| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
56. яасаваг̇г̇о
56. Yasavaggo
1. яасад̇т̇зраабад̣̇аанаван̣н̣анаа
1. Yasattheraapadānavaṇṇanā
чаббан̃н̃аасамз ваг̇г̇з батамаабад̣̇аанз махаасамуд̣̇д̣̇ам̣ ог̇г̇аяхаад̇иаад̣̇игам̣ ааяасмад̇о яасад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сумзд̇хасса бхаг̇авад̇о гаалз махаанубхааво нааг̇арааж̇аа худ̇ваа б̣уд̣̇д̇хаббамукам̣ бхигкусан̇гхам̣ ад̇д̇ано бхаванам̣ нзд̇ваа махаад̣̇аанам̣ бавад̇д̇зси, бхаг̇аванд̇ам̣ махаг̇гхзна д̇ижийварзна ажчаад̣̇зси, згзган̃жа бхигкум̣ махаг̇гхзнзва бажжзгад̣̇уссаяуг̇зна саб̣б̣зна жа саман̣абаригкаарзна. со д̇зна бун̃н̃агаммзна д̣̇звамануссзсу сам̣саранд̇о сид̣̇д̇хад̇т̇асса бхаг̇авад̇о гаалз сздтибуд̇д̇о худ̇ваа махааб̣од̇химан̣д̣алам̣ сад̇д̇ахи рад̇анзхи бууж̇зси. гассабасса бхаг̇авад̇о гаалз саасанз баб̣б̣аж̇ид̇ваа саман̣ад̇хаммам̣ агааси. звам̣ со суг̇ад̇ийсуязва сам̣саранд̇о амхаагам̣ бхаг̇авад̇о гаалз б̣аараан̣асияам̣ махаавибхавасса сздтино буд̇д̇о худ̇ваа суж̇аад̇ааяа бхаг̇авад̇о кийрабааяаасам̣ д̣̇иннааяа сздтид̇хийд̇ааяа гужчимхи ниб̣б̣ад̇д̇и, яасо наама наамзна барамасукумаало. д̇асса д̇аяо баасаад̣̇аа хонд̇и – зго хзманд̇иго, зго г̇имхиго, зго вассигод̇и. со вассигз баасаад̣̇з вассигз жад̇д̇ааро маасз ниббурисзхи д̇ууриязхи барижаараяамаано васад̇и, хздтаабаасаад̣̇ам̣ на од̇арад̇и. хзманд̇игз баасаад̣̇з жад̇д̇ааро маасз супусид̇аваад̇абаанагаваадз д̇ад̇т̇зва бадивасад̇и. г̇имхигз баасаад̣̇з б̣ахугаваадаваад̇абаанаж̇аалаахи самбаннз д̇ад̇т̇зва васад̇и. хад̇т̇абаад̣̇аанам̣ сукумаалад̇ааяа бхуумияам̣ нисаж̇ж̇аад̣̇игижжам̣ над̇т̇и. симб̣алид̇улаад̣̇ибун̣н̣асабхаавз ад̇т̇арид̇ваа д̇ад̇т̇а убад̇хаанаани гижжаани гарод̇и. звам̣ д̣̇звалогз д̣̇звагумааро вияа бан̃жахи гаамаг̇ун̣зхи самаббид̇асса саман̇г̇ийбхууд̇асса барижаараяамаанасса бадигажжзва нид̣̇д̣̇аа оггами, бариж̇анассааби нид̣̇д̣̇аа оггами, саб̣б̣арад̇д̇ияо жа д̇злабад̣̇ийбо жхааяад̇и. ат̇а ко яасо гулабуд̇д̇о бадигажжзва баб̣уж̇жхид̇ваа ад̣̇д̣̇аса сагам̣ бариж̇анам̣ субанд̇ам̣ ан̃н̃иссаа гажчз вийн̣ам̣, ан̃н̃иссаа ган̣тз муд̣̇ин̇г̇ам̣, ан̃н̃иссаа гажчз аал̣амб̣арам̣, ан̃н̃ам̣ вигзсигам̣, вигкзл̣игам̣, ан̃н̃аа виббалабанд̇ияо хад̇т̇абад̇д̇ам̣ сусаанам̣ ман̃н̃з, д̣̇исваанасса аад̣̇ийнаво баад̇урахоси, ниб̣б̣ид̣̇ааяа жид̇д̇ам̣ сан̣тааси. ат̇а ко яасо гулабуд̇д̇о уд̣̇аанам̣ уд̣̇аанзси – ‘‘убад̣̇д̣̇уд̇ам̣ вад̇а бхо, убассадтам̣ вад̇а бхо’’д̇и.
