| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. яасад̇т̇зраг̇аат̇ааван̣н̣анаа
7. Yasattheragāthāvaṇṇanā
сувилид̇д̇о сувасанод̇и ааяасмад̇о яасад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сумзд̇хасса бхаг̇авад̇о гаалз махаанубхааво нааг̇арааж̇аа худ̇ваа б̣уд̣̇д̇хаббамукам̣ бхигкусан̇гхам̣ ад̇д̇ано бхаванам̣ нзд̇ваа махаад̣̇аанам̣ бавад̇д̇зси. бхаг̇аванд̇ам̣ махаг̇гхзна д̇ижийварзна ажчаад̣̇зси, згамзган̃жа бхигкум̣ махаг̇гхзнзва бажжзгад̣̇уссаяуг̇зна саб̣б̣зна саман̣абаригкаарзна ажчаад̣̇зси. со д̇зна бун̃н̃агаммзна д̣̇звамануссзсу сам̣саранд̇о сид̣̇д̇хад̇т̇асса бхаг̇авад̇о гаалз сздтибуд̇д̇о худ̇ваа махааб̣од̇химан̣д̣ам̣ сад̇д̇ахи рад̇анзхи бууж̇зси. гассабасса бхаг̇авад̇о гаалз саасанз баб̣б̣аж̇ид̇ваа саман̣ад̇хаммам̣ агааси. звам̣ суг̇ад̇ийсуязва сам̣саранд̇о имасмим̣ амхаагам̣ бхаг̇авад̇о гаалз б̣аараан̣асияам̣ махаавибхавасса сздтино буд̇д̇о худ̇ваа ниб̣б̣ад̇д̇и, яасо наама наамзна барамасукумаало. ‘‘д̇асса д̇аяо баасаад̣̇аа’’д̇и саб̣б̣ам̣ канд̇хагз (махаава. 25) ааг̇ад̇анаязна взд̣̇ид̇аб̣б̣ам̣.
Suvilittosuvasanoti āyasmato yasattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle mahānubhāvo nāgarājā hutvā buddhappamukhaṃ bhikkhusaṅghaṃ attano bhavanaṃ netvā mahādānaṃ pavattesi. Bhagavantaṃ mahagghena ticīvarena acchādesi, ekamekañca bhikkhuṃ mahaggheneva paccekadussayugena sabbena samaṇaparikkhārena acchādesi. So tena puññakammena devamanussesu saṃsaranto siddhatthassa bhagavato kāle seṭṭhiputto hutvā mahābodhimaṇḍaṃ sattahi ratanehi pūjesi. Kassapassa bhagavato kāle sāsane pabbajitvā samaṇadhammaṃ akāsi. Evaṃ sugatīsuyeva saṃsaranto imasmiṃ amhākaṃ bhagavato kāle bārāṇasiyaṃ mahāvibhavassa seṭṭhino putto hutvā nibbatti, yaso nāma nāmena paramasukhumālo. ‘‘Tassa tayo pāsādā’’ti sabbaṃ khandhake (mahāva. 25) āgatanayena veditabbaṃ.
со буб̣б̣ахзд̇унаа жод̣̇ияамаано рад̇д̇ибхааг̇з нид̣̇д̣̇аабхибхууд̇асса бариж̇анасса виббагаарам̣ д̣̇исваа сан̃ж̇аад̇асам̣взг̇о суван̣н̣абаад̣̇угааруул̣хова г̇зхад̇о ниг̇г̇ад̇о д̣̇звад̇аавивадзна наг̇арад̣̇ваарзна нигкамид̇ваа исибад̇анасамийбам̣ г̇ад̇о ‘‘убад̣̇д̣̇уд̇ам̣ вад̇а, бхо, убассадтам̣ вад̇а, бхо’’д̇и ааха. д̇зна самаязна бхаг̇авад̇аа исибад̇анз вихаранд̇зна д̇ассзва ануг̇г̇ан̣ханад̇т̇ам̣ аб̣бхогаасз жан̇гаманд̇зна ‘‘зхи, яаса, ид̣̇ам̣ анубад̣̇д̣̇уд̇ам̣, ид̣̇ам̣ анубассадта’’нд̇и вуд̇д̇о, ‘‘анубад̣̇д̣̇уд̇ам̣ анубассадтам̣ гира ад̇т̇ий’’д̇и соманассаж̇аад̇о суван̣н̣абаад̣̇угаа оруяха бхаг̇аванд̇ам̣ убасан̇гамид̇ваа згаманд̇ам̣ нисинно сад̇т̇аараа анубуб̣б̣игат̇ам̣ гат̇зд̇ваа сажжад̣̇зсанааяа гад̇ааяа сажжабарияосаанз сод̇аабанно худ̇ваа г̇авзсанад̇т̇ам̣ ааг̇ад̇асса бид̇у бхаг̇авад̇аа сажжад̣̇зсанааяа гарияамаанааяа арахад̇д̇ам̣ сажчаагааси. д̇зна вуд̇д̇ам̣ абад̣̇аанз (аба. т̇зра 1.40.456-483) –
