| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
3. яасож̇асуд̇д̇аван̣н̣анаа
3. Yasojasuttavaṇṇanā
23. д̇ад̇ияз яасож̇аббамукаанийд̇и зд̇т̇а яасож̇од̇и д̇асса т̇зрасса наамам̣, д̇ам̣ буб̣б̣ан̇г̇амам̣ гад̇ваа баб̣б̣аж̇ид̇ад̇д̇аа вижаран̣ад̇о жа д̇аани бан̃жа бхигкусад̇аани ‘‘яасож̇аббамукааний’’д̇и вуд̇д̇аани.
23. Tatiye yasojappamukhānīti ettha yasojoti tassa therassa nāmaṃ, taṃ pubbaṅgamaṃ katvā pabbajitattā vicaraṇato ca tāni pañca bhikkhusatāni ‘‘yasojappamukhānī’’ti vuttāni.
д̇зсам̣ аяам̣ буб̣б̣аяог̇о – ад̇ийд̇з гира гассабад̣̇асаб̣аласса саасанз ан̃н̃ад̇аро бхигку ааран̃н̃аго аран̃н̃з бидтибаасаан̣з гад̇абан̣н̣агудияам̣ вихарад̇и. д̇асмин̃жа самаяз бан̃жасад̇аа жораа г̇аамагхаад̇агаад̣̇ийни гад̇ваа жоригааяа ж̇ийванд̇аа жорагаммам̣ гад̇ваа ж̇анабад̣̇амануссзхи ануб̣ад̣̇д̇хаа балааяамаанаа аран̃н̃ам̣ бависид̇ваа д̇ад̇т̇а гин̃жи г̇ахан̣ам̣ ваа бадисаран̣ам̣ ваа абассанд̇аа авид̣̇уурз д̇ам̣ бхигкум̣ баасаан̣з нисиннам̣ д̣̇исваа ванд̣̇ид̇ваа д̇ам̣ бавад̇д̇им̣ аажигкид̇ваа ‘‘амхаагам̣, бханд̇з, бадисаран̣ам̣ хот̇аа’’д̇и яаажим̣су. т̇зро ‘‘д̇умхаагам̣ сийласад̣̇исам̣ бадисаран̣ам̣ над̇т̇и, саб̣б̣з бан̃жа сийлаани самаад̣̇ияат̇аа’’д̇и ааха. д̇з ‘‘саад̇хуу’’д̇и самбадижчид̇ваа сийлаани самаад̣̇ияим̣су. т̇зро ‘‘д̇умхз ид̣̇аани сийлзсу бад̇идтид̇аа, ад̇д̇ано ж̇ийвид̇ам̣ винаасаяанд̇зсуби маа манам̣ бад̣̇осаяид̇т̇аа’’д̇и гагажуубамавид̇хим̣ (ма. ни. 1.222 аад̣̇аяо) аажигки. д̇з ‘‘саад̇хуу’’д̇и самбадижчим̣су. ат̇а д̇з ж̇аанабад̣̇аа д̇ам̣ самбад̇д̇аа ид̇о жид̇о жа г̇авзсанд̇аа д̇з жорз д̣̇исваа саб̣б̣зва ж̇ийвид̇аа воробзсум̣. д̇з д̇зсу манобад̣̇осамад̇д̇амби агад̇ваа агкан̣д̣асийлаа гаалам̣ гад̇ваа гаамааважарад̣̇звзсу ниб̣б̣ад̇д̇им̣су. д̇зсу ж̇здтажоро ж̇здтад̣̇звабуд̇д̇о ахоси, ид̇арз д̇ассзва бариваараа.
Tesaṃ ayaṃ pubbayogo – atīte kira kassapadasabalassa sāsane aññataro bhikkhu āraññako araññe piṭṭhipāsāṇe katapaṇṇakuṭiyaṃ viharati. Tasmiñca samaye pañcasatā corā gāmaghātakādīni katvā corikāya jīvantā corakammaṃ katvā janapadamanussehi anubaddhā palāyamānā araññaṃ pavisitvā tattha kiñci gahaṇaṃ vā paṭisaraṇaṃ vā apassantā avidūre taṃ bhikkhuṃ pāsāṇe nisinnaṃ disvā vanditvā taṃ pavattiṃ ācikkhitvā ‘‘amhākaṃ, bhante, paṭisaraṇaṃ hothā’’ti yāciṃsu. Thero ‘‘tumhākaṃ sīlasadisaṃ paṭisaraṇaṃ natthi, sabbe pañca sīlāni samādiyathā’’ti āha. Te ‘‘sādhū’’ti sampaṭicchitvā sīlāni samādiyiṃsu. Thero ‘‘tumhe idāni sīlesu patiṭṭhitā, attano jīvitaṃ vināsayantesupi mā manaṃ padosayitthā’’ti kakacūpamavidhiṃ (ma. ni. 1.222 ādayo) ācikkhi. Te ‘‘sādhū’’ti sampaṭicchiṃsu. Atha te jānapadā taṃ sampattā ito cito ca gavesantā te core disvā sabbeva jīvitā voropesuṃ. Te tesu manopadosamattampi akatvā akkhaṇḍasīlā kālaṃ katvā kāmāvacaradevesu nibbattiṃsu. Tesu jeṭṭhacoro jeṭṭhadevaputto ahosi, itare tasseva parivārā.
д̇з абараабарам̣ сам̣саранд̇аа згам̣ б̣уд̣̇д̇ханд̇арам̣ д̣̇звалогз кзбзд̇ваа амхаагам̣ бхаг̇авад̇о гаалз д̣̇звалогад̇о жавид̇ваа ж̇здтад̣̇звабуд̇д̇о саавад̇т̇инаг̇арад̣̇ваарз гзваддаг̇аамз бан̃жасад̇агулаг̇аамаж̇здтагасса гзваддасса буд̇д̇о худ̇ваа ниб̣б̣ад̇д̇и, яасож̇од̇исса наамам̣ агам̣су. ид̇арзби авасзсагзваддаанам̣ буд̇д̇аа худ̇ваа ниб̣б̣ад̇д̇им̣су. д̇з буб̣б̣асанниваасзна саб̣б̣зби сахааяагаа худ̇ваа сахабам̣сугийл̣ид̇ам̣ гийл̣анд̇аа анубуб̣б̣зна ваяаббад̇д̇аа ахзсум̣, яасож̇о д̇зсам̣ аг̇г̇о ахоси. д̇з саб̣б̣зва згад̇о худ̇ваа ж̇аалаани г̇ахзд̇ваа над̣̇ид̇ал̣аагаад̣̇ийсу мажчз б̣анд̇ханд̇аа вижаранд̇и.
Te aparāparaṃ saṃsarantā ekaṃ buddhantaraṃ devaloke khepetvā amhākaṃ bhagavato kāle devalokato cavitvā jeṭṭhadevaputto sāvatthinagaradvāre kevaṭṭagāme pañcasatakulagāmajeṭṭhakassa kevaṭṭassa putto hutvā nibbatti, yasojotissa nāmaṃ akaṃsu. Itarepi avasesakevaṭṭānaṃ puttā hutvā nibbattiṃsu. Te pubbasannivāsena sabbepi sahāyakā hutvā sahapaṃsukīḷitaṃ kīḷantā anupubbena vayappattā ahesuṃ, yasojo tesaṃ aggo ahosi. Te sabbeva ekato hutvā jālāni gahetvā naditaḷākādīsu macche bandhantā vicaranti.
