| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਯਾਨਟ੍ਠਕਥਾવਣ੍ਣਨਾ
Yānaṭṭhakathāvaṇṇanā
੧੦੦. ਯਾਨਟ੍ਠਕਥਾਯਂ ਦੁਕਯੁਤ੍ਤਸ੍ਸਾਤਿ ਦ੍વੀਹਿ ਗੋਣੇਹਿ ਯੁਤ੍ਤਸ੍ਸ। ਅਯੁਤ੍ਤਕਨ੍ਤਿ ਗੋਣੇਹਿ ਅਯੁਤ੍ਤਂ। ਕਪ੍ਪਕਤਾਤਿ ਯਥਾ ਦ੍વੀਹਿ ਭਾਗੇਹਿ ਹੇਟ੍ਠਾ ਪਤਿਟ੍ਠਾਤਿ, ਏવਂ ਕਤਾ। ਤੀਣਿ વਾ ਚਤ੍ਤਾਰਿ વਾ ਠਾਨਾਨੀਤਿ ਅਕਪ੍ਪਕਤਾਯ ਉਪਤ੍ਥਮ੍ਭਨਿਯਾ વਸੇਨ ਤੀਣਿ ਠਾਨਾਨਿ, ਕਪ੍ਪਕਤਾਯ વਸੇਨ ਚਤ੍ਤਾਰਿ ਠਾਨਾਨੀਤਿ। ਤਥਾ ਪਥવਿਯਂ ਠਪਿਤਸ੍ਸ ਤੀਣਿ ਠਾਨਾਨੀਤਿ ਸਮ੍ਬਨ੍ਧੋ। ਤਨ੍ਤਿ ਫਲਕਸ੍ਸ વਾ ਦਾਰੁਕਸ੍ਸ વਾ ਉਪਰਿ ਠਪਿਤਂ ਪਥવਿਯਂ ਠਪਿਤਞ੍ਚ। ਦ੍વੀਹਿ ਅਕ੍ਖਸੀਸੇਹੀਤਿ ਦ੍વੀਹਿ ਅਕ੍ਖਕੋਟੀਹਿ। ਦਾਰੂਨਂ ਉਪਰਿ ਠਪਿਤਸ੍ਸਾਤਿ ਦ੍વਿਨ੍ਨਂ ਦਾਰੂਨਂ ਉਪਰਿ ਦ੍વੀਹਿ ਅਕ੍ਖਕੋਟੀਹਿ ਓਲਮ੍ਬੇਤ੍વਾ ਸਕਟਸਾਲਾਯਂ ਠਪਿਤਸ੍ਸ। ਹੇਟ੍ਠਿਮਤਲਸ੍ਸਾਤਿ ਸਕਟਬਾਹਾਯ ਭੂਮਿਂ ਫੁਸਿਤ੍વਾ ਠਿਤਸ੍ਸ ਹੇਟ੍ਠਿਮਭਾਗਸ੍ਸ। ਸੇਸਂ ਨਾવਾਯਂ વੁਤ੍ਤਸਦਿਸਨ੍ਤਿ ਇਮਿਨਾ ‘‘ਯਦਿ ਪਨ ਤਂ ਏવਂ ਗਚ੍ਛਨ੍ਤਂ ਪਕਤਿਗਮਨਂ ਉਪਚ੍ਛਿਨ੍ਦਿਤ੍વਾ ਅਞ੍ਞਂ ਦਿਸਾਭਾਗਂ ਨੇਤਿ, ਪਾਰਾਜਿਕਂ। ਸਯਮੇવ ਯਂ ਕਞ੍ਚਿ ਗਾਮਂ ਸਮ੍ਪਤ੍ਤਂ ਠਾਨਾ ਅਚਾવੇਨ੍ਤੋવ વਿਕ੍ਕਿਣਿਤ੍વਾ ਗਚ੍ਛਤਿ, ਨੇવਤ੍ਥਿ ਅવਹਾਰੋ, ਭਣ੍ਡਦੇਯ੍ਯਂ ਪਨ ਹੋਤੀ’’ਤਿ ਇਮਂ ਨਯਂ ਅਤਿਦਿਸ੍ਸਤਿ।
100. Yānaṭṭhakathāyaṃ dukayuttassāti dvīhi goṇehi yuttassa. Ayuttakanti goṇehi ayuttaṃ. Kappakatāti yathā dvīhi bhāgehi heṭṭhā patiṭṭhāti, evaṃ katā. Tīṇi vā cattāri vā ṭhānānīti akappakatāya upatthambhaniyā vasena tīṇi ṭhānāni, kappakatāya vasena cattāri ṭhānānīti. Tathā pathaviyaṃ ṭhapitassa tīṇi ṭhānānīti sambandho. Tanti phalakassa vā dārukassa vā upari ṭhapitaṃ pathaviyaṃ ṭhapitañca. Dvīhi akkhasīsehīti dvīhi akkhakoṭīhi. Dārūnaṃ upari ṭhapitassāti dvinnaṃ dārūnaṃ upari dvīhi akkhakoṭīhi olambetvā sakaṭasālāyaṃ ṭhapitassa. Heṭṭhimatalassāti sakaṭabāhāya bhūmiṃ phusitvā ṭhitassa heṭṭhimabhāgassa. Sesaṃ nāvāyaṃ vuttasadisanti iminā ‘‘yadi pana taṃ evaṃ gacchantaṃ pakatigamanaṃ upacchinditvā aññaṃ disābhāgaṃ neti, pārājikaṃ. Sayameva yaṃ kañci gāmaṃ sampattaṃ ṭhānā acāventova vikkiṇitvā gacchati, nevatthi avahāro, bhaṇḍadeyyaṃ pana hotī’’ti imaṃ nayaṃ atidissati.
ਯਾਨਟ੍ਠਕਥਾવਣ੍ਣਨਾ ਨਿਟ੍ਠਿਤਾ।
Yānaṭṭhakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਯਾਨਟ੍ਠਕਥਾવਣ੍ਣਨਾ • Yānaṭṭhakathāvaṇṇanā
