| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
153. яаанаад̣̇ибадигкзбагат̇аа
153. Yānādipaṭikkhepakathā
253. ид̇т̇ияуд̇д̇знаад̇и зд̇т̇а руул̣ийвасзна д̇хзнуби ид̇т̇ий наамаад̇и ааха ‘‘д̇хзнуяуд̇д̇знаа’’д̇и. бурисанд̇арзнаад̇и зд̇т̇а бурисо зва анд̇аро ан̃н̃о зд̇т̇аад̇и бурисанд̇арам̣ яаанам̣. бурисанд̇аро наама ад̇т̇ад̇о саарат̇ийд̇и ааха ‘‘бурисасаарат̇инаа’’д̇и, яаанзнаад̇и яож̇анаа. г̇ан̇г̇аамахияааяаад̇и зд̇т̇а г̇ан̇г̇аа жа махий жа г̇ан̇г̇аамахий, д̇ад̇т̇а гийл̣игаа г̇ан̇г̇аамахияаад̇и ад̇т̇ам̣ д̣̇ассзнд̇о ааха ‘‘г̇ан̇г̇аамахийгийл̣игааяаа’’д̇и. д̇ад̇т̇а хи ид̇т̇ибурисаа яаанзхи уд̣̇агагийл̣ам̣ гийл̣анд̇и. бурисаяуд̇д̇ам̣ хад̇т̇аваддаганд̇и зд̇т̇а ‘‘ануж̇аанаами бхигкавз бурисаяуд̇д̇ан̃жа хад̇т̇аваддаган̃жаа’’д̇и д̣̇ассзнд̇о ааха ‘‘зд̇т̇аа’’д̇иаад̣̇и. д̇ад̇т̇а бурисаяуд̇д̇анд̇и бурисзна яуж̇ж̇ид̇аб̣б̣анд̇и бурисаяуд̇д̇ам̣ яаанам̣. хад̇т̇аваддаганд̇и хад̇т̇зна ваддзд̇аб̣б̣анд̇и хад̇т̇аваддагам̣ яаанам̣. яаануг̇гхаад̇знаад̇и яаанасса уллан̇гхид̇ваа г̇аманзна. ханад̇хаад̇у хи г̇ад̇яад̇т̇о. д̇амад̇т̇ам̣ д̣̇ассзнд̇о ааха ‘‘яаанам̣ абхируханд̇ассаа’’д̇иаад̣̇и. ‘‘д̇аббажжаяаа’’д̇и иминаа яаануг̇гхаад̇знаад̇и зд̇т̇а хзд̇вад̇т̇з гаран̣аважананд̇и д̣̇ассзд̇и. бийтагасивиганд̇и бийтзна саха гад̇ам̣ сивигам̣. бадабодалиганд̇и бадамаяам̣ бодалигам̣.
253.Itthiyuttenāti ettha rūḷīvasena dhenupi itthī nāmāti āha ‘‘dhenuyuttenā’’ti. Purisantarenāti ettha puriso eva antaro añño etthāti purisantaraṃ yānaṃ. Purisantaro nāma atthato sārathīti āha ‘‘purisasārathinā’’ti, yānenāti yojanā. Gaṅgāmahiyāyāti ettha gaṅgā ca mahī ca gaṅgāmahī, tattha kīḷikā gaṅgāmahiyāti atthaṃ dassento āha ‘‘gaṅgāmahīkīḷikāyā’’ti. Tattha hi itthipurisā yānehi udakakīḷaṃ kīḷanti. Purisayuttaṃhatthavaṭṭakanti ettha ‘‘anujānāmi bhikkhave purisayuttañca hatthavaṭṭakañcā’’ti dassento āha ‘‘etthā’’tiādi. Tattha purisayuttanti purisena yujjitabbanti purisayuttaṃ yānaṃ. Hatthavaṭṭakanti hatthena vaṭṭetabbanti hatthavaṭṭakaṃ yānaṃ. Yānugghātenāti yānassa ullaṅghitvā gamanena. Hanadhātu hi gatyattho. Tamatthaṃ dassento āha ‘‘yānaṃ abhiruhantassā’’tiādi. ‘‘Tappaccayā’’ti iminā yānugghātenāti ettha hetvatthe karaṇavacananti dasseti. Pīṭhakasivikanti pīṭhena saha kataṃ sivikaṃ. Paṭapoṭalikanti paṭamayaṃ poṭalikaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 153. яаанаад̣̇ибадигкзбо • 153. Yānādipaṭikkhepo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / яаанаад̣̇ибадигкзбагат̇аа • Yānādipaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / яаанаад̣̇ибадигкзбагат̇ааван̣н̣анаа • Yānādipaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аж̇жхаараамзубааханабадигкзбагат̇аад̣̇иван̣н̣анаа • Ajjhārāmeupāhanapaṭikkhepakathādivaṇṇanā