Chappaññāsame vagge paṭhamāpadāne mahāsamuddaṃ oggayhātiādikaṃ āyasmato yasattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle mahānubhāvo nāgarājā hutvā buddhappamukhaṃ bhikkhusaṅghaṃ attano bhavanaṃ netvā mahādānaṃ pavattesi, bhagavantaṃ mahagghena ticīvarena acchādesi, ekekañca bhikkhuṃ mahaggheneva paccekadussayugena sabbena ca samaṇaparikkhārena. So tena puññakammena devamanussesu saṃsaranto siddhatthassa bhagavato kāle seṭṭhiputto hutvā mahābodhimaṇḍalaṃ sattahi ratanehi pūjesi. Kassapassa bhagavato kāle sāsane pabbajitvā samaṇadhammaṃ akāsi. Evaṃ so sugatīsuyeva saṃsaranto amhākaṃ bhagavato kāle bārāṇasiyaṃ mahāvibhavassa seṭṭhino putto hutvā sujātāya bhagavato khīrapāyāsaṃ dinnāya seṭṭhidhītāya kucchimhi nibbatti, yaso nāma nāmena paramasukhumālo. Tassa tayo pāsādā honti – eko hemantiko, eko gimhiko, eko vassikoti. So vassike pāsāde vassike cattāro māse nippurisehi tūriyehi paricārayamāno vasati, heṭṭhāpāsādaṃ na otarati. Hemantike pāsāde cattāro māse suphusitavātapānakavāṭe tattheva paṭivasati. Gimhike pāsāde bahukavāṭavātapānajālāhi sampanne tattheva vasati. Hatthapādānaṃ sukhumālatāya bhūmiyaṃ nisajjādikiccaṃ natthi. Simbalitulādipuṇṇasabhāve attharitvā tattha upadhānāni kiccāni karoti. Evaṃ devaloke devakumāro viya pañcahi kāmaguṇehi samappitassa samaṅgībhūtassa paricārayamānassa paṭikacceva niddā okkami, parijanassāpi niddā okkami, sabbarattiyo ca telapadīpo jhāyati. Atha kho yaso kulaputto paṭikacceva pabujjhitvā addasa sakaṃ parijanaṃ supantaṃ aññissā kacche vīṇaṃ, aññissā kaṇṭhe mudiṅgaṃ, aññissā kacche āḷambaraṃ, aññaṃ vikesikaṃ, vikkheḷikaṃ, aññā vippalapantiyo hatthapattaṃ susānaṃ maññe, disvānassa ādīnavo pāturahosi, nibbidāya cittaṃ saṇṭhāsi. Atha kho yaso kulaputto udānaṃ udānesi – ‘‘upaddutaṃ vata bho, upassaṭṭhaṃ vata bho’’ti.
ат̇а ко яасо гулабуд̇д̇о суван̣н̣абаад̣̇угааяо аарохид̇ваа язна нивзсанад̣̇ваарам̣ д̇знубасан̇гами, амануссаа д̣̇ваарам̣ виварим̣су – ‘‘маа яасасса гулабуд̇д̇асса гожи анд̇арааяамагааси аг̇аарасмаа анаг̇аарияам̣ баб̣б̣аж̇ж̇ааяаа’’д̇и. ат̇а ко яасо гулабуд̇д̇о язна наг̇арад̣̇ваарам̣ д̇знубасан̇гами, амануссаа д̣̇ваарам̣ виварим̣су – ‘‘маа яасасса гулабуд̇д̇асса гожи анд̇арааяамагааси аг̇аарасмаа анаг̇аарияам̣ баб̣б̣аж̇ж̇ааяаа’’д̇и. ат̇а ко яасо гулабуд̇д̇о язна исибад̇анам̣ миг̇ад̣̇ааяо д̇знубасан̇гами.
