| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
153. யானாதி³படிக்கே²பகதா²
153. Yānādipaṭikkhepakathā
253. இத்தி²யுத்தேனாதி எத்த² ரூளீவஸேன தே⁴னுபி இத்தீ² நாமாதி ஆஹ ‘‘தே⁴னுயுத்தேனா’’தி. புரிஸந்தரேனாதி எத்த² புரிஸோ ஏவ அந்தரோ அஞ்ஞோ எத்தா²தி புரிஸந்தரங் யானங். புரிஸந்தரோ நாம அத்த²தோ ஸாரதீ²தி ஆஹ ‘‘புரிஸஸாரதி²னா’’தி, யானேனாதி யோஜனா. க³ங்கா³மஹியாயாதி எத்த² க³ங்கா³ ச மஹீ ச க³ங்கா³மஹீ, தத்த² கீளிகா க³ங்கா³மஹியாதி அத்த²ங் த³ஸ்ஸெந்தோ ஆஹ ‘‘க³ங்கா³மஹீகீளிகாயா’’தி. தத்த² ஹி இத்தி²புரிஸா யானேஹி உத³ககீளங் கீளந்தி. புரிஸயுத்தங் ஹத்த²வட்டகந்தி எத்த² ‘‘அனுஜானாமி பி⁴க்க²வே புரிஸயுத்தஞ்ச ஹத்த²வட்டகஞ்சா’’தி த³ஸ்ஸெந்தோ ஆஹ ‘‘எத்தா²’’திஆதி³. தத்த² புரிஸயுத்தந்தி புரிஸேன யுஜ்ஜிதப்³ப³ந்தி புரிஸயுத்தங் யானங். ஹத்த²வட்டகந்தி ஹத்தே²ன வட்டேதப்³ப³ந்தி ஹத்த²வட்டகங் யானங். யானுக்³கா⁴தேனாதி யானஸ்ஸ உல்லங்கி⁴த்வா க³மனேன. ஹனதா⁴து ஹி க³த்யத்தோ². தமத்த²ங் த³ஸ்ஸெந்தோ ஆஹ ‘‘யானங் அபி⁴ருஹந்தஸ்ஸா’’திஆதி³. ‘‘தப்பச்சயா’’தி இமினா யானுக்³கா⁴தேனாதி எத்த² ஹெத்வத்தே² கரணவசனந்தி த³ஸ்ஸேதி. பீட²கஸிவிகந்தி பீடே²ன ஸஹ கதங் ஸிவிகங். படபோடலிகந்தி படமயங் போடலிகங்.
253.Itthiyuttenāti ettha rūḷīvasena dhenupi itthī nāmāti āha ‘‘dhenuyuttenā’’ti. Purisantarenāti ettha puriso eva antaro añño etthāti purisantaraṃ yānaṃ. Purisantaro nāma atthato sārathīti āha ‘‘purisasārathinā’’ti, yānenāti yojanā. Gaṅgāmahiyāyāti ettha gaṅgā ca mahī ca gaṅgāmahī, tattha kīḷikā gaṅgāmahiyāti atthaṃ dassento āha ‘‘gaṅgāmahīkīḷikāyā’’ti. Tattha hi itthipurisā yānehi udakakīḷaṃ kīḷanti. Purisayuttaṃhatthavaṭṭakanti ettha ‘‘anujānāmi bhikkhave purisayuttañca hatthavaṭṭakañcā’’ti dassento āha ‘‘etthā’’tiādi. Tattha purisayuttanti purisena yujjitabbanti purisayuttaṃ yānaṃ. Hatthavaṭṭakanti hatthena vaṭṭetabbanti hatthavaṭṭakaṃ yānaṃ. Yānugghātenāti yānassa ullaṅghitvā gamanena. Hanadhātu hi gatyattho. Tamatthaṃ dassento āha ‘‘yānaṃ abhiruhantassā’’tiādi. ‘‘Tappaccayā’’ti iminā yānugghātenāti ettha hetvatthe karaṇavacananti dasseti. Pīṭhakasivikanti pīṭhena saha kataṃ sivikaṃ. Paṭapoṭalikanti paṭamayaṃ poṭalikaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 153. யானாதி³படிக்கே²போ • 153. Yānādipaṭikkhepo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / யானாதி³படிக்கே²பகதா² • Yānādipaṭikkhepakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / யானாதி³படிக்கே²பகதா²வண்ணனா • Yānādipaṭikkhepakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அஜ்ஜா²ராமேஉபாஹனபடிக்கே²பகதா²தி³வண்ணனா • Ajjhārāmeupāhanapaṭikkhepakathādivaṇṇanā
