| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
9. яасод̇хараабамукад̣̇асабхигкунийсахассаабад̣̇аанам̣
9. Yasodharāpamukhadasabhikkhunīsahassaapadānaṃ
411.
411.
‘‘габбз жа сад̇асахассз, жад̇уро жа асан̇кияз;
‘‘Kappe ca satasahasse, caturo ca asaṅkhiye;
д̣̇ийбан̇гаро наама ж̇ино, уббаж̇ж̇и логанааяаго.
Dīpaṅkaro nāma jino, uppajji lokanāyako.
412.
412.
‘‘д̣̇ийбан̇гаро махаавийро, вияаагааси винааяаго;
‘‘Dīpaṅkaro mahāvīro, viyākāsi vināyako;
сумзд̇хан̃жа сумид̇д̇ан̃жа, самаанасукад̣̇угкад̇ам̣.
Sumedhañca sumittañca, samānasukhadukkhataṃ.
413.
413.
‘‘сад̣̇зваган̃жа бассанд̇о, вижаранд̇о сад̣̇звагам̣;
‘‘Sadevakañca passanto, vicaranto sadevakaṃ;
д̇зсам̣ багид̇д̇анз амхз, убаг̇амма самааг̇амам̣.
Tesaṃ pakittane amhe, upagamma samāgamaṃ.
414.
414.
саб̣б̣аава д̇уяхам̣ бхарияаа, манаабаа бияаваад̣̇игаа.
Sabbāva tuyhaṃ bhariyā, manāpā piyavādikā.
415.
415.
‘‘д̣̇аанам̣ сийламаяам̣ саб̣б̣ам̣, бхааванаа жа субхаавид̇аа;
‘‘Dānaṃ sīlamayaṃ sabbaṃ, bhāvanā ca subhāvitā;
д̣̇ийгхарад̇д̇ан̃жа но 3 саб̣б̣ам̣, барижжад̇д̇ам̣ махаамунз.
Dīgharattañca no 4 sabbaṃ, pariccattaṃ mahāmune.
416.
416.
‘‘г̇анд̇хам̣ вилзбанам̣ маалам̣, д̣̇ийбан̃жа рад̇анаамаяам̣;
‘‘Gandhaṃ vilepanaṃ mālaṃ, dīpañca ratanāmayaṃ;
яам̣гин̃жи бад̇т̇ид̇ам̣ саб̣б̣ам̣, барижжад̇д̇ам̣ махаамуни.
Yaṃkiñci patthitaṃ sabbaṃ, pariccattaṃ mahāmuni.
417.
417.
‘‘ан̃н̃ам̣ вааби гад̇ам̣ гаммам̣, барибхог̇ан̃жа маанусам̣;
‘‘Aññaṃ vāpi kataṃ kammaṃ, paribhogañca mānusaṃ;
д̣̇ийгхарад̇д̇ан̃хи но саб̣б̣ам̣, барижжад̇д̇ам̣ махаамуни.
Dīgharattañhi no sabbaṃ, pariccattaṃ mahāmuni.
418.
418.
‘‘анзгаж̇аад̇исам̣саарам̣, б̣ахум̣ бун̃н̃амби но гад̇ам̣;
‘‘Anekajātisaṃsāraṃ, bahuṃ puññampi no kataṃ;
иссараманубход̇ваана, сам̣сарид̇ваа бхаваабхавз.
Issaramanubhotvāna, saṃsaritvā bhavābhave.
419.
419.
‘‘бажчимз бхавз самбад̇д̇з, сагяабуд̇д̇анивзсанз;
‘‘Pacchime bhave sampatte, sakyaputtanivesane;
наанаагулуубабаннааяо, ажчараа гаамаван̣н̣иний.
Nānākulūpapannāyo, accharā kāmavaṇṇinī.
420.
420.
‘‘лаабхаг̇г̇зна яасам̣ бад̇д̇аа, бууж̇ид̇аа саб̣б̣асаггад̇аа;
‘‘Lābhaggena yasaṃ pattā, pūjitā sabbasakkatā;
лаабхияо аннабаанаанам̣, сад̣̇аа саммаанид̇аа маяам̣.
Lābhiyo annapānānaṃ, sadā sammānitā mayaṃ.
421.
421.
‘‘аг̇аарам̣ баж̇ахид̇ваана, баб̣б̣аж̇имханаг̇аарияам̣;
‘‘Agāraṃ pajahitvāna, pabbajimhanagāriyaṃ;
ад̣дхамаасз асамбад̇д̇з, саб̣б̣аа бад̇д̇аамха ниб̣б̣уд̇им̣.
Aḍḍhamāse asampatte, sabbā pattāmha nibbutiṃ.
422.
422.
‘‘лаабхияо аннабаанаанам̣, вад̇т̇асзнаасанаани жа;
‘‘Lābhiyo annapānānaṃ, vatthasenāsanāni ca;
убзнд̇и бажжаяаа саб̣б̣з, сад̣̇аа саггад̇абууж̇ид̇аа.
Upenti paccayā sabbe, sadā sakkatapūjitā.
423.
423.
‘‘гилзсаа жхаабид̇аа амхам̣…бз… вихараама анаасаваа.
‘‘Kilesā jhāpitā amhaṃ…pe… viharāma anāsavā.
424.
424.
‘‘свааг̇ад̇ам̣ вад̇а но ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata no āsi…pe… kataṃ buddhassa sāsanaṃ.
425.
425.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ яасод̇хараабамукаани д̣̇асабхигкунийсахассаани бхаг̇авад̇о саммукаа имаа г̇аат̇ааяо абхаасид̇т̇аад̇и.
Itthaṃ sudaṃ yasodharāpamukhāni dasabhikkhunīsahassāni bhagavato sammukhā imā gāthāyo abhāsitthāti.
яасод̇хараабамукад̣̇асабхигкунийсахассаабад̣̇аанам̣ навамам̣.
Yasodharāpamukhadasabhikkhunīsahassāpadānaṃ navamaṃ.
Footnotes:
