| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਯਮਕਸੁਤ੍ਤવਣ੍ਣਨਾ
3. Yamakasuttavaṇṇanā
੮੫. ਦਿਟ੍ਠਿ ਏવ ਦਿਟ੍ਠਿਗਤਂ ‘‘ਗੂਥਗਤਂ ਮੁਤ੍ਤਗਤ’’ਨ੍ਤਿ (ਮ॰ ਨਿ॰ ੨.੧੧੯; ਅ॰ ਨਿ॰ ੯.੧੧) ਯਥਾ। ਦਿਟ੍ਠਿਗਤਂ ਨਾਮ ਜਾਤਂ ਖਨ੍ਧવਿਨਿਮੁਤ੍ਤਸ੍ਸ ਸਤ੍ਤਸ੍ਸ ਗਹਿਤਤ੍ਤਾ।
85. Diṭṭhi eva diṭṭhigataṃ ‘‘gūthagataṃ muttagata’’nti (ma. ni. 2.119; a. ni. 9.11) yathā. Diṭṭhigataṃ nāma jātaṃ khandhavinimuttassa sattassa gahitattā.
ਕੁਪਿਤੇਤਿ ਦਿਟ੍ਠਿਸਙ੍ਖਾਤਰੋਗੇਨ ਕੁਪਿਤੇ। ਪਗ੍ਗਯ੍ਹਾਤਿ ਤੇਸਂ ਭਿਕ੍ਖੂਨਂ ਸਨ੍ਤਿਕੇ વਿਯ ਥੇਰਸ੍ਸ ਸਾਰਿਪੁਤ੍ਤਸ੍ਸ ਸਮ੍ਮੁਖਾ ਅਤ੍ਤਨੋ ਲਦ੍ਧਿਂ ਪਗ੍ਗਯ੍ਹ ‘‘ਏવਂ ਖ੍વਾਹ’’ਨ੍ਤਿ ਏવਂ ਨਿਚ੍ਛਯੇਨ વਤ੍ਤੁਂ ਅਸਕ੍ਕੋਨ੍ਤੋ।
Kupiteti diṭṭhisaṅkhātarogena kupite. Paggayhāti tesaṃ bhikkhūnaṃ santike viya therassa sāriputtassa sammukhā attano laddhiṃ paggayha ‘‘evaṃ khvāha’’nti evaṃ nicchayena vattuṃ asakkonto.
ਅਨੁਯੋਗવਤ੍ਤਂ ਨਾਮ ਯੇਨ ਯੁਤ੍ਤੋ, ਤਸ੍ਸ ਅਤ੍ਤਨੋ ਗਾਹਂ ਨਿਜ੍ਝਾਨਕ੍ਖਨ੍ਤਿਯਾવ ਯਾਥਾવਤੋ ਪવੇਦਨਂ। ਥੇਰਸ੍ਸ ਅਨੁਯੋਗੇ ਭੁਮ੍ਮਨ੍ਤਿ ‘‘ਤਂ ਕਿਂ ਮਞ੍ਞਸਿ, ਆવੁਸੋ ਯਮਕਾ’’ਤਿਆਦਿਨਾ ਥੇਰੇਨ ਕਥਿਤਪੁਚ੍ਛਾਯ ਭੁਮ੍ਮਨਿਦ੍ਦੇਸੋ। ਸਚੇ ਤਂ ਆવੁਸੋਤਿ ਇਦਨ੍ਤਿ ‘‘ਸਚੇ ਤਂ, ਆવੁਸੋ’’ਤਿ ਏવਮਾਦਿਕਂ ਇਦਂ વਚਨਂ। ਏਤਨ੍ਤਿ ਯਮਕਤ੍ਥੇਰਂ। ਅਞ੍ਞਨ੍ਤਿ ਅਰਹਤ੍ਤਂ। વਤ੍ਤਬ੍ਬਾਕਾਰੇਨ વਦਨ੍ਤੋ ਅਤ੍ਥਤੋ ਅਰਹਤ੍ਤਂ ਬ੍ਯਾਕਰੋਨ੍ਤੋ ਨਾਮ ਹੋਤੀਤਿ ਅਧਿਪ੍ਪਾਯੇਨ વਦਤਿ।
Anuyogavattaṃ nāma yena yutto, tassa attano gāhaṃ nijjhānakkhantiyāva yāthāvato pavedanaṃ. Therassa anuyoge bhummanti ‘‘taṃ kiṃ maññasi, āvuso yamakā’’tiādinā therena kathitapucchāya bhummaniddeso. Sace taṃ āvusoti idanti ‘‘sace taṃ, āvuso’’ti evamādikaṃ idaṃ vacanaṃ. Etanti yamakattheraṃ. Aññanti arahattaṃ. Vattabbākārena vadanto atthato arahattaṃ byākaronto nāma hotīti adhippāyena vadati.
