| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. яасож̇ад̇т̇зраг̇аат̇ааван̣н̣анаа
9. Yasojattheragāthāvaṇṇanā
гаалабаб̣б̣ан̇г̇асан̇гаасод̇и ааяасмад̇о яасож̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о вибассисса бхаг̇авад̇о гаалз аараамаг̇обагагулз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ вибассим̣ бхаг̇аванд̇ам̣ аагаасзна г̇ажчанд̇ам̣ д̣̇исваа басаннамаанасо лаб̣уж̇апалам̣ ад̣̇ааси.
Kālapabbaṅgasaṅkāsoti āyasmato yasojattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto vipassissa bhagavato kāle ārāmagopakakule nibbattitvā viññutaṃ patto ekadivasaṃ vipassiṃ bhagavantaṃ ākāsena gacchantaṃ disvā pasannamānaso labujaphalaṃ adāsi.
со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇инаг̇арад̣̇ваарз гзваддаг̇аамз бан̃жагуласад̇аж̇здтагасса гзваддасса буд̇д̇о худ̇ваа ниб̣б̣ад̇д̇и, яасож̇од̇исса наамам̣ агам̣су. со ваяаббад̇д̇о ад̇д̇ано сахааязхи гзваддабуд̇д̇зхи сад̣̇д̇хим̣ мажчаг̇ахан̣ад̇т̇ам̣ ажиравад̇ияам̣ над̣̇ияам̣ ж̇аалам̣ киби. д̇ад̇т̇зго суван̣н̣аван̣н̣о махаамажчо анд̇ож̇аалам̣ баависи. д̇ам̣ д̇з ран̃н̃о басзнад̣̇исса д̣̇ассзсум̣ . рааж̇аа ‘‘имасса суван̣н̣аван̣н̣асса мажчасса ван̣н̣агааран̣ам̣ бхаг̇аваа ж̇аанаад̇ий’’д̇и мажчам̣ г̇аахаабзд̇ваа бхаг̇авад̇о д̣̇ассзси. бхаг̇аваа ‘‘аяам̣ гассабасса саммаасамб̣уд̣̇д̇хасса саасанз осаггамаанз баб̣б̣аж̇ид̇ваа мижчаа бадибаж̇ж̇анд̇о саасанам̣ осаггаабзд̇ваа нираяз ниб̣б̣ад̇д̇о згам̣ б̣уд̣̇д̇ханд̇арам̣ нираяз бажжид̇ваа д̇ад̇о жуд̇о ажиравад̇ияам̣ мажчо худ̇ваа ниб̣б̣ад̇д̇о’’д̇и вад̇ваа д̇асса бхаг̇инийнан̃жа нираяз ниб̣б̣ад̇д̇абхаавам̣, д̇асса бхаад̇игад̇т̇зрасса бариниб̣б̣уд̇абхааван̃жа д̇знзва гат̇аабзд̇ваа имиссаа адтуббад̇д̇ияаа габиласуд̇д̇ам̣ д̣̇зсзси.
So tena puññakammena devamanussesu saṃsaranto imasmiṃ buddhuppāde sāvatthinagaradvāre kevaṭṭagāme pañcakulasatajeṭṭhakassa kevaṭṭassa putto hutvā nibbatti, yasojotissa nāmaṃ akaṃsu. So vayappatto attano sahāyehi kevaṭṭaputtehi saddhiṃ macchagahaṇatthaṃ aciravatiyaṃ nadiyaṃ jālaṃ khipi. Tattheko suvaṇṇavaṇṇo mahāmaccho antojālaṃ pāvisi. Taṃ te rañño pasenadissa dassesuṃ . Rājā ‘‘imassa suvaṇṇavaṇṇassa macchassa vaṇṇakāraṇaṃ bhagavā jānātī’’ti macchaṃ gāhāpetvā bhagavato dassesi. Bhagavā ‘‘ayaṃ kassapassa sammāsambuddhassa sāsane osakkamāne pabbajitvā micchā paṭipajjanto sāsanaṃ osakkāpetvā niraye nibbatto ekaṃ buddhantaraṃ niraye paccitvā tato cuto aciravatiyaṃ maccho hutvā nibbatto’’ti vatvā tassa bhaginīnañca niraye nibbattabhāvaṃ, tassa bhātikattherassa parinibbutabhāvañca teneva kathāpetvā imissā aṭṭhuppattiyā kapilasuttaṃ desesi.
