| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
яасасса баб̣б̣аж̇ж̇аагат̇ааван̣н̣анаа
Yasassa pabbajjākathāvaṇṇanā
25. ид̣̇аани яасасса баб̣б̣аж̇ж̇ам̣ д̣̇ассзд̇ум̣ ‘‘д̇зна ко бана самаязнаа’’д̇иаад̣̇и аарад̣̇д̇хам̣. д̇ад̇рааяам̣ ануд̇д̇аанабад̣̇аван̣н̣анаа – хзманд̇игод̇иаад̣̇ийсу (д̣̇ий. ни. адта. 2.42; а. ни. адта. 2.3.39) яад̇т̇а сукам̣ ход̇и хзманд̇агаалз васид̇ум̣, аяам̣ хзманд̇иго. ид̇арзсуби зсзва наяо. аяам̣ банзд̇т̇а важанад̇т̇о – хзманд̇з ваасо хзманд̇ам̣ уд̇д̇арабад̣̇алобзна, хзманд̇ам̣ арахад̇ийд̇и хзманд̇иго. ид̇арзсуби зсзва наяо. д̇ад̇т̇а вассиго баасаад̣̇о наад̇иужжо ход̇и наад̇инийжо, д̣̇ваараваад̇абаанаанибисса наад̇иб̣ахууни наад̇ид̇анууни, бхуумад̇т̇аран̣абажжад̇т̇аран̣акаж̇ж̇абхож̇ж̇аанибзд̇т̇а миссагаанзва вадданд̇и. хзманд̇игз т̇амбхааби бхид̇д̇ияоби нийжаа хонд̇и, д̣̇ваараваад̇абаанаани д̇анугаани сукумачид̣̇д̣̇аани, ун̣хаббавзсанад̇т̇ааяа бхид̇д̇инияяуухаани харияанд̇и, бхуумад̇т̇аран̣абажжад̇т̇аран̣аниваасанабаарубанаани банзд̇т̇а ун̣хавигирияаани гамб̣алаад̣̇ийни вадданд̇и, каж̇ж̇абхож̇ж̇ам̣ синид̣̇д̇хам̣ гадугасанниссид̇ан̃жа. г̇имхигз т̇амбхааби бхид̇д̇ияоби ужжаа хонд̇и, д̣̇ваараваад̇абаанаани банзд̇т̇а б̣ахууни вибулаж̇аад̇аани хонд̇и, бхуумад̇т̇аран̣аани сийд̇авигирияаани д̣̇угууламаяаани вадданд̇и, каж̇ж̇абхож̇ж̇аани мад̇хурарасасийд̇авигирияаани, ваад̇абаанасамийбзсу жзд̇т̇а наваа жаадияо табзд̇ваа уд̣̇агасса буурзд̇ваа нийлуббалаад̣̇ийхи сан̃чаад̣̇знд̇и, д̇зсу д̇зсу бад̣̇зсзсу уд̣̇агаяанд̇аани гаронд̇и, язхи д̣̇звз вассанд̇з вияа уд̣̇агад̇хаараа нигкаманд̇и.
25. Idāni yasassa pabbajjaṃ dassetuṃ ‘‘tena kho pana samayenā’’tiādi āraddhaṃ. Tatrāyaṃ anuttānapadavaṇṇanā – hemantikotiādīsu (dī. ni. aṭṭha. 2.42; a. ni. aṭṭha. 2.3.39) yattha sukhaṃ hoti hemantakāle vasituṃ, ayaṃ hemantiko. Itaresupi eseva nayo. Ayaṃ panettha vacanattho – hemante vāso hemantaṃ uttarapadalopena, hemantaṃ arahatīti hemantiko. Itaresupi eseva nayo. Tattha vassiko pāsādo nātiucco hoti nātinīco, dvāravātapānānipissa nātibahūni nātitanūni, bhūmattharaṇapaccattharaṇakhajjabhojjānipettha missakāneva vaṭṭanti. Hemantike thambhāpi bhittiyopi nīcā honti, dvāravātapānāni tanukāni sukhumachiddāni, uṇhappavesanatthāya bhittiniyyūhāni hariyanti, bhūmattharaṇapaccattharaṇanivāsanapārupanāni panettha uṇhavikiriyāni kambalādīni vaṭṭanti, khajjabhojjaṃ siniddhaṃ kaṭukasannissitañca. Gimhike thambhāpi bhittiyopi uccā honti, dvāravātapānāni panettha bahūni vipulajātāni honti, bhūmattharaṇāni sītavikiriyāni dukūlamayāni vaṭṭanti, khajjabhojjāni madhurarasasītavikiriyāni, vātapānasamīpesu cettha navā cāṭiyo ṭhapetvā udakassa pūretvā nīluppalādīhi sañchādenti, tesu tesu padesesu udakayantāni karonti, yehi deve vassante viya udakadhārā nikkhamanti.
ниббурисзхийд̇и бурисавирахид̇зхи. на гзвалан̃жзд̇т̇а д̇уурияаанзва ниббурисаани, саб̣б̣адтаанааниби ниббурисаанзва. д̣̇овааригааби ид̇т̇ияова, нахаабанаад̣̇ибаригаммагарааби ид̇т̇ияова. бид̇аа гира ‘‘д̇ат̇ааруубам̣ иссарияасукасамбад̇д̇им̣ анубхавамаанасса бурисам̣ д̣̇исваа барисан̇гаа уббаж̇ж̇ад̇и, саа мз буд̇д̇асса маа ахосий’’д̇и саб̣б̣агижжзсу ид̇т̇ияова табаабзси. бан̃жахи гаамаг̇ун̣зхийд̇и руубасад̣̇д̣̇аад̣̇ийхи бан̃жахи гаамагодтаасзхи. самаббид̇ассаад̇и саммаа аббид̇асса, убзд̇ассаад̇и ад̇т̇о. саман̇г̇ийбхууд̇ассаад̇и д̇ассзва взважанам̣. барижаараяамаанассаад̇и барид̇о жаараяамаанасса, д̇асмим̣ д̇асмим̣ гаамаг̇ун̣з инд̣̇рияаани жаараяамаанассаад̇и ад̇т̇о. аал̣амб̣аранд̇и бан̣авам̣. вигзсиганд̇и муд̇д̇агзсам̣, виббагин̣н̣агзсанд̇и ад̇т̇о. вигкзл̣иганд̇и виссанд̣̇амааналаалам̣. виббалабанд̇ияод̇и вируд̣̇д̇хам̣ балабанд̇ияо ваа руд̣̇анд̇ияо ваа. сусаанам̣ ман̃н̃зд̇и аамагасусаанам̣ вияа ад̣̇д̣̇аса сагам̣ бариж̇ананд̇и самб̣анд̇хо. уд̣̇аанам̣ уд̣̇аанзсийд̇и сам̣взг̇авасзна уд̣̇аанам̣ уд̣̇аанзси, сам̣взг̇авасаббавад̇д̇ам̣ ваажам̣ нижчаарзсийд̇и ад̇т̇о.
Nippurisehīti purisavirahitehi. Na kevalañcettha tūriyāneva nippurisāni, sabbaṭṭhānānipi nippurisāneva. Dovārikāpi itthiyova, nahāpanādiparikammakarāpi itthiyova. Pitā kira ‘‘tathārūpaṃ issariyasukhasampattiṃ anubhavamānassa purisaṃ disvā parisaṅkā uppajjati, sā me puttassa mā ahosī’’ti sabbakiccesu itthiyova ṭhapāpesi. Pañcahi kāmaguṇehīti rūpasaddādīhi pañcahi kāmakoṭṭhāsehi. Samappitassāti sammā appitassa, upetassāti attho. Samaṅgībhūtassāti tasseva vevacanaṃ. Paricārayamānassāti parito cārayamānassa, tasmiṃ tasmiṃ kāmaguṇe indriyāni cārayamānassāti attho. Āḷambaranti paṇavaṃ. Vikesikanti muttakesaṃ, vippakiṇṇakesanti attho. Vikkheḷikanti vissandamānalālaṃ. Vippalapantiyoti viruddhaṃ palapantiyo vā rudantiyo vā. Susānaṃ maññeti āmakasusānaṃ viya addasa sakaṃ parijananti sambandho. Udānaṃ udānesīti saṃvegavasena udānaṃ udānesi, saṃvegavasappavattaṃ vācaṃ nicchāresīti attho.
26. ид̣̇ам̣ ко яасаад̇и бхаг̇аваа ниб̣б̣аанам̣ санд̇хааяааха. д̇ан̃хи д̇ан̣хаад̣̇ийхи гилзсзхи анубад̣̇д̣̇уд̇ам̣ анубассадтан̃жа. анубуб̣б̣им̣ гат̇анд̇и (д̣̇ий. ни. адта. 2.75; ма. ни. адта. 2.69) д̣̇аанаананд̇арам̣ сийлам̣, сийлаананд̇арам̣ саг̇г̇ам̣, саг̇г̇аананд̇арам̣ маг̇г̇анд̇и зваманубадибаадигат̇ам̣. д̇ад̇т̇а д̣̇аанагат̇аа наама ‘‘ид̣̇ам̣ д̣̇аанам̣ наама сукаанам̣ нид̣̇аанам̣, самбад̇д̇ийнам̣ муулам̣, бхог̇аанам̣ бад̇идтаа, висамаг̇ад̇асса д̇аан̣ам̣ лзн̣ам̣ г̇ад̇и барааяан̣ам̣, ид̇халогабаралогзсу д̣̇аанасад̣̇исо авассаяо бад̇идтаа аарамман̣ам̣ д̇аан̣ам̣ лзн̣ам̣ г̇ад̇и барааяан̣ам̣ над̇т̇и. ид̣̇ан̃хи авассаяадтзна рад̇анамаяасийхаасанасад̣̇исам̣, бад̇идтаанадтзна махаабат̇авийсад̣̇исам̣, аарамман̣адтзна ааламб̣анараж̇ж̇усад̣̇исам̣, ид̣̇ан̃хи д̣̇угканид̇т̇аран̣адтзна нааваа, самассаасанадтзна сан̇г̇аамасууро, бхаяабарид̇д̇аан̣адтзна сусан̇кад̇анаг̇арам̣, мажчзрамалаад̣̇ийхи анубалид̇д̇адтзна бад̣̇умам̣, д̇зсам̣ нид̣̇аханадтзна аг̇г̇и, д̣̇ураасад̣̇адтзна аасийвисо, асанд̇аасанадтзна сийхо, б̣алаванд̇адтзна хад̇т̇ий, абхиман̇г̇аласаммад̇адтзна сзд̇аусабхо, кзманд̇абхуумисамбаабанадтзна валаахаго ассарааж̇аа. д̣̇аанам̣ наамзд̇ам̣ маяаа г̇ад̇амаг̇г̇о, маяхзвзсо вам̣со, маяаа д̣̇аса баарамияо буурзнд̇зна взлаамамахааяан̃н̃аа махааг̇овинд̣̇амахааяан̃н̃аа махаасуд̣̇ассанамахааяан̃н̃аа взссанд̇арамахааяан̃н̃аад̇и анзгз махааяан̃н̃аа бавад̇д̇ид̇аа, сасабхууд̇зна ж̇алид̇з аг̇г̇игканд̇хз ад̇д̇аанам̣ нияяаад̇знд̇зна самбад̇д̇аяаажагаанам̣ жид̇д̇ам̣ г̇ахид̇ам̣. д̣̇аанан̃хи логз саггасамбад̇д̇им̣ д̣̇зд̇и, маарасамбад̇д̇им̣ б̣рахмасамбад̇д̇им̣ жаггавад̇д̇исамбад̇д̇им̣ саавагабаарамин̃аан̣ам̣ бажжзгаб̣од̇хин̃аан̣ам̣ абхисамб̣од̇хин̃аан̣ам̣ д̣̇зд̇ий’’д̇и звамаад̣̇инаа д̣̇аанаг̇ун̣аббадисам̣яуд̇д̇агат̇аа.
26.Idaṃ kho yasāti bhagavā nibbānaṃ sandhāyāha. Tañhi taṇhādīhi kilesehi anupaddutaṃ anupassaṭṭhañca. Anupubbiṃ kathanti (dī. ni. aṭṭha. 2.75; ma. ni. aṭṭha. 2.69) dānānantaraṃ sīlaṃ, sīlānantaraṃ saggaṃ, saggānantaraṃ magganti evamanupaṭipāṭikathaṃ. Tattha dānakathā nāma ‘‘idaṃ dānaṃ nāma sukhānaṃ nidānaṃ, sampattīnaṃ mūlaṃ, bhogānaṃ patiṭṭhā, visamagatassa tāṇaṃ leṇaṃ gati parāyaṇaṃ, idhalokaparalokesu dānasadiso avassayo patiṭṭhā ārammaṇaṃ tāṇaṃ leṇaṃ gati parāyaṇaṃ natthi. Idañhi avassayaṭṭhena ratanamayasīhāsanasadisaṃ, patiṭṭhānaṭṭhena mahāpathavīsadisaṃ, ārammaṇaṭṭhena ālambanarajjusadisaṃ, idañhi dukkhanittharaṇaṭṭhena nāvā, samassāsanaṭṭhena saṅgāmasūro, bhayaparittāṇaṭṭhena susaṅkhatanagaraṃ, maccheramalādīhi anupalittaṭṭhena padumaṃ, tesaṃ nidahanaṭṭhena aggi, durāsadaṭṭhena āsīviso, asantāsanaṭṭhena sīho, balavantaṭṭhena hatthī, abhimaṅgalasammataṭṭhena setausabho, khemantabhūmisampāpanaṭṭhena valāhako assarājā. Dānaṃ nāmetaṃ mayā gatamaggo, mayheveso vaṃso, mayā dasa pāramiyo pūrentena velāmamahāyaññā mahāgovindamahāyaññā mahāsudassanamahāyaññā vessantaramahāyaññāti aneke mahāyaññā pavattitā, sasabhūtena jalite aggikkhandhe attānaṃ niyyātentena sampattayācakānaṃ cittaṃ gahitaṃ. Dānañhi loke sakkasampattiṃ deti, mārasampattiṃ brahmasampattiṃ cakkavattisampattiṃ sāvakapāramiñāṇaṃ paccekabodhiñāṇaṃ abhisambodhiñāṇaṃ detī’’ti evamādinā dānaguṇappaṭisaṃyuttakathā.