ат̇згад̣̇ивасам̣ ажиравад̇ияаа над̣̇ияаа ж̇аалз кид̇д̇з суван̣н̣аван̣н̣о мажчо анд̇ож̇аалз баависи. д̇ам̣ д̣̇исваа саб̣б̣зби гзваддаа ‘‘амхаагам̣ буд̇д̇аа мажчз б̣анд̇ханд̇аа суван̣н̣аван̣н̣ам̣ мажчам̣ б̣анд̇хим̣суу’’д̇и хадтад̇удтаа ахзсум̣. ат̇а д̇з бан̃жасад̇ааби сахааяагаа мажчам̣ наавааяа багкибид̇ваа наавам̣ угкибид̇ваа ран̃н̃о д̣̇ассзсум̣. рааж̇аа д̇ам̣ д̣̇исваа ‘‘бхаг̇аваа зд̇асса суван̣н̣аван̣н̣агааран̣ам̣ ж̇ааниссад̇ий’’д̇и мажчам̣ г̇аахаабзд̇ваа бхаг̇авад̇о д̣̇ассзси. сад̇т̇аа ‘‘аяам̣ гассабасаммаасамб̣уд̣̇д̇хасса саасанз осаггамаанз баб̣б̣аж̇ид̇ваа мижчаа бадибаж̇ж̇анд̇о саасанам̣ осаггаабзд̇ваа нираяз ниб̣б̣ад̇д̇о згам̣ б̣уд̣̇д̇ханд̇арам̣ нираяз бажжид̇ваа д̇ад̇о жуд̇о ажиравад̇ияам̣ мажчо худ̇ваа ниб̣б̣ад̇д̇о’’д̇и вад̇ваа д̇асса маад̇убхаг̇инийнан̃жа нираяз ниб̣б̣ад̇д̇абхаавам̣, д̇асса бхаад̇игад̇т̇зрасса бариниб̣б̣уд̇абхааван̃жа д̇знзва гат̇аабзд̇ваа имиссаа адтуббад̇д̇ияаа габиласуд̇д̇ам̣ д̣̇зсзси.
Athekadivasaṃ aciravatiyā nadiyā jāle khitte suvaṇṇavaṇṇo maccho antojāle pāvisi. Taṃ disvā sabbepi kevaṭṭā ‘‘amhākaṃ puttā macche bandhantā suvaṇṇavaṇṇaṃ macchaṃ bandhiṃsū’’ti haṭṭhatuṭṭhā ahesuṃ. Atha te pañcasatāpi sahāyakā macchaṃ nāvāya pakkhipitvā nāvaṃ ukkhipitvā rañño dassesuṃ. Rājā taṃ disvā ‘‘bhagavā etassa suvaṇṇavaṇṇakāraṇaṃ jānissatī’’ti macchaṃ gāhāpetvā bhagavato dassesi. Satthā ‘‘ayaṃ kassapasammāsambuddhassa sāsane osakkamāne pabbajitvā micchā paṭipajjanto sāsanaṃ osakkāpetvā niraye nibbatto ekaṃ buddhantaraṃ niraye paccitvā tato cuto aciravatiyaṃ maccho hutvā nibbatto’’ti vatvā tassa mātubhaginīnañca niraye nibbattabhāvaṃ, tassa bhātikattherassa parinibbutabhāvañca teneva kathāpetvā imissā aṭṭhuppattiyā kapilasuttaṃ desesi.
сад̇т̇у д̣̇зсанам̣ суд̇ваа д̇з бан̃жасад̇аа гзваддабуд̇д̇аа сам̣взг̇аж̇аад̇аа худ̇ваа бхаг̇авад̇о санд̇игз баб̣б̣аж̇ид̇ваа, убасамбаннаа худ̇ваа вивзгаваасам̣ васанд̇аа бхаг̇аванд̇ам̣ д̣̇ассанааяа ааг̇амам̣су. д̇зна вуд̇д̇ам̣ – ‘‘д̇зна ко бана самаязна яасож̇аббамукаани бан̃жамад̇д̇аани бхигкусад̇ааний’’д̇иаад̣̇и.
Satthu desanaṃ sutvā te pañcasatā kevaṭṭaputtā saṃvegajātā hutvā bhagavato santike pabbajitvā, upasampannā hutvā vivekavāsaṃ vasantā bhagavantaṃ dassanāya āgamaṃsu. Tena vuttaṃ – ‘‘tena kho pana samayena yasojappamukhāni pañcamattāni bhikkhusatānī’’tiādi.
д̇ад̇т̇а д̇зд̇хаад̇и д̇з ид̇ха. нзваасигзхийд̇и ниб̣ад̣̇д̇хаваасам̣ васамаанзхи. бадисаммод̣̇амаанаад̇и нзваасигабхигкуухи ‘‘гажжаавусо, каманийяа’’нд̇иаад̣̇инаа бадисант̇ааравасзна саммод̣̇анааяа гад̇ааяа ‘‘аамаавусо, каманийяа’’нд̇иаад̣̇инаа , буна саммод̣̇амаанаа д̇зхи сад̣̇д̇хим̣ самаббавад̇д̇амод̣̇аа. сзнаасанаани бан̃н̃аабаяамаанаад̇и аажарияубаж̇жхааяаанам̣ ад̇д̇ано жа баабун̣агаани сзнаасанаани бужчид̇ваа д̇зхи нзваасигзхи д̇зсам̣ ‘‘ид̣̇ам̣ д̇умхаагам̣ аажарияаанам̣, ид̣̇ам̣ д̇умхаагам̣ убаж̇жхааяаанам̣, ид̣̇ам̣ д̇умхаагам̣ баабун̣аад̇ий’’д̇и сзнаасанаани сам̣вид̇хаабзд̇ваа ад̇д̇анаа жа д̇ад̇т̇а г̇анд̇ваа, д̣̇ваарагаваадаани виварид̇ваа, ман̃жабийтагадасаарагаад̣̇ийни нийхарид̇ваа бабподзд̇ваа яат̇аатаанам̣ табанаад̣̇ивасзна бан̃н̃аабзнд̇аа жа.
Tattha tedhāti te idha. Nevāsikehīti nibaddhavāsaṃ vasamānehi. Paṭisammodamānāti nevāsikabhikkhūhi ‘‘kaccāvuso, khamanīya’’ntiādinā paṭisanthāravasena sammodanāya katāya ‘‘āmāvuso, khamanīya’’ntiādinā , puna sammodamānā tehi saddhiṃ samappavattamodā. Senāsanāni paññāpayamānāti ācariyupajjhāyānaṃ attano ca pāpuṇakāni senāsanāni pucchitvā tehi nevāsikehi tesaṃ ‘‘idaṃ tumhākaṃ ācariyānaṃ, idaṃ tumhākaṃ upajjhāyānaṃ, idaṃ tumhākaṃ pāpuṇātī’’ti senāsanāni saṃvidhāpetvā attanā ca tattha gantvā, dvārakavāṭāni vivaritvā, mañcapīṭhakaṭasārakādīni nīharitvā papphoṭetvā yathāṭhānaṃ ṭhapanādivasena paññāpentā ca.
