| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๖๓. ยานสิกฺขาปทวณฺณนา
63. Yānasikkhāpadavaṇṇanā
ยานคตสฺสาติ ‘‘ยานํ นาม วยฺหํ, รโถ, สกฎํ, สนฺธมานิกา, สิวิกา, ปาฎงฺกี’’ติ (ปาจิ. ๖๔๐, ๑๑๘๗) วุตฺตํ ยานํ อุปาทาย อนฺตมโส หตฺถสงฺฆาฎมฺหิ คตสฺสฯ เตนาห ‘‘สเจปิ ทฺวีหิ ชเนหี’’ติอาทิฯ วยฺหาทิเกติ เอตฺถ วยฺหนฺติ อุปริ มณฺฑปสทิสํ ปทรจฺฉทนํ, สพฺพปาลิคุณฺฐิมํ วา ฉาเทตฺวา กตํ สกฎวิเสสํ ‘‘วยฺห’’นฺติ วทนฺติฯ อาทิสเทฺทน รถาทีนํ คหณํฯ
Yānagatassāti ‘‘yānaṃ nāma vayhaṃ, ratho, sakaṭaṃ, sandhamānikā, sivikā, pāṭaṅkī’’ti (pāci. 640, 1187) vuttaṃ yānaṃ upādāya antamaso hatthasaṅghāṭamhi gatassa. Tenāha ‘‘sacepi dvīhi janehī’’tiādi. Vayhādiketi ettha vayhanti upari maṇḍapasadisaṃ padaracchadanaṃ, sabbapāliguṇṭhimaṃ vā chādetvā kataṃ sakaṭavisesaṃ ‘‘vayha’’nti vadanti. Ādisaddena rathādīnaṃ gahaṇaṃ.
ยานสิกฺขาปทวณฺณนา นิฎฺฐิตาฯ
Yānasikkhāpadavaṇṇanā niṭṭhitā.