яасмаа бана д̣̇аанам̣ д̣̇ад̣̇анд̇о сийлам̣ самаад̣̇аад̇ум̣ саггод̇и, д̇асмаа д̇ад̣̇ананд̇арам̣ сийлагат̇ам̣ гат̇зси. д̣̇аанан̃хи наама д̣̇агкин̣зяязсу хид̇аж̇жхаасаязна бууж̇анаж̇жхаасаязна ваа ад̇д̇ано санд̇агасса барзсам̣ барижжаж̇анам̣, д̇асмаа д̣̇ааяаго сад̇д̇зсу зганд̇ахид̇аж̇жхаасаяо бурисабуг̇г̇ало, барзсам̣ ваа санд̇агам̣ харад̇ийд̇и адтаанамзд̇ам̣. д̇асмаа д̣̇аанам̣ д̣̇ад̣̇анд̇о сийлам̣ самаад̣̇аад̇ум̣ саггод̇ийд̇и д̣̇аанаананд̇арам̣ сийлам̣ вуд̇д̇ам̣. абижа д̣̇аанагат̇аа д̇аава бажураж̇анзсуби бавад̇д̇ияаа саб̣б̣асаад̇хааран̣ад̇д̇аа сугарад̇д̇аа сийлз бад̇идтаанасса убааяабхаавад̇о жа аад̣̇ид̇о гат̇ид̇аа. барижжааг̇асийло хи буг̇г̇ало бариг̇г̇ахавад̇т̇уусу ниссан̇г̇абхаавад̇о сукзнзва сийлаани самаад̣̇ияад̇и, д̇ад̇т̇а жа суббад̇идтид̇о ход̇и. сийлзна д̣̇ааяагабадиг̇г̇аахагависуд̣̇д̇хид̇о бараануг̇г̇ахам̣ вад̇ваа барабийл̣аанивад̇д̇иважанад̇о гирияад̇хаммам̣ вад̇ваа агирияад̇хаммаважанад̇о бхог̇аяасасамбад̇д̇ихзд̇ум̣ вад̇ваа бхавасамбад̇д̇ихзд̇уважанад̇о жа д̣̇аанагат̇аананд̇арам̣ сийлагат̇аа гат̇ид̇аа.
Yasmā pana dānaṃ dadanto sīlaṃ samādātuṃ sakkoti, tasmā tadanantaraṃ sīlakathaṃ kathesi. Dānañhi nāma dakkhiṇeyyesu hitajjhāsayena pūjanajjhāsayena vā attano santakassa paresaṃ pariccajanaṃ, tasmā dāyako sattesu ekantahitajjhāsayo purisapuggalo, paresaṃ vā santakaṃ haratīti aṭṭhānametaṃ. Tasmā dānaṃ dadanto sīlaṃ samādātuṃ sakkotīti dānānantaraṃ sīlaṃ vuttaṃ. Apica dānakathā tāva pacurajanesupi pavattiyā sabbasādhāraṇattā sukarattā sīle patiṭṭhānassa upāyabhāvato ca ādito kathitā. Pariccāgasīlo hi puggalo pariggahavatthūsu nissaṅgabhāvato sukheneva sīlāni samādiyati, tattha ca suppatiṭṭhito hoti. Sīlena dāyakapaṭiggāhakavisuddhito parānuggahaṃ vatvā parapīḷānivattivacanato kiriyadhammaṃ vatvā akiriyadhammavacanato bhogayasasampattihetuṃ vatvā bhavasampattihetuvacanato ca dānakathānantaraṃ sīlakathā kathitā.
сийлагат̇аа наама ‘‘сийлам̣ наамзд̇ам̣ авассаяо бад̇идтаа аарамман̣ам̣ д̇аан̣ам̣ лзн̣ам̣ г̇ад̇и барааяан̣ам̣. сийлам̣ наамзд̇ам̣ мама вам̣со, ахам̣ сан̇кабааланааг̇арааж̇агаалз бхуурид̣̇ад̇д̇анааг̇арааж̇агаалз жамбзяяанааг̇арааж̇агаалз сийлаварааж̇агаалз маад̇убосагахад̇т̇ирааж̇агаалз чад̣̇д̣̇анд̇ахад̇т̇ирааж̇агаалзд̇и ананд̇зсу ад̇д̇абхаавзсу сийлам̣ барибуурзсим̣. ид̇халогабаралогасамбад̇д̇ийнан̃хи сийласад̣̇исо авассаяо сийласад̣̇исаа бад̇идтаа аарамман̣ам̣ д̇аан̣ам̣ лзн̣ам̣ г̇ад̇и барааяан̣ам̣ над̇т̇и, сийлаалан̇гаарасад̣̇исо алан̇гааро над̇т̇и, сийлабубпасад̣̇исам̣ бубпам̣ над̇т̇и, сийлаг̇анд̇хасад̣̇исо г̇анд̇хо над̇т̇и. сийлаалан̇гаарзна хи алан̇гад̇ам̣ сийлагусумабил̣анд̇ханам̣ сийлаг̇анд̇хаанулид̇д̇ам̣ сад̣̇звагоби лого ологзнд̇о д̇ид̇д̇им̣ на г̇ажчад̇ий’’д̇и звамаад̣̇исийлаг̇ун̣аббадисам̣яуд̇д̇агат̇аа.
Sīlakathā nāma ‘‘sīlaṃ nāmetaṃ avassayo patiṭṭhā ārammaṇaṃ tāṇaṃ leṇaṃ gati parāyaṇaṃ. Sīlaṃ nāmetaṃ mama vaṃso, ahaṃ saṅkhapālanāgarājakāle bhūridattanāgarājakāle campeyyanāgarājakāle sīlavarājakāle mātuposakahatthirājakāle chaddantahatthirājakāleti anantesu attabhāvesu sīlaṃ paripūresiṃ. Idhalokaparalokasampattīnañhi sīlasadiso avassayo sīlasadisā patiṭṭhā ārammaṇaṃ tāṇaṃ leṇaṃ gati parāyaṇaṃ natthi, sīlālaṅkārasadiso alaṅkāro natthi, sīlapupphasadisaṃ pupphaṃ natthi, sīlagandhasadiso gandho natthi. Sīlālaṅkārena hi alaṅkataṃ sīlakusumapiḷandhanaṃ sīlagandhānulittaṃ sadevakopi loko olokento tittiṃ na gacchatī’’ti evamādisīlaguṇappaṭisaṃyuttakathā.
ид̣̇ам̣ бана сийлам̣ ниссааяа аяам̣ саг̇г̇о лаб̣бхад̇ийд̇и д̣̇ассанад̇т̇ам̣ сийлаананд̇арам̣ саг̇г̇агат̇ам̣ гат̇зси. саг̇г̇агат̇аа наама ‘‘аяам̣ саг̇г̇о наама идто ганд̇о манаабо , нижжамзд̇т̇а гийл̣аа, нижжам̣ самбад̇д̇ияо лаб̣бханд̇и, жаад̇умахаарааж̇игаа д̣̇зваа навуд̇ивассасад̇асахассаани д̣̇иб̣б̣асукам̣ д̣̇иб̣б̣асамбад̇д̇им̣ бадилабханд̇и, д̇аавад̇им̣саа д̇иссо жа вассагодияо садти жа вассасад̇асахассааний’’д̇и звамаад̣̇исаг̇г̇аг̇ун̣абадисам̣яуд̇д̇агат̇аа. саг̇г̇асамбад̇д̇им̣ гат̇аяанд̇аанан̃хи б̣уд̣̇д̇хаанам̣ мукам̣ наббаход̇и. вуд̇д̇амби жзд̇ам̣ ‘‘анзгабарияааязна ко ахам̣, бхигкавз, саг̇г̇агат̇ам̣ гат̇зяяа’’нд̇иаад̣̇и.
