| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
153. яаанаад̣̇ибадигкзбо
153. Yānādipaṭikkhepo
253. д̇зна ко бана самаязна чаб̣б̣аг̇г̇ияаа бхигкуу яаанзна яааяанд̇и, ид̇т̇ияуд̇д̇знаби бурисанд̇арзна, бурисаяуд̇д̇знаби ид̇т̇анд̇арзна. мануссаа уж̇жхааяанд̇и кияяанд̇и вибаажзнд̇и – ‘‘сзяяат̇ааби г̇ан̇г̇аамахияааяаа’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, яаанзна яааяид̇аб̣б̣ам̣ . яо яааязяяа, аабад̇д̇и д̣̇уггадассаад̇и. д̇зна ко бана самаязна ан̃н̃ад̇аро бхигку госалзсу ж̇анабад̣̇з саавад̇т̇им̣ г̇ажчанд̇о бхаг̇аванд̇ам̣ д̣̇ассанааяа анд̇араамаг̇г̇з г̇илаано ход̇и. ат̇а ко со бхигку маг̇г̇аа оггамма ан̃н̃ад̇арасмим̣ ругкамуулз нисийд̣̇и. мануссаа д̇ам̣ бхигкум̣ д̣̇исваа зд̇ад̣̇авожум̣ – ‘‘гахам̣, бханд̇з, аяяо г̇амиссад̇ий’’д̇и? ‘‘саавад̇т̇им̣ ко ахам̣, аавусо, г̇амиссаами бхаг̇аванд̇ам̣ д̣̇ассанааяаа’’д̇и. ‘‘зхи, бханд̇з, г̇амиссаамаа’’д̇и. ‘‘наахам̣, аавусо, саггоми, г̇илааномхий’’д̇и. ‘‘зхи, бханд̇з, яаанам̣ абхирухаа’’д̇и. ‘‘алам̣, аавусо, бадигкид̇д̇ам̣ бхаг̇авад̇аа яаана’’нд̇и гуггужжааяанд̇о яаанам̣ наабхирухи. ат̇а ко со бхигку саавад̇т̇им̣ г̇анд̇ваа бхигкуунам̣ зд̇амад̇т̇ам̣ аарожзси. бхигкуу бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, г̇илаанасса яаананд̇и. ат̇а ко бхигкуунам̣ зд̇ад̣̇ахоси – ‘‘ид̇т̇ияуд̇д̇ам̣ ну ко бурисаяуд̇д̇ам̣ ну ко’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами , бхигкавз, бурисаяуд̇д̇ам̣ хад̇т̇аваддаганд̇и.
253. Tena kho pana samayena chabbaggiyā bhikkhū yānena yāyanti, itthiyuttenapi purisantarena, purisayuttenapi itthantarena. Manussā ujjhāyanti khiyyanti vipācenti – ‘‘seyyathāpi gaṅgāmahiyāyā’’ti. Bhagavato etamatthaṃ ārocesuṃ. Na, bhikkhave, yānena yāyitabbaṃ . Yo yāyeyya, āpatti dukkaṭassāti. Tena kho pana samayena aññataro bhikkhu kosalesu janapade sāvatthiṃ gacchanto bhagavantaṃ dassanāya antarāmagge gilāno hoti. Atha kho so bhikkhu maggā okkamma aññatarasmiṃ rukkhamūle nisīdi. Manussā taṃ bhikkhuṃ disvā etadavocuṃ – ‘‘kahaṃ, bhante, ayyo gamissatī’’ti? ‘‘Sāvatthiṃ kho ahaṃ, āvuso, gamissāmi bhagavantaṃ dassanāyā’’ti. ‘‘Ehi, bhante, gamissāmā’’ti. ‘‘Nāhaṃ, āvuso, sakkomi, gilānomhī’’ti. ‘‘Ehi, bhante, yānaṃ abhiruhā’’ti. ‘‘Alaṃ, āvuso, paṭikkhittaṃ bhagavatā yāna’’nti kukkuccāyanto yānaṃ nābhiruhi. Atha kho so bhikkhu sāvatthiṃ gantvā bhikkhūnaṃ etamatthaṃ ārocesi. Bhikkhū bhagavato etamatthaṃ ārocesuṃ. Anujānāmi, bhikkhave, gilānassa yānanti. Atha kho bhikkhūnaṃ etadahosi – ‘‘itthiyuttaṃ nu kho purisayuttaṃ nu kho’’ti? Bhagavato etamatthaṃ ārocesuṃ. Anujānāmi , bhikkhave, purisayuttaṃ hatthavaṭṭakanti.
д̇зна ко бана самаязна ан̃н̃ад̇арасса бхигкуно яаануг̇гхаад̇зна б̣аал̣хад̇арам̣ апаасу ахоси. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, сивигам̣ баадан̇гинд̇и.
Tena kho pana samayena aññatarassa bhikkhuno yānugghātena bāḷhataraṃ aphāsu ahosi. Bhagavato etamatthaṃ ārocesuṃ. Anujānāmi, bhikkhave, sivikaṃ pāṭaṅkinti.
яаанаад̣̇ибадигкзбо нидтид̇о.
Yānādipaṭikkhepo niṭṭhito.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / яаанаад̣̇ибадигкзбагат̇аа • Yānādipaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / яаанаад̣̇ибадигкзбагат̇ааван̣н̣анаа • Yānādipaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аж̇жхаараамзубааханабадигкзбагат̇аад̣̇иван̣н̣анаа • Ajjhārāmeupāhanapaṭikkhepakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 153. яаанаад̣̇ибадигкзбагат̇аа • 153. Yānādipaṭikkhepakathā