бад̇д̇ажийвараани бадисаамаяамаанаад̇и, ‘‘бханд̇з, имам̣ мз бад̇д̇ам̣ табзт̇а, ид̣̇ам̣ жийварам̣, ид̣̇ам̣ т̇аалагам̣, ид̣̇ам̣ уд̣̇агад̇умб̣ам̣, ид̣̇ам̣ мз гад̇д̇араяадти’’нд̇и звам̣ саман̣абаригкаарам̣ сам̣г̇обаяамаанаа. ужжаасад̣̇д̣̇аа махаасад̣̇д̣̇аад̇и уд̣̇д̇хам̣ г̇ад̇адтзна ужжо сад̣̇д̣̇о язсанд̇з ужжаасад̣̇д̣̇аа агаарасса аагаарам̣ гад̇ваа. саманд̇ад̇о бад̇т̇ададтзна маханд̇о сад̣̇д̣̇о язсанд̇з махаасад̣̇д̣̇аа. гзваддаа ман̃н̃з мажчавилобзд̇и гзваддаа вияа мажчавилумбанз. яат̇аа наама гзваддаа уд̣̇агз вадданад̇о мажчаг̇г̇ахан̣ад̇т̇ам̣ бавад̇д̇анад̇о ‘‘гзваддаа’’д̇и лад̣̇д̇ханаамаа мажчаб̣анд̇хаа мажчаг̇г̇ахан̣ад̇т̇ам̣ ж̇алз ж̇аалам̣ багкибид̇ваа ‘‘бавидто на бавидто, г̇ахид̇о на г̇ахид̇о’’д̇иаад̣̇инаа ужжаасад̣̇д̣̇амахаасад̣̇д̣̇аа хонд̇и. яат̇аа жа д̇з мажчабажчиаад̣̇ийни табид̇адтаанз махааж̇анз г̇анд̇ваа ‘‘маяхам̣ згам̣ мажчам̣ д̣̇зт̇а, маяхам̣ згам̣ мажчапаалам̣ д̣̇зт̇а, амугасса д̣̇инно маханд̇о, маяхам̣ куд̣̇д̣̇аго’’д̇иаад̣̇ийни вад̇ваа вилумбамаанз д̇зсам̣ бадисзд̇ханаад̣̇ивасзна ужжаасад̣̇д̣̇амахаасад̣̇д̣̇аа жа хонд̇и, звамзд̇з бхигкууд̇и д̣̇ассзд̇и. д̇зд̇зд̇и д̇з зд̇з. гим̣нууд̇и гисса ну, гимад̇т̇ам̣ нууд̇и ад̇т̇о. д̇змзд̇и д̇з имз. бан̣аамзмийд̇и нийхараами. вод̇и д̇умхз. на во мама санд̇игз вад̇т̇аб̣б̣анд̇и д̇умхзхи маяхам̣ санд̇игз на васид̇аб̣б̣ам̣. яз д̇умхз маад̣̇исасса б̣уд̣̇д̇хасса васанадтаанам̣ ааг̇анд̇ваа звам̣ махаасад̣̇д̣̇ам̣ гарот̇а, ад̇д̇ано д̇хаммад̇ааяа васанд̇аа гим̣ наама сааруббам̣ гариссат̇а, д̇умхаад̣̇исаанам̣ мама санд̇игз васанагижжам̣ над̇т̇ийд̇и д̣̇ийбзд̇и. звам̣ бан̣аамид̇зсу жа бхаг̇авад̇аа д̇зсу згабхигкуби ‘‘бхаг̇аваа д̇умхз махаасад̣̇д̣̇амад̇д̇агзна амхз бан̣аамзт̇аа’’д̇и ваа ан̃н̃ам̣ ваа гин̃жи бадиважанам̣ авад̇ваа б̣уд̣̇д̇хаг̇ааравзна саб̣б̣з бхаг̇авад̇о важанам̣ самбадижчанд̇аа ‘‘звам̣, бханд̇з’’д̇и вад̇ваа нигкамим̣су. звам̣ бана д̇зсам̣ ахоси ‘‘маяам̣ сад̇т̇аарам̣ бассиссаама, д̇хаммам̣ соссаама, сад̇т̇у санд̇игз васиссаамаад̇и ааг̇ад̇аа, зваруубасса бана г̇аруно сад̇т̇у санд̇игам̣ ааг̇анд̇ваа махаасад̣̇д̣̇ам̣ гаримхаа, амхаагамзва д̣̇осояам̣, бан̣аамид̇амхаа д̇ад̇о, на лад̣̇д̇хам̣ сад̇т̇у санд̇игз вад̇т̇ум̣, саманд̇абаасаад̣̇игам̣ суван̣н̣аван̣н̣ам̣ сарийрам̣ ологзд̇ум̣, мад̇хурассарзна д̣̇зсид̇ам̣ д̇хаммам̣ сод̇у’’нд̇и. д̇з б̣алавад̣̇оманассаж̇аад̇аа худ̇ваа баггамим̣су.
Pattacīvarāni paṭisāmayamānāti, ‘‘bhante, imaṃ me pattaṃ ṭhapetha, idaṃ cīvaraṃ, idaṃ thālakaṃ, idaṃ udakatumbaṃ, idaṃ me kattarayaṭṭhi’’nti evaṃ samaṇaparikkhāraṃ saṃgopayamānā. Uccāsaddā mahāsaddāti uddhaṃ gataṭṭhena ucco saddo yesante uccāsaddā akārassa ākāraṃ katvā. Samantato patthaṭaṭṭhena mahanto saddo yesante mahāsaddā. Kevaṭṭā maññe macchavilopeti kevaṭṭā viya macchavilumpane. Yathā nāma kevaṭṭā udake vaṭṭanato macchaggahaṇatthaṃ pavattanato ‘‘kevaṭṭā’’ti laddhanāmā macchabandhā macchaggahaṇatthaṃ jale jālaṃ pakkhipitvā ‘‘paviṭṭho na paviṭṭho, gahito na gahito’’tiādinā uccāsaddamahāsaddā honti. Yathā ca te macchapacchiādīni ṭhapitaṭṭhāne mahājane gantvā ‘‘mayhaṃ ekaṃ macchaṃ detha, mayhaṃ ekaṃ macchaphālaṃ detha, amukassa dinno mahanto, mayhaṃ khuddako’’tiādīni vatvā vilumpamāne tesaṃ paṭisedhanādivasena uccāsaddamahāsaddā ca honti, evamete bhikkhūti dasseti. Teteti te ete. Kiṃnūti kissa nu, kimatthaṃ nūti attho. Temeti te ime. Paṇāmemīti nīharāmi. Voti tumhe. Na vo mama santike vatthabbanti tumhehi mayhaṃ santike na vasitabbaṃ. Ye tumhe mādisassa buddhassa vasanaṭṭhānaṃ āgantvā evaṃ mahāsaddaṃ karotha, attano dhammatāya vasantā kiṃ nāma sāruppaṃ karissatha, tumhādisānaṃ mama santike vasanakiccaṃ natthīti dīpeti. Evaṃ paṇāmitesu ca bhagavatā tesu ekabhikkhupi ‘‘bhagavā tumhe mahāsaddamattakena amhe paṇāmethā’’ti vā aññaṃ vā kiñci paṭivacanaṃ avatvā buddhagāravena sabbe bhagavato vacanaṃ sampaṭicchantā ‘‘evaṃ, bhante’’ti vatvā nikkhamiṃsu. Evaṃ pana tesaṃ ahosi ‘‘mayaṃ satthāraṃ passissāma, dhammaṃ sossāma, satthu santike vasissāmāti āgatā, evarūpassa pana garuno satthu santikaṃ āgantvā mahāsaddaṃ karimhā, amhākameva dosoyaṃ, paṇāmitamhā tato, na laddhaṃ satthu santike vatthuṃ, samantapāsādikaṃ suvaṇṇavaṇṇaṃ sarīraṃ oloketuṃ, madhurassarena desitaṃ dhammaṃ sotu’’nti. Te balavadomanassajātā hutvā pakkamiṃsu.
сам̣саамзд̇ваад̇и суг̇уд̇д̇ам̣ гад̇ваа. важ̇ж̇ийд̇и звам̣наамаго ж̇анабад̣̇о, важ̇ж̇ий наама ж̇аанабад̣̇ино рааж̇агумаараа, д̇зсам̣ ниваасо згоби ж̇анабад̣̇о рул̣хийвасзна ‘‘важ̇ж̇ий’’д̇взва вужжад̇и. д̇зна вуд̇д̇ам̣ ‘‘важ̇ж̇ийсуу’’д̇и. ваг̇г̇умуд̣̇аад̇и звам̣наама логасса бун̃н̃асаммад̇аа згаа над̣̇ий. ‘‘ваг̇г̇амуд̣̇аа’’д̇иби баато. ад̇т̇агаамзнаад̇и гин̃жи баяож̇анам̣ анабзгкид̇ваа ад̇т̇амзва ижчанд̇зна. хид̇зсинаад̇и ад̇т̇ам̣ ижчанд̇зна, ‘‘гинд̇и мз саавагаа ваддад̣̇угкаа баримужжзяяу’’нд̇и д̇асса ад̇т̇асан̇каад̇асса ад̇т̇асса ваа хзд̇убхууд̇асса хид̇асса зсанасийлзна. д̇ад̇о зва ад̇д̇ано сарийракзд̣̇ам̣ аг̇ан̣зд̇ваа д̣̇уурзби взнзяяасанд̇игам̣ г̇анд̇ваа анугамбанад̇о анугамбагзна. д̇амзва анугамбам̣ убаад̣̇ааяа маяам̣ бан̣аамид̇аа, на ад̇д̇ано взяяааважжаад̣̇ибажжаасийсааяа. яасмаа д̇хаммаг̇аруно б̣уд̣̇д̇хаа бхаг̇аванд̇о саммаабадибад̇д̇ияаава бууж̇зд̇аб̣б̣аа, яз ужжаасад̣̇д̣̇агаран̣амад̇д̇зби бан̣аамзнд̇и, д̇асмаа ханд̣̇а маяам̣, аавусо, д̇ат̇аа вихаарам̣ габбзма саб̣б̣ад̇т̇а сад̇исамбаж̇ан̃н̃аяог̇зна абан̣н̣агаббадибад̣̇ам̣ буурзнд̇аа яат̇ааг̇ахид̇агаммадтаанам̣ мад̇т̇агам̣ баабзнд̇аа жад̇уирияаабат̇авихаарам̣ габбзма вихараама. яат̇аа но вихарад̇анд̇и яат̇аа амхзсу вихаранд̇зсу, бхаг̇аваа ад̇д̇амано асса, саммаабадибад̇д̇ияаа бууж̇ааяа аараад̇хид̇о бхавзяяаад̇и ад̇т̇о.