So pubbahetunā codiyamāno rattibhāge niddābhibhūtassa parijanassa vippakāraṃ disvā sañjātasaṃvego suvaṇṇapādukārūḷhova gehato niggato devatāvivaṭena nagaradvārena nikkhamitvā isipatanasamīpaṃ gato ‘‘upaddutaṃ vata, bho, upassaṭṭhaṃ vata, bho’’ti āha. Tena samayena bhagavatā isipatane viharantena tasseva anuggaṇhanatthaṃ abbhokāse caṅkamantena ‘‘ehi, yasa, idaṃ anupaddutaṃ, idaṃ anupassaṭṭha’’nti vutto, ‘‘anupaddutaṃ anupassaṭṭhaṃ kira atthī’’ti somanassajāto suvaṇṇapādukā oruyha bhagavantaṃ upasaṅkamitvā ekamantaṃ nisinno satthārā anupubbikathaṃ kathetvā saccadesanāya katāya saccapariyosāne sotāpanno hutvā gavesanatthaṃ āgatassa pitu bhagavatā saccadesanāya kariyamānāya arahattaṃ sacchākāsi. Tena vuttaṃ apadāne (apa. thera 1.40.456-483) –
‘‘махаасамуд̣̇д̣̇ам̣ ог̇г̇аяха, бхаванам̣ мз суниммид̇ам̣;
‘‘Mahāsamuddaṃ oggayha, bhavanaṃ me sunimmitaṃ;
суниммид̇аа богкаран̣ий, жаггаваагабагууж̇ид̇аа.
Sunimmitā pokkharaṇī, cakkavākapakūjitā.
‘‘манд̣̇аалагзхи сан̃чаннаа, бад̣̇умуббалагзхи жа;
‘‘Mandālakehi sañchannā, padumuppalakehi ca;
над̣̇ий жа санд̣̇ад̇з д̇ад̇т̇а, субад̇ид̇т̇аа манорамаа.
Nadī ca sandate tattha, supatitthā manoramā.
‘‘мажчагажчабасан̃чаннаа, наанаад̣̇иж̇асамод̇т̇ад̇аа;
‘‘Macchakacchapasañchannā, nānādijasamotthatā;
маяуурагон̃жаабхируд̣̇аа, гогилаад̣̇ийхи ваг̇г̇ухи.
Mayūrakoñcābhirudā, kokilādīhi vagguhi.
‘‘баарзвад̇аа равихам̣саа жа, жаггаваагаа над̣̇ийжараа;
‘‘Pārevatā ravihaṃsā ca, cakkavākā nadīcarā;
д̣̇инд̣̇ибхаа саал̣игаа жзд̇т̇а, баммагаа ж̇ийваж̇ийвагаа.
Dindibhā sāḷikā cettha, pammakā jīvajīvakā.
‘‘хам̣саа гон̃жааби над̣̇ид̇аа, госияаа бин̇г̇алаа б̣ахуу;
‘‘Haṃsā koñcāpi naditā, kosiyā piṅgalā bahū;
сад̇д̇арад̇анасамбаннаа, ман̣имуд̇д̇игаваалугаа.
Sattaratanasampannā, maṇimuttikavālukā.
‘‘саб̣б̣асон̣н̣амаяаа ругкаа, наанааг̇анд̇хасамзрид̇аа;
‘‘Sabbasoṇṇamayā rukkhā, nānāgandhasameritā;
уж̇ж̇од̇знд̇и д̣̇иваарад̇д̇им̣, бхаванам̣ саб̣б̣агаалигам̣.
Ujjotenti divārattiṃ, bhavanaṃ sabbakālikaṃ.
‘‘садтид̇уурияасахассаани, сааяам̣ баад̇о баваж̇ж̇арз;
‘‘Saṭṭhitūriyasahassāni, sāyaṃ pāto pavajjare;
сол̣асид̇т̇исахассаани, бариваарзнд̇и мам̣ сад̣̇аа.
Soḷasitthisahassāni, parivārenti maṃ sadā.
‘‘абхинигкамма бхаванаа, сумзд̇хам̣ логанааяагам̣;
‘‘Abhinikkhamma bhavanā, sumedhaṃ lokanāyakaṃ;
басаннажид̇д̇о сумано, ванд̣̇аяим̣ д̇ам̣ махааяасам̣.
