| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਯਮਕਸੁਤ੍ਤવਣ੍ਣਨਾ
3. Yamakasuttavaṇṇanā
੮੫. ਤਤਿਯੇ ਦਿਟ੍ਠਿਗਤਨ੍ਤਿ ਸਚੇ ਹਿਸ੍ਸ ਏવਂ ਭવੇਯ੍ਯ ‘‘ਸਙ੍ਖਾਰਾ ਉਪ੍ਪਜ੍ਜਨ੍ਤਿ ਚੇવ ਨਿਰੁਜ੍ਝਨ੍ਤਿ ਚ, ਸਙ੍ਖਾਰਪ੍ਪવਤ੍ਤਮੇવ ਅਪ੍ਪવਤ੍ਤਂ ਹੋਤੀ’’ਤਿ, ਦਿਟ੍ਠਿਗਤਂ ਨਾਮ ਨ ਭવੇਯ੍ਯ, ਸਾਸਨਾવਚਰਿਕਂ ਞਾਣਂ ਭવੇਯ੍ਯ। ਯਸ੍ਮਾ ਪਨਸ੍ਸ ‘‘ਸਤ੍ਤੋ ਉਚ੍ਛਿਜ੍ਜਤਿ વਿਨਸ੍ਸਤੀ’’ਤਿ ਅਹੋਸਿ, ਤਸ੍ਮਾ ਦਿਟ੍ਠਿਗਤਂ ਨਾਮ ਜਾਤਂ। ਥਾਮਸਾ ਪਰਾਮਾਸਾਤਿ ਦਿਟ੍ਠਿਥਾਮੇਨ ਚੇવ ਦਿਟ੍ਠਿਪਰਾਮਾਸੇਨ ਚ।
85. Tatiye diṭṭhigatanti sace hissa evaṃ bhaveyya ‘‘saṅkhārā uppajjanti ceva nirujjhanti ca, saṅkhārappavattameva appavattaṃ hotī’’ti, diṭṭhigataṃ nāma na bhaveyya, sāsanāvacarikaṃ ñāṇaṃ bhaveyya. Yasmā panassa ‘‘satto ucchijjati vinassatī’’ti ahosi, tasmā diṭṭhigataṃ nāma jātaṃ. Thāmasā parāmāsāti diṭṭhithāmena ceva diṭṭhiparāmāsena ca.
ਯੇਨਾਯਸ੍ਮਾ ਸਾਰਿਪੁਤ੍ਤੋਤਿ ਯਥਾ ਨਾਮ ਪਚ੍ਚਨ੍ਤੇ ਕੁਪਿਤੇ ਤਂ વੂਪਸਮੇਤੁਂ ਅਸਕ੍ਕੋਨ੍ਤਾ ਰਾਜਪੁਰਿਸਾ ਸੇਨਾਪਤਿਸ੍ਸ વਾ ਰਞ੍ਞੋ વਾ ਸਨ੍ਤਿਕਂ ਗਚ੍ਛਨ੍ਤਿ, ਏવਂ ਦਿਟ੍ਠਿਗਤવਸੇਨ ਤਸ੍ਮਿਂ ਥੇਰੇ ਕੁਪਿਤੇ ਤਂ વੂਪਸਮੇਤੁਂ ਅਸਕ੍ਕੋਨ੍ਤਾ ਤੇ ਭਿਕ੍ਖੂ ਯੇਨ ਧਮ੍ਮਰਾਜਸ੍ਸ ਧਮ੍ਮਸੇਨਾਪਤਿ ਆਯਸ੍ਮਾ ਸਾਰਿਪੁਤ੍ਤੋ , ਤੇਨੁਪਸਙ੍ਕਮਿਂਸੁ। ਏવਂਬ੍ਯਾਖੋਤਿ ਤੇਸਂ ਭਿਕ੍ਖੂਨਂ ਸਨ੍ਤਿਕੇ વਿਯ ਥੇਰਸ੍ਸ ਸਮ੍ਮੁਖਾ ਪਗ੍ਗਯ੍ਹ વਤ੍ਤੁਂ ਅਸਕ੍ਕੋਨ੍ਤੋ ਓਲਮ੍ਬਨ੍ਤੇਨ ਹਦਯੇਨ ‘‘ਏવਂਬ੍ਯਾਖੋ’’ਤਿ ਆਹ। ਤਂ ਕਿਂ ਮਞ੍ਞਸਿ, ਆવੁਸੋਤਿ? ਇਦਂ ਥੇਰੋ ਤਸ੍ਸ વਚਨਂ ਸੁਤ੍વਾ, ‘‘ਨਾਯਂ ਅਤ੍ਤਨੋ ਲਦ੍ਧਿਯਂ ਦੋਸਂ ਪਸ੍ਸਤਿ, ਧਮ੍ਮਦੇਸਨਾਯ ਅਸ੍ਸ ਤਂ ਪਾਕਟਂ ਕਰਿਸ੍ਸਾਮੀ’’ਤਿ ਚਿਨ੍ਤੇਤ੍વਾ ਤਿਪਰਿવਟ੍ਟਂ ਦੇਸਨਂ ਦੇਸੇਤੁਂ ਆਰਭਿ।