Idaṃ pana sīlaṃ nissāya ayaṃ saggo labbhatīti dassanatthaṃ sīlānantaraṃ saggakathaṃ kathesi. Saggakathā nāma ‘‘ayaṃ saggo nāma iṭṭho kanto manāpo , niccamettha kīḷā, niccaṃ sampattiyo labbhanti, cātumahārājikā devā navutivassasatasahassāni dibbasukhaṃ dibbasampattiṃ paṭilabhanti, tāvatiṃsā tisso ca vassakoṭiyo saṭṭhi ca vassasatasahassānī’’ti evamādisaggaguṇapaṭisaṃyuttakathā. Saggasampattiṃ kathayantānañhi buddhānaṃ mukhaṃ nappahoti. Vuttampi cetaṃ ‘‘anekapariyāyena kho ahaṃ, bhikkhave, saggakathaṃ katheyya’’ntiādi.
звам̣ саг̇г̇агат̇ааяа балобхзд̇ваа буна хад̇т̇им̣ алан̇гарид̇ваа д̇асса сон̣д̣ам̣ чинд̣̇анд̇о вияа аяамби саг̇г̇о анижжо ад̣̇д̇хуво, на зд̇т̇а чанд̣̇арааг̇о гаад̇аб̣б̣од̇и д̣̇ассанад̇т̇ам̣ ‘‘аббассаад̣̇аа гаамаа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’’д̇иаад̣̇инаа (ма. ни. 1.177; баажи. 417) наязна гаамаанам̣ аад̣̇ийнавам̣ огаарам̣ сам̣гилзсам̣ гат̇зси. д̇ад̇т̇а аад̣̇ийнавод̇и д̣̇осо, анижжад̇аад̣̇инаа аббассаад̣̇ад̇аад̣̇инаа жа д̣̇уусид̇абхаавод̇и ад̇т̇о. ат̇а ваа аад̣̇ийнам̣ ваад̇и бавад̇д̇ад̇ийд̇и аад̣̇ийнаво, барамагабан̣ад̇аа. д̇ат̇аа жа гаамаа яат̇аабхууд̇ам̣ бажжавзгканд̇аанам̣ бажжубад̇идтанд̇и. огаарод̇и лаамагабхааво нихийнабхааво асздтзхи сзвид̇аб̣б̣ад̇аа сздтзхи на сзвид̇аб̣б̣ад̇аа жа. сам̣гилзсод̇и д̇зхи сад̇д̇аанам̣ сам̣гилиссанам̣, виб̣аад̇хзд̇аб̣б̣ад̇аа убад̇аабзд̇аб̣б̣ад̇аад̇и ад̇т̇о.
Evaṃ saggakathāya palobhetvā puna hatthiṃ alaṅkaritvā tassa soṇḍaṃ chindanto viya ayampi saggo anicco addhuvo, na ettha chandarāgo kātabboti dassanatthaṃ ‘‘appassādā kāmā bahudukkhā bahupāyāsā, ādīnavo ettha bhiyyo’’tiādinā (ma. ni. 1.177; pāci. 417) nayena kāmānaṃ ādīnavaṃ okāraṃ saṃkilesaṃ kathesi. Tattha ādīnavoti doso, aniccatādinā appassādatādinā ca dūsitabhāvoti attho. Atha vā ādīnaṃ vāti pavattatīti ādīnavo, paramakapaṇatā. Tathā ca kāmā yathābhūtaṃ paccavekkhantānaṃ paccupatiṭṭhanti. Okāroti lāmakabhāvo nihīnabhāvo aseṭṭhehi sevitabbatā seṭṭhehi na sevitabbatā ca. Saṃkilesoti tehi sattānaṃ saṃkilissanaṃ, vibādhetabbatā upatāpetabbatāti attho.
звам̣ гаамаад̣̇ийнавзна д̇аж̇ж̇зд̇ваа нзгкаммз аанисам̣сам̣ багаасзси. яад̇д̇агаа жа гаамзсу аад̣̇ийнаваа, бадибагкад̇о д̇ад̇д̇агаава нзгкаммз аанисам̣саа. абижа ‘‘нзгкаммам̣ наамзд̇ам̣ асамб̣аад̇хам̣ асам̣гилидтам̣, нигканд̇ам̣ гаамзхи, нигканд̇ам̣ гаамасан̃н̃ааяа, нигканд̇ам̣ гаамавид̇аггзхи, нигканд̇ам̣ гаамабарил̣аахзхи, нигканд̇ам̣ б̣яаабаарад̇о’’д̇иаад̣̇инаа наязна нзгкаммз аанисам̣сам̣ багаасзси, баб̣б̣аж̇ж̇ааяа жхаанаад̣̇ийсу жа г̇ун̣з вибхаавзси ван̣н̣зси. зд̇т̇а жа саг̇г̇ам̣ гат̇зд̇ваа свааяам̣ саг̇г̇о рааг̇аад̣̇ийхи убаггилидто, саб̣б̣ат̇ааби анубаггилидто арияамаг̇г̇од̇и д̣̇ассанад̇т̇ам̣ саг̇г̇аананд̇арам̣ маг̇г̇о гат̇зд̇аб̣б̣о. маг̇г̇ан̃жа гат̇знд̇зна д̇ад̣̇ад̇хиг̇амубааяасанд̣̇ассанад̇т̇ам̣ саг̇г̇абарияаабаннааби баг̇зва ид̇арз саб̣б̣зби гаамаа наама б̣ахваад̣̇ийнаваа анижжаа ад̣̇д̇хуваа вибарин̣аамад̇хаммаад̇и гаамаанам̣ аад̣̇ийнаво, хийнаа г̇аммаа бот̇уж̇ж̇анигаа анарияаа анад̇т̇асан̃хид̇аад̇и д̇зсам̣ огааро лаамагабхааво, саб̣б̣зби бхаваа гилзсаанам̣ вад̇т̇убхууд̇аад̇и д̇ад̇т̇а сам̣гилзсо, саб̣б̣асам̣гилзсавиббамуд̇д̇ам̣ ниб̣б̣аананд̇и нзгкаммз аанисам̣со жа гат̇зд̇аб̣б̣од̇и гаамзсу аад̣̇ийнаво огааро сам̣гилзсо нзгкаммз жа аанисам̣со багаасид̇од̇и д̣̇адтаб̣б̣ам̣.
