и, д̇хаммад̣̇зсанааяа асса д̇ам̣ баагадам̣ гариссаамий’’д̇и жинд̇зд̇ваа д̇ибариваддам̣ д̣̇зсанам̣ д̣̇зсзд̇ум̣ аарабхи.
Yenāyasmāsāriputtoti yathā nāma paccante kupite taṃ vūpasametuṃ asakkontā rājapurisā senāpatissa vā rañño vā santikaṃ gacchanti, evaṃ diṭṭhigatavasena tasmiṃ there kupite taṃ vūpasametuṃ asakkontā te bhikkhū yena dhammarājassa dhammasenāpati āyasmā sāriputto , tenupasaṅkamiṃsu. Evaṃbyākhoti tesaṃ bhikkhūnaṃ santike viya therassa sammukhā paggayha vattuṃ asakkonto olambantena hadayena ‘‘evaṃbyākho’’ti āha. Taṃ kiṃ maññasi, āvusoti? Idaṃ thero tassa vacanaṃ sutvā, ‘‘nāyaṃ attano laddhiyaṃ dosaṃ passati, dhammadesanāya assa taṃ pākaṭaṃ karissāmī’’ti cintetvā tiparivaṭṭaṃ desanaṃ desetuṃ ārabhi.
д̇ам̣ гим̣ ман̃н̃аси, аавусо яамага, руубам̣ д̇ат̇ааг̇ад̇од̇и ид̣̇ам̣ гасмаа аарад̣̇д̇хам̣? ануяог̇авад̇д̇ам̣ д̣̇аабанад̇т̇ам̣. д̇ибариваддад̣̇зсанаавасаанасмин̃хи т̇зро сод̇аабанно ж̇аад̇о. ат̇а нам̣ ануяог̇авад̇д̇ам̣ д̣̇аабзд̇ум̣ ‘‘д̇ам̣ гим̣ ман̃н̃асий’’д̇иаад̣̇имааха? д̇ат̇ааг̇ад̇од̇и сад̇д̇о. руубам̣ взд̣̇анаа сан̃н̃аа сан̇каараа вин̃н̃аан̣анд̇и имз бан̃жагканд̇хз самбин̣д̣зд̇ваа ‘‘д̇ат̇ааг̇ад̇о’’д̇и саманубассасийд̇и бужчад̇и. зд̇т̇а жа д̇з, аавусод̇и ид̣̇ам̣ т̇зрасса ануяог̇з бхуммам̣. ид̣̇ам̣ вуд̇д̇ам̣ ход̇и – зд̇т̇а жа д̇з зд̇д̇агз таанз д̣̇идтзва д̇хаммз сажжад̇о т̇ирад̇о сад̇д̇з анубалаб̣бхияамаанзд̇и. сажз д̇ам̣, аавусод̇и ид̣̇амзд̇ам̣ ан̃н̃ам̣ б̣яаагараабзд̇угаамо бужчад̇и. яам̣ д̣̇угкам̣ д̇ам̣ нируд̣̇д̇ханд̇и яам̣ д̣̇угкам̣, д̇ад̣̇зва нируд̣̇д̇хам̣, ан̃н̃о сад̇д̇о нируж̇жханаго наама над̇т̇и, звам̣ б̣яаагарзяяанд̇и ад̇т̇о.
Taṃ kiṃ maññasi, āvuso yamaka, rūpaṃ tathāgatoti idaṃ kasmā āraddhaṃ? Anuyogavattaṃ dāpanatthaṃ. Tiparivaṭṭadesanāvasānasmiñhi thero sotāpanno jāto. Atha naṃ anuyogavattaṃ dāpetuṃ ‘‘taṃ kiṃ maññasī’’tiādimāha? Tathāgatoti satto. Rūpaṃ vedanā saññā saṅkhārā viññāṇanti ime pañcakkhandhe sampiṇḍetvā ‘‘tathāgato’’ti samanupassasīti pucchati. Ettha ca te, āvusoti idaṃ therassa anuyoge bhummaṃ. Idaṃ vuttaṃ hoti – ettha ca te ettake ṭhāne diṭṭheva dhamme saccato thirato satte anupalabbhiyamāneti. Sace taṃ, āvusoti idametaṃ aññaṃ byākarāpetukāmo pucchati. Yaṃ dukkhaṃ taṃ niruddhanti yaṃ dukkhaṃ, tadeva niruddhaṃ, añño satto nirujjhanako nāma natthi, evaṃ byākareyyanti attho.
