| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
д̇хаммабад̣̇абаал̣и
Dhammapadapāḷi
1. яамагаваг̇г̇о
1. Yamakavaggo
1.
1.
манобуб̣б̣ан̇г̇амаа д̇хаммаа, маносздтаа маномаяаа;
Manopubbaṅgamā dhammā, manoseṭṭhā manomayā;
манасаа жз бад̣̇удтзна, бхаасад̇и ваа гарод̇и ваа;
Manasā ce paduṭṭhena, bhāsati vā karoti vā;
д̇ад̇о нам̣ д̣̇угкаманвзд̇и, жаггам̣ва вахад̇о бад̣̇ам̣.
Tato naṃ dukkhamanveti, cakkaṃva vahato padaṃ.
2.
2.
манобуб̣б̣ан̇г̇амаа д̇хаммаа, маносздтаа маномаяаа;
Manopubbaṅgamā dhammā, manoseṭṭhā manomayā;
манасаа жз басаннзна, бхаасад̇и ваа гарод̇и ваа;
Manasā ce pasannena, bhāsati vā karoti vā;
3.
3.
яз жа д̇ам̣ убанаяханд̇и, взрам̣ д̇зсам̣ на саммад̇и.
Ye ca taṃ upanayhanti, veraṃ tesaṃ na sammati.
4.
4.
аггожчи мам̣ авад̇хи мам̣, аж̇ини мам̣ ахааси мз;
Akkocchi maṃ avadhi maṃ, ajini maṃ ahāsi me;
яз жа д̇ам̣ нубанаяханд̇и, взрам̣ д̇зсуубасаммад̇и.
Ye ca taṃ nupanayhanti, veraṃ tesūpasammati.
5.
5.
на хи взрзна взраани, самманд̇ийд̇ха гуд̣̇аажанам̣;
Na hi verena verāni, sammantīdha kudācanaṃ;
авзрзна жа самманд̇и, зса д̇хаммо сананд̇ано.
Averena ca sammanti, esa dhammo sanantano.
6.
6.
барз жа на виж̇аананд̇и, маяамзд̇т̇а яамаамасз;
Pare ca na vijānanti, mayamettha yamāmase;
яз жа д̇ад̇т̇а виж̇аананд̇и, д̇ад̇о самманд̇и мзд̇хаг̇аа.
Ye ca tattha vijānanti, tato sammanti medhagā.
7.
7.
субхаанубассим̣ вихаранд̇ам̣, инд̣̇риязсу асам̣вуд̇ам̣;
Subhānupassiṃ viharantaṃ, indriyesu asaṃvutaṃ;
бхож̇анамхи жаамад̇д̇ан̃н̃ум̣, гусийд̇ам̣ хийнавийрияам̣;
Bhojanamhi cāmattaññuṃ, kusītaṃ hīnavīriyaṃ;
д̇ам̣ вз басахад̇и мааро, ваад̇о ругкам̣ва д̣̇уб̣б̣алам̣.
Taṃ ve pasahati māro, vāto rukkhaṃva dubbalaṃ.
8.
8.
асубхаанубассим̣ вихаранд̇ам̣, инд̣̇риязсу сусам̣вуд̇ам̣;
Asubhānupassiṃ viharantaṃ, indriyesu susaṃvutaṃ;
бхож̇анамхи жа мад̇д̇ан̃н̃ум̣, сад̣̇д̇хам̣ аарад̣̇д̇хавийрияам̣;
Bhojanamhi ca mattaññuṃ, saddhaṃ āraddhavīriyaṃ;
д̇ам̣ вз наббасахад̇и мааро, ваад̇о сзлам̣ва баб̣б̣ад̇ам̣.
Taṃ ve nappasahati māro, vāto selaṃva pabbataṃ.
9.
9.
аниггасааво гаасаавам̣, яо вад̇т̇ам̣ барид̣̇ахиссад̇и;
Anikkasāvo kāsāvaṃ, yo vatthaṃ paridahissati;
абзд̇о д̣̇амасажжзна, на со гаасаавамарахад̇и.
Apeto damasaccena, na so kāsāvamarahati.
10.
10.
яо жа ванд̇агасаавасса, сийлзсу сусамаахид̇о;
Yo ca vantakasāvassa, sīlesu susamāhito;
убзд̇о д̣̇амасажжзна, са вз гаасаавамарахад̇и.
Upeto damasaccena, sa ve kāsāvamarahati.
11.
11.
асаарз саарамад̇ино, саарз жаасаарад̣̇ассино;
Asāre sāramatino, sāre cāsāradassino;
д̇з саарам̣ наад̇хиг̇ажчанд̇и, мижчаасан̇габбаг̇ожараа.
Te sāraṃ nādhigacchanti, micchāsaṅkappagocarā.