Yenāyasmāsāriputtoti yathā nāma paccante kupite taṃ vūpasametuṃ asakkontā rājapurisā senāpatissa vā rañño vā santikaṃ gacchanti, evaṃ diṭṭhigatavasena tasmiṃ there kupite taṃ vūpasametuṃ asakkontā te bhikkhū yena dhammarājassa dhammasenāpati āyasmā sāriputto , tenupasaṅkamiṃsu. Evaṃbyākhoti tesaṃ bhikkhūnaṃ santike viya therassa sammukhā paggayha vattuṃ asakkonto olambantena hadayena ‘‘evaṃbyākho’’ti āha. Taṃ kiṃ maññasi, āvusoti? Idaṃ thero tassa vacanaṃ sutvā, ‘‘nāyaṃ attano laddhiyaṃ dosaṃ passati, dhammadesanāya assa taṃ pākaṭaṃ karissāmī’’ti cintetvā tiparivaṭṭaṃ desanaṃ desetuṃ ārabhi.
ਤਂ ਕਿਂ ਮਞ੍ਞਸਿ, ਆવੁਸੋ ਯਮਕ, ਰੂਪਂ ਤਥਾਗਤੋਤਿ ਇਦਂ ਕਸ੍ਮਾ ਆਰਦ੍ਧਂ? ਅਨੁਯੋਗવਤ੍ਤਂ ਦਾਪਨਤ੍ਥਂ। ਤਿਪਰਿવਟ੍ਟਦੇਸਨਾવਸਾਨਸ੍ਮਿਞ੍ਹਿ ਥੇਰੋ ਸੋਤਾਪਨ੍ਨੋ ਜਾਤੋ। ਅਥ ਨਂ ਅਨੁਯੋਗવਤ੍ਤਂ ਦਾਪੇਤੁਂ ‘‘ਤਂ ਕਿਂ ਮਞ੍ਞਸੀ’’ਤਿਆਦਿਮਾਹ? ਤਥਾਗਤੋਤਿ ਸਤ੍ਤੋ। ਰੂਪਂ વੇਦਨਾ ਸਞ੍ਞਾ ਸਙ੍ਖਾਰਾ વਿਞ੍ਞਾਣਨ੍ਤਿ ਇਮੇ ਪਞ੍ਚਕ੍ਖਨ੍ਧੇ ਸਮ੍ਪਿਣ੍ਡੇਤ੍વਾ ‘‘ਤਥਾਗਤੋ’’ਤਿ ਸਮਨੁਪਸ੍ਸਸੀਤਿ ਪੁਚ੍ਛਤਿ। ਏਤ੍ਥ ਚ ਤੇ, ਆવੁਸੋਤਿ ਇਦਂ ਥੇਰਸ੍ਸ ਅਨੁਯੋਗੇ ਭੁਮ੍ਮਂ। ਇਦਂ વੁਤ੍ਤਂ ਹੋਤਿ – ਏਤ੍ਥ ਚ ਤੇ ਏਤ੍ਤਕੇ ਠਾਨੇ ਦਿਟ੍ਠੇવ ਧਮ੍ਮੇ ਸਚ੍ਚਤੋ ਥਿਰਤੋ ਸਤ੍ਤੇ ਅਨੁਪਲਬ੍ਭਿਯਮਾਨੇਤਿ। ਸਚੇ ਤਂ, ਆવੁਸੋਤਿ ਇਦਮੇਤਂ ਅਞ੍ਞਂ ਬ੍ਯਾਕਰਾਪੇਤੁਕਾਮੋ ਪੁਚ੍ਛਤਿ। ਯਂ ਦੁਕ੍ਖਂ ਤਂ ਨਿਰੁਦ੍ਧਨ੍ਤਿ ਯਂ ਦੁਕ੍ਖਂ, ਤਦੇવ ਨਿਰੁਦ੍ਧਂ, ਅਞ੍ਞੋ ਸਤ੍ਤੋ ਨਿਰੁਜ੍ਝਨਕੋ ਨਾਮ ਨਤ੍ਥਿ, ਏવਂ ਬ੍ਯਾਕਰੇਯ੍ਯਨ੍ਤਿ ਅਤ੍ਥੋ।