сад̇т̇у д̣̇зсанам̣ суд̇ваа яасож̇о сам̣взг̇аж̇аад̇о сад̣̇д̇хим̣ ад̇д̇ано сахааязхи бхаг̇авад̇о санд̇игз баб̣б̣аж̇ид̇ваа бад̇ируубз таанз васанд̇о згад̣̇ивасам̣ сабарисо бхаг̇аванд̇ам̣ ванд̣̇ид̇ум̣ ж̇зд̇аванам̣ аг̇амааси. д̇асса ааг̇аманз сзнаасанабан̃н̃аабанаад̣̇инаа вихаарз ужжаасад̣̇д̣̇амахаасад̣̇д̣̇о ахоси. д̇ам̣ суд̇ваа ‘‘бхаг̇аваа сабарисам̣ яасож̇ам̣ бан̣аамзсий’’д̇и (уд̣̇аа. 23) саб̣б̣ам̣ уд̣̇аанз ааг̇ад̇анаязна взд̣̇ид̇аб̣б̣ам̣. бан̣аамид̇о бана ааяасмаа яасож̇о гасаабхихад̇о бхад̣̇д̣̇о ассааж̇аанийяо вияа сам̣виг̇г̇амаанасо сад̣̇д̇хим̣ барисааяа ваг̇г̇умуд̣̇ааяа над̣̇ияаа д̇ийрз васанд̇о гхадзнд̇о вааяаманд̇о вибассанам̣ вад̣дхзд̇ваа анд̇овассзязва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.47.32-39) –
Satthu desanaṃ sutvā yasojo saṃvegajāto saddhiṃ attano sahāyehi bhagavato santike pabbajitvā patirūpe ṭhāne vasanto ekadivasaṃ sapariso bhagavantaṃ vandituṃ jetavanaṃ agamāsi. Tassa āgamane senāsanapaññāpanādinā vihāre uccāsaddamahāsaddo ahosi. Taṃ sutvā ‘‘bhagavā saparisaṃ yasojaṃ paṇāmesī’’ti (udā. 23) sabbaṃ udāne āgatanayena veditabbaṃ. Paṇāmito pana āyasmā yasojo kasābhihato bhaddo assājānīyo viya saṃviggamānaso saddhiṃ parisāya vaggumudāya nadiyā tīre vasanto ghaṭento vāyamanto vipassanaṃ vaḍḍhetvā antovasseyeva chaḷabhiñño ahosi. Tena vuttaṃ apadāne (apa. thera 2.47.32-39) –
‘‘наг̇арз б̣анд̇хумад̇ияаа, аараамиго ахам̣ д̇ад̣̇аа;
‘‘Nagare bandhumatiyā, ārāmiko ahaṃ tadā;
ад̣̇д̣̇асам̣ вираж̇ам̣ б̣уд̣̇д̇хам̣, г̇ажчанд̇ам̣ анилан̃ж̇асз.
Addasaṃ virajaṃ buddhaṃ, gacchantaṃ anilañjase.
‘‘лаб̣уж̇ам̣ паламаад̣̇ааяа, б̣уд̣̇д̇хасздтассад̣̇аасахам̣;
‘‘Labujaṃ phalamādāya, buddhaseṭṭhassadāsahaṃ;
аагаасзва тид̇о санд̇о, бадиг̇г̇ан̣хи махааяасо.
Ākāseva ṭhito santo, paṭiggaṇhi mahāyaso.
‘‘вид̇д̇исан̃ж̇аанано маяхам̣, д̣̇идтад̇хаммасукаавахо;
‘‘Vittisañjānano mayhaṃ, diṭṭhadhammasukhāvaho;
палам̣ б̣уд̣̇д̇хасса д̣̇ад̇ваана, виббасаннзна жзд̇асаа.
Phalaṃ buddhassa datvāna, vippasannena cetasā.
‘‘ад̇хиг̇ан̃чим̣ д̇ад̣̇аа бийд̇им̣, вибулам̣ сукамуд̇д̇амам̣;
‘‘Adhigañchiṃ tadā pītiṃ, vipulaṃ sukhamuttamaṃ;
уббаж̇ж̇ад̇зва рад̇анам̣, ниб̣б̣ад̇д̇асса д̇ахим̣ д̇ахим̣.
Uppajjateva ratanaṃ, nibbattassa tahiṃ tahiṃ.