Pasannacitto sumano, vandayiṃ taṃ mahāyasaṃ.
‘‘самб̣уд̣̇д̇хам̣ абхиваад̣̇зд̇ваа, сасан̇гхам̣ д̇ам̣ ниманд̇аяим̣;
‘‘Sambuddhaṃ abhivādetvā, sasaṅghaṃ taṃ nimantayiṃ;
ад̇хиваасзси со д̇хийро, сумзд̇хо логанааяаго.
Adhivāsesi so dhīro, sumedho lokanāyako.
‘‘мама д̇хаммагат̇ам̣ гад̇ваа, уяяож̇зси махаамуни;
‘‘Mama dhammakathaṃ katvā, uyyojesi mahāmuni;
самб̣уд̣̇д̇хам̣ абхиваад̣̇зд̇ваа, бхаванам̣ мз убааг̇амим̣.
Sambuddhaṃ abhivādetvā, bhavanaṃ me upāgamiṃ.
‘‘ааманд̇аяим̣ бариж̇анам̣, саб̣б̣з саннибад̇аат̇а во;
‘‘Āmantayiṃ parijanaṃ, sabbe sannipatātha vo;
буб̣б̣ан̣хасамаяам̣ б̣уд̣̇д̇хо, бхаванам̣ ааг̇амиссад̇и.
Pubbaṇhasamayaṃ buddho, bhavanaṃ āgamissati.
‘‘лаабхаа амхам̣ сулад̣̇д̇хам̣ но, яз васаама д̇аванд̇игз;
‘‘Lābhā amhaṃ suladdhaṃ no, ye vasāma tavantike;
маяамби б̣уд̣̇д̇хасздтасса, бууж̇ам̣ гассаама сад̇т̇уно.
Mayampi buddhaseṭṭhassa, pūjaṃ kassāma satthuno.
‘‘аннам̣ баанам̣ бадтабзд̇ваа, гаалам̣ аарожаяим̣ ахам̣;
‘‘Annaṃ pānaṃ paṭṭhapetvā, kālaṃ ārocayiṃ ahaṃ;
васийсад̇асахассзхи, убзси логанааяаго.
Vasīsatasahassehi, upesi lokanāyako.
‘‘бан̃жан̇г̇игзхи д̇ууриязхи, бажжуг̇г̇аманамагаасахам̣;
‘‘Pañcaṅgikehi tūriyehi, paccuggamanamakāsahaṃ;
саб̣б̣асон̣н̣амаяз бийтз, нисийд̣̇и бурисуд̇д̇амо.
Sabbasoṇṇamaye pīṭhe, nisīdi purisuttamo.
‘‘убарижчад̣̇анам̣ ааси, саб̣б̣асон̣н̣амаяам̣ д̇ад̣̇аа;
‘‘Uparicchadanaṃ āsi, sabbasoṇṇamayaṃ tadā;
б̣ийж̇анияо бавааяанд̇и, бхигкусан̇гхасса анд̇арз.
Bījaniyo pavāyanti, bhikkhusaṅghassa antare.
‘‘бахууд̇знаннабаанзна, бхигкусан̇гхамад̇аббаяим̣;
‘‘Pahūtenannapānena, bhikkhusaṅghamatappayiṃ;
бажжзгад̣̇уссаяуг̇ал̣з, бхигкусан̇гхассад̣̇аасахам̣.
Paccekadussayugaḷe, bhikkhusaṅghassadāsahaṃ.
‘‘яам̣ вад̣̇анд̇и сумзд̇ход̇и, логаахуд̇ибадиг̇г̇ахам̣;
‘‘Yaṃ vadanti sumedhoti, lokāhutipaṭiggahaṃ;
бхигкусан̇гхз нисийд̣̇ид̇ваа, имаа г̇аат̇аа абхаасат̇а.
Bhikkhusaṅghe nisīditvā, imā gāthā abhāsatha.
‘‘яо мз аннзна баанзна, саб̣б̣з имз жа д̇аббаяим̣;
‘‘Yo me annena pānena, sabbe ime ca tappayiṃ;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
‘‘адтаарасз габбасад̇з, д̣̇звалогз рамиссад̇и;
‘‘Aṭṭhārase kappasate, devaloke ramissati;
сахассагкад̇д̇ум̣ рааж̇аа жа, жаггавад̇д̇ий бхависсад̇и.
Sahassakkhattuṃ rājā ca, cakkavattī bhavissati.
‘‘убабаж̇ж̇ад̇и яам̣ яоним̣, д̣̇звад̇д̇ам̣ ат̇а маанусам̣;
‘‘Upapajjati yaṃ yoniṃ, devattaṃ atha mānusaṃ;
саб̣б̣ад̣̇аа саб̣б̣асован̣н̣ам̣, чад̣̇анам̣ д̇хаараяиссад̇и.