Saṃsāmetvāti suguttaṃ katvā. Vajjīti evaṃnāmako janapado, vajjī nāma jānapadino rājakumārā, tesaṃ nivāso ekopi janapado ruḷhīvasena ‘‘vajjī’’tveva vuccati. Tena vuttaṃ ‘‘vajjīsū’’ti. Vaggumudāti evaṃnāma lokassa puññasammatā ekā nadī. ‘‘Vaggamudā’’tipi pāṭho. Atthakāmenāti kiñci payojanaṃ anapekkhitvā atthameva icchantena. Hitesināti atthaṃ icchantena, ‘‘kinti me sāvakā vaṭṭadukkhā parimucceyyu’’nti tassa atthasaṅkhātassa atthassa vā hetubhūtassa hitassa esanasīlena. Tato eva attano sarīrakhedaṃ agaṇetvā dūrepi veneyyasantikaṃ gantvā anukampanato anukampakena. Tameva anukampaṃ upādāya mayaṃ paṇāmitā, na attano veyyāvaccādipaccāsīsāya. Yasmā dhammagaruno buddhā bhagavanto sammāpaṭipattiyāva pūjetabbā, ye uccāsaddakaraṇamattepi paṇāmenti, tasmā handa mayaṃ, āvuso, tathā vihāraṃ kappema sabbattha satisampajaññayogena apaṇṇakappaṭipadaṃ pūrentā yathāgahitakammaṭṭhānaṃ matthakaṃ pāpentā catuiriyāpathavihāraṃ kappema viharāma. Yathā no viharatanti yathā amhesu viharantesu, bhagavā attamano assa, sammāpaṭipattiyā pūjāya ārādhito bhaveyyāti attho.
д̇знзванд̇аравассзнаад̇и д̇асмим̣язва анд̇аравассз махаабавааран̣ам̣ анад̇иггамид̇ваава. саб̣б̣зва д̇иссо виж̇ж̇аа сажчаагам̣сууд̇и саб̣б̣зязва д̇з бан̃жасад̇аа бхигкуу буб̣б̣зниваасаануссад̇ин̃аан̣ам̣ д̣̇иб̣б̣ажагкун̃аан̣ам̣ аасавагкаяан̃аан̣анд̇и имаа д̇иссо буб̣б̣знивуд̇т̇агканд̇хаббадижчаад̣̇агамохагканд̇хаад̣̇ийнам̣ винивиж̇жханадтзна виж̇ж̇аа ад̇д̇абажжагкаа агам̣су. логияаабхин̃н̃аасу имааязва д̣̇вз абхин̃н̃аа аасавагкаяан̃аан̣асса б̣ахуубагаараа, на д̇ат̇аа д̣̇иб̣б̣асод̇ажзд̇обарияаид̣̇д̇хивид̇хан̃аан̣аанийд̇и д̣̇ассанад̇т̇ам̣ виж̇ж̇ад̇д̇аяамзвзд̇т̇а д̇зсам̣ бхигкуунам̣ ад̇хиг̇амад̣̇ассанавасзна уд̣̇д̇хадам̣. д̇ат̇аа хи взран̃ж̇асуд̇д̇з (а. ни. 8.11) бхаг̇аваа взран̃ж̇аб̣раахман̣асса ад̇д̇ано ад̇хиг̇амам̣ д̣̇ассзнд̇о виж̇ж̇ад̇д̇аяамзва д̣̇зсзси, на д̣̇иб̣б̣асод̇ан̃аан̣аад̣̇ийнам̣ абхаавад̇о. звам̣ д̇зсамби бхигкуунам̣ виж̇ж̇амаанааниби д̣̇иб̣б̣асод̇ан̃аан̣аад̣̇ийни на уд̣̇д̇хадаани. чал̣абхин̃н̃аа хи д̇з бхигкуу. зван̃жа гад̇ваа ‘‘ваг̇г̇умуд̣̇ааяа над̣̇ияаа д̇ийрз анд̇арахид̇аа махааванз гуудааг̇аарасаалааяам̣ бхаг̇авад̇о саммукз баад̇урахзсу’’нд̇и д̇зсам̣ бхигкуунам̣ ид̣̇д̇хивал̣ан̃ж̇анам̣ вагкад̇и.
Tenevantaravassenāti tasmiṃyeva antaravasse mahāpavāraṇaṃ anatikkamitvāva. Sabbeva tisso vijjā sacchākaṃsūti sabbeyeva te pañcasatā bhikkhū pubbenivāsānussatiñāṇaṃ dibbacakkhuñāṇaṃ āsavakkhayañāṇanti imā tisso pubbenivutthakkhandhappaṭicchādakamohakkhandhādīnaṃ vinivijjhanaṭṭhena vijjā attapaccakkhā akaṃsu. Lokiyābhiññāsu imāyeva dve abhiññā āsavakkhayañāṇassa bahūpakārā, na tathā dibbasotacetopariyaiddhividhañāṇānīti dassanatthaṃ vijjattayamevettha tesaṃ bhikkhūnaṃ adhigamadassanavasena uddhaṭaṃ. Tathā hi verañjasutte (a. ni. 8.11) bhagavā verañjabrāhmaṇassa attano adhigamaṃ dassento vijjattayameva desesi, na dibbasotañāṇādīnaṃ abhāvato. Evaṃ tesampi bhikkhūnaṃ vijjamānānipi dibbasotañāṇādīni na uddhaṭāni. Chaḷabhiññā hi te bhikkhū. Evañca katvā ‘‘vaggumudāya nadiyā tīre antarahitā mahāvane kūṭāgārasālāyaṃ bhagavato sammukhe pāturahesu’’nti tesaṃ bhikkhūnaṃ iddhivaḷañjanaṃ vakkhati.
яат̇аабхиранд̇анд̇и яат̇аабхирад̇им̣ яат̇ааж̇жхаасаяам̣. б̣уд̣̇д̇хаанан̃хи згасмим̣ таанз васанд̇аанам̣ чааяууд̣̇агавибад̇д̇им̣ ваа апаасугасзнаасанам̣ ваа мануссаанам̣ ассад̣̇д̇хаад̣̇ибхаавам̣ ваа ааг̇амма анабхирад̇и наама над̇т̇и, д̇зсам̣ самбад̇д̇ияаа ‘‘паасум̣ вихараамаа’’д̇и жиравихаароби над̇т̇и. яад̇т̇а бана бхаг̇авад̇и вихаранд̇з мануссаа саран̣зсу ваа бад̇идтаханд̇и, сийлаани ваа самаад̣̇ияанд̇и баб̣б̣аж̇анд̇и, сод̇аабад̇д̇имаг̇г̇аад̣̇ийни ваа баабун̣анд̇и, сад̇т̇аа д̇аасу самбад̇д̇ийсу д̇зсам̣ бад̇идтаабанад̇т̇ам̣ васад̇и, д̇ад̣̇абхаавз баггамад̇и. д̇ад̣̇аа хи саавад̇т̇ияам̣ гад̇д̇аб̣б̣аб̣уд̣̇д̇хагижжам̣ наахоси. д̇зна вуд̇д̇ам̣ – ‘‘ат̇а ко бхаг̇аваа саавад̇т̇ияам̣ яат̇аабхиранд̇ам̣ вихарид̇ваа язна взсаалий д̇зна жааригам̣ баггаамий’’д̇и.
