| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. яасад̣̇ад̇д̇ад̇т̇зраг̇аат̇ааван̣н̣анаа
10. Yasadattattheragāthāvaṇṇanā
убаарамбхажид̇д̇од̇иаад̣̇игаа ааяасмад̇о яасад̣̇ад̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажини. д̇ат̇аа хзса бад̣̇умуд̇д̇арасса бхаг̇авад̇о гаалз б̣раахман̣агулз ниб̣б̣ад̇д̇ид̇ваа б̣раахман̣аанам̣ виж̇ж̇аасиббзсу нибпад̇д̇им̣ г̇ад̇о гаамз бахааяа исибаб̣б̣аж̇ж̇ам̣ баб̣б̣аж̇ид̇ваа аран̃н̃з вихаранд̇о згад̣̇ивасам̣ сад̇т̇аарам̣ д̣̇исваа басаннамаанасо ан̃ж̇алим̣ баг̇г̇аяха абхид̇т̇ави. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з малларадтз малларааж̇агулз ниб̣б̣ад̇д̇ид̇ваа яасад̣̇ад̇д̇од̇и лад̣̇д̇ханаамо, ваяаббад̇д̇о д̇аггасилам̣ г̇анд̇ваа саб̣б̣асиббаани сигкид̇ваа сабхиязна бариб̣б̣ааж̇агзна сад̣̇д̇хим̣язва жааригам̣ жарамаано, анубуб̣б̣зна саавад̇т̇ияам̣ бхаг̇аванд̇ам̣ убасан̇гамид̇ваа сабхиязна будтабан̃хзсу виссаж̇ж̇ияамаанзсу саяам̣ од̇аараабзгко сун̣анд̇о нисийд̣̇и ‘‘саман̣асса г̇од̇амасса ваад̣̇з д̣̇осам̣ д̣̇ассаамий’’д̇и. ат̇асса бхаг̇аваа жид̇д̇аажаарам̣ н̃ад̇ваа сабхияасуд̇д̇ад̣̇зсанаавасаанз (су. ни. сабхияасуд̇д̇а) оваад̣̇ам̣ д̣̇знд̇о –
Upārambhacittotiādikā āyasmato yasadattattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacini. Tathā hesa padumuttarassa bhagavato kāle brāhmaṇakule nibbattitvā brāhmaṇānaṃ vijjāsippesu nipphattiṃ gato kāme pahāya isipabbajjaṃ pabbajitvā araññe viharanto ekadivasaṃ satthāraṃ disvā pasannamānaso añjaliṃ paggayha abhitthavi. So tena puññakammena devamanussesu saṃsaranto imasmiṃ buddhuppāde mallaraṭṭhe mallarājakule nibbattitvā yasadattoti laddhanāmo, vayappatto takkasilaṃ gantvā sabbasippāni sikkhitvā sabhiyena paribbājakena saddhiṃyeva cārikaṃ caramāno, anupubbena sāvatthiyaṃ bhagavantaṃ upasaṅkamitvā sabhiyena puṭṭhapañhesu vissajjiyamānesu sayaṃ otārāpekkho suṇanto nisīdi ‘‘samaṇassa gotamassa vāde dosaṃ dassāmī’’ti. Athassa bhagavā cittācāraṃ ñatvā sabhiyasuttadesanāvasāne (su. ni. sabhiyasutta) ovādaṃ dento –
360.
360.
‘‘убаарамбхажид̇д̇о д̣̇уммзд̇хо, сун̣аад̇и ж̇инасаасанам̣;
‘‘Upārambhacitto dummedho, suṇāti jinasāsanaṃ;
аарагаа ход̇и сад̣̇д̇хаммаа, набхасо бат̇авий яат̇аа.
Ārakā hoti saddhammā, nabhaso pathavī yathā.
361.
361.
‘‘убаарамбхажид̇д̇о д̣̇уммзд̇хо, сун̣аад̇и ж̇инасаасанам̣;
‘‘Upārambhacitto dummedho, suṇāti jinasāsanaṃ;
барихааяад̇и сад̣̇д̇хаммаа, гаал̣абагкзва жанд̣̇имаа.
Parihāyati saddhammā, kāḷapakkheva candimā.
362.
362.
‘‘убаарамбхажид̇д̇о д̣̇уммзд̇хо, сун̣аад̇и ж̇инасаасанам̣;
‘‘Upārambhacitto dummedho, suṇāti jinasāsanaṃ;
барисуссад̇и сад̣̇д̇хаммз, мажчо аббод̣̇агз яат̇аа.