ਏਤਸ੍ਸ ਪਠਮਮਗ੍ਗਸ੍ਸਾਤਿ ਏਤਸ੍ਸ ਇਦਾਨਿਯੇવ ਤਿਪਰਿવਟ੍ਟਦੇਸਨਾવਸਾਨੇ ਤਯਾ ਅਧਿਗਤਸ੍ਸ ਪਠਮਮਗ੍ਗਸ੍ਸ । ਚਤੂਹਿ ਯੋਗੇਹੀਤਿ ਅਤ੍ਤਤੋ ਪਿਯਤੋ ਉਦਾਸਿਨਤੋ વੇਰਿਤੋਤਿ ਚਤੂਹਿਪਿ ਉਪ੍ਪਜ੍ਜਨਅਨਤ੍ਥਯੋਗੇਹਿ।
Etassa paṭhamamaggassāti etassa idāniyeva tiparivaṭṭadesanāvasāne tayā adhigatassa paṭhamamaggassa . Catūhi yogehīti attato piyato udāsinato veritoti catūhipi uppajjanaanatthayogehi.
ਉਪੇਤੀਤਿ ਤਣ੍ਹੁਪਯਦਿਟ੍ਠੁਪਯੇਹਿ ਉਪਾਦਿਯਤਿ ਤਣ੍ਹਾਦਿਟ੍ਠਿવਤ੍ਥੁਂ ਪਪ੍ਪੋਤਿ। ਉਪਾਦਿਯਤੀਤਿ ਦਲ਼੍ਹਗ੍ਗਾਹਂ ਗਣ੍ਹਾਤਿ। ਅਧਿਤਿਟ੍ਠਤੀਤਿ ਅਭਿਨਿવਿਸ੍ਸ ਤਿਟ੍ਠਤਿ। ਕਿਨ੍ਤਿ? ‘‘ਅਤ੍ਤਾ ਮੇ’’ਤਿ। ਪਚ੍ਚਤ੍ਥਿਕਾ ਮੇ ਏਤੇਤਿ ਏਤੇ ਰੂਪવੇਦਨਾਦਯੋ ਪਞ੍ਚੁਪਾਦਾਨਕ੍ਖਨ੍ਧਾ ਮਯ੍ਹਂ ਪਚ੍ਚਤ੍ਥਿਕਾ ਅਨਤ੍ਥਾવਹਤ੍ਤਾਤਿ વਿਪਸ੍ਸਨਾਞਾਣੇਨ ਞਤ੍વਾ। વਿਪਸ੍ਸਨਾਯ ਯੋਜੇਤ੍વਾਤਿ વਿਪਸ੍ਸਨਾਯ ਖਨ੍ਧੇ ਯੋਜੇਤ੍વਾ।
Upetīti taṇhupayadiṭṭhupayehi upādiyati taṇhādiṭṭhivatthuṃ pappoti. Upādiyatīti daḷhaggāhaṃ gaṇhāti. Adhitiṭṭhatīti abhinivissa tiṭṭhati. Kinti? ‘‘Attā me’’ti. Paccatthikā me eteti ete rūpavedanādayo pañcupādānakkhandhā mayhaṃ paccatthikā anatthāvahattāti vipassanāñāṇena ñatvā. Vipassanāya yojetvāti vipassanāya khandhe yojetvā.
ਯਮਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Yamakasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਯਮਕਸੁਤ੍ਤਂ • 3. Yamakasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਯਮਕਸੁਤ੍ਤવਣ੍ਣਨਾ • 3. Yamakasuttavaṇṇanā