Yathābhirantanti yathābhiratiṃ yathājjhāsayaṃ. Buddhānañhi ekasmiṃ ṭhāne vasantānaṃ chāyūdakavipattiṃ vā aphāsukasenāsanaṃ vā manussānaṃ assaddhādibhāvaṃ vā āgamma anabhirati nāma natthi, tesaṃ sampattiyā ‘‘phāsuṃ viharāmā’’ti ciravihāropi natthi. Yattha pana bhagavati viharante manussā saraṇesu vā patiṭṭhahanti, sīlāni vā samādiyanti pabbajanti, sotāpattimaggādīni vā pāpuṇanti, satthā tāsu sampattīsu tesaṃ patiṭṭhāpanatthaṃ vasati, tadabhāve pakkamati. Tadā hi sāvatthiyaṃ kattabbabuddhakiccaṃ nāhosi. Tena vuttaṃ – ‘‘atha kho bhagavā sāvatthiyaṃ yathābhirantaṃ viharitvā yena vesālī tena cārikaṃ pakkāmī’’ti.
жааригам̣ жарамаанод̇и ад̣̇д̇хаанаг̇аманам̣ г̇ажчанд̇о. жааригаа жа наамзсаа бхаг̇авад̇о д̣̇увид̇хаа д̇урид̇ажааригаа ад̇урид̇ажааригаад̇и. д̇ад̇т̇а д̣̇уурзби б̣од̇ханзяяабуг̇г̇алам̣ д̣̇исваа д̇асса б̣од̇ханад̇т̇ам̣ сахасаа г̇аманам̣ д̇урид̇ажааригаа наама, саа махаагассабабажжуг̇г̇аманаад̣̇ийсу д̣̇адтаб̣б̣аа. яаа бана г̇ааманиг̇амарааж̇ад̇хаанийбадибаадияаа д̣̇звасигам̣ яож̇анад̣̇д̇хаяож̇анавасзна бин̣д̣абаад̇ажарияаад̣̇ийхи логам̣ ануг̇г̇ан̣ханд̇о г̇ажчад̇и, аяам̣ ад̇урид̇ажааригаа наама, аяамзва ид̇хаад̇хиббзд̇аа. д̇ад̣̇авасарийд̇и д̇зна авасари, д̇ам̣ ваа авасари, д̇ад̇т̇а авасари , баависийд̇и ад̇т̇о.
Cārikaṃ caramānoti addhānagamanaṃ gacchanto. Cārikā ca nāmesā bhagavato duvidhā turitacārikā aturitacārikāti. Tattha dūrepi bodhaneyyapuggalaṃ disvā tassa bodhanatthaṃ sahasā gamanaṃ turitacārikā nāma, sā mahākassapapaccuggamanādīsu daṭṭhabbā. Yā pana gāmanigamarājadhānīpaṭipāṭiyā devasikaṃ yojanaddhayojanavasena piṇḍapātacariyādīhi lokaṃ anuggaṇhanto gacchati, ayaṃ aturitacārikā nāma, ayameva idhādhippetā. Tadavasarīti tena avasari, taṃ vā avasari, tattha avasari , pāvisīti attho.
д̇ад̇раад̇и д̇ассам̣. суд̣̇анд̇и нибаад̇амад̇д̇ам̣. взсаалияанд̇и д̇игкад̇д̇ум̣ висаалийбхууд̇ад̇д̇аа ‘‘взсаалий’’д̇и лад̣̇д̇ханаамз лижчавирааж̇уунам̣ наг̇арз. махааванзд̇и махааванам̣ наама саяам̣ж̇аад̇ам̣ аробимам̣ сабарижчзд̣̇ам̣ маханд̇ам̣ ванам̣. габилавад̇т̇усааманд̇аа бана махааванам̣ химаванд̇зна саха згааб̣ад̣̇д̇хам̣ абарижчзд̣̇ам̣ худ̇ваа махаасамуд̣̇д̣̇ам̣ аахажжа тид̇ам̣. ид̣̇ам̣ д̇аад̣̇исам̣ на ход̇и, сабарижчзд̣̇ам̣ маханд̇ам̣ вананд̇и махааванам̣. гуудааг̇аарасаалааяанд̇и д̇асмим̣ махааванз бхаг̇аванд̇ам̣ уд̣̇д̣̇исса гад̇з аараамз гуудааг̇аарам̣ анд̇о гад̇ваа хам̣саваддагажчаннзна гад̇аа саб̣б̣аагаарасамбаннаа б̣уд̣̇д̇хасса бхаг̇авад̇о г̇анд̇хагуди гуудааг̇аарасаалаа наама , д̇ассам̣ гуудааг̇аарасаалааяам̣. ваг̇г̇умуд̣̇аад̇ийрияаананд̇и ваг̇г̇умуд̣̇аад̇ийраваасийнам̣. жзд̇асаа жзд̇о барижжа манаси гарид̇ваад̇и ад̇д̇ано жид̇д̇зна д̇зсам̣ жид̇д̇ам̣ барижчиж̇ж̇а манаси гарид̇ваа, жзд̇обарияан̃аан̣зна ваа саб̣б̣ан̃н̃уд̇ан̃н̃аан̣зна ваа д̇зхи ад̇хиг̇ад̇ависзсам̣ ж̇аанид̇ваад̇и ад̇т̇о.
Tatrāti tassaṃ. Sudanti nipātamattaṃ. Vesāliyanti tikkhattuṃ visālībhūtattā ‘‘vesālī’’ti laddhanāme licchavirājūnaṃ nagare. Mahāvaneti mahāvanaṃ nāma sayaṃjātaṃ aropimaṃ saparicchedaṃ mahantaṃ vanaṃ. Kapilavatthusāmantā pana mahāvanaṃ himavantena saha ekābaddhaṃ aparicchedaṃ hutvā mahāsamuddaṃ āhacca ṭhitaṃ. Idaṃ tādisaṃ na hoti, saparicchedaṃ mahantaṃ vananti mahāvanaṃ. Kūṭāgārasālāyanti tasmiṃ mahāvane bhagavantaṃ uddissa kate ārāme kūṭāgāraṃ anto katvā haṃsavaṭṭakacchannena katā sabbākārasampannā buddhassa bhagavato gandhakuṭi kūṭāgārasālā nāma , tassaṃ kūṭāgārasālāyaṃ. Vaggumudātīriyānanti vaggumudātīravāsīnaṃ. Cetasā ceto paricca manasi karitvāti attano cittena tesaṃ cittaṃ paricchijja manasi karitvā, cetopariyañāṇena vā sabbaññutaññāṇena vā tehi adhigatavisesaṃ jānitvāti attho.