Atha kho yaso kulaputto suvaṇṇapādukāyo ārohitvā yena nivesanadvāraṃ tenupasaṅkami, amanussā dvāraṃ vivariṃsu – ‘‘mā yasassa kulaputtassa koci antarāyamakāsi agārasmā anagāriyaṃ pabbajjāyā’’ti. Atha kho yaso kulaputto yena nagaradvāraṃ tenupasaṅkami, amanussā dvāraṃ vivariṃsu – ‘‘mā yasassa kulaputtassa koci antarāyamakāsi agārasmā anagāriyaṃ pabbajjāyā’’ti. Atha kho yaso kulaputto yena isipatanaṃ migadāyo tenupasaṅkami.
д̇зна ко бана самаязна бхаг̇аваа рад̇д̇ияаа бажжуусасамаяам̣ бажжудтааяа аж̇жхогаасз жан̇гамад̇и, ад̣̇д̣̇асаа ко бхаг̇аваа яасам̣ гулабуд̇д̇ам̣ д̣̇уурад̇ова ааг̇ажчанд̇ам̣, д̣̇исваана жан̇гамаа орохид̇ваа бан̃н̃ад̇д̇з аасанз нисийд̣̇и. ат̇а ко яасо гулабуд̇д̇о бхаг̇авад̇о авид̣̇уурз уд̣̇аанам̣ уд̣̇аанзси – ‘‘убад̣̇д̣̇уд̇ам̣ вад̇а бхо, убассадтам̣ вад̇а бхо’’д̇и. ат̇а ко бхаг̇аваа яасам̣ гулабуд̇д̇ам̣ зд̇ад̣̇авожа – ‘‘ид̣̇ам̣ ко, яаса, анубад̣̇д̣̇уд̇ам̣, ид̣̇ам̣ анубассадтам̣, зхи, яаса, нисийд̣̇а, д̇хаммам̣ д̇з д̣̇зсзссаамий’’д̇и. ат̇а ко яасо гулабуд̇д̇о, ‘‘ид̣̇ам̣ гира анубад̣̇д̣̇уд̇ам̣, ид̣̇ам̣ анубассадта’’нд̇и хадто уд̣̇аг̇г̇о суван̣н̣абаад̣̇угаахи орохид̇ваа язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и, згаманд̇ам̣ нисиннасса ко яасасса гулабуд̇д̇асса бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣, д̣̇аанагат̇ам̣ сийлагат̇ам̣ саг̇г̇агат̇ам̣ гаамаанам̣ аад̣̇ийнавам̣ огаарам̣ сам̣гилзсам̣ нзгкаммз аанисам̣сам̣ багаасзси. яад̣̇аа бхаг̇аваа ан̃н̃ааси яасам̣ гулабуд̇д̇ам̣ галлажид̇д̇ам̣ муд̣̇ужид̇д̇ам̣ винийваран̣ажид̇д̇ам̣ уд̣̇аг̇г̇ажид̇д̇ам̣ басаннажид̇д̇ам̣, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа, д̇ам̣ багаасзси д̣̇угкам̣ самуд̣̇аяам̣ нирод̇хам̣ маг̇г̇ам̣. сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа, звамзва яасасса гулабуд̇д̇асса д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и.
Tena kho pana samayena bhagavā rattiyā paccūsasamayaṃ paccuṭṭhāya ajjhokāse caṅkamati, addasā kho bhagavā yasaṃ kulaputtaṃ dūratova āgacchantaṃ, disvāna caṅkamā orohitvā paññatte āsane nisīdi. Atha kho yaso kulaputto bhagavato avidūre udānaṃ udānesi – ‘‘upaddutaṃ vata bho, upassaṭṭhaṃ vata bho’’ti. Atha kho bhagavā yasaṃ kulaputtaṃ etadavoca – ‘‘idaṃ kho, yasa, anupaddutaṃ, idaṃ anupassaṭṭhaṃ, ehi, yasa, nisīda, dhammaṃ te desessāmī’’ti. Atha kho yaso kulaputto, ‘‘idaṃ kira anupaddutaṃ, idaṃ anupassaṭṭha’’nti haṭṭho udaggo suvaṇṇapādukāhi orohitvā yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi, ekamantaṃ nisinnassa kho yasassa kulaputtassa bhagavā anupubbiṃ kathaṃ kathesi, seyyathidaṃ, dānakathaṃ sīlakathaṃ saggakathaṃ kāmānaṃ ādīnavaṃ okāraṃ saṃkilesaṃ nekkhamme ānisaṃsaṃ pakāsesi. Yadā bhagavā aññāsi yasaṃ kulaputtaṃ kallacittaṃ muducittaṃ vinīvaraṇacittaṃ udaggacittaṃ pasannacittaṃ, atha yā buddhānaṃ sāmukkaṃsikā dhammadesanā, taṃ pakāsesi dukkhaṃ samudayaṃ nirodhaṃ maggaṃ. Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya, evameva yasassa kulaputtassa tasmiṃyeva āsane virajaṃ vītamalaṃ dhammacakkhuṃ udapādi – ‘‘yaṃ kiñci samudayadhammaṃ, sabbaṃ taṃ nirodhadhamma’’nti.
