| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
4. яан̃н̃асаамигад̇т̇зраабад̣̇аанам̣
4. Yaññasāmikattheraapadānaṃ
17.
17.
‘‘ж̇аад̇ияаа сад̇д̇авассохам̣, ахосим̣ манд̇абаараг̇уу;
‘‘Jātiyā sattavassohaṃ, ahosiṃ mantapāragū;
гулавад̇д̇ам̣ 1 ад̇хаарзсим̣, яан̃н̃о уссаахид̇о маяаа.
Kulavattaṃ 2 adhāresiṃ, yañño ussāhito mayā.
18.
18.
‘‘жуллаасийд̇исахассаани , басуу хан̃н̃анд̇и мз д̇ад̣̇аа;
‘‘Cullāsītisahassāni , pasū haññanti me tadā;
саарат̇амбхубанийд̇аани 3, яан̃н̃ад̇т̇ааяа убадтид̇аа.
Sārathambhupanītāni 4, yaññatthāya upaṭṭhitā.
19.
19.
‘‘уггаамукабахадтова , кад̣̇иран̇г̇аарасаннибхо;
‘‘Ukkāmukhapahaṭṭhova , khadiraṅgārasannibho;
20.
20.
‘‘сид̣̇д̇хад̇т̇о саб̣б̣асид̣̇д̇хад̇т̇о, д̇илогамахид̇о хид̇о;
‘‘Siddhattho sabbasiddhattho, tilokamahito hito;
убаг̇анд̇ваана самб̣уд̣̇д̇хо, ид̣̇ам̣ важанамаб̣рави.
Upagantvāna sambuddho, idaṃ vacanamabravi.
21.
21.
‘‘‘ахим̣саа саб̣б̣абаан̣ийнам̣, гумаара мама ружжад̇и;
‘‘‘Ahiṃsā sabbapāṇīnaṃ, kumāra mama ruccati;
т̇зяяаа жа ад̇ижаараа жа, маж̇ж̇абаанаа жа аарад̇и.
Theyyā ca aticārā ca, majjapānā ca ārati.
22.
22.
‘‘‘рад̇и жа самажарияааяа, б̣аахусажжам̣ гад̇ан̃н̃уд̇аа;
‘‘‘Rati ca samacariyāya, bāhusaccaṃ kataññutā;
д̣̇идтз д̇хаммз барад̇т̇а жа, д̇хаммаа зд̇з басам̣сияаа.
Diṭṭhe dhamme parattha ca, dhammā ete pasaṃsiyā.
23.
23.
‘‘‘зд̇з д̇хаммз бхааваяид̇ваа, саб̣б̣асад̇д̇ахид̇з рад̇о 7;
‘‘‘Ete dhamme bhāvayitvā, sabbasattahite rato 8;
б̣уд̣̇д̇хз жид̇д̇ам̣ басаад̣̇зд̇ваа, бхаавзхи маг̇г̇амуд̇д̇амам̣’.
Buddhe cittaṃ pasādetvā, bhāvehi maggamuttamaṃ’.
24.
24.
‘‘ид̣̇ам̣ вад̇ваана саб̣б̣ан̃н̃уу, логаж̇здто нараасабхо;
‘‘Idaṃ vatvāna sabbaññū, lokajeṭṭho narāsabho;
мамзвам̣ анусаасид̇ваа, взхаасам̣ уг̇г̇ад̇о г̇ад̇о.
Mamevaṃ anusāsitvā, vehāsaṃ uggato gato.
25.
25.
‘‘буб̣б̣з жид̇д̇ам̣ висод̇хзд̇ваа, бажчаа жид̇д̇ам̣ басаад̣̇аяим̣;
‘‘Pubbe cittaṃ visodhetvā, pacchā cittaṃ pasādayiṃ;
д̇зна жид̇д̇аббасаад̣̇зна, д̇усид̇ам̣ убабаж̇ж̇ахам̣.
Tena cittappasādena, tusitaṃ upapajjahaṃ.
26.
26.
‘‘жад̇уннавуд̇ид̇о габбз, яад̣̇аа жид̇д̇ам̣ басаад̣̇аяим̣;
‘‘Catunnavutito kappe, yadā cittaṃ pasādayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хасан̃н̃ааяид̣̇ам̣ палам̣.
Duggatiṃ nābhijānāmi, buddhasaññāyidaṃ phalaṃ.
27.
27.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа яан̃н̃асаамиго т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā yaññasāmiko thero imā gāthāyo abhāsitthāti.
яан̃н̃асаамигад̇т̇зрассаабад̣̇аанам̣ жад̇уд̇т̇ам̣.
Yaññasāmikattherassāpadānaṃ catutthaṃ.
Footnotes:
