| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. яан̃н̃асуд̇д̇аван̣н̣анаа
9. Yaññasuttavaṇṇanā
120. т̇уун̣анд̇и яан̃н̃уубад̇т̇амбхам̣. убанийд̇аани яан̃н̃ам̣ яаж̇ид̇ум̣ аарамбхааяа. зд̇д̇аавад̇аад̇и ‘‘ид̇ха, бханд̇з…бз… руд̣̇амаанаа баригаммаани гаронд̇ий’’д̇и зд̇д̇агзна баатзна. саннидтаананд̇и ‘‘нам̣ ид̇т̇им̣ лабхиссаами ну ко, на ну ко лабхиссаамий’’д̇и нижчаяам̣ авинд̣̇анд̇о на н̃ааяанд̇о. пзн̣уд̣̇д̣̇зхаганд̇и яат̇аа яад̇т̇а гут̇ид̇з пзн̣ам̣ уд̣̇д̣̇зхад̇и на убад̇хийяад̇и, звам̣ анзгаваарам̣ пзн̣ам̣ удтаабзд̇ваа. д̇ам̣ д̣̇ивасанд̇и д̇асмим̣ ран̃н̃аа нид̣̇д̣̇ам̣ алабхид̇ваа д̣̇угкасзяяад̣̇ивасз. аалогам̣ ологзд̇ваад̇и лохагумбхимукаваддисийсз бад̇д̇з д̇ад̇т̇а маханд̇ам̣ аалогам̣ ологзд̇ваа. ад̇д̇аано важанам̣ ран̃н̃о бавад̇д̇ин̃аабанад̇т̇ам̣. махаасад̣̇д̣̇о уд̣̇абаад̣̇и ‘‘зваруубам̣ яан̃н̃ам̣ рааж̇аа гаараабзд̇ий’’д̇и. вад̇д̇угаамо ахоси, вад̇д̇ун̃жа бана ависаханд̇о ‘‘са’’ ид̇и вад̇ваа лохагумбхияам̣ нимуг̇г̇о. имам̣ г̇аат̇ам̣ вад̇д̇угаамо ахосийд̇и аяам̣ банзд̇т̇а самб̣анд̇хо. зса наяо сзсабад̣̇ад̣̇ваязби. д̇хаммабхзрим̣ жараабзсум̣ ‘‘гожи ган̃жи баан̣ам̣ маа ханад̇уу’’д̇и. со ид̇т̇исаамиго бурисо сод̇аабад̇д̇ипалз бад̇идтахи ад̇д̇ано убаниссаяасамбад̇д̇ияаа сад̇д̇у жа д̣̇зсанаавилаасасамбад̇д̇ияаа, рааж̇аа бана махааб̣од̇хинируж̇жханасабхаавад̇д̇аа гин̃жи висзсам̣ наад̇хиг̇ажчи.
120.Thūṇanti yaññūpatthambhaṃ. Upanītāni yaññaṃ yajituṃ ārambhāya. Ettāvatāti ‘‘idha, bhante…pe… rudamānā parikammāni karontī’’ti ettakena pāṭhena. Sanniṭṭhānanti ‘‘naṃ itthiṃ labhissāmi nu kho, na nu kho labhissāmī’’ti nicchayaṃ avindanto na ñāyanto. Pheṇuddehakanti yathā yattha kuthite pheṇaṃ uddehati na upadhīyati, evaṃ anekavāraṃ pheṇaṃ uṭṭhāpetvā. Taṃ divasanti tasmiṃ raññā niddaṃ alabhitvā dukkhaseyyadivase. Ālokaṃ oloketvāti lohakumbhimukhavaṭṭisīse patte tattha mahantaṃ ālokaṃ oloketvā. Attāno vacanaṃ rañño pavattiñāpanatthaṃ. Mahāsaddo udapādi ‘‘evarūpaṃ yaññaṃ rājā kārāpetī’’ti. Vattukāmo ahosi, vattuñca pana avisahanto ‘‘sa’’ iti vatvā lohakumbhiyaṃ nimuggo. Imaṃ gāthaṃ vattukāmo ahosīti ayaṃ panettha sambandho. Esa nayo sesapadadvayepi. Dhammabheriṃ carāpesuṃ ‘‘koci kañci pāṇaṃ mā hanatū’’ti. So itthisāmiko puriso sotāpattiphale patiṭṭhahi attano upanissayasampattiyā sattu ca desanāvilāsasampattiyā, rājā pana mahābodhinirujjhanasabhāvattā kiñci visesaṃ nādhigacchi.