Taṃ kiṃ maññasi, āvuso yamaka, rūpaṃ tathāgatoti idaṃ kasmā āraddhaṃ? Anuyogavattaṃ dāpanatthaṃ. Tiparivaṭṭadesanāvasānasmiñhi thero sotāpanno jāto. Atha naṃ anuyogavattaṃ dāpetuṃ ‘‘taṃ kiṃ maññasī’’tiādimāha? Tathāgatoti satto. Rūpaṃ vedanā saññā saṅkhārā viññāṇanti ime pañcakkhandhe sampiṇḍetvā ‘‘tathāgato’’ti samanupassasīti pucchati. Ettha ca te, āvusoti idaṃ therassa anuyoge bhummaṃ. Idaṃ vuttaṃ hoti – ettha ca te ettake ṭhāne diṭṭheva dhamme saccato thirato satte anupalabbhiyamāneti. Sace taṃ, āvusoti idametaṃ aññaṃ byākarāpetukāmo pucchati. Yaṃ dukkhaṃ taṃ niruddhanti yaṃ dukkhaṃ, tadeva niruddhaṃ, añño satto nirujjhanako nāma natthi, evaṃ byākareyyanti attho.
ਏਤਸ੍ਸੇવ ਅਤ੍ਥਸ੍ਸਾਤਿ ਏਤਸ੍ਸ ਪਠਮਮਗ੍ਗਸ੍ਸ। ਭਿਯ੍ਯੋਸੋਮਤ੍ਤਾਯ ਞਾਣਾਯਾਤਿ ਅਤਿਰੇਕਪ੍ਪਮਾਣਸ੍ਸ ਞਾਣਸ੍ਸ ਅਤ੍ਥਾਯ, ਸਹવਿਪਸ੍ਸਨਕਾਨਂ ਉਪਰਿ ਚ ਤਿਣ੍ਣਂ ਮਗ੍ਗਾਨਂ ਆવਿਭਾવਤ੍ਥਾਯਾਤਿ ਅਤ੍ਥੋ। ਆਰਕ੍ਖਸਮ੍ਪਨ੍ਨੋਤਿ ਅਨ੍ਤੋਆਰਕ੍ਖੇਨ ਚੇવ ਬਹਿਆਰਕ੍ਖੇਨ ਚ ਸਮਨ੍ਨਾਗਤੋ। ਅਯੋਗਕ੍ਖੇਮਕਾਮੋਤਿ ਚਤੂਹਿ ਯੋਗੇਹਿ ਖੇਮਭਾવਂ ਅਨਿਚ੍ਛਨ੍ਤੋ। ਪਸਯ੍ਹਾਤਿ ਪਸਯ੍ਹਿਤ੍વਾ ਅਭਿਭવਿਤ੍વਾ। ਅਨੁਪਖਜ੍ਜਾਤਿ ਅਨੁਪવਿਸਿਤ੍વਾ।
Etasseva atthassāti etassa paṭhamamaggassa. Bhiyyosomattāya ñāṇāyāti atirekappamāṇassa ñāṇassa atthāya, sahavipassanakānaṃ upari ca tiṇṇaṃ maggānaṃ āvibhāvatthāyāti attho. Ārakkhasampannoti antoārakkhena ceva bahiārakkhena ca samannāgato. Ayogakkhemakāmoti catūhi yogehi khemabhāvaṃ anicchanto. Pasayhāti pasayhitvā abhibhavitvā. Anupakhajjāti anupavisitvā.
ਪੁਬ੍ਬੁਟ੍ਠਾਯੀਤਿਆਦੀਸੁ ਦੂਰਤੋવ ਆਗਚ੍ਛਨ੍ਤਂ ਦਿਸ੍વਾ ਆਸਨਤੋ ਪਠਮਤਰਂ વੁਟ੍ਠਾਤੀਤਿ ਪੁਬ੍ਬੁਟ੍ਠਾਯੀ। ਤਸ੍ਸ ਆਸਨਂ ਦਤ੍વਾ ਤਸ੍ਮਿਂ ਨਿਸਿਨ੍ਨੇ ਪਚ੍ਛਾ ਨਿਪਤਤਿ ਨਿਸੀਦਤੀਤਿ, ਪਚ੍ਛਾਨਿਪਾਤੀ। ਪਾਤੋવ વੁਟ੍ਠਾਯ ‘‘ਏਤ੍ਤਕਾ ਕਸਿਤੁਂ ਗਚ੍ਛਥ, ਏਤ੍ਤਕਾ વਪਿਤੁ’’ਨ੍ਤਿ વਾ ਸਬ੍ਬਪਠਮਂ વੁਟ੍ਠਾਤੀਤਿ ਪੁਬ੍ਬੁਟ੍ਠਾਯੀ। ਸਾਯਂ ਸਬ੍ਬੇਸੁ ਅਤ੍ਤਨੋ ਅਤ੍ਤਨੋ વਸਨਟ੍ਠਾਨਂ ਗਤੇਸੁ ਗੇਹਸ੍ਸ ਸਮਨ੍ਤਤੋ ਆਰਕ੍ਖਂ ਸਂવਿਧਾਯ ਦ੍વਾਰਾਨਿ ਥਕੇਤ੍વਾ ਸਬ੍ਬਪਚ੍ਛਾ ਨਿਪਜ੍ਜਨਤੋਪਿ ਪਚ੍ਛਾਨਿਪਾਤੀ। ‘‘ਕਿਂ ਕਰੋਮਿ , ਅਯ੍ਯਪੁਤ੍ਤ ? ਕਿਂ ਕਰੋਮਿ ਅਯ੍ਯਪੁਤ੍ਤਾ’’ਤਿ? ਮੁਖਂ ਓਲੋਕੇਨ੍ਤੋ ਕਿਂਕਾਰਂ ਪਟਿਸਾવੇਤੀਤਿ ਕਿਂਕਾਰਪਟਿਸ੍ਸਾવੀ। ਮਨਾਪਂ ਚਰਤੀਤਿ ਮਨਾਪਚਾਰੀ। ਪਿਯਂ વਦਤੀਤਿ ਪਿਯવਾਦੀ। ਮਿਤ੍ਤਤੋਪਿ ਨਂ ਸਦ੍ਦਹੇਯ੍ਯਾਤਿ ਮਿਤ੍ਤੋ ਮੇ ਅਯਨ੍ਤਿ ਸਦ੍ਦਹੇਯ੍ਯ। વਿਸ੍ਸਾਸਂ ਆਪਜ੍ਜੇਯ੍ਯਾਤਿ ਏਕਤੋ ਪਾਨਭੋਜਨਾਦਿਂ ਕਰੋਨ੍ਤੋ વਿਸ੍ਸਾਸਿਕੋ ਭવੇਯ੍ਯ। ਸਂવਿਸ੍ਸਤ੍ਥੋਤਿ ਸੁਟ੍ਠੁ વਿਸ੍ਸਤ੍ਥੋ।
Pubbuṭṭhāyītiādīsu dūratova āgacchantaṃ disvā āsanato paṭhamataraṃ vuṭṭhātīti pubbuṭṭhāyī. Tassa āsanaṃ datvā tasmiṃ nisinne pacchā nipatati nisīdatīti, pacchānipātī. Pātova vuṭṭhāya ‘‘ettakā kasituṃ gacchatha, ettakā vapitu’’nti vā sabbapaṭhamaṃ vuṭṭhātīti pubbuṭṭhāyī. Sāyaṃ sabbesu attano attano vasanaṭṭhānaṃ gatesu gehassa samantato ārakkhaṃ saṃvidhāya dvārāni thaketvā sabbapacchā nipajjanatopi pacchānipātī. ‘‘Kiṃ karomi , ayyaputta ? Kiṃ karomi ayyaputtā’’ti? Mukhaṃ olokento kiṃkāraṃ paṭisāvetīti kiṃkārapaṭissāvī. Manāpaṃ caratīti manāpacārī. Piyaṃ vadatīti piyavādī. Mittatopi naṃ saddaheyyāti mitto me ayanti saddaheyya. Vissāsaṃ āpajjeyyāti ekato pānabhojanādiṃ karonto vissāsiko bhaveyya. Saṃvissatthoti suṭṭhu vissattho.