аалогаж̇аад̇аа вияаад̇и сан̃ж̇аад̇аалогаа вияа. ид̇арам̣ д̇ассзва взважанам̣, жанд̣̇асахассасуурияасахассзхи обхаасид̇аа вияаад̇и ад̇т̇о. яасмаа д̇з яасож̇аббамукаа бан̃жасад̇аа бхигкуу саб̣б̣асо авиж̇ж̇анд̇хагааравид̇хаманзна аалогабхууд̇аа обхаасабхууд̇аа худ̇ваа вихаранд̇и, д̇асмаа бхаг̇аваа д̇зхи тид̇ад̣̇исааяа ‘‘аалогаж̇аад̇аа вияа мз, аананд̣̇а, зсаа д̣̇исаа’’д̇иаад̣̇инаа ван̣н̣абхан̣анаабад̣̇зсзна д̇з бхигкуу басам̣сад̇и. д̇зна вуд̇д̇ам̣ – ‘‘яассам̣ д̣̇исааяам̣ ваг̇г̇умуд̣̇аад̇ийрияаа бхигкуу вихаранд̇ий’’д̇и. аббадигуулаад̇и на бадигуулаа, манаабаа манохараад̇и ад̇т̇о. яасмин̃хи бад̣̇зсз сийлаад̣̇иг̇ун̣асамбаннаа махзсино вихаранд̇и, д̇ам̣ гин̃жааби уггуулавигуулависамад̣̇уг̇г̇аагаарам̣, ат̇а ко манун̃н̃ам̣ раман̣ийяамзва. вуд̇д̇ан̃хзд̇ам̣ –
Ālokajātāviyāti sañjātālokā viya. Itaraṃ tasseva vevacanaṃ, candasahassasūriyasahassehi obhāsitā viyāti attho. Yasmā te yasojappamukhā pañcasatā bhikkhū sabbaso avijjandhakāravidhamanena ālokabhūtā obhāsabhūtā hutvā viharanti, tasmā bhagavā tehi ṭhitadisāya ‘‘ālokajātā viya me, ānanda, esā disā’’tiādinā vaṇṇabhaṇanāpadesena te bhikkhū pasaṃsati. Tena vuttaṃ – ‘‘yassaṃ disāyaṃ vaggumudātīriyā bhikkhū viharantī’’ti. Appaṭikūlāti na paṭikūlā, manāpā manoharāti attho. Yasmiñhi padese sīlādiguṇasampannā mahesino viharanti, taṃ kiñcāpi ukkūlavikūlavisamaduggākāraṃ, atha kho manuññaṃ ramaṇīyameva. Vuttañhetaṃ –
‘‘г̇аамз ваа яад̣̇и вааран̃н̃з, ниннз ваа яад̣̇и ваа т̇алз;
‘‘Gāme vā yadi vāraññe, ninne vā yadi vā thale;
яад̇т̇а араханд̇о вихаранд̇и, д̇ам̣ бхуумирааман̣зяяага’’нд̇и. (д̇ха. ба. 98);
Yattha arahanto viharanti, taṃ bhūmirāmaṇeyyaka’’nti. (dha. pa. 98);
бахин̣зяяаасийд̇и бзсзяяааси. сад̇т̇аа ааяасманд̇аанам̣ д̣̇ассанагаамод̇и д̇зсам̣ бхигкуунам̣ санд̇игз бахзн̣аагаарад̣̇ассанам̣. ид̇и бхаг̇аваа яад̣̇ад̇т̇ам̣ д̇з бхигкуу бан̣аамзси, д̇амад̇т̇ам̣ мад̇т̇агаббад̇д̇ам̣ д̣̇исваа аарад̣̇д̇хажид̇д̇о д̇зсам̣ д̣̇ассанагаамад̇ам̣ т̇зрасса аарожзси. звам̣ гирасса ахоси ‘‘ахам̣ имз ужжаасад̣̇д̣̇амахаасад̣̇д̣̇агаран̣з бан̣аамзссаами, ат̇а д̇з бхад̣̇ро ассааж̇аанийяо вияа гасаабхигхаад̇зна, д̇зна жод̣̇ид̇аа сам̣взг̇аббад̇д̇аа мамаараад̇ханад̇т̇ам̣ аран̃н̃ам̣ бависид̇ваа гхадзнд̇аа вааяаманд̇аа киббамзва арахад̇д̇ам̣ сажчигариссанд̇ий’’д̇и. ид̣̇аани д̇з аг̇г̇апалаббад̇д̇з д̣̇исваа д̇ааяа арахад̇д̇аббад̇д̇ияаа аараад̇хид̇ажид̇д̇о д̇зсам̣ д̣̇ассанагаамо худ̇ваа звам̣ д̇хаммабхан̣д̣ааг̇ааригам̣ аан̣аабзси.
Pahiṇeyyāsīti peseyyāsi. Satthā āyasmantānaṃ dassanakāmoti tesaṃ bhikkhūnaṃ santike paheṇākāradassanaṃ. Iti bhagavā yadatthaṃ te bhikkhū paṇāmesi, tamatthaṃ matthakappattaṃ disvā āraddhacitto tesaṃ dassanakāmataṃ therassa ārocesi. Evaṃ kirassa ahosi ‘‘ahaṃ ime uccāsaddamahāsaddakaraṇe paṇāmessāmi, atha te bhadro assājānīyo viya kasābhighātena, tena coditā saṃvegappattā mamārādhanatthaṃ araññaṃ pavisitvā ghaṭentā vāyamantā khippameva arahattaṃ sacchikarissantī’’ti. Idāni te aggaphalappatte disvā tāya arahattappattiyā ārādhitacitto tesaṃ dassanakāmo hutvā evaṃ dhammabhaṇḍāgārikaṃ āṇāpesi.
со бхигкууд̇и аананд̣̇ад̇т̇зрзна д̇ат̇аа аан̣ад̇д̇о чал̣абхин̃н̃о зго бхигку. бамукзд̇и саммукз. аанзн̃ж̇асамаад̇хинаад̇и жад̇уд̇т̇аж̇жхаанабаад̣̇агзна аг̇г̇апаласамаад̇хинаа, ‘‘аруубаж̇жхаанабаад̣̇агзнаа’’д̇иби вад̣̇анд̇и. ‘‘аанзн̃ж̇зна самаад̇хинаа’’д̇иби баато. гасмаа бана бхаг̇аваа д̇зсам̣ бхигкуунам̣ ааг̇аманам̣ ж̇аананд̇о бадисант̇аарам̣ агад̇ваа самаабад̇д̇им̣язва самаабаж̇ж̇и? д̇зсам̣ ад̇д̇анаа самаабаннасамаабад̇д̇им̣ ж̇аанид̇ваа самаабаж̇ж̇анад̇т̇ам̣, д̇зсам̣ буб̣б̣з бан̣аамид̇аанам̣ ид̣̇аани ад̇д̇анаа самаанасамбхог̇ад̣̇ассанад̇т̇ам̣, аанубхаавад̣̇ийбанад̇т̇ам̣, винаа важийбхзд̣̇зна ан̃н̃аб̣яаагаран̣ад̣̇ийбанад̇т̇ан̃жа. абарз банааху ‘‘буб̣б̣з бан̣аамид̇аанам̣ ид̣̇аани ад̇д̇ано санд̇игам̣ ааг̇ад̇аанам̣ ануд̇д̇арасукуббаад̣̇анзна анан̃н̃асаад̇хааран̣абадисант̇аарагаран̣ад̇т̇а’’нд̇и. д̇зби ааяасманд̇о бхаг̇авад̇о аж̇жхаасаяам̣ н̃ад̇ваа д̇ам̣язва самаабад̇д̇им̣ самаабаж̇ж̇им̣су. д̇зна вуд̇д̇ам̣ – ‘‘гад̇амзна ну ко бхаг̇аваа вихаарзна зд̇арахи вихарад̇ий’’д̇иаад̣̇и.
So bhikkhūti ānandattherena tathā āṇatto chaḷabhiñño eko bhikkhu. Pamukheti sammukhe. Āneñjasamādhināti catutthajjhānapādakena aggaphalasamādhinā, ‘‘arūpajjhānapādakenā’’tipi vadanti. ‘‘Āneñjena samādhinā’’tipi pāṭho. Kasmā pana bhagavā tesaṃ bhikkhūnaṃ āgamanaṃ jānanto paṭisanthāraṃ akatvā samāpattiṃyeva samāpajji? Tesaṃ attanā samāpannasamāpattiṃ jānitvā samāpajjanatthaṃ, tesaṃ pubbe paṇāmitānaṃ idāni attanā samānasambhogadassanatthaṃ, ānubhāvadīpanatthaṃ, vinā vacībhedena aññabyākaraṇadīpanatthañca. Apare panāhu ‘‘pubbe paṇāmitānaṃ idāni attano santikaṃ āgatānaṃ anuttarasukhuppādanena anaññasādhāraṇapaṭisanthārakaraṇattha’’nti. Tepi āyasmanto bhagavato ajjhāsayaṃ ñatvā taṃyeva samāpattiṃ samāpajjiṃsu. Tena vuttaṃ – ‘‘katamena nu kho bhagavā vihārena etarahi viharatī’’tiādi.