12.
12.
сааран̃жа саарад̇о н̃ад̇ваа, асааран̃жа асаарад̇о;
Sārañca sārato ñatvā, asārañca asārato;
д̇з саарам̣ ад̇хиг̇ажчанд̇и, саммаасан̇габбаг̇ожараа.
Te sāraṃ adhigacchanti, sammāsaṅkappagocarā.
13.
13.
яат̇аа аг̇аарам̣ д̣̇ужчаннам̣, вудтий самад̇ивиж̇жхад̇и;
Yathā agāraṃ ducchannaṃ, vuṭṭhī samativijjhati;
звам̣ абхаавид̇ам̣ жид̇д̇ам̣, рааг̇о самад̇ивиж̇жхад̇и.
Evaṃ abhāvitaṃ cittaṃ, rāgo samativijjhati.
14.
14.
яат̇аа аг̇аарам̣ сучаннам̣, вудтий на самад̇ивиж̇жхад̇и;
Yathā agāraṃ suchannaṃ, vuṭṭhī na samativijjhati;
звам̣ субхаавид̇ам̣ жид̇д̇ам̣, рааг̇о на самад̇ивиж̇жхад̇и.
Evaṃ subhāvitaṃ cittaṃ, rāgo na samativijjhati.
15.
15.
ид̇ха сожад̇и бзжжа сожад̇и, баабагаарий убхаяад̇т̇а сожад̇и;
Idha socati pecca socati, pāpakārī ubhayattha socati;
со сожад̇и со вихан̃н̃ад̇и, д̣̇исваа гаммагилидтамад̇д̇ано.
So socati so vihaññati, disvā kammakiliṭṭhamattano.
16.
16.
ид̇ха мод̣̇ад̇и бзжжа мод̣̇ад̇и, гад̇абун̃н̃о убхаяад̇т̇а мод̣̇ад̇и;
Idha modati pecca modati, katapuñño ubhayattha modati;
со мод̣̇ад̇и со бамод̣̇ад̇и, д̣̇исваа гаммависуд̣̇д̇химад̇д̇ано.
So modati so pamodati, disvā kammavisuddhimattano.
17.
17.
ид̇ха д̇аббад̇и бзжжа д̇аббад̇и, баабагаарий 5 убхаяад̇т̇а д̇аббад̇и;
Idha tappati pecca tappati, pāpakārī 6 ubhayattha tappati;
‘‘баабам̣ мз гад̇а’’нд̇и д̇аббад̇и, бхияяо 7 д̇аббад̇и д̣̇уг̇г̇ад̇им̣ г̇ад̇о.
‘‘Pāpaṃ me kata’’nti tappati, bhiyyo 8 tappati duggatiṃ gato.
18.
18.
ид̇ха нанд̣̇ад̇и бзжжа нанд̣̇ад̇и, гад̇абун̃н̃о убхаяад̇т̇а нанд̣̇ад̇и;
Idha nandati pecca nandati, katapuñño ubhayattha nandati;
‘‘бун̃н̃ам̣ мз гад̇а’’нд̇и нанд̣̇ад̇и, бхияяо нанд̣̇ад̇и суг̇г̇ад̇им̣ г̇ад̇о.
‘‘Puññaṃ me kata’’nti nandati, bhiyyo nandati suggatiṃ gato.
19.
19.
б̣ахумби жз сам̣хид̇а 9 бхаасамаано, на д̇аггаро ход̇и наро бамад̇д̇о;
Bahumpi ce saṃhita 10 bhāsamāno, na takkaro hoti naro pamatto;
г̇обова г̇ааво г̇ан̣аяам̣ барзсам̣, на бхааг̇аваа сааман̃н̃асса ход̇и.
Gopova gāvo gaṇayaṃ paresaṃ, na bhāgavā sāmaññassa hoti.
20.
20.
аббамби жз сам̣хид̇а бхаасамаано, д̇хаммасса ход̇и 11 ануд̇хаммажаарий;
Appampi ce saṃhita bhāsamāno, dhammassa hoti 12 anudhammacārī;
рааг̇ан̃жа д̣̇осан̃жа бахааяа мохам̣, саммаббаж̇аано сувимуд̇д̇ажид̇д̇о;
Rāgañca dosañca pahāya mohaṃ, sammappajāno suvimuttacitto;
анубаад̣̇ияаано ид̇ха ваа хурам̣ ваа, са бхааг̇аваа сааман̃н̃асса ход̇и.
Anupādiyāno idha vā huraṃ vā, sa bhāgavā sāmaññassa hoti.
яамагаваг̇г̇о батамо нидтид̇о.
Yamakavaggo paṭhamo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 1. яамагаваг̇г̇о • 1. Yamakavaggo
