| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. яамагасуд̇д̇аван̣н̣анаа
3. Yamakasuttavaṇṇanā
85. д̣̇идти зва д̣̇идтиг̇ад̇ам̣ ‘‘г̇уут̇аг̇ад̇ам̣ муд̇д̇аг̇ад̇а’’нд̇и (ма. ни. 2.119; а. ни. 9.11) яат̇аа. д̣̇идтиг̇ад̇ам̣ наама ж̇аад̇ам̣ канд̇хавинимуд̇д̇асса сад̇д̇асса г̇ахид̇ад̇д̇аа.
85. Diṭṭhi eva diṭṭhigataṃ ‘‘gūthagataṃ muttagata’’nti (ma. ni. 2.119; a. ni. 9.11) yathā. Diṭṭhigataṃ nāma jātaṃ khandhavinimuttassa sattassa gahitattā.
губид̇зд̇и д̣̇идтисан̇каад̇арог̇зна губид̇з. баг̇г̇аяхаад̇и д̇зсам̣ бхигкуунам̣ санд̇игз вияа т̇зрасса саарибуд̇д̇асса саммукаа ад̇д̇ано лад̣̇д̇хим̣ баг̇г̇аяха ‘‘звам̣ квааха’’нд̇и звам̣ нижчаязна вад̇д̇ум̣ асаггонд̇о.
Kupiteti diṭṭhisaṅkhātarogena kupite. Paggayhāti tesaṃ bhikkhūnaṃ santike viya therassa sāriputtassa sammukhā attano laddhiṃ paggayha ‘‘evaṃ khvāha’’nti evaṃ nicchayena vattuṃ asakkonto.
ануяог̇авад̇д̇ам̣ наама язна яуд̇д̇о, д̇асса ад̇д̇ано г̇аахам̣ ниж̇жхаанагканд̇ияаава яаат̇аавад̇о бавзд̣̇анам̣. т̇зрасса ануяог̇з бхумманд̇и ‘‘д̇ам̣ гим̣ ман̃н̃аси, аавусо яамагаа’’д̇иаад̣̇инаа т̇зрзна гат̇ид̇абужчааяа бхумманид̣̇д̣̇зсо. сажз д̇ам̣ аавусод̇и ид̣̇анд̇и ‘‘сажз д̇ам̣, аавусо’’д̇и звамаад̣̇игам̣ ид̣̇ам̣ важанам̣. зд̇анд̇и яамагад̇т̇зрам̣. ан̃н̃анд̇и арахад̇д̇ам̣. вад̇д̇аб̣б̣аагаарзна вад̣̇анд̇о ад̇т̇ад̇о арахад̇д̇ам̣ б̣яаагаронд̇о наама ход̇ийд̇и ад̇хиббааязна вад̣̇ад̇и.
Anuyogavattaṃ nāma yena yutto, tassa attano gāhaṃ nijjhānakkhantiyāva yāthāvato pavedanaṃ. Therassa anuyoge bhummanti ‘‘taṃ kiṃ maññasi, āvuso yamakā’’tiādinā therena kathitapucchāya bhummaniddeso. Sace taṃ āvusoti idanti ‘‘sace taṃ, āvuso’’ti evamādikaṃ idaṃ vacanaṃ. Etanti yamakattheraṃ. Aññanti arahattaṃ. Vattabbākārena vadanto atthato arahattaṃ byākaronto nāma hotīti adhippāyena vadati.
зд̇асса батамамаг̇г̇ассаад̇и зд̇асса ид̣̇ааниязва д̇ибариваддад̣̇зсанаавасаанз д̇аяаа ад̇хиг̇ад̇асса батамамаг̇г̇асса . жад̇уухи яог̇зхийд̇и ад̇д̇ад̇о бияад̇о уд̣̇аасинад̇о взрид̇од̇и жад̇уухиби уббаж̇ж̇анаанад̇т̇аяог̇зхи.
Etassa paṭhamamaggassāti etassa idāniyeva tiparivaṭṭadesanāvasāne tayā adhigatassa paṭhamamaggassa . Catūhi yogehīti attato piyato udāsinato veritoti catūhipi uppajjanaanatthayogehi.
убзд̇ийд̇и д̇ан̣хубаяад̣̇идтубаязхи убаад̣̇ияад̇и д̇ан̣хаад̣̇идтивад̇т̇ум̣ баббод̇и. убаад̣̇ияад̇ийд̇и д̣̇ал̣хаг̇г̇аахам̣ г̇ан̣хаад̇и. ад̇хид̇идтад̇ийд̇и абхинивисса д̇идтад̇и. гинд̇и? ‘‘ад̇д̇аа мз’’д̇и. бажжад̇т̇игаа мз зд̇зд̇и зд̇з руубавзд̣̇анаад̣̇аяо бан̃жубаад̣̇аанагканд̇хаа маяхам̣ бажжад̇т̇игаа анад̇т̇аавахад̇д̇аад̇и вибассанаан̃аан̣зна н̃ад̇ваа. вибассанааяа яож̇зд̇ваад̇и вибассанааяа канд̇хз яож̇зд̇ваа.
Upetīti taṇhupayadiṭṭhupayehi upādiyati taṇhādiṭṭhivatthuṃ pappoti. Upādiyatīti daḷhaggāhaṃ gaṇhāti. Adhitiṭṭhatīti abhinivissa tiṭṭhati. Kinti? ‘‘Attā me’’ti. Paccatthikā me eteti ete rūpavedanādayo pañcupādānakkhandhā mayhaṃ paccatthikā anatthāvahattāti vipassanāñāṇena ñatvā. Vipassanāya yojetvāti vipassanāya khandhe yojetvā.
яамагасуд̇д̇аван̣н̣анаа нидтид̇аа.
Yamakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. яамагасуд̇д̇ам̣ • 3. Yamakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. яамагасуд̇д̇аван̣н̣анаа • 3. Yamakasuttavaṇṇanā