ат̇а ко яасасса гулабуд̇д̇асса маад̇аа баасаад̣̇ам̣ абхирухид̇ваа яасам̣ гулабуд̇д̇ам̣ абассанд̇ий язна сздти г̇ахабад̇и д̇знубасан̇гами; убасан̇гамид̇ваа сздтим̣ г̇ахабад̇им̣ зд̇ад̣̇авожа – ‘‘буд̇д̇о д̇з г̇ахабад̇и яасо на д̣̇иссад̇ий’’д̇и. ат̇а ко, сздти г̇ахабад̇и, жад̇уд̣̇д̣̇исаа ассад̣̇ууд̇з уяяож̇зд̇ваа саамам̣язва язна исибад̇анам̣ миг̇ад̣̇ааяо д̇знубасан̇гами. ад̣̇д̣̇асаа ко, сздти г̇ахабад̇и, суван̣н̣абаад̣̇угаанам̣ нигкзбам̣, д̣̇исваана д̇ам̣язва ануг̇амааси. ад̣̇д̣̇асаа ко бхаг̇аваа сздтим̣ г̇ахабад̇им̣ д̣̇уурад̇ова ааг̇ажчанд̇ам̣, д̣̇исваана бхаг̇авад̇о зд̇ад̣̇ахоси – ‘‘яам̣нуунаахам̣ д̇ат̇ааруубам̣ ид̣̇д̇хаабхисан̇каарам̣ абхисан̇карзяяам̣, яат̇аа сздти г̇ахабад̇и ид̇ха нисинно ид̇ха нисиннам̣ яасам̣ гулабуд̇д̇ам̣ на бассзяяаа’’д̇и. ат̇а ко бхаг̇аваа д̇ат̇ааруубам̣ ид̣̇д̇хаабхисан̇каарам̣ абхисан̇карзси. ат̇а ко сздти г̇ахабад̇и язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ зд̇ад̣̇авожа – ‘‘аби, бханд̇з, бхаг̇аваа яасам̣ гулабуд̇д̇ам̣ бассзяяаа’’д̇и. д̇зна хи г̇ахабад̇и нисийд̣̇а, аббзва наама ид̇ха нисинно ид̇ха нисиннам̣ яасам̣ гулабуд̇д̇ам̣ бассзяяаасийд̇и. ат̇а ко сздти г̇ахабад̇и ‘‘ид̇хзва гираахам̣ нисинно ид̇ха нисиннам̣ яасам̣ гулабуд̇д̇ам̣ бассиссаамий’’д̇и хадто уд̣̇аг̇г̇о бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и, згаманд̇ам̣ нисиннасса ко сздтисса г̇ахабад̇исса бхаг̇аваа анубуб̣б̣им̣ гат̇ам̣ гат̇зси…бз… абараббажжаяо ад̇т̇у саасанз бхаг̇аванд̇ам̣ зд̇ад̣̇авожа – ‘‘абхигганд̇ам̣ бханд̇з, абхигганд̇ам̣ бханд̇з, сзяяат̇ааби , бханд̇з, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа ‘жагкуманд̇о руубаани д̣̇агканд̇ий’д̇и, звамзвам̣ бхаг̇авад̇аа анзгабарияааязна д̇хаммо багаасид̇о. зсаахам̣, бханд̇з, бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жа, убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. сова логз батамам̣ убаасаго ахоси д̇зваажиго.