сан̇г̇ахавад̇т̇уунийд̇и логасса сан̇г̇ахагааран̣аани. нибпаннасассад̇о навабхааг̇з гассагасса д̣̇ад̇ваа ран̃н̃ам̣ згабхааг̇аг̇г̇ахан̣ам̣ д̣̇асамабхааг̇аг̇г̇ахан̣ам̣. звам̣ гассагаа хадтад̇удтаа сассаани самбаад̣̇знд̇ийд̇и ааха ‘‘сассасамбаад̣̇анз мзд̇хаавид̇аад̇и ад̇т̇о’’д̇и. д̇ад̇о орабхааг̇з гира чабхааг̇аг̇г̇ахан̣ам̣ ж̇аад̇ам̣. чамаасиганд̇и чаннам̣ чаннам̣ маасаанам̣ бахонагам̣. баасзд̇ийд̇и баасаг̇ад̇з вияа гарод̇и. ваажааяа бияасса бияагарасса гаммам̣ ваажаабзяяам̣. саб̣б̣асо радтасса ид̣̇д̇хаад̣̇ибхаавад̇о кзмам̣. нираб̣б̣уд̣̇ам̣ жорияаабхаавад̇о. ид̣̇ан̃хи радтам̣ ажорияам̣ нираг̇г̇ал̣анд̇и вужжад̇и абааруд̇агхарабхаавад̇о.
Saṅgahavatthūnīti lokassa saṅgahakāraṇāni. Nipphannasassato navabhāge kassakassa datvā raññaṃ ekabhāgaggahaṇaṃ dasamabhāgaggahaṇaṃ. Evaṃ kassakā haṭṭhatuṭṭhā sassāni sampādentīti āha ‘‘sassasampādane medhāvitāti attho’’ti. Tato orabhāge kira chabhāgaggahaṇaṃ jātaṃ. Chamāsikanti channaṃ channaṃ māsānaṃ pahonakaṃ. Pāsetīti pāsagate viya karoti. Vācāya piyassa piyakarassa kammaṃ vācāpeyyaṃ. Sabbaso raṭṭhassa iddhādibhāvato khemaṃ. Nirabbudaṃ coriyābhāvato. Idañhi raṭṭhaṃ acoriyaṃ niraggaḷanti vuccati apārutagharabhāvato.
уд̣̇д̇хам̣муулагам̣ гад̇ваад̇и уммуулам̣ гад̇ваа. д̣̇вийхи барияан̃н̃зхийд̇и махааяан̃н̃асса буб̣б̣абхааг̇з бажчаа жа бавад̇д̇зд̇аб̣б̣зхи д̣̇вийхи бариваараяан̃н̃зхи. сад̇д̇авийсад̇и…бз… нассаад̇и сад̇д̇авийсаад̇хигаанам̣ д̇ин̣н̣ам̣ басусад̇аанам̣ д̣̇ваавийсад̇ияаа ассаад̣̇ийхи жа садтиад̇хигад̣̇висад̇аааран̃н̃агабасуухи жа сад̣̇д̇хим̣ самбин̣д̣ид̇аанам̣ бана наваад̇хигачасад̇абасуунам̣ мааран̣зна бхзравасса баабабхийругаанам̣ бхаяаавахасса. д̇ат̇аа хи вад̣̇анд̇и –
Uddhaṃmūlakaṃ katvāti ummūlaṃ katvā. Dvīhi pariyaññehīti mahāyaññassa pubbabhāge pacchā ca pavattetabbehi dvīhi parivārayaññehi. Sattavīsati…pe… nassāti sattavīsādhikānaṃ tiṇṇaṃ pasusatānaṃ dvāvīsatiyā assādīhi ca saṭṭhiadhikadvisataāraññakapasūhi ca saddhiṃ sampiṇḍitānaṃ pana navādhikachasatapasūnaṃ māraṇena bheravassa pāpabhīrukānaṃ bhayāvahassa. Tathā hi vadanti –
‘‘часад̇аани нияуж̇ж̇анд̇и, басуунам̣ маж̇жхимз хани,
‘‘Chasatāni niyujjanti, pasūnaṃ majjhime hani,
ассамзд̇хасса яан̃н̃асса, ад̇хигаани навааби жаа’’д̇и.
Assamedhassa yaññassa, adhikāni navāpi cā’’ti.