Evaṃ kāmādīnavena tajjetvā nekkhamme ānisaṃsaṃ pakāsesi. Yattakā ca kāmesu ādīnavā, paṭipakkhato tattakāva nekkhamme ānisaṃsā. Apica ‘‘nekkhammaṃ nāmetaṃ asambādhaṃ asaṃkiliṭṭhaṃ, nikkhantaṃ kāmehi, nikkhantaṃ kāmasaññāya, nikkhantaṃ kāmavitakkehi, nikkhantaṃ kāmapariḷāhehi, nikkhantaṃ byāpārato’’tiādinā nayena nekkhamme ānisaṃsaṃ pakāsesi, pabbajjāya jhānādīsu ca guṇe vibhāvesi vaṇṇesi. Ettha ca saggaṃ kathetvā svāyaṃ saggo rāgādīhi upakkiliṭṭho, sabbathāpi anupakkiliṭṭho ariyamaggoti dassanatthaṃ saggānantaraṃ maggo kathetabbo. Maggañca kathentena tadadhigamupāyasandassanatthaṃ saggapariyāpannāpi pageva itare sabbepi kāmā nāma bahvādīnavā aniccā addhuvā vipariṇāmadhammāti kāmānaṃ ādīnavo, hīnā gammā pothujjanikā anariyā anatthasañhitāti tesaṃ okāro lāmakabhāvo, sabbepi bhavā kilesānaṃ vatthubhūtāti tattha saṃkileso, sabbasaṃkilesavippamuttaṃ nibbānanti nekkhamme ānisaṃso ca kathetabboti kāmesu ādīnavo okāro saṃkileso nekkhamme ca ānisaṃso pakāsitoti daṭṭhabbaṃ.
галлажид̇д̇анд̇и гамманияажид̇д̇ам̣, хздтаа бавад̇д̇ид̇ад̣̇зсанааяа ассад̣̇д̇хияаад̣̇ийнам̣ жид̇д̇ад̣̇осаанам̣ виг̇ад̇ад̇д̇аа убарид̣̇зсанааяа бхааж̇анабхаавуубаг̇аманзна гаммагкамажид̇д̇анд̇и ад̇т̇о. ассад̣̇д̇хияаад̣̇аяо ваа яасмаа жид̇д̇асса рог̇абхууд̇аа д̇ад̣̇аа д̇асса виг̇ад̇аа, д̇асмаа галлажид̇д̇ам̣ арог̇ажид̇д̇анд̇и ад̇т̇о. д̣̇идтимаанаад̣̇игилзсавиг̇амзна муд̣̇ужид̇д̇ам̣, гаамажчанд̣̇аад̣̇ивиг̇амзна винийваран̣ажид̇д̇ам̣, саммаабадибад̇д̇ияам̣ ул̣аарабийд̇ибаамож̇ж̇аяог̇зна уд̣̇аг̇г̇ажид̇д̇ам̣. д̇ад̇т̇а сад̣̇д̇хаасамбад̇д̇ияаа басаннажид̇д̇ам̣ яад̣̇аа бхаг̇аваа ан̃н̃аасийд̇и самб̣анд̇хо. ат̇а ваа галлажид̇д̇анд̇и гаамажчанд̣̇авиг̇амзна арог̇ажид̇д̇ам̣. муд̣̇ужид̇д̇анд̇и б̣яаабаад̣̇авиг̇амзна мзд̇д̇аавасзна агатинажид̇д̇ам̣. винийваран̣ажид̇д̇анд̇и уд̣̇д̇хажжагуггужжавиг̇амзна вигкзбасса виг̇ад̇ад̇д̇аа д̇зна абихид̇ажид̇д̇ам̣. уд̣̇аг̇г̇ажид̇д̇анд̇и т̇инамид̣̇д̇хавиг̇амзна самбаг̇г̇ахавасзна алийнажид̇д̇ам̣. басаннажид̇д̇анд̇и вижигижчаавиг̇амзна саммаабадибад̇д̇ияам̣ ад̇химуд̇д̇ажид̇д̇анд̇и звамбзд̇т̇а ад̇т̇о взд̣̇ид̇аб̣б̣о. саамуггам̣сигаад̇и саамам̣ уггам̣сигаа, ад̇д̇анааязва уд̣̇д̇харид̇ваа г̇ахид̇аа, саяамбхуун̃аан̣зна д̣̇идтаа асаад̇хааран̣аа ан̃н̃зсанд̇и ад̇т̇о. гаа жа бана саад̇и? арияасажжад̣̇зсанаа. д̇знзвааха ‘‘д̣̇угкам̣ самуд̣̇аяам̣ нирод̇хам̣ маг̇г̇а’’нд̇и.
Kallacittanti kammaniyacittaṃ, heṭṭhā pavattitadesanāya assaddhiyādīnaṃ cittadosānaṃ vigatattā uparidesanāya bhājanabhāvūpagamanena kammakkhamacittanti attho. Assaddhiyādayo vā yasmā cittassa rogabhūtā tadā tassa vigatā, tasmā kallacittaṃ arogacittanti attho. Diṭṭhimānādikilesavigamena muducittaṃ, kāmacchandādivigamena vinīvaraṇacittaṃ, sammāpaṭipattiyaṃ uḷārapītipāmojjayogena udaggacittaṃ. Tattha saddhāsampattiyā pasannacittaṃ yadā bhagavā aññāsīti sambandho. Atha vā kallacittanti kāmacchandavigamena arogacittaṃ. Muducittanti byāpādavigamena mettāvasena akaṭhinacittaṃ. Vinīvaraṇacittanti uddhaccakukkuccavigamena vikkhepassa vigatattā tena apihitacittaṃ. Udaggacittanti thinamiddhavigamena sampaggahavasena alīnacittaṃ. Pasannacittanti vicikicchāvigamena sammāpaṭipattiyaṃ adhimuttacittanti evampettha attho veditabbo. Sāmukkaṃsikāti sāmaṃ ukkaṃsikā, attanāyeva uddharitvā gahitā, sayambhūñāṇena diṭṭhā asādhāraṇā aññesanti attho. Kā ca pana sāti? Ariyasaccadesanā. Tenevāha ‘‘dukkhaṃ samudayaṃ nirodhaṃ magga’’nti.
сзяяат̇аабийд̇иаад̣̇инаа убамаавасзна д̇асса гилзсаббахаанам̣ арияамаг̇г̇уббаад̣̇ан̃жа д̣̇ассзд̇и. абаг̇ад̇агаал̣аганд̇и виг̇ад̇агаал̣агам̣. саммад̣̇зваад̇и судту зва. раж̇ананд̇и нийлабийд̇аад̣̇иран̇г̇аж̇аад̇ам̣. бадиг̇г̇ан̣хзяяаад̇и г̇ан̣хзяяа, бабхассарам̣ бхавзяяа. д̇асмим̣язва аасанзд̇и д̇ассам̣язва нисаж̇ж̇ааяам̣. зд̇знасса лахувибассагад̇аа д̇игкабан̃н̃ад̇аа сукабадибад̣̇акиббаабхин̃н̃ад̇аа жа д̣̇ассид̇аа ход̇и. вираж̇анд̇иаад̣̇и вуд̇д̇анаяамзва. д̇ад̇рид̣̇ам̣ убамаасам̣санд̣̇анам̣ – вад̇т̇ам̣ вияа жид̇д̇ам̣, вад̇т̇асса ааг̇анд̇угамалзхи гилидтабхааво вияа жид̇д̇асса рааг̇аад̣̇ималзхи сам̣гилидтабхааво, д̇хованасилаа вияа анубуб̣б̣игат̇аа, уд̣̇агам̣ вияа сад̣̇д̇хаа, уд̣̇агзна д̇змзд̇ваа д̇змзд̇ваа уусаг̇омаяачааригакаарагзхи гаал̣агабад̣̇зсз саммад̣̇д̣̇ид̇ваа вад̇т̇асса д̇хованабаяог̇о вияа сад̣̇д̇хаасинзхзна д̇змзд̇ваа д̇змзд̇ваа сад̇исамаад̇хибан̃н̃аахи д̣̇осз сит̇илз гад̇ваа сийласуд̇аад̣̇ивид̇хинаа жид̇д̇асса сод̇ханз вийрияаарамбхо, д̇зна баяог̇зна вад̇т̇з гаал̣агаабаг̇амо вияа вийрияаарамбхзна гилзсавигкамбханам̣, ран̇г̇аж̇аад̇ам̣ вияа арияамаг̇г̇о, д̇зна суд̣̇д̇хасса вад̇т̇асса бабхассарабхааво вияа вигкамбхид̇агилзсасса жид̇д̇асса маг̇г̇зна барияод̣̇абананд̇и.