Atha kho yasassa kulaputtassa mātā pāsādaṃ abhiruhitvā yasaṃ kulaputtaṃ apassantī yena seṭṭhi gahapati tenupasaṅkami; upasaṅkamitvā seṭṭhiṃ gahapatiṃ etadavoca – ‘‘putto te gahapati yaso na dissatī’’ti. Atha kho, seṭṭhi gahapati, catuddisā assadūte uyyojetvā sāmaṃyeva yena isipatanaṃ migadāyo tenupasaṅkami. Addasā kho, seṭṭhi gahapati, suvaṇṇapādukānaṃ nikkhepaṃ, disvāna taṃyeva anugamāsi. Addasā kho bhagavā seṭṭhiṃ gahapatiṃ dūratova āgacchantaṃ, disvāna bhagavato etadahosi – ‘‘yaṃnūnāhaṃ tathārūpaṃ iddhābhisaṅkhāraṃ abhisaṅkhareyyaṃ, yathā seṭṭhi gahapati idha nisinno idha nisinnaṃ yasaṃ kulaputtaṃ na passeyyā’’ti. Atha kho bhagavā tathārūpaṃ iddhābhisaṅkhāraṃ abhisaṅkharesi. Atha kho seṭṭhi gahapati yena bhagavā tenupasaṅkami ; upasaṅkamitvā bhagavantaṃ etadavoca – ‘‘api, bhante, bhagavā yasaṃ kulaputtaṃ passeyyā’’ti. Tena hi gahapati nisīda, appeva nāma idha nisinno idha nisinnaṃ yasaṃ kulaputtaṃ passeyyāsīti. Atha kho seṭṭhi gahapati ‘‘idheva kirāhaṃ nisinno idha nisinnaṃ yasaṃ kulaputtaṃ passissāmī’’ti haṭṭho udaggo bhagavantaṃ abhivādetvā ekamantaṃ nisīdi, ekamantaṃ nisinnassa kho seṭṭhissa gahapatissa bhagavā anupubbiṃ kathaṃ kathesi…pe… aparappaccayo atthu sāsane bhagavantaṃ etadavoca – ‘‘abhikkantaṃ bhante, abhikkantaṃ bhante, seyyathāpi , bhante, nikkujjitaṃ vā ukkujjeyya, paṭicchannaṃ vā vivareyya mūḷhassa vā maggaṃ ācikkheyya, andhakāre vā telapajjotaṃ dhāreyya ‘cakkhumanto rūpāni dakkhantī’ti, evamevaṃ bhagavatā anekapariyāyena dhammo pakāsito. Esāhaṃ, bhante, bhagavantaṃ saraṇaṃ gacchāmi dhammañca bhikkhusaṅghañca, upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti. Sova loke paṭhamaṃ upāsako ahosi tevāciko.
ат̇а ко яасасса гулабуд̇д̇асса бид̇уно д̇хаммз д̣̇зсияамаанз яат̇аад̣̇идтам̣ яат̇аавид̣̇ид̇ам̣ бхуумим̣ бажжавзгканд̇асса анубаад̣̇ааяа ааяавзхи жид̇д̇ам̣ вимужжи. ат̇а ко бхаг̇авад̇о зд̇ад̣̇ахоси – ‘‘яасасса ко гулабуд̇д̇асса бид̇уно д̇хаммз д̣̇зсияамаанз яат̇аад̣̇идтам̣ яат̇аавид̣̇ид̇ам̣ бхуумим̣ бажжавзгканд̇асса анубаад̣̇ааяа аасавзхи жид̇д̇ам̣ вимуд̇д̇ам̣, абхаб̣б̣о