| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
яаанадтагат̇ааван̣н̣анаа
Yānaṭṭhakathāvaṇṇanā
100. яаанадтагат̇ааяам̣ д̣̇угаяуд̇д̇ассаад̇и д̣̇вийхи г̇он̣зхи яуд̇д̇асса. аяуд̇д̇аганд̇и г̇он̣зхи аяуд̇д̇ам̣. габбагад̇аад̇и яат̇аа д̣̇вийхи бхааг̇зхи хздтаа бад̇идтаад̇и, звам̣ гад̇аа. д̇ийн̣и ваа жад̇д̇аари ваа таанаанийд̇и агаббагад̇ааяа убад̇т̇амбханияаа васзна д̇ийн̣и таанаани, габбагад̇ааяа васзна жад̇д̇аари таанаанийд̇и. д̇ат̇аа бат̇авияам̣ табид̇асса д̇ийн̣и таанаанийд̇и самб̣анд̇хо. д̇анд̇и палагасса ваа д̣̇ааругасса ваа убари табид̇ам̣ бат̇авияам̣ табид̇ан̃жа. д̣̇вийхи агкасийсзхийд̇и д̣̇вийхи агкагодийхи. д̣̇ааруунам̣ убари табид̇ассаад̇и д̣̇виннам̣ д̣̇ааруунам̣ убари д̣̇вийхи агкагодийхи оламб̣зд̇ваа сагадасаалааяам̣ табид̇асса. хздтимад̇алассаад̇и сагадаб̣аахааяа бхуумим̣ пусид̇ваа тид̇асса хздтимабхааг̇асса. сзсам̣ наавааяам̣ вуд̇д̇асад̣̇исанд̇и иминаа ‘‘яад̣̇и бана д̇ам̣ звам̣ г̇ажчанд̇ам̣ багад̇иг̇аманам̣ убажчинд̣̇ид̇ваа ан̃н̃ам̣ д̣̇исаабхааг̇ам̣ нзд̇и, баарааж̇игам̣. саяамзва яам̣ ган̃жи г̇аамам̣ самбад̇д̇ам̣ таанаа ажаавзнд̇ова виггин̣ид̇ваа г̇ажчад̇и, нзвад̇т̇и авахааро, бхан̣д̣ад̣̇зяяам̣ бана ход̇ий’’д̇и имам̣ наяам̣ ад̇ид̣̇иссад̇и.
100. Yānaṭṭhakathāyaṃ dukayuttassāti dvīhi goṇehi yuttassa. Ayuttakanti goṇehi ayuttaṃ. Kappakatāti yathā dvīhi bhāgehi heṭṭhā patiṭṭhāti, evaṃ katā. Tīṇi vā cattāri vā ṭhānānīti akappakatāya upatthambhaniyā vasena tīṇi ṭhānāni, kappakatāya vasena cattāri ṭhānānīti. Tathā pathaviyaṃ ṭhapitassa tīṇi ṭhānānīti sambandho. Tanti phalakassa vā dārukassa vā upari ṭhapitaṃ pathaviyaṃ ṭhapitañca. Dvīhi akkhasīsehīti dvīhi akkhakoṭīhi. Dārūnaṃ upari ṭhapitassāti dvinnaṃ dārūnaṃ upari dvīhi akkhakoṭīhi olambetvā sakaṭasālāyaṃ ṭhapitassa. Heṭṭhimatalassāti sakaṭabāhāya bhūmiṃ phusitvā ṭhitassa heṭṭhimabhāgassa. Sesaṃ nāvāyaṃ vuttasadisanti iminā ‘‘yadi pana taṃ evaṃ gacchantaṃ pakatigamanaṃ upacchinditvā aññaṃ disābhāgaṃ neti, pārājikaṃ. Sayameva yaṃ kañci gāmaṃ sampattaṃ ṭhānā acāventova vikkiṇitvā gacchati, nevatthi avahāro, bhaṇḍadeyyaṃ pana hotī’’ti imaṃ nayaṃ atidissati.
яаанадтагат̇ааван̣н̣анаа нидтид̇аа.
Yānaṭṭhakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / яаанадтагат̇ааван̣н̣анаа • Yānaṭṭhakathāvaṇṇanā