Parisussati saddhamme, maccho appodake yathā.
363.
363.
‘‘убаарамбхажид̇д̇о д̣̇уммзд̇хо, сун̣аад̇и ж̇инасаасанам̣;
‘‘Upārambhacitto dummedho, suṇāti jinasāsanaṃ;
на вируухад̇и сад̣̇д̇хаммз, кзд̇д̇з б̣ийж̇ам̣ва бууд̇игам̣.
Na virūhati saddhamme, khette bījaṃva pūtikaṃ.
364.
364.
‘‘яо жа д̇удтзна жид̇д̇зна, сун̣аад̇и ж̇инасаасанам̣;
‘‘Yo ca tuṭṭhena cittena, suṇāti jinasāsanaṃ;
кзбзд̇ваа аасавз саб̣б̣з, сажчигад̇ваа агуббад̇ам̣;
Khepetvā āsave sabbe, sacchikatvā akuppataṃ;
баббуяяа барамам̣ санд̇им̣, бариниб̣б̣аад̇инаасаво’’д̇и. –
Pappuyya paramaṃ santiṃ, parinibbātināsavo’’ti. –
имаа бан̃жа г̇аат̇аа абхааси.
Imā pañca gāthā abhāsi.
д̇ад̇т̇а убаарамбхажид̇д̇од̇и саарамбхажид̇д̇о, д̣̇осааробанаад̇хиббааяод̇и ад̇т̇о. д̣̇уммзд̇ход̇и ниббан̃н̃о. аарагаа ход̇и сад̣̇д̇хаммаад̇и со д̇аад̣̇исо буг̇г̇ало набхасо вияа бат̇авий бадибад̇д̇исад̣̇д̇хаммад̇оби д̣̇уурз ход̇и, баг̇зва бадивзд̇хасад̣̇д̇хаммад̇о. ‘‘на д̇вам̣ имам̣ д̇хаммавинаяам̣ ааж̇аанаасий’’д̇иаад̣̇инаа (д̣̇ий. ни. 1.18) виг̇г̇аахигагат̇ам̣ ануяуд̇д̇асса гуд̇о санд̇анибун̣о бадибад̇д̇исад̣̇д̇хаммо.
Tattha upārambhacittoti sārambhacitto, dosāropanādhippāyoti attho. Dummedhoti nippañño. Ārakā hoti saddhammāti so tādiso puggalo nabhaso viya pathavī paṭipattisaddhammatopi dūre hoti, pageva paṭivedhasaddhammato. ‘‘Na tvaṃ imaṃ dhammavinayaṃ ājānāsī’’tiādinā (dī. ni. 1.18) viggāhikakathaṃ anuyuttassa kuto santanipuṇo paṭipattisaddhammo.
барихааяад̇и сад̣̇д̇хаммаад̇и нававид̇халогуд̇д̇арад̇хаммад̇о буб̣б̣абхааг̇ияасад̣̇д̇хаад̣̇исад̣̇д̇хаммад̇оби нихийяад̇и. барисуссад̇ийд̇и висуссад̇и гааяажид̇д̇аанам̣ бийн̣анарасасса бийд̇ибаамож̇ж̇аад̣̇игусалад̇хаммассаабхаавад̇о. на вируухад̇ийд̇и вируул̣хим̣ вуд̣̇д̇хим̣ на баабун̣аад̇и. бууд̇иганд̇и г̇омаяалзбад̣̇аанаад̣̇иабхаавзна бууд̇ибхаавам̣ бад̇д̇ам̣.
Parihāyati saddhammāti navavidhalokuttaradhammato pubbabhāgiyasaddhādisaddhammatopi nihīyati. Parisussatīti visussati kāyacittānaṃ pīṇanarasassa pītipāmojjādikusaladhammassābhāvato. Na virūhatīti virūḷhiṃ vuddhiṃ na pāpuṇāti. Pūtikanti gomayalepadānādiabhāvena pūtibhāvaṃ pattaṃ.
д̇удтзна жид̇д̇знаад̇и ид̇т̇амбхууд̇алагкан̣з гаран̣аважанам̣, ад̇д̇амано бамуд̣̇ид̇о худ̇ваад̇и ад̇т̇о. кзбзд̇ваад̇и самужчинд̣̇ид̇ваа. агуббад̇анд̇и арахад̇д̇ам̣. баббуяяаад̇и баабун̣ид̇ваа. барамам̣ санд̇инд̇и анубаад̣̇исзсам̣ ниб̣б̣аанам̣. д̇ад̣̇ад̇хиг̇амо жасса гзвалам̣ гаалааг̇аманамзва, на гоживид̇ход̇и д̇ам̣ д̣̇ассзд̇ум̣ вуд̇д̇ам̣ ‘‘бариниб̣б̣аад̇инаасаво’’д̇и.