ко яасо гулабуд̇д̇о хийнааяаавад̇д̇ид̇ваа гаамз барибхун̃ж̇ид̇ум̣, сзяяат̇ааби буб̣б̣з аг̇ааригабхууд̇о, яам̣нуунаахам̣ д̇ам̣ ид̣̇д̇хаабхисан̇каарам̣ бадиббассамбхзяяа’’нд̇и. ат̇а ко бхаг̇аваа д̇ам̣ ид̣̇д̇хаабхисан̇каарам̣ бадиббассамбхзси. ад̣̇д̣̇асаа ко сздти г̇ахабад̇и яасам̣ гулабуд̇д̇ам̣ нисиннам̣, д̣̇исваана яасам̣ гулабуд̇д̇ам̣ зд̇ад̣̇авожа – ‘‘маад̇аа д̇з д̇аад̇а, яаса, барид̣̇звасогасамаабаннаа, д̣̇зхи маад̇уяаа ж̇ийвид̇а’’нд̇и. ат̇а ко яасо гулабуд̇д̇о бхаг̇аванд̇ам̣ уллогзси. ат̇а ко бхаг̇аваа сздтим̣ г̇ахабад̇им̣ зд̇ад̣̇авожа – ‘‘д̇ам̣ гим̣ ман̃н̃аси, г̇ахабад̇и, яасса сзгкзна н̃аан̣зна сзгкзна д̣̇ассанзна д̇хаммо д̣̇идто вид̣̇ид̇о сзяяат̇ааби д̇аяаа, д̇асса яат̇аад̣̇идтам̣ яат̇аавид̣̇ид̇ам̣ бхуумим̣ бажжавзгканд̇асса анубаад̣̇ааяа аасавзхи жид̇д̇ам̣ вимуд̇д̇ам̣, бхаб̣б̣о ну ко со, г̇ахабад̇и, хийнааяаавад̇д̇ид̇ваа гаамз барибхун̃ж̇ид̇ум̣ сзяяат̇ааби буб̣б̣з аг̇ааригабхууд̇о’’д̇и? ‘‘но хзд̇ам̣, бханд̇з’’. ‘‘яасасса ко, г̇ахабад̇и, гулабуд̇д̇асса сзгкзна н̃аан̣зна сзгкзна д̣̇ассанзна д̇хаммо д̣̇идто вид̣̇ид̇о сзяяат̇ааби д̇аяаа, д̇асса яат̇аад̣̇идтам̣ яат̇аавид̣̇ид̇ам̣ бхуумим̣ бажжавзгканд̇асса анубаад̣̇ааяа аасавзхи жид̇д̇ам̣ вимуд̇д̇ам̣, абхаб̣б̣о ко, г̇ахабад̇и, яасо гулабуд̇д̇о хийнааяаавад̇д̇ид̇ваа гаамз барибхун̃ж̇ид̇ум̣ сзяяат̇ааби буб̣б̣з аг̇ааригабхууд̇о’’д̇и. ‘‘лаабхаа, бханд̇з, яасасса гулабуд̇д̇асса, сулад̣̇д̇хам̣, бханд̇з, яасасса гулабуд̇д̇асса , яат̇аа яасасса гулабуд̇д̇асса анубаад̣̇ааяа аасавзхи жид̇д̇ам̣ вимуд̇д̇ам̣, ад̇хиваасзд̇у мз, бханд̇з бхаг̇аваа, аж̇ж̇ад̇анааяа бхад̇д̇ам̣ яасзна гулабуд̇д̇зна бажчаасаман̣знаа’’д̇и . ‘‘ад̇хиваасзси бхаг̇аваа д̇ун̣хийбхаавзна’’. ат̇а ко сздти г̇ахабад̇и , бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко яасо гулабуд̇д̇о ажирабагганд̇з сздтимхи г̇ахабад̇имхи бхаг̇аванд̇ам̣ зд̇ад̣̇авожа – ‘‘лабхзяяаахам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и. ‘‘зхи бхигкуу’’д̇и бхаг̇аваа авожа – ‘‘сваагкаад̇о д̇хаммо, жара б̣рахмажарияам̣ саммаа д̣̇угкасса анд̇агирияааяаа’’д̇и, саава д̇асса ааяасмад̇о убасамбад̣̇аа ахоси.
