| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. яан̃н̃асуд̇д̇ам̣
9. Yaññasuttaṃ
120. саавад̇т̇инид̣̇аанам̣. д̇зна ко бана самаязна ран̃н̃о басзнад̣̇исса госаласса махааяан̃н̃о бажжубадтид̇о ход̇и, бан̃жа жа усабхасад̇аани бан̃жа жа важчад̇арасад̇аани бан̃жа жа важчад̇арисад̇аани бан̃жа жа аж̇асад̇аани бан̃жа жа ураб̣бхасад̇аани т̇уун̣уубанийд̇аани хонд̇и яан̃н̃ад̇т̇ааяа. язбисса д̇з хонд̇и д̣̇аасаад̇и ваа бзссаад̇и ваа гаммагараад̇и ваа, д̇зби д̣̇ан̣д̣ад̇аж̇ж̇ид̇аа бхаяад̇аж̇ж̇ид̇аа ассумукаа руд̣̇амаанаа баригаммаани гаронд̇и.
120. Sāvatthinidānaṃ. Tena kho pana samayena rañño pasenadissa kosalassa mahāyañño paccupaṭṭhito hoti, pañca ca usabhasatāni pañca ca vacchatarasatāni pañca ca vacchatarisatāni pañca ca ajasatāni pañca ca urabbhasatāni thūṇūpanītāni honti yaññatthāya. Yepissa te honti dāsāti vā pessāti vā kammakarāti vā, tepi daṇḍatajjitā bhayatajjitā assumukhā rudamānā parikammāni karonti.
ат̇а ко самб̣ахулаа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа бависим̣су. саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисинно ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ид̇ха, бханд̇з, ран̃н̃о басзнад̣̇исса госаласса махааяан̃н̃о бажжубадтид̇о ход̇и, бан̃жа жа усабхасад̇аани бан̃жа жа важчад̇арасад̇аани бан̃жа жа важчад̇арисад̇аани бан̃жа жа аж̇асад̇аани бан̃жа жа ураб̣бхасад̇аани т̇уун̣уубанийд̇аани хонд̇и яан̃н̃ад̇т̇ааяа . язбисса д̇з хонд̇и д̣̇аасаад̇и ваа бзссаад̇и ваа гаммагараад̇и ваа, д̇зби д̣̇ан̣д̣ад̇аж̇ж̇ид̇аа бхаяад̇аж̇ж̇ид̇аа ассумукаа руд̣̇амаанаа баригаммаани гаронд̇ий’’д̇и.
Atha kho sambahulā bhikkhū pubbaṇhasamayaṃ nivāsetvā pattacīvaramādāya sāvatthiṃ piṇḍāya pavisiṃsu. Sāvatthiyaṃ piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho te bhikkhū bhagavantaṃ etadavocuṃ – ‘‘idha, bhante, rañño pasenadissa kosalassa mahāyañño paccupaṭṭhito hoti, pañca ca usabhasatāni pañca ca vacchatarasatāni pañca ca vacchatarisatāni pañca ca ajasatāni pañca ca urabbhasatāni thūṇūpanītāni honti yaññatthāya . Yepissa te honti dāsāti vā pessāti vā kammakarāti vā, tepi daṇḍatajjitā bhayatajjitā assumukhā rudamānā parikammāni karontī’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имаа г̇аат̇ааяо абхааси –
Atha kho bhagavā etamatthaṃ viditvā tāyaṃ velāyaṃ imā gāthāyo abhāsi –
‘‘ассамзд̇хам̣ бурисамзд̇хам̣, саммаабаасам̣ вааж̇абзяяам̣ нираг̇г̇ал̣хам̣;
‘‘Assamedhaṃ purisamedhaṃ, sammāpāsaṃ vājapeyyaṃ niraggaḷhaṃ;
махааяан̃н̃аа махаарамбхаа 1, на д̇з хонд̇и махабпалаа.
Mahāyaññā mahārambhā 2, na te honti mahapphalā.
‘‘аж̇зл̣агаа жа г̇ааво жа, вивид̇хаа яад̇т̇а хан̃н̃арз;
‘‘Ajeḷakā ca gāvo ca, vividhā yattha haññare;
на д̇ам̣ саммаг̇г̇ад̇аа яан̃н̃ам̣, убаяанд̇и махзсино.
Na taṃ sammaggatā yaññaṃ, upayanti mahesino.
‘‘яз жа яан̃н̃аа нираарамбхаа, яаж̇анд̇и анугулам̣ сад̣̇аа;
‘‘Ye ca yaññā nirārambhā, yajanti anukulaṃ sadā;
аж̇зл̣агаа жа г̇ааво жа, вивид̇хаа нзд̇т̇а хан̃н̃арз;
Ajeḷakā ca gāvo ca, vividhā nettha haññare;
зд̇ам̣ саммаг̇г̇ад̇аа яан̃н̃ам̣, убаяанд̇и махзсино.
Etaṃ sammaggatā yaññaṃ, upayanti mahesino.
‘‘зд̇ам̣ яаж̇зт̇а мзд̇хаавий, зсо яан̃н̃о махабпало;
‘‘Etaṃ yajetha medhāvī, eso yañño mahapphalo;
зд̇ан̃хи яаж̇амаанасса, сзяяо ход̇и на баабияо;
Etañhi yajamānassa, seyyo hoti na pāpiyo;
яан̃н̃о жа вибуло ход̇и, басийд̣̇анд̇и жа д̣̇звад̇аа’’д̇и.
Yañño ca vipulo hoti, pasīdanti ca devatā’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. яан̃н̃асуд̇д̇аван̣н̣анаа • 9. Yaññasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. яан̃н̃асуд̇д̇аван̣н̣анаа • 9. Yaññasuttavaṇṇanā
