| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
யானட்ட²கதா²வண்ணனா
Yānaṭṭhakathāvaṇṇanā
100. யானட்ட²கதா²யங் து³கயுத்தஸ்ஸாதி த்³வீஹி கோ³ணேஹி யுத்தஸ்ஸ. அயுத்தகந்தி கோ³ணேஹி அயுத்தங். கப்பகதாதி யதா² த்³வீஹி பா⁴கே³ஹி ஹெட்டா² பதிட்டா²தி, ஏவங் கதா. தீணி வா சத்தாரி வா டா²னானீதி அகப்பகதாய உபத்த²ம்ப⁴னியா வஸேன தீணி டா²னானி, கப்பகதாய வஸேன சத்தாரி டா²னானீதி. ததா² பத²வியங் ட²பிதஸ்ஸ தீணி டா²னானீதி ஸம்ப³ந்தோ⁴. தந்தி ப²லகஸ்ஸ வா தா³ருகஸ்ஸ வா உபரி ட²பிதங் பத²வியங் ட²பிதஞ்ச. த்³வீஹி அக்க²ஸீஸேஹீதி த்³வீஹி அக்க²கோடீஹி. தா³ரூனங் உபரி ட²பிதஸ்ஸாதி த்³வின்னங் தா³ரூனங் உபரி த்³வீஹி அக்க²கோடீஹி ஓலம்பெ³த்வா ஸகடஸாலாயங் ட²பிதஸ்ஸ. ஹெட்டி²மதலஸ்ஸாதி ஸகடபா³ஹாய பூ⁴மிங் பு²ஸித்வா டி²தஸ்ஸ ஹெட்டி²மபா⁴க³ஸ்ஸ. ஸேஸங் நாவாயங் வுத்தஸதி³ஸந்தி இமினா ‘‘யதி³ பன தங் ஏவங் க³ச்ச²ந்தங் பகதிக³மனங் உபச்சி²ந்தி³த்வா அஞ்ஞங் தி³ஸாபா⁴க³ங் நேதி, பாராஜிகங். ஸயமேவ யங் கஞ்சி கா³மங் ஸம்பத்தங் டா²னா அசாவெந்தோவ விக்கிணித்வா க³ச்ச²தி, நேவத்தி² அவஹாரோ, ப⁴ண்ட³தெ³ய்யங் பன ஹோதீ’’தி இமங் நயங் அதிதி³ஸ்ஸதி.
100. Yānaṭṭhakathāyaṃ dukayuttassāti dvīhi goṇehi yuttassa. Ayuttakanti goṇehi ayuttaṃ. Kappakatāti yathā dvīhi bhāgehi heṭṭhā patiṭṭhāti, evaṃ katā. Tīṇi vā cattāri vā ṭhānānīti akappakatāya upatthambhaniyā vasena tīṇi ṭhānāni, kappakatāya vasena cattāri ṭhānānīti. Tathā pathaviyaṃ ṭhapitassa tīṇi ṭhānānīti sambandho. Tanti phalakassa vā dārukassa vā upari ṭhapitaṃ pathaviyaṃ ṭhapitañca. Dvīhi akkhasīsehīti dvīhi akkhakoṭīhi. Dārūnaṃ upari ṭhapitassāti dvinnaṃ dārūnaṃ upari dvīhi akkhakoṭīhi olambetvā sakaṭasālāyaṃ ṭhapitassa. Heṭṭhimatalassāti sakaṭabāhāya bhūmiṃ phusitvā ṭhitassa heṭṭhimabhāgassa. Sesaṃ nāvāyaṃ vuttasadisanti iminā ‘‘yadi pana taṃ evaṃ gacchantaṃ pakatigamanaṃ upacchinditvā aññaṃ disābhāgaṃ neti, pārājikaṃ. Sayameva yaṃ kañci gāmaṃ sampattaṃ ṭhānā acāventova vikkiṇitvā gacchati, nevatthi avahāro, bhaṇḍadeyyaṃ pana hotī’’ti imaṃ nayaṃ atidissati.
யானட்ட²கதா²வண்ணனா நிட்டி²தா.
Yānaṭṭhakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. து³தியபாராஜிகங் • 2. Dutiyapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. து³தியபாராஜிகங் • 2. Dutiyapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / யானட்ட²கதா²வண்ணனா • Yānaṭṭhakathāvaṇṇanā