Atha kho yasassa kulaputtassa pituno dhamme desiyamāne yathādiṭṭhaṃ yathāviditaṃ bhūmiṃ paccavekkhantassa anupādāya āyavehi cittaṃ vimucci. Atha kho bhagavato etadahosi – ‘‘yasassa kho kulaputtassa pituno dhamme desiyamāne yathādiṭṭhaṃ yathāviditaṃ bhūmiṃ paccavekkhantassa anupādāya āsavehi cittaṃ vimuttaṃ, abhabbo kho yaso kulaputto hīnāyāvattitvā kāme paribhuñjituṃ, seyyathāpi pubbe agārikabhūto, yaṃnūnāhaṃ taṃ iddhābhisaṅkhāraṃ paṭippassambheyya’’nti. Atha kho bhagavā taṃ iddhābhisaṅkhāraṃ paṭippassambhesi. Addasā kho seṭṭhi gahapati yasaṃ kulaputtaṃ nisinnaṃ, disvāna yasaṃ kulaputtaṃ etadavoca – ‘‘mātā te tāta, yasa, paridevasokasamāpannā, dehi mātuyā jīvita’’nti. Atha kho yaso kulaputto bhagavantaṃ ullokesi. Atha kho bhagavā seṭṭhiṃ gahapatiṃ etadavoca – ‘‘taṃ kiṃ maññasi, gahapati, yassa sekkhena ñāṇena sekkhena dassanena dhammo diṭṭho vidito seyyathāpi tayā, tassa yathādiṭṭhaṃ yathāviditaṃ bhūmiṃ paccavekkhantassa anupādāya āsavehi cittaṃ vimuttaṃ, bhabbo nu kho so, gahapati, hīnāyāvattitvā kāme paribhuñjituṃ seyyathāpi pubbe agārikabhūto’’ti? ‘‘No hetaṃ, bhante’’. ‘‘Yasassa kho, gahapati, kulaputtassa sekkhena ñāṇena sekkhena dassanena dhammo diṭṭho vidito seyyathāpi tayā, tassa yathādiṭṭhaṃ yathāviditaṃ bhūmiṃ paccavekkhantassa anupādāya āsavehi cittaṃ vimuttaṃ, abhabbo kho, gahapati, yaso kulaputto hīnāyāvattitvā kāme paribhuñjituṃ seyyathāpi pubbe agārikabhūto’’ti. ‘‘Lābhā, bhante, yasassa kulaputtassa, suladdhaṃ, bhante, yasassa kulaputtassa , yathā yasassa kulaputtassa anupādāya āsavehi cittaṃ vimuttaṃ, adhivāsetu me, bhante bhagavā, ajjatanāya bhattaṃ yasena kulaputtena pacchāsamaṇenā’’ti . ‘‘Adhivāsesi bhagavā tuṇhībhāvena’’. Atha kho seṭṭhi gahapati , bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho yaso kulaputto acirapakkante seṭṭhimhi gahapatimhi bhagavantaṃ etadavoca – ‘‘labheyyāhaṃ, bhante, bhagavato santike pabbajjaṃ, labheyyaṃ upasampada’’nti. ‘‘Ehi bhikkhū’’ti bhagavā avoca – ‘‘svākkhāto dhammo, cara brahmacariyaṃ sammā dukkhassa antakiriyāyā’’ti, sāva tassa āyasmato upasampadā ahosi.
1. арахаа бана худ̇ваа соманассаж̇аад̇о ад̇д̇ано буб̣б̣ажарид̇аабад̣̇аанам̣ багаасзнд̇о махаасамуд̣̇д̣̇ам̣ ог̇г̇аяхаад̇иаад̣̇имааха. д̇ад̇т̇а самуд̣̇д̣̇анд̇и ан̇г̇улимуд̣̇д̣̇ааяа сам̣ судту д̣̇ассзд̇аб̣б̣ад̇о самуд̣̇д̣̇о, ат̇а ваа сам̣ судту уд̣̇ияад̇и кобхияад̇и басод̇хияад̇и гхосанам̣ гаронд̇о аалул̣ияад̇ийд̇и самуд̣̇д̣̇о, маханд̇о жа со самуд̣̇д̣̇о жаад̇и махаасамуд̣̇д̣̇о, д̇ам̣ махаасамуд̣̇д̣̇ам̣. ог̇г̇аяхаад̇и аж̇жхог̇аахзд̇ваа аб̣бханд̇арам̣ бависид̇ваа д̇асса махаасамуд̣̇д̣̇асса анд̇о бависид̇ваа, саамяад̇т̇з жзд̇ам̣ убаяог̇аважананд̇и д̣̇адтаб̣б̣ам̣. бхаванам̣ мз сумаабид̇анд̇и зд̇т̇а бхаванд̇и ниб̣б̣ад̇д̇анд̇и нивасанд̇и жад̇уухи ирияаабат̇зхи ваасам̣ габбзнд̇и зд̇т̇аад̇и бхаванам̣, маяхам̣ д̇ам̣ бхаванам̣ д̇ам̣ вимаанам̣ д̇ам̣ баасаад̣̇ам̣ бан̃жабаагаарагуудааг̇аарзхи сам̣ судту маабид̇ам̣ наг̇арам̣, ад̇д̇ано б̣алзна судту ниммид̇анд̇и ад̇т̇о. суниммид̇аа богкаран̣ийд̇и сумаханд̇аа худ̇ваа бхууд̇аа ид̇аа г̇ад̇аа бавад̇д̇аа кан̣ид̇аа гад̇аад̇и богкаран̣ий, мажчагажчабабубпабулинад̇ид̇т̇амад̇хурод̣̇агаад̣̇ийхи судту ниб̣б̣ад̇д̇аа ниммид̇аад̇и ад̇т̇о. жаггаваагуубагууж̇ид̇аад̇и жаггаваагагуггудахам̣саад̣̇ийхи гууж̇ид̇аа гхосид̇аа наад̣̇ид̇аа саа богкаран̣ийд̇и самб̣анд̇хо. ид̇о барам̣ над̣̇ийванад̣̇вибад̣̇ажад̇уббад̣̇абаад̣̇абабагкийнам̣ ван̣н̣ан̃жа сумзд̇хасса бхаг̇авад̇о д̣̇ассанан̃жа ниманд̇зд̇ваа сумзд̇хасса бхаг̇авад̇о д̣̇аанаггаман̃жа сувин̃н̃зяяамзва.