Seyyathāpītiādinā upamāvasena tassa kilesappahānaṃ ariyamagguppādañca dasseti. Apagatakāḷakanti vigatakāḷakaṃ. Sammadevāti suṭṭhu eva. Rajananti nīlapītādiraṅgajātaṃ. Paṭiggaṇheyyāti gaṇheyya, pabhassaraṃ bhaveyya. Tasmiṃyeva āsaneti tassaṃyeva nisajjāyaṃ. Etenassa lahuvipassakatā tikkhapaññatā sukhapaṭipadakhippābhiññatā ca dassitā hoti. Virajantiādi vuttanayameva. Tatridaṃ upamāsaṃsandanaṃ – vatthaṃ viya cittaṃ, vatthassa āgantukamalehi kiliṭṭhabhāvo viya cittassa rāgādimalehi saṃkiliṭṭhabhāvo, dhovanasilā viya anupubbikathā, udakaṃ viya saddhā, udakena temetvā temetvā ūsagomayachārikakhārakehi kāḷakapadese sammadditvā vatthassa dhovanapayogo viya saddhāsinehena temetvā temetvā satisamādhipaññāhi dose sithile katvā sīlasutādividhinā cittassa sodhane vīriyārambho, tena payogena vatthe kāḷakāpagamo viya vīriyārambhena kilesavikkhambhanaṃ, raṅgajātaṃ viya ariyamaggo, tena suddhassa vatthassa pabhassarabhāvo viya vikkhambhitakilesassa cittassa maggena pariyodapananti.
27. ассад̣̇ууд̇зд̇и аарул̣хаассз д̣̇ууд̇з. ид̣̇д̇хаабхисан̇кааранд̇и ид̣̇д̇хигирияам̣. абхисан̇карзсийд̇и абхисан̇кари, агаасийд̇и ад̇т̇о. гимад̇т̇анд̇и жз? убхиннам̣ бадилабхид̇аб̣б̣ависзсанд̇арааяанисзд̇ханад̇т̇ам̣. яад̣̇и хи со буд̇д̇ам̣ бассзяяа, буд̇д̇ассаби арахад̇д̇аббад̇д̇и сздтиссаби д̇хаммажагкубадилаабхо на сияаа. ад̣̇идтасажжоби хи ‘‘д̣̇зхи д̇з маад̇уяаа ж̇ийвид̇а’’нд̇и яаажанд̇о гат̇ан̃хи наама вигкзбам̣ бадиб̣аахид̇ваа бхаг̇авад̇о д̇хаммад̣̇зсанаанусаарзна н̃аан̣ам̣ бзсзд̇ваа д̇хаммажагкум̣ бадилабхзяяа, яасо жа звам̣ д̇зна яаажияамаано гат̇ам̣ д̇ам̣ вигкзбам̣ бадиб̣аахид̇ваа арахад̇д̇з бад̇идтахзяяа.
27.Assadūteti āruḷhaasse dūte. Iddhābhisaṅkhāranti iddhikiriyaṃ. Abhisaṅkharesīti abhisaṅkhari, akāsīti attho. Kimatthanti ce? Ubhinnaṃ paṭilabhitabbavisesantarāyanisedhanatthaṃ. Yadi hi so puttaṃ passeyya, puttassapi arahattappatti seṭṭhissapi dhammacakkhupaṭilābho na siyā. Adiṭṭhasaccopi hi ‘‘dehi te mātuyā jīvita’’nti yācanto kathañhi nāma vikkhepaṃ paṭibāhitvā bhagavato dhammadesanānusārena ñāṇaṃ pesetvā dhammacakkhuṃ paṭilabheyya, yaso ca evaṃ tena yāciyamāno kathaṃ taṃ vikkhepaṃ paṭibāhitvā arahatte patiṭṭhaheyya.
зд̇ад̣̇авожаад̇и бхаг̇авад̇о д̇хаммад̣̇зсанам̣ аб̣бханумод̣̇амаано зд̇ам̣ ‘‘абхигганд̇ам̣ бханд̇з’’д̇иаад̣̇иважанам̣ авожа. абхигганд̇а-сад̣̇д̣̇о жааяамид̇ха аб̣бханумод̣̇анз, д̇асмаа саад̇ху саад̇ху бханд̇зд̇и вуд̇д̇ам̣ ход̇и.
Etadavocāti bhagavato dhammadesanaṃ abbhanumodamāno etaṃ ‘‘abhikkantaṃ bhante’’tiādivacanaṃ avoca. Abhikkanta-saddo cāyamidha abbhanumodane, tasmā sādhu sādhu bhanteti vuttaṃ hoti.
‘‘бхаяз год̇хз басам̣сааяам̣, д̇урид̇з год̇уухалажчарз;
‘‘Bhaye kodhe pasaṃsāyaṃ, turite kotūhalacchare;
хаасз согз басаад̣̇з жа, гарз аамзд̣ид̇ам̣ б̣уд̇хо’’д̇и. –
Hāse soke pasāde ca, kare āmeḍitaṃ budho’’ti. –
иминаава лагкан̣зна ид̇ха басаад̣̇авасзна басам̣саавасзна жааяам̣ д̣̇вигкад̇д̇ум̣ вуд̇д̇од̇и взд̣̇ид̇аб̣б̣о. сзяяат̇аабийд̇иаад̣̇инаа жад̇уухи убамаахи бхаг̇авад̇о д̣̇зсанам̣ т̇омзд̇и. д̇ад̇т̇а ниггуж̇ж̇ид̇анд̇и ад̇хомукатабид̇ам̣, хздтаамукаж̇аад̇ам̣ ваа. уггуж̇ж̇зяяаад̇и убаримукам̣ гарзяяа. бадижчаннанд̇и д̇ин̣абан̣н̣аад̣̇ичаад̣̇ид̇ам̣. виварзяяаад̇и уг̇гхаадзяяа. муул̣хассаад̇и д̣̇исаамуул̣хасса. маг̇г̇ам̣ аажигкзяяаад̇и хад̇т̇з г̇ахзд̇ваа ‘‘зса маг̇г̇о’’д̇и вад̣̇зяяа. анд̇хагаарзд̇и гаал̣абагкажаад̇уд̣̇д̣̇асий ад̣дхарад̇д̇и гханаванасан̣д̣амзгхабадалзхи жад̇уран̇г̇ад̇амз.
