| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
яаанадтагат̇ааван̣н̣анаа
Yānaṭṭhakathāvaṇṇanā
100. яаанадтагат̇ааяам̣ убхосу бассзсууд̇и жад̇уннам̣ т̇амбхаанам̣ убари жад̇урассам̣ д̣̇аарусан̇гхаадам̣ ааробзд̇ваа д̇асса ваамад̣̇агкин̣абассзсу убхосу ваад̇аад̇абаад̣̇ибариссаяавинод̣̇анад̇т̇ам̣ г̇арул̣абагкино убхо багкаа вияа гад̇аа санд̣̇амаанигаа. д̣̇угаяуд̇д̇ассаад̇и д̣̇вийхи г̇он̣зхи яуд̇д̇асса. аяуд̇д̇аганд̇и г̇он̣зхи аяуд̇д̇ам̣. габбагад̇аад̇и д̣̇виннам̣ сикаанам̣ санд̇хидтаанз г̇осин̇г̇аани вияа д̣̇вз годияо табзд̇ваа убад̇т̇амбханий габбагад̇аа наама, саа д̣̇вийхиби годийхи бхуумияам̣ бад̇идтаад̇и, д̇знааха ‘‘ча таанааний’’д̇и. д̇ийн̣и ваа жад̇д̇аари ваа таанаанийд̇и агаббагад̇ааяа убад̇т̇амбханияаа жа д̣̇виннам̣ жаггаанан̃жа васзна д̇ийн̣и таанаани, габбагад̇ааяа васзна жад̇д̇аари таанаани, д̇ат̇аа бат̇авияам̣ табид̇асса д̇ийн̣и таанаанийд̇и самб̣анд̇хо. агкасийсзхийд̇и агкад̣̇ааруно д̣̇вийхи годийхи. агкуд̣̇д̇хийхийд̇и агкад̣̇аарунаа самбадижчагаа хздтимабхааг̇з габбагад̇аа д̣̇вз д̣̇аарукан̣д̣аа агкуд̣̇д̇хияо наама, д̇аасам̣ габбагад̇аанам̣ д̣̇виннам̣ габбасийсаани жад̇д̇аари ид̇ха ‘‘агкуд̣̇д̇хияо’’д̇и вужжанд̇и, д̇знааха ‘‘жад̇уухи жа агкуд̣̇д̇хийхий’’д̇и. д̇аахи бад̇идтид̇аахи бад̇идтид̇адтаанаани жад̇д̇аари д̇хурзна бад̇идтид̇адтаанам̣ зганд̇и бан̃жа таанаани хонд̇и. уд̣̇д̇хияова ‘‘уд̣̇д̇хикаан̣угаа’’д̇и вуд̇д̇аа, уд̣̇д̇хикаан̣угаанам̣ абхаавз агкасийсаанам̣ бад̇идтааногаасам̣ д̣̇ассзнд̇о ааха самамзва б̣аахам̣ гад̇ваад̇иаад̣̇и. д̇ад̇т̇а самамзваад̇и уд̣̇д̇хияо хздтаа аноламб̣зд̇ваа б̣аахуно хздтимабхааг̇ам̣ самам̣ гад̇ваа д̣̇виннам̣ б̣аахуд̣̇ааруунам̣ маж̇жхз агкасийсаббамаан̣зна чид̣̇д̣̇ам̣ гад̇ваа д̇ад̇т̇а агкасийсаани бавзсид̇аани хонд̇и, д̇зна б̣аахаанам̣ хздтаабхааг̇ам̣ саб̣б̣ам̣ бхуумим̣ пусид̇ваа д̇идтад̇и, д̇знааха ‘‘саб̣б̣ам̣ бат̇авим̣ пусид̇ваа д̇идтад̇ий’’д̇и. сзсам̣ наавааяам̣ вуд̇д̇асад̣̇исанд̇и иминаа яад̣̇и бана д̇ам̣ звам̣ г̇ажчанд̇ам̣ багад̇иг̇аманам̣ бажчинд̣̇ид̇ваа ан̃н̃ам̣ д̣̇исаабхааг̇ам̣ нзд̇и, баарааж̇игам̣. саяамзва яам̣ гин̃жи таанам̣ самбад̇д̇ам̣ таанаа ажаалзнд̇ова виггин̣ид̇ваа г̇ажчад̇и, нзвад̇т̇и авахааро, бхан̣д̣ад̣̇зяяам̣ бана ход̇ийд̇и имам̣ наяам̣ ад̇ид̣̇исад̇и.
100. Yānaṭṭhakathāyaṃ ubhosu passesūti catunnaṃ thambhānaṃ upari caturassaṃ dārusaṅghāṭaṃ āropetvā tassa vāmadakkhiṇapassesu ubhosu vātātapādiparissayavinodanatthaṃ garuḷapakkhino ubho pakkhā viya katā sandamānikā. Dukayuttassāti dvīhi goṇehi yuttassa. Ayuttakanti goṇehi ayuttaṃ. Kappakatāti dvinnaṃ sikhānaṃ sandhiṭṭhāne gosiṅgāni viya dve koṭiyo ṭhapetvā upatthambhanī kappakatā nāma, sā dvīhipi koṭīhi bhūmiyaṃ patiṭṭhāti, tenāha ‘‘cha ṭhānānī’’ti. Tīṇi vā cattāri vā ṭhānānīti akappakatāya upatthambhaniyā ca dvinnaṃ cakkānañca vasena tīṇi ṭhānāni, kappakatāya vasena cattāri ṭhānāni, tathā pathaviyaṃ ṭhapitassa tīṇi ṭhānānīti sambandho. Akkhasīsehīti akkhadāruno dvīhi koṭīhi. Akkhuddhīhīti akkhadārunā sampaṭicchakā heṭṭhimabhāge kappakatā dve dārukhaṇḍā akkhuddhiyo nāma, tāsaṃ kappakatānaṃ dvinnaṃ kappasīsāni cattāri idha ‘‘akkhuddhiyo’’ti vuccanti, tenāha ‘‘catūhi ca akkhuddhīhī’’ti. Tāhi patiṭṭhitāhi patiṭṭhitaṭṭhānāni cattāri dhurena patiṭṭhitaṭṭhānaṃ ekanti pañca ṭhānāni honti. Uddhiyova ‘‘uddhikhāṇukā’’ti vuttā, uddhikhāṇukānaṃ abhāve akkhasīsānaṃ patiṭṭhānokāsaṃ dassento āha samameva bāhaṃ katvātiādi. Tattha samamevāti uddhiyo heṭṭhā anolambetvā bāhuno heṭṭhimabhāgaṃ samaṃ katvā dvinnaṃ bāhudārūnaṃ majjhe akkhasīsappamāṇena chiddaṃ katvā tattha akkhasīsāni pavesitāni honti, tena bāhānaṃ heṭṭhābhāgaṃ sabbaṃ bhūmiṃ phusitvā tiṭṭhati, tenāha ‘‘sabbaṃ pathaviṃ phusitvā tiṭṭhatī’’ti. Sesaṃ nāvāyaṃ vuttasadisanti iminā yadi pana taṃ evaṃ gacchantaṃ pakatigamanaṃ pacchinditvā aññaṃ disābhāgaṃ neti, pārājikaṃ. Sayameva yaṃ kiñci ṭhānaṃ sampattaṃ ṭhānā acālentova vikkiṇitvā gacchati, nevatthi avahāro, bhaṇḍadeyyaṃ pana hotīti imaṃ nayaṃ atidisati.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / яаанадтагат̇ааван̣н̣анаа • Yānaṭṭhakathāvaṇṇanā