1. Arahā pana hutvā somanassajāto attano pubbacaritāpadānaṃ pakāsento mahāsamuddaṃ oggayhātiādimāha. Tattha samuddanti aṅgulimuddāya saṃ suṭṭhu dassetabbato samuddo, atha vā saṃ suṭṭhu udiyati khobhiyati pasodhiyati ghosanaṃ karonto āluḷiyatīti samuddo, mahanto ca so samuddo cāti mahāsamuddo, taṃ mahāsamuddaṃ. Oggayhāti ajjhogāhetvā abbhantaraṃ pavisitvā tassa mahāsamuddassa anto pavisitvā, sāmyatthe cetaṃ upayogavacananti daṭṭhabbaṃ. Bhavanaṃ me sumāpitanti ettha bhavanti nibbattanti nivasanti catūhi iriyāpathehi vāsaṃ kappenti etthāti bhavanaṃ, mayhaṃ taṃ bhavanaṃ taṃ vimānaṃ taṃ pāsādaṃ pañcapākārakūṭāgārehi saṃ suṭṭhu māpitaṃ nagaraṃ, attano balena suṭṭhu nimmitanti attho. Sunimmitā pokkharaṇīti sumahantā hutvā bhūtā itā gatā pavattā khaṇitā katāti pokkharaṇī, macchakacchapapupphapulinatitthamadhurodakādīhi suṭṭhu nibbattā nimmitāti attho. Cakkavākūpakūjitāti cakkavākakukkuṭahaṃsādīhi kūjitā ghositā nāditā sā pokkharaṇīti sambandho. Ito paraṃ nadīvanadvipadacatuppadapādapapakkhīnaṃ vaṇṇañca sumedhassa bhagavato dassanañca nimantetvā sumedhassa bhagavato dānakkamañca suviññeyyameva.
логаахуд̇ибадиг̇г̇аханд̇и зд̇т̇а логз аахуд̇и логаахуд̇и, гаамаруубааруубасан̇каад̇асса логасса аахуд̇им̣ бууж̇аасаггаарам̣ бадиг̇г̇ан̣хаад̇ийд̇и логаахуд̇ибадиг̇г̇ахам̣, сумзд̇хам̣ бхаг̇аванд̇анд̇и ад̇т̇о. сзсам̣ б̣яаагаран̣ад̣̇аанан̃жа арахад̇д̇аббад̇д̇апалан̃жа сувин̃н̃зяяамзваад̇и.
Lokāhutipaṭiggahanti ettha loke āhuti lokāhuti, kāmarūpārūpasaṅkhātassa lokassa āhutiṃ pūjāsakkāraṃ paṭiggaṇhātīti lokāhutipaṭiggahaṃ, sumedhaṃ bhagavantanti attho. Sesaṃ byākaraṇadānañca arahattappattaphalañca suviññeyyamevāti.
яасад̇т̇зраабад̣̇аанаван̣н̣анаа самад̇д̇аа.
Yasattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. яасад̇т̇зраабад̣̇аанам̣ • 1. Yasattheraapadānaṃ