Imināva lakkhaṇena idha pasādavasena pasaṃsāvasena cāyaṃ dvikkhattuṃ vuttoti veditabbo. Seyyathāpītiādinā catūhi upamāhi bhagavato desanaṃ thometi. Tattha nikkujjitanti adhomukhaṭhapitaṃ, heṭṭhāmukhajātaṃ vā. Ukkujjeyyāti uparimukhaṃ kareyya. Paṭicchannanti tiṇapaṇṇādichāditaṃ. Vivareyyāti ugghāṭeyya. Mūḷhassāti disāmūḷhassa. Maggaṃ ācikkheyyāti hatthe gahetvā ‘‘esa maggo’’ti vadeyya. Andhakāreti kāḷapakkhacātuddasī aḍḍharatti ghanavanasaṇḍameghapaṭalehi caturaṅgatame.
звам̣ д̣̇зсанам̣ т̇омзд̇ваа имааяа д̣̇зсанааяа рад̇анад̇д̇аяз басаннажид̇д̇о басаннаагаарам̣ гаронд̇о ‘‘зсааха’’нд̇иаад̣̇имааха. д̇ад̇т̇а зсааханд̇и зсо ахам̣. убаасагам̣ мам̣ бхаг̇аваа д̇хаарзд̇ууд̇и мам̣ бхаг̇аваа ‘‘убаасаго аяа’’нд̇и звам̣ д̇хаарзд̇у, ж̇аанаад̇ууд̇и ад̇т̇о. аж̇ж̇ад̇аг̇г̇зд̇и зд̇т̇ааяам̣ аг̇г̇а-сад̣̇д̣̇о аад̣̇иад̇т̇з, д̇асмаа аж̇ж̇ад̇аг̇г̇зд̇и аж̇ж̇ад̇ам̣ аад̣̇им̣ гад̇ваад̇и звамад̇т̇о взд̣̇ид̇аб̣б̣о. аж̇ж̇ад̇анд̇и аж̇ж̇абхаавам̣. ‘‘аж̇ж̇ад̣̇аг̇г̇з’’д̇и ваа баато, д̣̇а-гааро бад̣̇асанд̇хигаро, аж̇ж̇а аг̇г̇ам̣ гад̇ваад̇и ад̇т̇о. баан̣убзд̇анд̇и баан̣зхи убзд̇ам̣. яаава мз ж̇ийвид̇ам̣ бавад̇д̇ад̇и, д̇аава убзд̇ам̣, анан̃н̃асад̇т̇угам̣ д̇ийхи саран̣аг̇аманзхи саран̣ам̣ г̇ад̇ам̣ убаасагам̣ габбияагаарагам̣ мам̣ бхаг̇аваа д̇хаарзд̇у ж̇аанаад̇у. ахан̃хи сажзби мз д̇икин̣зна асинаа сийсам̣ чинд̣̇зяяа, нзва б̣уд̣̇д̇хам̣ ‘‘на б̣уд̣̇д̇хо’’д̇и ваа, д̇хаммам̣ ‘‘на д̇хаммо’’д̇и ваа, сан̇гхам̣ ‘‘на сан̇гхо’’д̇и ваа вад̣̇зяяанд̇и звам̣ ад̇д̇асаннияяаад̇анзна саран̣ам̣ аг̇амааси. звам̣ ‘‘абхигганд̇а’’нд̇иаад̣̇ийнам̣ ануд̇д̇аанабад̣̇ад̇т̇о взд̣̇ид̇аб̣б̣о, вид̇т̇ааро бана хздтаа взран̃ж̇аган̣д̣аван̣н̣анааяам̣ ааг̇ад̇оязваад̇и ид̇ха на д̣̇ассид̇о.
Evaṃ desanaṃ thometvā imāya desanāya ratanattaye pasannacitto pasannākāraṃ karonto ‘‘esāha’’ntiādimāha. Tattha esāhanti eso ahaṃ. Upāsakaṃ maṃ bhagavā dhāretūti maṃ bhagavā ‘‘upāsako aya’’nti evaṃ dhāretu, jānātūti attho. Ajjataggeti etthāyaṃ agga-saddo ādiatthe, tasmā ajjataggeti ajjataṃ ādiṃ katvāti evamattho veditabbo. Ajjatanti ajjabhāvaṃ. ‘‘Ajjadagge’’ti vā pāṭho, da-kāro padasandhikaro, ajja aggaṃ katvāti attho. Pāṇupetanti pāṇehi upetaṃ. Yāva me jīvitaṃ pavattati, tāva upetaṃ, anaññasatthukaṃ tīhi saraṇagamanehi saraṇaṃ gataṃ upāsakaṃ kappiyakārakaṃ maṃ bhagavā dhāretu jānātu. Ahañhi sacepi me tikhiṇena asinā sīsaṃ chindeyya, neva buddhaṃ ‘‘na buddho’’ti vā, dhammaṃ ‘‘na dhammo’’ti vā, saṅghaṃ ‘‘na saṅgho’’ti vā vadeyyanti evaṃ attasanniyyātanena saraṇaṃ agamāsi. Evaṃ ‘‘abhikkanta’’ntiādīnaṃ anuttānapadattho veditabbo, vitthāro pana heṭṭhā verañjakaṇḍavaṇṇanāyaṃ āgatoyevāti idha na dassito.
28. бхуумим̣ бажжавзгканд̇ассаад̇и ад̇д̇анаа д̣̇идтамад̇т̇ам̣ бажжавзгканд̇асса. ид̣̇д̇хаабхисан̇каарам̣ бадиббассамбхзсийд̇и яат̇аа д̇ам̣ сздти г̇ахабад̇и д̇ад̇т̇а нисиннова яасам̣ гулабуд̇д̇ам̣ бассад̇и, д̇ат̇аа ад̇хидтаасийд̇и ад̇т̇о. ад̇хиваасзд̇ууд̇и самбадижчад̇у. аж̇ж̇ад̇анааяаад̇и яам̣ мз д̇умхзсу саггаарам̣ гарод̇о аж̇ж̇а бхависсад̇и бун̃н̃ан̃жа бийд̇ибаамож̇ж̇ан̃жа, д̇ад̣̇ад̇т̇ааяа. ад̇хиваасзси бхаг̇аваа д̇ун̣хийбхаавзнаад̇и бхаг̇аваа гааяан̇г̇ам̣ ваа ваажан̇г̇ам̣ ваа ажобзд̇ваа аб̣бханд̇арзязва канд̇им̣ гаронд̇о д̇ун̣хийбхаавзна ад̇хиваасзси, сздтисса ануг̇г̇ахад̇т̇ам̣ манасаава самбадижчийд̇и вуд̇д̇ам̣ ход̇и. ‘‘зхи бхигкуу’’д̇и бхаг̇аваа авожаад̇и д̇асса гира ид̣̇д̇химаяабад̇д̇ажийварасса убаниссаяам̣ ологзнд̇о анзгаасу ж̇аад̇ийсу жийвараад̣̇иадтабаригкаарад̣̇аанам̣ д̣̇исваа ‘‘зхи бхигкуу’’д̇и авожа. со д̇аавад̣̇зва бхан̣д̣у гаасаававасано адтахи бхигкубаригкаарзхи сарийрз бадимуггзхзва вассасадтигад̇т̇зро вияа бхаг̇аванд̇ам̣ намассамаанова нисийд̣̇и. яо хи жийвараад̣̇игз адта баригкаарз бад̇д̇ажийварамзва ваа сод̇аабаннаад̣̇иарияасса бут̇уж̇ж̇анассзва ваа сийласамбаннасса д̣̇ад̇ваа ‘‘ид̣̇ам̣ баригкаарад̣̇аанам̣ анааг̇ад̇з зхибхигкубхаавааяа бажжаяо ход̇уу’’д̇и бад̇т̇анам̣ бадтабзд̇и, д̇асса д̇ам̣ сад̇и ад̇хигаарасамбад̇д̇ияам̣ б̣уд̣̇д̇хаанам̣ саммукийбхаавз ид̣̇д̇химаяабаригкааралаабхааяа сам̣вад̇д̇ад̇ийд̇и взд̣̇ид̇аб̣б̣ам̣.