ਏવਮੇવ ਖੋਤਿ ਏਤ੍ਥ ਇਦਂ ਓਪਮ੍ਮਸਂਸਨ੍ਦਨਂ – ਬਾਲਗਹਪਤਿਪੁਤ੍ਤੋ વਿਯ ਹਿ વਟ੍ਟਸਨ੍ਨਿਸ੍ਸਿਤਕਾਲੇ ਅਸ੍ਸੁਤવਾ ਪੁਥੁਜ੍ਜਨੋ , વਧਕਪਚ੍ਚਾਮਿਤ੍ਤੋ વਿਯ ਅਬਲਦੁਬ੍ਬਲਾ ਪਞ੍ਚਕ੍ਖਨ੍ਧਾ, વਧਕਪਚ੍ਚਾਮਿਤ੍ਤਸ੍ਸ ‘‘ਬਾਲਗਹਪਤਿਪੁਤ੍ਤਂ ਉਪਟ੍ਠਹਿਸ੍ਸਾਮੀ’’ਤਿ ਉਪਗਤਕਾਲੋ વਿਯ ਪਟਿਸਨ੍ਧਿਕ੍ਖਣੇ ਉਪਗਤਾ ਪਞ੍ਚਕ੍ਖਨ੍ਧਾ, ਤਸ੍ਸ ਹਿ ‘‘ਨ ਮੇ ਅਯਂ ਸਹਾਯੋ, વਧਕਪਚ੍ਚਤ੍ਥਿਕੋ ਅਯ’’ਨ੍ਤਿ ਅਜਾਨਨਕਾਲੋ વਿਯ વਟ੍ਟਨਿਸ੍ਸਿਤਪੁਥੁਜ੍ਜਨਸ੍ਸ ਪਞ੍ਚਕ੍ਖਨ੍ਧੇ ‘‘ਨ ਇਮੇ ਮਯ੍ਹ’’ਨ੍ਤਿ ਅਗਹੇਤ੍વਾ ‘‘ਮਮ ਰੂਪਂ, ਮਮ વੇਦਨਾ, ਮਮ ਸਞ੍ਞਾ, ਮਮ ਸਙ੍ਖਾਰਾ, ਮਮ વਿਞ੍ਞਾਣ’’ਨ੍ਤਿ ਗਹਿਤਕਾਲੋ, વਧਕਪਚ੍ਚਤ੍ਥਿਕਸ੍ਸ ‘‘ਮਿਤ੍ਤੋ ਮੇ ਅਯ’’ਨ੍ਤਿ ਗਹੇਤ੍વਾ ਸਕ੍ਕਾਰਕਰਣਕਾਲੋ વਿਯ ‘‘ਮਮ ਇਮੇ’’ਤਿ ਗਹੇਤ੍વਾ ਪਞ੍ਚਨ੍ਨਂ ਖਨ੍ਧਾਨਂ ਨ੍ਹਾਪਨਭੋਜਨਾਦੀਹਿ ਸਕ੍ਕਾਰਕਰਣਕਾਲੋ, ‘‘ਅਤਿવਿਸ੍ਸਤ੍ਥੋ ਮੇ ਅਯ’’ਨ੍ਤਿ ਞਤ੍વਾ ਸਕ੍ਕਾਰਂ ਕਰੋਨ੍ਤਸ੍ਸੇવ ਅਸਿਨਾ ਸੀਸਚ੍ਛਿਨ੍ਦਨਂ વਿਯ વਿਸ੍ਸਤ੍ਥਸ੍ਸ ਬਾਲਪੁਥੁਜ੍ਜਨਸ੍ਸ ਤਿਖਿਣੇਹਿ ਭਿਜ੍ਜਮਾਨੇਹਿ ਖਨ੍ਧੇਹਿ ਜੀવਿਤਪਰਿਯਾਦਾਨਂ વੇਦਿਤਬ੍ਬਂ।
Evameva khoti ettha idaṃ opammasaṃsandanaṃ – bālagahapatiputto viya hi vaṭṭasannissitakāle assutavā puthujjano , vadhakapaccāmitto viya abaladubbalā pañcakkhandhā, vadhakapaccāmittassa ‘‘bālagahapatiputtaṃ upaṭṭhahissāmī’’ti upagatakālo viya paṭisandhikkhaṇe upagatā pañcakkhandhā, tassa hi ‘‘na me ayaṃ sahāyo, vadhakapaccatthiko aya’’nti ajānanakālo viya vaṭṭanissitaputhujjanassa pañcakkhandhe ‘‘na ime mayha’’nti agahetvā ‘‘mama rūpaṃ, mama vedanā, mama saññā, mama saṅkhārā, mama viññāṇa’’nti gahitakālo, vadhakapaccatthikassa ‘‘mitto me aya’’nti gahetvā sakkārakaraṇakālo viya ‘‘mama ime’’ti gahetvā pañcannaṃ khandhānaṃ nhāpanabhojanādīhi sakkārakaraṇakālo, ‘‘ativissattho me aya’’nti ñatvā sakkāraṃ karontasseva asinā sīsacchindanaṃ viya vissatthassa bālaputhujjanassa tikhiṇehi bhijjamānehi khandhehi jīvitapariyādānaṃ veditabbaṃ.