Sabbadā sabbasovaṇṇaṃ, chadanaṃ dhārayissati.
‘‘д̇им̣сагаббасахассамхи, оггаагагуласамбхаво;
‘‘Tiṃsakappasahassamhi, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘Tassa dhammesu dāyādo, oraso dhammanimmito;
саб̣б̣аасавз барин̃н̃ааяа, ниб̣б̣ааяиссад̇инаасаво.
Sabbāsave pariññāya, nibbāyissatināsavo.
‘‘бхигкусан̇гхз нисийд̣̇ид̇ваа, сийханаад̣̇ам̣ над̣̇иссад̇и;
‘‘Bhikkhusaṅghe nisīditvā, sīhanādaṃ nadissati;
жид̇агз чад̇д̇ам̣ д̇хаарзнд̇и, хздтаа чад̇д̇амхи д̣аяхат̇а.
Citake chattaṃ dhārenti, heṭṭhā chattamhi ḍayhatha.
‘‘сааман̃н̃ам̣ мз ануббад̇д̇ам̣, гилзсаа жхаабид̇аа маяаа;
‘‘Sāmaññaṃ me anuppattaṃ, kilesā jhāpitā mayā;
ман̣д̣абз ругкамуулз ваа, санд̇аабо мз на виж̇ж̇ад̇и.
Maṇḍape rukkhamūle vā, santāpo me na vijjati.
‘‘д̇им̣сагаббасахассамхи, яам̣ д̣̇аанамад̣̇ад̣̇им̣ д̇ад̣̇аа;
‘‘Tiṃsakappasahassamhi, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, саб̣б̣ад̣̇аанассид̣̇ам̣ палам̣.
Duggatiṃ nābhijānāmi, sabbadānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
ат̇а бхаг̇аваа ааяасманд̇ам̣ яасам̣ д̣̇агкин̣ам̣ б̣аахум̣ басаарзд̇ваа ‘‘зхи бхигкуу’’д̇и ааха. важанасамананд̇арамзва д̣̇ван̇г̇уламад̇д̇агзсамассу адтабаригкаарад̇харо вассасадтигад̇т̇зро вияа ахоси. со ад̇д̇ано бадибад̇д̇им̣ бажжавзгкид̇ваа уд̣̇аанзнд̇о зхибхигкубхааваббад̇д̇ид̇о буримаавад̇т̇авасзна –
Atha bhagavā āyasmantaṃ yasaṃ dakkhiṇaṃ bāhuṃ pasāretvā ‘‘ehi bhikkhū’’ti āha. Vacanasamanantarameva dvaṅgulamattakesamassu aṭṭhaparikkhāradharo vassasaṭṭhikatthero viya ahosi. So attano paṭipattiṃ paccavekkhitvā udānento ehibhikkhubhāvappattito purimāvatthavasena –
117.
117.
‘‘сувилид̇д̇о сувасано, саб̣б̣аабхаран̣абхуусид̇о;
‘‘Suvilitto suvasano, sabbābharaṇabhūsito;
д̇иссо виж̇ж̇аа аж̇жхаг̇амим̣, гад̇ам̣ б̣уд̣̇д̇хасса саасана’’нд̇и. – г̇аат̇ам̣ абхааси;
Tisso vijjā ajjhagamiṃ, kataṃ buddhassa sāsana’’nti. – gāthaṃ abhāsi;
д̇ад̇т̇а сувилид̇д̇од̇и сунд̣̇арзна гун̇гумажанд̣̇анаанулзбанзна вилид̇д̇аг̇ад̇д̇о. сувасанод̇и судту махаг̇гхагаасигавад̇т̇авасано. саб̣б̣аабхаран̣абхуусид̇од̇и сийсуубаг̇аад̣̇ийхи саб̣б̣зхи аабхаран̣зхи алан̇гад̇о. аж̇жхаг̇аминд̇и ад̇хиг̇ажчим̣. сзсам̣ вуд̇д̇анаяамзва.
Tattha suvilittoti sundarena kuṅkumacandanānulepanena vilittagatto. Suvasanoti suṭṭhu mahagghakāsikavatthavasano. Sabbābharaṇabhūsitoti sīsūpagādīhi sabbehi ābharaṇehi alaṅkato. Ajjhagaminti adhigacchiṃ. Sesaṃ vuttanayameva.
яасад̇т̇зраг̇аат̇ааван̣н̣анаа нидтид̇аа.
Yasattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. яасад̇т̇зраг̇аат̇аа • 7. Yasattheragāthā