Tuṭṭhena cittenāti itthambhūtalakkhaṇe karaṇavacanaṃ, attamano pamudito hutvāti attho. Khepetvāti samucchinditvā. Akuppatanti arahattaṃ. Pappuyyāti pāpuṇitvā. Paramaṃ santinti anupādisesaṃ nibbānaṃ. Tadadhigamo cassa kevalaṃ kālāgamanameva, na kocividhoti taṃ dassetuṃ vuttaṃ ‘‘parinibbātināsavo’’ti.
звам̣ сад̇т̇аараа овад̣̇ид̇о сам̣взг̇аж̇аад̇о баб̣б̣аж̇ид̇ваа вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.44.35-43) –
Evaṃ satthārā ovadito saṃvegajāto pabbajitvā vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 2.44.35-43) –
‘‘ган̣игаарам̣ва ж̇алид̇ам̣, д̣̇ийбаругкам̣ва ж̇од̇ид̇ам̣;
‘‘Kaṇikāraṃva jalitaṃ, dīparukkhaṃva jotitaṃ;
ган̃жанам̣ва вирожанд̇ам̣, ад̣̇д̣̇асам̣ д̣̇вибад̣̇уд̇д̇амам̣.
Kañcanaṃva virocantaṃ, addasaṃ dvipaduttamaṃ.
‘‘гаман̣д̣алум̣ табзд̇ваана, ваагажийран̃жа гун̣д̣игам̣;
‘‘Kamaṇḍaluṃ ṭhapetvāna, vākacīrañca kuṇḍikaṃ;
згам̣сам̣ аж̇инам̣ гад̇ваа, б̣уд̣̇д̇хасздтам̣ т̇авим̣ ахам̣.
Ekaṃsaṃ ajinaṃ katvā, buddhaseṭṭhaṃ thaviṃ ahaṃ.
‘‘д̇аманд̇хагаарам̣ вид̇хамам̣, мохаж̇ааласамаагулам̣;
‘‘Tamandhakāraṃ vidhamaṃ, mohajālasamākulaṃ;
н̃аан̣аалогам̣ д̣̇ассзд̇ваана, нид̇д̇ин̣н̣оси махаамуни.
Ñāṇālokaṃ dassetvāna, nittiṇṇosi mahāmuni.
‘‘самуд̣̇д̇харасимам̣ логам̣, саб̣б̣ааванд̇амануд̇д̇арам̣;
‘‘Samuddharasimaṃ lokaṃ, sabbāvantamanuttaraṃ;
н̃аан̣з д̇з убамаа над̇т̇и, яаавад̇аа ж̇аг̇ад̇о г̇ад̇и.
Ñāṇe te upamā natthi, yāvatā jagato gati.
‘‘д̇зна н̃аан̣зна саб̣б̣ан̃н̃уу, ид̇и б̣уд̣̇д̇хо бавужжад̇и;
‘‘Tena ñāṇena sabbaññū, iti buddho pavuccati;
ванд̣̇аами д̇ам̣ махаавийрам̣, саб̣б̣ан̃н̃уд̇аманааварам̣.
Vandāmi taṃ mahāvīraṃ, sabbaññutamanāvaraṃ.
‘‘сад̇асахассид̇о габбз, б̣уд̣̇д̇хасздтам̣ т̇авим̣ ахам̣;
‘‘Satasahassito kappe, buddhaseṭṭhaṃ thaviṃ ahaṃ;
д̣̇уг̇г̇ад̇им̣ наабхиж̇аанаами, н̃аан̣ад̇т̇авааяид̣̇ам̣ палам̣.
Duggatiṃ nābhijānāmi, ñāṇatthavāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ан̃н̃ам̣ б̣яаагаронд̇оби т̇зро имаа зва г̇аат̇аа абхааси.
Arahattaṃ pana patvā aññaṃ byākarontopi thero imā eva gāthā abhāsi.
яасад̣̇ад̇д̇ад̇т̇зраг̇аат̇ааван̣н̣анаа нидтид̇аа.
Yasadattattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. яасад̣̇ад̇д̇ад̇т̇зраг̇аат̇аа • 10. Yasadattattheragāthā
