| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
6. යසසුත්‌තවණ්‌ණනා
6. Yasasuttavaṇṇanā
86. ඡට්‌ඨෙ මා ච මයා යසොති යසො ච මයා සද්‌ධිං මා ගඤ්‌ඡි. අකසිරලාභීති විපුලලාභී. සීලපඤ්‌ඤාණන්‌ති සීලඤ්‌චෙව ඤාණඤ්‌ච. සඞ්‌ගම්‌මාති සන්‌නිපතිත්‌වා. සමාගම්‌මාති සමාගන්‌ත්‌වා. සඞ්‌ගණිකවිහාරන්‌ති ගණසඞ්‌ගණිකවිහාරං. න හි නූනමෙති න හි නූන ඉමෙ. තථා හි පනමෙති තථා හි පන ඉමෙ. අඞ්‌ගුලිපතොදකෙහීති අඞ්‌ගුලිපතොදයට්‌ඨිං කත්‌වා විජ්‌ඣනෙන. සඤ්‌ජග්‌ඝන්‌තෙති මහාහසිතං හසන්‌තෙ. සංකීළන්‌තෙති කෙළිං කරොන්‌තෙ.
86. Chaṭṭhe mā ca mayā yasoti yaso ca mayā saddhiṃ mā gañchi. Akasiralābhīti vipulalābhī. Sīlapaññāṇanti sīlañceva ñāṇañca. Saṅgammāti sannipatitvā. Samāgammāti samāgantvā. Saṅgaṇikavihāranti gaṇasaṅgaṇikavihāraṃ. Na hi nūnameti na hi nūna ime. Tathā hi panameti tathā hi pana ime. Aṅgulipatodakehīti aṅgulipatodayaṭṭhiṃ katvā vijjhanena. Sañjagghanteti mahāhasitaṃ hasante. Saṃkīḷanteti keḷiṃ karonte.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 6. යසසුත්‌තං • 6. Yasasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. සද්‌ධාසුත්‌තාදිවණ්‌ණනා • 1-10. Saddhāsuttādivaṇṇanā