зд̇т̇а жа руубааважаражад̇уд̇т̇аж̇жхаанам̣ госаж̇ж̇аад̣̇ийнам̣ баарибанд̇игад̇хаммаанам̣ сувид̣̇уурабхаавад̇о ид̣̇д̇хияаа муулабхууд̇зхи анон̣аманаад̣̇ийхи сол̣асахи вод̣̇аанад̇хаммзхи саманнааг̇аманад̇о аанзн̃ж̇аббад̇д̇ам̣ саяам̣ анин̃ж̇анадтзна аанзн̃ж̇анд̇и вужжад̇и. вуд̇д̇ан̃хзд̇ам̣ –
Ettha ca rūpāvacaracatutthajjhānaṃ kosajjādīnaṃ pāripantikadhammānaṃ suvidūrabhāvato iddhiyā mūlabhūtehi anoṇamanādīhi soḷasahi vodānadhammehi samannāgamanato āneñjappattaṃ sayaṃ aniñjanaṭṭhena āneñjanti vuccati. Vuttañhetaṃ –
‘‘анон̣ад̇ам̣ жид̇д̇ам̣ госаж̇ж̇з на ин̃ж̇ад̇ийд̇и аанзн̃ж̇ам̣. анун̣н̣ад̇ам̣ жид̇д̇ам̣ уд̣̇д̇хажжз на ин̃ж̇ад̇ийд̇и аанзн̃ж̇ам̣. анабхирад̇ам̣ жид̇д̇ам̣ рааг̇з на ин̃ж̇ад̇ийд̇и аанзн̃ж̇ам̣. анабанад̇ам̣ жид̇д̇ам̣ б̣яаабаад̣̇з на ин̃ж̇ад̇ийд̇и аанзн̃ж̇ам̣. аниссид̇ам̣ жид̇д̇ам̣ д̣̇идтияаа на ин̃ж̇ад̇ийд̇и аанзн̃ж̇ам̣. аббадиб̣ад̣̇д̇хам̣ жид̇д̇ам̣ чанд̣̇арааг̇з на ин̃ж̇ад̇ийд̇и аанзн̃ж̇ам̣. виббамуд̇д̇ам̣ жид̇д̇ам̣ гаамарааг̇з на ин̃ж̇ад̇ийд̇и аанзн̃ж̇ам̣. висам̣яуд̇д̇ам̣ жид̇д̇ам̣ гилзсз на ин̃ж̇ад̇ийд̇и аанзн̃ж̇ам̣. вимарияаад̣̇игад̇ам̣ жид̇д̇ам̣ гилзсамарияаад̣̇ааяа на ин̃ж̇ад̇ийд̇и аанзн̃ж̇ам̣. згад̇д̇аг̇ад̇ам̣ жид̇д̇ам̣ наанад̇д̇агилзсз на ин̃ж̇ад̇ийд̇и аанзн̃ж̇ам̣. сад̣̇д̇хааяа бариг̇г̇ахид̇ам̣ жид̇д̇ам̣ ассад̣̇д̇хияз на ин̃ж̇ад̇ийд̇и аанзн̃ж̇ам̣. вийриязна бариг̇г̇ахид̇ам̣ жид̇д̇ам̣ госаж̇ж̇з на ин̃ж̇ад̇ийд̇и аанзн̃ж̇ам̣. сад̇ияаа бариг̇г̇ахид̇ам̣ жид̇д̇ам̣ бамаад̣̇з на ин̃ж̇ад̇ийд̇и аанзн̃ж̇ам̣. самаад̇хинаа бариг̇г̇ахид̇ам̣ жид̇д̇ам̣ уд̣̇д̇хажжз на ин̃ж̇ад̇ийд̇и аанзн̃ж̇ам̣. бан̃н̃ааяа бариг̇г̇ахид̇ам̣ жид̇д̇ам̣ авиж̇ж̇ааяа на ин̃ж̇ад̇ийд̇и аанзн̃ж̇ам̣. обхаасаг̇ад̇ам̣ жид̇д̇ам̣ авиж̇ж̇анд̇хагаарз на ин̃ж̇ад̇ийд̇и аанзн̃ж̇а’’нд̇и.
‘‘Anoṇataṃ cittaṃ kosajje na iñjatīti āneñjaṃ. Anuṇṇataṃ cittaṃ uddhacce na iñjatīti āneñjaṃ. Anabhirataṃ cittaṃ rāge na iñjatīti āneñjaṃ. Anapanataṃ cittaṃ byāpāde na iñjatīti āneñjaṃ. Anissitaṃ cittaṃ diṭṭhiyā na iñjatīti āneñjaṃ. Appaṭibaddhaṃ cittaṃ chandarāge na iñjatīti āneñjaṃ. Vippamuttaṃ cittaṃ kāmarāge na iñjatīti āneñjaṃ. Visaṃyuttaṃ cittaṃ kilese na iñjatīti āneñjaṃ. Vimariyādikataṃ cittaṃ kilesamariyādāya na iñjatīti āneñjaṃ. Ekattagataṃ cittaṃ nānattakilese na iñjatīti āneñjaṃ. Saddhāya pariggahitaṃ cittaṃ assaddhiye na iñjatīti āneñjaṃ. Vīriyena pariggahitaṃ cittaṃ kosajje na iñjatīti āneñjaṃ. Satiyā pariggahitaṃ cittaṃ pamāde na iñjatīti āneñjaṃ. Samādhinā pariggahitaṃ cittaṃ uddhacce na iñjatīti āneñjaṃ. Paññāya pariggahitaṃ cittaṃ avijjāya na iñjatīti āneñjaṃ. Obhāsagataṃ cittaṃ avijjandhakāre na iñjatīti āneñja’’nti.
руубааважаражад̇уд̇т̇аж̇жхаанамзва жа руубавирааг̇абхааванаавасзна бавад̇д̇ид̇ам̣, аарамман̣авибхааг̇зна жад̇уб̣б̣ид̇хам̣ аруубааважараж̇жхаананд̇и зд̇зсам̣ бан̃жаннам̣ жхаанаанам̣ аанзн̃ж̇авохааро. д̇зсам̣ яам̣ гин̃жи баад̣̇агам̣ гад̇ваа самаабаннаа арахад̇д̇апаласамаабад̇д̇и аанзн̃ж̇асамаад̇хийд̇и бораан̣аа.
Rūpāvacaracatutthajjhānameva ca rūpavirāgabhāvanāvasena pavattitaṃ, ārammaṇavibhāgena catubbidhaṃ arūpāvacarajjhānanti etesaṃ pañcannaṃ jhānānaṃ āneñjavohāro. Tesaṃ yaṃ kiñci pādakaṃ katvā samāpannā arahattaphalasamāpatti āneñjasamādhīti porāṇā.
абхигганд̇ааяаад̇и ад̇ийд̇ааяа. нигканд̇зд̇и ниг̇г̇ад̇з, абаг̇ад̇зд̇и ад̇т̇о. д̇ун̣хий ахосийд̇и бхаг̇аваа ариязна д̇ун̣хийбхаавзна д̇ун̣хий ахоси. уд̣̇д̇хасд̇з арун̣зд̇и уг̇г̇ад̇з арун̣з, арун̣о наама бурад̇т̇имад̣̇исааяа суурияод̣̇аяад̇о бурзд̇арамзва удтид̇обхаасо. нанд̣̇имукияаад̇и рад̇д̇ияаа арун̣асса уг̇г̇ад̇ад̇д̇аа зва арун̣аббабхааяа суурияаалогуубаж̇ийвино сад̇д̇з нанд̣̇аабанамукияаа вияа рад̇д̇ияаа ж̇аад̇ааяа, вибхааяамаанааяаад̇и ад̇т̇о.
Abhikkantāyāti atītāya. Nikkhanteti niggate, apagateti attho. Tuṇhī ahosīti bhagavā ariyena tuṇhībhāvena tuṇhī ahosi. Uddhaste aruṇeti uggate aruṇe, aruṇo nāma puratthimadisāya sūriyodayato puretarameva uṭṭhitobhāso. Nandimukhiyāti rattiyā aruṇassa uggatattā eva aruṇappabhāya sūriyālokūpajīvino satte nandāpanamukhiyā viya rattiyā jātāya, vibhāyamānāyāti attho.
д̇амхаа самаад̇химхаа вудтахид̇ваад̇и яат̇аабарижчзд̣̇ам̣ д̇ад̇о аанзн̃ж̇асамаад̇хид̇о арахад̇д̇апаласамаабад̇д̇ид̇о удтааяа. сажз ко д̇вам̣, аананд̣̇а, ж̇аанзяяаасийд̇и бхаг̇аваа ‘‘имз жа бхигкуу зд̇д̇агам̣ гаалам̣ иминаа наама самаабад̇д̇исукзна вийд̇инаамзнд̇ий’’д̇и, аананд̣̇а, яад̣̇и д̇вам̣ ж̇аанзяяааси. зд̇д̇агамби д̇з наббадибхаасзяяаад̇и логияабадисаммод̣̇анам̣ санд̇хааяа яад̣̇ид̣̇ам̣ д̇з ‘‘абхигганд̇аа, бханд̇з, рад̇д̇ий’’д̇иаад̣̇инаа д̇игкад̇д̇ум̣ бадибхаанам̣ убадтид̇ам̣, д̇аяид̣̇ам̣ зд̇д̇агамби д̇з на убадтахзяяа. яасмаа жа ко д̇вам̣, аананд̣̇а, сзгко асзгкам̣ самаабад̇д̇ивихаарам̣ на ж̇аанааси, д̇асмаа мам̣ имзсам̣ бхигкуунам̣ логияабадисаммод̣̇анам̣ гаарзд̇ум̣ уссуггам̣ аабаж̇ж̇и. ахам̣ бана имзхи бхигкуухи сад̣̇д̇хим̣ логуд̇д̇арабадисаммод̣̇анзнзва д̇ияаамарад̇д̇им̣ вийд̇инаамзсинд̇и д̣̇ассзнд̇о бхаг̇аваа ааха – ‘‘ахан̃жа, аананд̣̇а, имаани жа бан̃жа бхигкусад̇аани саб̣б̣зва аанзн̃ж̇асамаад̇хинаа нисийд̣̇имхаа’’д̇и.
