| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੫੩. ਯਾਨਾਦਿਪਟਿਕ੍ਖੇਪਕਥਾ
153. Yānādipaṭikkhepakathā
੨੫੩. ਇਤ੍ਥਿਯੁਤ੍ਤੇਨਾਤਿ ਏਤ੍ਥ ਰੂਲ਼ੀવਸੇਨ ਧੇਨੁਪਿ ਇਤ੍ਥੀ ਨਾਮਾਤਿ ਆਹ ‘‘ਧੇਨੁਯੁਤ੍ਤੇਨਾ’’ਤਿ। ਪੁਰਿਸਨ੍ਤਰੇਨਾਤਿ ਏਤ੍ਥ ਪੁਰਿਸੋ ਏવ ਅਨ੍ਤਰੋ ਅਞ੍ਞੋ ਏਤ੍ਥਾਤਿ ਪੁਰਿਸਨ੍ਤਰਂ ਯਾਨਂ। ਪੁਰਿਸਨ੍ਤਰੋ ਨਾਮ ਅਤ੍ਥਤੋ ਸਾਰਥੀਤਿ ਆਹ ‘‘ਪੁਰਿਸਸਾਰਥਿਨਾ’’ਤਿ, ਯਾਨੇਨਾਤਿ ਯੋਜਨਾ। ਗਙ੍ਗਾਮਹਿਯਾਯਾਤਿ ਏਤ੍ਥ ਗਙ੍ਗਾ ਚ ਮਹੀ ਚ ਗਙ੍ਗਾਮਹੀ, ਤਤ੍ਥ ਕੀਲ਼ਿਕਾ ਗਙ੍ਗਾਮਹਿਯਾਤਿ ਅਤ੍ਥਂ ਦਸ੍ਸੇਨ੍ਤੋ ਆਹ ‘‘ਗਙ੍ਗਾਮਹੀਕੀਲ਼ਿਕਾਯਾ’’ਤਿ। ਤਤ੍ਥ ਹਿ ਇਤ੍ਥਿਪੁਰਿਸਾ ਯਾਨੇਹਿ ਉਦਕਕੀਲ਼ਂ ਕੀਲ਼ਨ੍ਤਿ। ਪੁਰਿਸਯੁਤ੍ਤਂ ਹਤ੍ਥવਟ੍ਟਕਨ੍ਤਿ ਏਤ੍ਥ ‘‘ਅਨੁਜਾਨਾਮਿ ਭਿਕ੍ਖવੇ ਪੁਰਿਸਯੁਤ੍ਤਞ੍ਚ ਹਤ੍ਥવਟ੍ਟਕਞ੍ਚਾ’’ਤਿ ਦਸ੍ਸੇਨ੍ਤੋ ਆਹ ‘‘ਏਤ੍ਥਾ’’ਤਿਆਦਿ। ਤਤ੍ਥ ਪੁਰਿਸਯੁਤ੍ਤਨ੍ਤਿ ਪੁਰਿਸੇਨ ਯੁਜ੍ਜਿਤਬ੍ਬਨ੍ਤਿ ਪੁਰਿਸਯੁਤ੍ਤਂ ਯਾਨਂ। ਹਤ੍ਥવਟ੍ਟਕਨ੍ਤਿ ਹਤ੍ਥੇਨ વਟ੍ਟੇਤਬ੍ਬਨ੍ਤਿ ਹਤ੍ਥવਟ੍ਟਕਂ ਯਾਨਂ। ਯਾਨੁਗ੍ਘਾਤੇਨਾਤਿ ਯਾਨਸ੍ਸ ਉਲ੍ਲਙ੍ਘਿਤ੍વਾ ਗਮਨੇਨ। ਹਨਧਾਤੁ ਹਿ ਗਤ੍ਯਤ੍ਥੋ। ਤਮਤ੍ਥਂ ਦਸ੍ਸੇਨ੍ਤੋ ਆਹ ‘‘ਯਾਨਂ ਅਭਿਰੁਹਨ੍ਤਸ੍ਸਾ’’ਤਿਆਦਿ। ‘‘ਤਪ੍ਪਚ੍ਚਯਾ’’ਤਿ ਇਮਿਨਾ ਯਾਨੁਗ੍ਘਾਤੇਨਾਤਿ ਏਤ੍ਥ ਹੇਤ੍વਤ੍ਥੇ ਕਰਣવਚਨਨ੍ਤਿ ਦਸ੍ਸੇਤਿ। ਪੀਠਕਸਿવਿਕਨ੍ਤਿ ਪੀਠੇਨ ਸਹ ਕਤਂ ਸਿવਿਕਂ। ਪਟਪੋਟਲਿਕਨ੍ਤਿ ਪਟਮਯਂ ਪੋਟਲਿਕਂ।
253.Itthiyuttenāti ettha rūḷīvasena dhenupi itthī nāmāti āha ‘‘dhenuyuttenā’’ti. Purisantarenāti ettha puriso eva antaro añño etthāti purisantaraṃ yānaṃ. Purisantaro nāma atthato sārathīti āha ‘‘purisasārathinā’’ti, yānenāti yojanā. Gaṅgāmahiyāyāti ettha gaṅgā ca mahī ca gaṅgāmahī, tattha kīḷikā gaṅgāmahiyāti atthaṃ dassento āha ‘‘gaṅgāmahīkīḷikāyā’’ti. Tattha hi itthipurisā yānehi udakakīḷaṃ kīḷanti. Purisayuttaṃhatthavaṭṭakanti ettha ‘‘anujānāmi bhikkhave purisayuttañca hatthavaṭṭakañcā’’ti dassento āha ‘‘etthā’’tiādi. Tattha purisayuttanti purisena yujjitabbanti purisayuttaṃ yānaṃ. Hatthavaṭṭakanti hatthena vaṭṭetabbanti hatthavaṭṭakaṃ yānaṃ. Yānugghātenāti yānassa ullaṅghitvā gamanena. Hanadhātu hi gatyattho. Tamatthaṃ dassento āha ‘‘yānaṃ abhiruhantassā’’tiādi. ‘‘Tappaccayā’’ti iminā yānugghātenāti ettha hetvatthe karaṇavacananti dasseti. Pīṭhakasivikanti pīṭhena saha kataṃ sivikaṃ. Paṭapoṭalikanti paṭamayaṃ poṭalikaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੫੩. ਯਾਨਾਦਿਪਟਿਕ੍ਖੇਪੋ • 153. Yānādipaṭikkhepo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਯਾਨਾਦਿਪਟਿਕ੍ਖੇਪਕਥਾ • Yānādipaṭikkhepakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਯਾਨਾਦਿਪਟਿਕ੍ਖੇਪਕਥਾવਣ੍ਣਨਾ • Yānādipaṭikkhepakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਜ੍ਝਾਰਾਮੇਉਪਾਹਨਪਟਿਕ੍ਖੇਪਕਥਾਦਿવਣ੍ਣਨਾ • Ajjhārāmeupāhanapaṭikkhepakathādivaṇṇanā