зд̇ассзва ад̇т̇ассаад̇и зд̇асса батамамаг̇г̇асса. бхияяосомад̇д̇ааяа н̃аан̣ааяаад̇и ад̇ирзгаббамаан̣асса н̃аан̣асса ад̇т̇ааяа, сахавибассанагаанам̣ убари жа д̇ин̣н̣ам̣ маг̇г̇аанам̣ аавибхаавад̇т̇ааяаад̇и ад̇т̇о. аарагкасамбаннод̇и анд̇оаарагкзна жзва б̣ахиаарагкзна жа саманнааг̇ад̇о. аяог̇агкзмагаамод̇и жад̇уухи яог̇зхи кзмабхаавам̣ анижчанд̇о. басаяхаад̇и басаяхид̇ваа абхибхавид̇ваа. анубакаж̇ж̇аад̇и анубависид̇ваа.
Etasseva atthassāti etassa paṭhamamaggassa. Bhiyyosomattāya ñāṇāyāti atirekappamāṇassa ñāṇassa atthāya, sahavipassanakānaṃ upari ca tiṇṇaṃ maggānaṃ āvibhāvatthāyāti attho. Ārakkhasampannoti antoārakkhena ceva bahiārakkhena ca samannāgato. Ayogakkhemakāmoti catūhi yogehi khemabhāvaṃ anicchanto. Pasayhāti pasayhitvā abhibhavitvā. Anupakhajjāti anupavisitvā.
буб̣б̣удтааяийд̇иаад̣̇ийсу д̣̇уурад̇ова ааг̇ажчанд̇ам̣ д̣̇исваа аасанад̇о батамад̇арам̣ вудтаад̇ийд̇и буб̣б̣удтааяий. д̇асса аасанам̣ д̣̇ад̇ваа д̇асмим̣ нисиннз бажчаа нибад̇ад̇и нисийд̣̇ад̇ийд̇и, бажчаанибаад̇ий. баад̇ова вудтааяа ‘‘зд̇д̇агаа гасид̇ум̣ г̇ажчат̇а, зд̇д̇агаа вабид̇у’’нд̇и ваа саб̣б̣абатамам̣ вудтаад̇ийд̇и буб̣б̣удтааяий. сааяам̣ саб̣б̣зсу ад̇д̇ано ад̇д̇ано васанадтаанам̣ г̇ад̇зсу г̇зхасса саманд̇ад̇о аарагкам̣ сам̣вид̇хааяа д̣̇ваараани т̇агзд̇ваа саб̣б̣абажчаа нибаж̇ж̇анад̇оби бажчаанибаад̇ий. ‘‘гим̣ гароми , аяяабуд̇д̇а ? гим̣ гароми аяяабуд̇д̇аа’’д̇и? мукам̣ ологзнд̇о гим̣гаарам̣ бадисаавзд̇ийд̇и гим̣гаарабадиссаавий. манаабам̣ жарад̇ийд̇и манаабажаарий. бияам̣ вад̣̇ад̇ийд̇и бияаваад̣̇ий. мид̇д̇ад̇оби нам̣ сад̣̇д̣̇ахзяяаад̇и мид̇д̇о мз аяанд̇и сад̣̇д̣̇ахзяяа. виссаасам̣ аабаж̇ж̇зяяаад̇и згад̇о баанабхож̇анаад̣̇им̣ гаронд̇о виссаасиго бхавзяяа. сам̣виссад̇т̇од̇и судту виссад̇т̇о.