ਉਪੇਤੀਤਿ ਉਪਗਚ੍ਛਤਿ। ਉਪਾਦਿਯਤੀਤਿ ਗਣ੍ਹਾਤਿ। ਅਧਿਟ੍ਠਾਤੀਤਿ ਅਧਿਤਿਟ੍ਠਤਿ। ਅਤ੍ਤਾ ਮੇਤਿ ਅਯਂ ਮੇ ਅਤ੍ਤਾਤਿ। ਸੁਤવਾ ਚ ਖੋ, ਆવੁਸੋ, ਅਰਿਯਸਾવਕੋਤਿ ਯਥਾ ਪਨ ਪਣ੍ਡਿਤੋ ਗਹਪਤਿਪੁਤ੍ਤੋ ਏવਂ ਉਪਗਤਂ ਪਚ੍ਚਤ੍ਥਿਕਂ ‘‘ਪਚ੍ਚਤ੍ਥਿਕੋ ਮੇ ਅਯ’’ਨ੍ਤਿ ਞਤ੍વਾ ਅਪ੍ਪਮਤ੍ਤੋ ਤਾਨਿ ਤਾਨਿ ਕਮ੍ਮਾਨਿ ਕਾਰੇਤ੍વਾ ਅਨਤ੍ਥਂ ਪਰਿਹਰਤਿ, ਅਤ੍ਥਂ ਪਾਪੁਣਾਤਿ, ਏવਂ ਸੁਤવਾ ਅਰਿਯਸਾવਕੋਪਿ ‘‘ਨ ਰੂਪਂ ਅਤ੍ਤਤੋ ਸਮਨੁਪਸ੍ਸਤੀ’’ਤਿਆਦਿਨਾ ਨਯੇਨ ਪਞ੍ਚਕ੍ਖਨ੍ਧੇ ਅਹਨ੍ਤਿ વਾ ਮਮਨ੍ਤਿ વਾ ਅਗਹੇਤ੍વਾ, ‘‘ਪਚ੍ਚਤ੍ਥਿਕਾ ਮੇ ਏਤੇ’’ਤਿ ਞਤ੍વਾ ਰੂਪਸਤ੍ਤਕਅਰੂਪਸਤ੍ਤਕਾਦਿવਸੇਨ વਿਪਸ੍ਸਨਾਯ ਯੋਜੇਤ੍વਾવ ਤਤੋਨਿਦਾਨਂ ਦੁਕ੍ਖਂ ਪਰਿવਜ੍ਜੇਤ੍વਾ ਅਗ੍ਗਫਲਂ ਅਰਹਤ੍ਤਂ ਪਾਪੁਣਾਤਿ। ਸੇਸਮੇਤ੍ਥ ਉਤ੍ਤਾਨਮੇવ। ਤਤਿਯਂ।
Upetīti upagacchati. Upādiyatīti gaṇhāti. Adhiṭṭhātīti adhitiṭṭhati. Attā meti ayaṃ me attāti. Sutavā ca kho, āvuso, ariyasāvakoti yathā pana paṇḍito gahapatiputto evaṃ upagataṃ paccatthikaṃ ‘‘paccatthiko me aya’’nti ñatvā appamatto tāni tāni kammāni kāretvā anatthaṃ pariharati, atthaṃ pāpuṇāti, evaṃ sutavā ariyasāvakopi ‘‘na rūpaṃ attato samanupassatī’’tiādinā nayena pañcakkhandhe ahanti vā mamanti vā agahetvā, ‘‘paccatthikā me ete’’ti ñatvā rūpasattakaarūpasattakādivasena vipassanāya yojetvāva tatonidānaṃ dukkhaṃ parivajjetvā aggaphalaṃ arahattaṃ pāpuṇāti. Sesamettha uttānameva. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਯਮਕਸੁਤ੍ਤਂ • 3. Yamakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਯਮਕਸੁਤ੍ਤવਣ੍ਣਨਾ • 3. Yamakasuttavaṇṇanā