Tamhā samādhimhā vuṭṭhahitvāti yathāparicchedaṃ tato āneñjasamādhito arahattaphalasamāpattito uṭṭhāya. Sace kho tvaṃ, ānanda, jāneyyāsīti bhagavā ‘‘ime ca bhikkhū ettakaṃ kālaṃ iminā nāma samāpattisukhena vītināmentī’’ti, ānanda, yadi tvaṃ jāneyyāsi. Ettakampi te nappaṭibhāseyyāti lokiyapaṭisammodanaṃ sandhāya yadidaṃ te ‘‘abhikkantā, bhante, rattī’’tiādinā tikkhattuṃ paṭibhānaṃ upaṭṭhitaṃ, tayidaṃ ettakampi te na upaṭṭhaheyya. Yasmā ca kho tvaṃ, ānanda, sekkho asekkhaṃ samāpattivihāraṃ na jānāsi, tasmā maṃ imesaṃ bhikkhūnaṃ lokiyapaṭisammodanaṃ kāretuṃ ussukkaṃ āpajji. Ahaṃ pana imehi bhikkhūhi saddhiṃ lokuttarapaṭisammodaneneva tiyāmarattiṃ vītināmesinti dassento bhagavā āha – ‘‘ahañca, ānanda, imāni ca pañca bhikkhusatāni sabbeva āneñjasamādhinā nisīdimhā’’ti.
зд̇амад̇т̇ам̣ вид̣̇ид̇ваад̇и зд̇ам̣ д̇зсам̣ бхигкуунам̣ ад̇д̇анаа самам̣ аанзн̃ж̇асамаад̇хисамаабаж̇ж̇анасамад̇т̇ад̇аасан̇каад̇ам̣ васийбхаавад̇т̇ам̣ саб̣б̣аагаарад̇о вид̣̇ид̇ваа. имам̣ уд̣̇аананд̇и имам̣ д̇зсам̣ бхигкуунам̣ анавасзсарааг̇аад̣̇иббахаанасам̣сид̣̇д̇хид̇аад̣̇исабхаавад̣̇ийбанам̣ уд̣̇аанам̣ уд̣̇аанзси.
Etamatthaṃ viditvāti etaṃ tesaṃ bhikkhūnaṃ attanā samaṃ āneñjasamādhisamāpajjanasamatthatāsaṅkhātaṃ vasībhāvatthaṃ sabbākārato viditvā. Imaṃ udānanti imaṃ tesaṃ bhikkhūnaṃ anavasesarāgādippahānasaṃsiddhitādisabhāvadīpanaṃ udānaṃ udānesi.
д̇ад̇т̇а яасса ж̇ид̇о гаамаган̣д̣агод̇и гусалабагкавиж̇жханадтзна ган̣д̣агабхууд̇о гилзсагаамо язна арияабуг̇г̇алзна анавасзсам̣ ж̇ид̇о бахийно, зд̇знасса анунаяаабхаавам̣ д̣̇ассзд̇и. ‘‘г̇аамаган̣даго’’д̇иби баато. д̇ассад̇т̇о – г̇аамз ган̣даго ган̣дагадтаанияо сагало вад̇т̇угаамо яасса ж̇ид̇од̇и. ж̇аяо жасса д̇аббадиб̣ад̣̇д̇хачанд̣̇арааг̇аббахаанзнзва взд̣̇ид̇аб̣б̣о, д̇зна д̇зсам̣ анааг̇аамимаг̇г̇о вуд̇д̇о ход̇и . аггосо жа ж̇ид̇од̇и самб̣анд̇хо. вад̇хо жа б̣анд̇ханан̃жаад̇и зд̇т̇ааби зсзва наяо. д̇зсу аггосаж̇аязна важийд̣̇ужжарид̇аабхааво, ид̇арзна гааяад̣̇ужжарид̇аабхааво д̣̇ассид̇о. д̇зна д̇ам̣нимид̇д̇агасса б̣яаабаад̣̇асса анавасзсаббахаанзна д̇ад̇ияамаг̇г̇о вуд̇д̇о ход̇и. ат̇а ваа аггосаад̣̇иж̇аяаважанзна д̇ад̇ияамаг̇г̇о вуд̇д̇о ход̇и, аггосаад̣̇ийнам̣ ажжанд̇акаманам̣ д̇ад̇т̇а багаасид̇ам̣ ход̇и, убхаяат̇ааби нзсам̣ вирод̇хаабхаавам̣ д̣̇ассзд̇и. баб̣б̣ад̇о вияа со тид̇о анзж̇од̇и зж̇аа вужжад̇и жаланагилзсабарибант̇о, зж̇аахзд̇уунам̣ авасзсагилзсаанам̣ абхаавзна анзж̇о, анзж̇ад̇д̇ааязва саб̣б̣агилзсзхи бараваад̣̇аваад̇зхи жа агамбанийяад̇д̇аа тид̇о згаг̇гханабаб̣б̣ад̇асад̣̇исо. сукад̣̇угкзсу на взд̇хад̇и са бхигкууд̇и со бхиннагилзсо бхигку сукад̣̇угканимид̇д̇ам̣ на гамбад̇ийд̇и хздтаа вуд̇д̇анаязнзва ад̇т̇о взд̣̇ид̇аб̣б̣о. ид̇и бхаг̇аваа д̇зсам̣ бан̃жасад̇аанам̣ бхигкуунам̣ арахад̇д̇аад̇хиг̇амзна д̇аад̣̇ибхааваббад̇д̇им̣ згаж̇жхам̣ гад̇ваа згабуг̇г̇алаад̇хидтаанам̣ уд̣̇аанам̣ уд̣̇аанзсийд̇и.
Tattha yassa jito kāmakaṇḍakoti kusalapakkhavijjhanaṭṭhena kaṇḍakabhūto kilesakāmo yena ariyapuggalena anavasesaṃ jito pahīno, etenassa anunayābhāvaṃ dasseti. ‘‘Gāmakaṇṭako’’tipi pāṭho. Tassattho – gāme kaṇṭako kaṇṭakaṭṭhāniyo sakalo vatthukāmo yassa jitoti. Jayo cassa tappaṭibaddhachandarāgappahāneneva veditabbo, tena tesaṃ anāgāmimaggo vutto hoti . Akkoso ca jitoti sambandho. Vadho ca bandhanañcāti etthāpi eseva nayo. Tesu akkosajayena vacīduccaritābhāvo, itarena kāyaduccaritābhāvo dassito. Tena taṃnimittakassa byāpādassa anavasesappahānena tatiyamaggo vutto hoti. Atha vā akkosādijayavacanena tatiyamaggo vutto hoti, akkosādīnaṃ accantakhamanaṃ tattha pakāsitaṃ hoti, ubhayathāpi nesaṃ virodhābhāvaṃ dasseti. Pabbatoviya so ṭhito anejoti ejā vuccati calanakilesaparipantho, ejāhetūnaṃ avasesakilesānaṃ abhāvena anejo, anejattāyeva sabbakilesehi paravādavātehi ca akampanīyattā ṭhito ekagghanapabbatasadiso. Sukhadukkhesu na vedhati sa bhikkhūti so bhinnakileso bhikkhu sukhadukkhanimittaṃ na kampatīti heṭṭhā vuttanayeneva attho veditabbo. Iti bhagavā tesaṃ pañcasatānaṃ bhikkhūnaṃ arahattādhigamena tādibhāvappattiṃ ekajjhaṃ katvā ekapuggalādhiṭṭhānaṃ udānaṃ udānesīti.
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 3. яасож̇асуд̇д̇ам̣ • 3. Yasojasuttaṃ