Pubbuṭṭhāyītiādīsu dūratova āgacchantaṃ disvā āsanato paṭhamataraṃ vuṭṭhātīti pubbuṭṭhāyī. Tassa āsanaṃ datvā tasmiṃ nisinne pacchā nipatati nisīdatīti, pacchānipātī. Pātova vuṭṭhāya ‘‘ettakā kasituṃ gacchatha, ettakā vapitu’’nti vā sabbapaṭhamaṃ vuṭṭhātīti pubbuṭṭhāyī. Sāyaṃ sabbesu attano attano vasanaṭṭhānaṃ gatesu gehassa samantato ārakkhaṃ saṃvidhāya dvārāni thaketvā sabbapacchā nipajjanatopi pacchānipātī. ‘‘Kiṃ karomi , ayyaputta ? Kiṃ karomi ayyaputtā’’ti? Mukhaṃ olokento kiṃkāraṃ paṭisāvetīti kiṃkārapaṭissāvī. Manāpaṃ caratīti manāpacārī. Piyaṃ vadatīti piyavādī. Mittatopi naṃ saddaheyyāti mitto me ayanti saddaheyya. Vissāsaṃ āpajjeyyāti ekato pānabhojanādiṃ karonto vissāsiko bhaveyya. Saṃvissatthoti suṭṭhu vissattho.
звамзва код̇и зд̇т̇а ид̣̇ам̣ обаммасам̣санд̣̇анам̣ – б̣аалаг̇ахабад̇ибуд̇д̇о вияа хи ваддасанниссид̇агаалз ассуд̇аваа бут̇уж̇ж̇ано , вад̇хагабажжаамид̇д̇о вияа аб̣алад̣̇уб̣б̣алаа бан̃жагканд̇хаа, вад̇хагабажжаамид̇д̇асса ‘‘б̣аалаг̇ахабад̇ибуд̇д̇ам̣ убадтахиссаамий’’д̇и убаг̇ад̇агаало вияа бадисанд̇хигкан̣з убаг̇ад̇аа бан̃жагканд̇хаа, д̇асса хи ‘‘на мз аяам̣ сахааяо, вад̇хагабажжад̇т̇иго аяа’’нд̇и аж̇аананагаало вияа вадданиссид̇абут̇уж̇ж̇анасса бан̃жагканд̇хз ‘‘на имз маяха’’нд̇и аг̇ахзд̇ваа ‘‘мама руубам̣, мама взд̣̇анаа, мама сан̃н̃аа, мама сан̇каараа, мама вин̃н̃аан̣а’’нд̇и г̇ахид̇агаало, вад̇хагабажжад̇т̇игасса ‘‘мид̇д̇о мз аяа’’нд̇и г̇ахзд̇ваа саггаарагаран̣агаало вияа ‘‘мама имз’’д̇и г̇ахзд̇ваа бан̃жаннам̣ канд̇хаанам̣ нхаабанабхож̇анаад̣̇ийхи саггаарагаран̣агаало, ‘‘ад̇ивиссад̇т̇о мз аяа’’нд̇и н̃ад̇ваа саггаарам̣ гаронд̇ассзва асинаа сийсажчинд̣̇анам̣ вияа виссад̇т̇асса б̣аалабут̇уж̇ж̇анасса д̇икин̣зхи бхиж̇ж̇амаанзхи канд̇хзхи ж̇ийвид̇абарияаад̣̇аанам̣ взд̣̇ид̇аб̣б̣ам̣.
Evameva khoti ettha idaṃ opammasaṃsandanaṃ – bālagahapatiputto viya hi vaṭṭasannissitakāle assutavā puthujjano , vadhakapaccāmitto viya abaladubbalā pañcakkhandhā, vadhakapaccāmittassa ‘‘bālagahapatiputtaṃ upaṭṭhahissāmī’’ti upagatakālo viya paṭisandhikkhaṇe upagatā pañcakkhandhā, tassa hi ‘‘na me ayaṃ sahāyo, vadhakapaccatthiko aya’’nti ajānanakālo viya vaṭṭanissitaputhujjanassa pañcakkhandhe ‘‘na ime mayha’’nti agahetvā ‘‘mama rūpaṃ, mama vedanā, mama saññā, mama saṅkhārā, mama viññāṇa’’nti gahitakālo, vadhakapaccatthikassa ‘‘mitto me aya’’nti gahetvā sakkārakaraṇakālo viya ‘‘mama ime’’ti gahetvā pañcannaṃ khandhānaṃ nhāpanabhojanādīhi sakkārakaraṇakālo, ‘‘ativissattho me aya’’nti ñatvā sakkāraṃ karontasseva asinā sīsacchindanaṃ viya vissatthassa bālaputhujjanassa tikhiṇehi bhijjamānehi khandhehi jīvitapariyādānaṃ veditabbaṃ.
убзд̇ийд̇и убаг̇ажчад̇и. убаад̣̇ияад̇ийд̇и г̇ан̣хаад̇и. ад̇хидтаад̇ийд̇и ад̇хид̇идтад̇и. ад̇д̇аа мзд̇и аяам̣ мз ад̇д̇аад̇и. суд̇аваа жа ко, аавусо, арияасаавагод̇и яат̇аа бана бан̣д̣ид̇о г̇ахабад̇ибуд̇д̇о звам̣ убаг̇ад̇ам̣ бажжад̇т̇игам̣ ‘‘бажжад̇т̇иго мз аяа’’нд̇и н̃ад̇ваа аббамад̇д̇о д̇аани д̇аани гаммаани гаарзд̇ваа анад̇т̇ам̣ барихарад̇и, ад̇т̇ам̣ баабун̣аад̇и, звам̣ суд̇аваа арияасаавагоби ‘‘на руубам̣ ад̇д̇ад̇о саманубассад̇ий’’д̇иаад̣̇инаа наязна бан̃жагканд̇хз аханд̇и ваа маманд̇и ваа аг̇ахзд̇ваа, ‘‘бажжад̇т̇игаа мз зд̇з’’д̇и н̃ад̇ваа руубасад̇д̇агааруубасад̇д̇агаад̣̇ивасзна вибассанааяа яож̇зд̇ваава д̇ад̇онид̣̇аанам̣ д̣̇угкам̣ бариваж̇ж̇зд̇ваа аг̇г̇апалам̣ арахад̇д̇ам̣ баабун̣аад̇и. сзсамзд̇т̇а уд̇д̇аанамзва. д̇ад̇ияам̣.
Upetīti upagacchati. Upādiyatīti gaṇhāti. Adhiṭṭhātīti adhitiṭṭhati. Attā meti ayaṃ me attāti. Sutavā ca kho, āvuso, ariyasāvakoti yathā pana paṇḍito gahapatiputto evaṃ upagataṃ paccatthikaṃ ‘‘paccatthiko me aya’’nti ñatvā appamatto tāni tāni kammāni kāretvā anatthaṃ pariharati, atthaṃ pāpuṇāti, evaṃ sutavā ariyasāvakopi ‘‘na rūpaṃ attato samanupassatī’’tiādinā nayena pañcakkhandhe ahanti vā mamanti vā agahetvā, ‘‘paccatthikā me ete’’ti ñatvā rūpasattakaarūpasattakādivasena vipassanāya yojetvāva tatonidānaṃ dukkhaṃ parivajjetvā aggaphalaṃ arahattaṃ pāpuṇāti. Sesamettha uttānameva. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. яамагасуд̇д̇ам̣ • 3. Yamakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. яамагасуд̇д̇аван̣н̣анаа • 3. Yamakasuttavaṇṇanā