самманд̇и яуг̇ажчид̣̇д̣̇з багкибид̇аб̣б̣ад̣̇ан̣д̣агам̣. баасзнд̇ийд̇и кибанд̇и. сам̣хааримзхийд̇и сагадзхи вахид̇аб̣б̣зхи яуубзхи. буб̣б̣з гира зго рааж̇аа саммаабаасам̣ яаж̇анд̇о сарассад̇инад̣̇ийд̇ийрз бат̇авияаа виварз д̣̇иннз нимуг̇г̇оязва ахоси. анд̇хаб̣аалаб̣раахман̣аа г̇ад̇аануг̇ад̇иг̇ад̇аа ‘‘аяам̣ д̇асса саг̇г̇аг̇аманамаг̇г̇о’’д̇и сан̃н̃ааяа д̇ад̇т̇а саммаабаасаяан̃н̃ам̣ бадтабзнд̇и. д̇зна вуд̇д̇ам̣ ‘‘нимуг̇г̇огаасад̇о бабхуд̇ий’’д̇и. аяуубо аббагад̣̇ивасо яааг̇о, саяуубо б̣ахуд̣̇ивасам̣ саад̇хзяяо сад̇раяааг̇о. манд̇абад̣̇аабхисан̇кад̇аанам̣ саббимад̇хуунам̣ вааж̇амид̇и саман̃н̃аа, хиран̃н̃асуван̣н̣аг̇омахим̣ саад̣̇исад̇д̇арасагад̣̇агкин̣асса. саараг̇аб̣бхагодтааг̇аараад̣̇ийсу над̇т̇зд̇т̇а аг̇г̇ал̣анд̇и нираг̇г̇ал̣о. д̇ад̇т̇а гира яан̃н̃з ад̇д̇ано саабад̇зяяам̣ анавасзсад̇о аниг̇уухид̇ваа нияяаад̇ийяад̇и. махаарамбхаад̇и б̣ахубасугхаад̇агаммаа. адтагат̇ааяам̣ бана ‘‘вивид̇хаа яад̇т̇а хан̃н̃арз’’д̇и вагкамаанад̇д̇аа ‘‘махаагижжаа’’д̇и ад̇т̇о вуд̇д̇о, ид̇ха ‘‘махаарамбхаад̇и бабан̃жавасзна аж̇зл̣агаа’’д̇иаад̣̇и вуд̇д̇анд̇и ‘‘б̣ахубасугхаад̇агаммаа’’д̇и ад̇т̇о вуд̇д̇о. нираарамбхаад̇и зд̇т̇ааби вуд̇д̇анаязна ад̇т̇о взд̣̇ид̇аб̣б̣о. ануг̇ад̇ам̣ гуланд̇и анугулам̣, гулаануг̇ад̇анд̇и ад̇т̇о взд̣̇ид̇аб̣б̣о. д̇знааха ‘‘яам̣ нижжабхад̇д̇аад̣̇и…бз… ад̇т̇о’’д̇и.
Sammanti yugacchidde pakkhipitabbadaṇḍakaṃ. Pāsentīti khipanti. Saṃhārimehīti sakaṭehi vahitabbehi yūpehi. Pubbe kira eko rājā sammāpāsaṃ yajanto sarassatinadītīre pathaviyā vivare dinne nimuggoyeva ahosi. Andhabālabrāhmaṇā gatānugatigatā ‘‘ayaṃ tassa saggagamanamaggo’’ti saññāya tattha sammāpāsayaññaṃ paṭṭhapenti. Tena vuttaṃ ‘‘nimuggokāsato pabhutī’’ti. Ayūpo appakadivaso yāgo, sayūpo bahudivasaṃ sādheyyo satrayāgo. Mantapadābhisaṅkhatānaṃ sappimadhūnaṃ vājamiti samaññā, hiraññasuvaṇṇagomahiṃ sādisattarasakadakkhiṇassa. Sāragabbhakoṭṭhāgārādīsu natthettha aggaḷanti niraggaḷo. Tattha kira yaññe attano sāpateyyaṃ anavasesato anigūhitvā niyyātīyati. Mahārambhāti bahupasughātakammā. Aṭṭhakathāyaṃ pana ‘‘vividhā yattha haññare’’ti vakkhamānattā ‘‘mahākiccā’’ti attho vutto, idha ‘‘mahārambhāti papañcavasena ajeḷakā’’tiādi vuttanti ‘‘bahupasughātakammā’’ti attho vutto. Nirārambhāti etthāpi vuttanayena attho veditabbo. Anugataṃ kulanti anukulaṃ, kulānugatanti attho veditabbo. Tenāha ‘‘yaṃ niccabhattādi…pe… attho’’ti.
яан̃н̃асуд̇д̇аван̣н̣анаа нидтид̇аа.
Yaññasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. яан̃н̃асуд̇д̇ам̣ • 9. Yaññasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. яан̃н̃асуд̇д̇аван̣н̣анаа • 9. Yaññasuttavaṇṇanā