28.Bhūmiṃ paccavekkhantassāti attanā diṭṭhamatthaṃ paccavekkhantassa. Iddhābhisaṅkhāraṃ paṭippassambhesīti yathā taṃ seṭṭhi gahapati tattha nisinnova yasaṃ kulaputtaṃ passati, tathā adhiṭṭhāsīti attho. Adhivāsetūti sampaṭicchatu. Ajjatanāyāti yaṃ me tumhesu sakkāraṃ karoto ajja bhavissati puññañca pītipāmojjañca, tadatthāya. Adhivāsesi bhagavā tuṇhībhāvenāti bhagavā kāyaṅgaṃ vā vācaṅgaṃ vā acopetvā abbhantareyeva khantiṃ karonto tuṇhībhāvena adhivāsesi, seṭṭhissa anuggahatthaṃ manasāva sampaṭicchīti vuttaṃ hoti. ‘‘Ehi bhikkhū’’ti bhagavā avocāti tassa kira iddhimayapattacīvarassa upanissayaṃ olokento anekāsu jātīsu cīvarādiaṭṭhaparikkhāradānaṃ disvā ‘‘ehi bhikkhū’’ti avoca. So tāvadeva bhaṇḍu kāsāvavasano aṭṭhahi bhikkhuparikkhārehi sarīre paṭimukkeheva vassasaṭṭhikatthero viya bhagavantaṃ namassamānova nisīdi. Yo hi cīvarādike aṭṭha parikkhāre pattacīvarameva vā sotāpannādiariyassa puthujjanasseva vā sīlasampannassa datvā ‘‘idaṃ parikkhāradānaṃ anāgate ehibhikkhubhāvāya paccayo hotū’’ti patthanaṃ paṭṭhapeti, tassa taṃ sati adhikārasampattiyaṃ buddhānaṃ sammukhībhāve iddhimayaparikkhāralābhāya saṃvattatīti veditabbaṃ.
29. бан̣ийд̇знаад̇и уд̇д̇амзна. сахад̇т̇аад̇и сахад̇т̇зна. санд̇аббзд̇ваад̇и судту д̇аббзд̇ваа, барибун̣н̣ам̣ сухид̇ам̣ яаавад̣̇ад̇т̇ам̣ гад̇ваа. самбаваарзд̇ваад̇и судту баваарзд̇ваа, алам̣ аланд̇и хад̇т̇асан̃н̃ааяа бадигкибаабзд̇ваа. бхуд̇д̇аавинд̇и бхуд̇д̇аванд̇ам̣ . онийд̇абад̇д̇абаан̣инд̇и бад̇д̇ад̇о онийд̇абаан̣им̣, абанийд̇ахад̇т̇анд̇и вуд̇д̇ам̣ ход̇и. ‘‘онид̇д̇абад̇д̇абаан̣и’’нд̇иби баато, д̇ассад̇т̇о – онид̇д̇ам̣ наанаабхууд̇ам̣ винаабхууд̇ам̣ бад̇д̇ам̣ баан̣ид̇о ассаад̇и онид̇д̇абад̇д̇абаан̣и, д̇ам̣ онид̇д̇абад̇д̇абаан̣им̣, хад̇т̇з жа бад̇д̇ан̃жа д̇ховид̇ваа згаманд̇ам̣ бад̇д̇ам̣ нигкибид̇ваа нисиннанд̇и ад̇т̇о. згаманд̇ам̣ нисийд̣̇им̣сууд̇и бхаг̇аванд̇ам̣ звам̣бхууд̇ам̣ н̃ад̇ваа згасмим̣ огаасз нисийд̣̇им̣сууд̇и ад̇т̇о. д̇хаммияаа гат̇ааяаад̇иаад̣̇ийсу д̇ан̇кан̣аануруубааяа д̇хаммияаа гат̇ааяа д̣̇идтад̇хаммигасамбарааяигаад̇т̇ам̣ санд̣̇ассзд̇ваа гусалз жа д̇хаммз самаад̣̇абзд̇ваа д̇ад̇т̇а жа нам̣ самуд̇д̇зж̇зд̇ваа сауссаахам̣ гад̇ваа д̇ааяа жа сауссаахад̇ааяа ан̃н̃зхи жа виж̇ж̇амаанаг̇ун̣зхи самбахам̣сзд̇ваа д̇хаммарад̇анавассам̣ вассид̇ваа удтааяаасанаа баггаами.
29.Paṇītenāti uttamena. Sahatthāti sahatthena. Santappetvāti suṭṭhu tappetvā, paripuṇṇaṃ suhitaṃ yāvadatthaṃ katvā. Sampavāretvāti suṭṭhu pavāretvā, alaṃ alanti hatthasaññāya paṭikkhipāpetvā. Bhuttāvinti bhuttavantaṃ . Onītapattapāṇinti pattato onītapāṇiṃ, apanītahatthanti vuttaṃ hoti. ‘‘Onittapattapāṇi’’ntipi pāṭho, tassattho – onittaṃ nānābhūtaṃ vinābhūtaṃ pattaṃ pāṇito assāti onittapattapāṇi, taṃ onittapattapāṇiṃ, hatthe ca pattañca dhovitvā ekamantaṃ pattaṃ nikkhipitvā nisinnanti attho. Ekamantaṃ nisīdiṃsūti bhagavantaṃ evaṃbhūtaṃ ñatvā ekasmiṃ okāse nisīdiṃsūti attho. Dhammiyā kathāyātiādīsu taṅkhaṇānurūpāya dhammiyā kathāya diṭṭhadhammikasamparāyikaatthaṃ sandassetvā kusale ca dhamme samādapetvā tattha ca naṃ samuttejetvā saussāhaṃ katvā tāya ca saussāhatāya aññehi ca vijjamānaguṇehi sampahaṃsetvā dhammaratanavassaṃ vassitvā uṭṭhāyāsanā pakkāmi.
яасасса баб̣б̣аж̇ж̇аагат̇ааван̣н̣анаа нидтид̇аа.
Yasassa pabbajjākathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 7. баб̣б̣аж̇ж̇аагат̇аа • 7. Pabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баб̣б̣аж̇ж̇аагат̇ааван̣н̣анаа • Pabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баб̣б̣аж̇ж̇аагат̇ааван̣н̣анаа • Pabbajjākathāvaṇṇanā