‘‘зганавуд̇ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekanavutito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃ам̣ бана самаанам̣ сабарисам̣ ааяасманд̇ам̣ яасож̇ам̣ сад̇т̇аа баггосид̇ваа аанзн̃ж̇асамаабад̇д̇инаа бадисант̇аарамагааси. со саб̣б̣зби д̇худ̇ан̇г̇ад̇хаммз самаад̣̇ааяа вад̇д̇ад̇и. д̇знасса сарийрам̣ гисам̣ ахоси луукам̣ д̣̇уб̣б̣ан̣н̣ам̣, д̇ам̣ бхаг̇аваа барамаббижчад̇ааяа басам̣санд̇о –
Chaḷabhiññaṃ pana samānaṃ saparisaṃ āyasmantaṃ yasojaṃ satthā pakkositvā āneñjasamāpattinā paṭisanthāramakāsi. So sabbepi dhutaṅgadhamme samādāya vattati. Tenassa sarīraṃ kisaṃ ahosi lūkhaṃ dubbaṇṇaṃ, taṃ bhagavā paramappicchatāya pasaṃsanto –
243.
243.
‘‘гаалабаб̣б̣ан̇г̇асан̇гаасо , гисо д̇хаманисант̇ад̇о;
‘‘Kālapabbaṅgasaṅkāso , kiso dhamanisanthato;
мад̇д̇ан̃н̃уу аннабаанамхи, ад̣̇ийнамаанасо наро’’д̇и. – батамам̣ г̇аат̇амааха;
Mattaññū annapānamhi, adīnamānaso naro’’ti. – paṭhamaṃ gāthamāha;
д̇ад̇т̇а гаалабаб̣б̣ан̇г̇асан̇гаасод̇и мам̣суубажаяавиг̇амзна гисад̣̇усан̣тид̇асарийрааваяавад̇ааяа д̣̇анд̇илад̇аабаб̣б̣асад̣̇исан̇г̇о, д̇знааха ‘‘гисо д̇хаманисант̇ад̇о’’д̇и. гисод̇и монзяяабадибад̣̇аабууран̣зна гисасарийро. д̇хаманисант̇ад̇од̇и д̇хаманийхи сант̇ад̇аг̇ад̇д̇о аббамам̣салохид̇ад̇ааяа баагадийхи ган̣д̣арасираахи вид̇ад̇асарийро. мад̇д̇ан̃н̃ууд̇и бариязсанабадиг̇г̇ахан̣абарибхог̇ависсаж̇ж̇анзсу бамаан̣ан̃н̃уу. ад̣̇ийнамаанасод̇и госаж̇ж̇аад̣̇ийхи анабхибхууд̇ад̇д̇аа алийнажид̇д̇о агусийд̇авуд̇д̇и. народ̇и бурисо, борисасса д̇хурасса ваханад̇о борисалагкан̣асамбанно бурисад̇хораяход̇и ад̇хиббааяо.
Tattha kālapabbaṅgasaṅkāsoti maṃsūpacayavigamena kisadusaṇṭhitasarīrāvayavatāya dantilatāpabbasadisaṅgo, tenāha ‘‘kiso dhamanisanthato’’ti. Kisoti moneyyapaṭipadāpūraṇena kisasarīro. Dhamanisanthatoti dhamanīhi santhatagatto appamaṃsalohitatāya pākaṭīhi kaṇḍarasirāhi vitatasarīro. Mattaññūti pariyesanapaṭiggahaṇaparibhogavissajjanesu pamāṇaññū. Adīnamānasoti kosajjādīhi anabhibhūtattā alīnacitto akusītavutti. Naroti puriso, porisassa dhurassa vahanato porisalakkhaṇasampanno purisadhorayhoti adhippāyo.
звам̣ т̇зро сад̇т̇аараа басадто басадтабхааваануруубам̣ ад̇д̇ано ад̇хиваасанаканд̇ивийрияаарамбхавивзгаабхирад̇игид̇д̇анамукзна бхигкуунам̣ д̇хаммам̣ гат̇знд̇о –
Evaṃ thero satthārā pasaṭṭho pasaṭṭhabhāvānurūpaṃ attano adhivāsanakhantivīriyārambhavivekābhiratikittanamukhena bhikkhūnaṃ dhammaṃ kathento –
244.
244.
‘‘пудто д̣ам̣сзхи магасзхи, аран̃н̃асмим̣ б̣рахааванз;
‘‘Phuṭṭho ḍaṃsehi makasehi, araññasmiṃ brahāvane;
нааг̇о сан̇г̇аамасийсзва, сад̇о д̇ад̇раад̇хиваасаяз.
Nāgo saṅgāmasīseva, sato tatrādhivāsaye.
245.
245.
‘‘яат̇аа б̣рахмаа д̇ат̇аа зго, яат̇аа д̣̇зво д̇ат̇аа д̣̇увз;
‘‘Yathā brahmā tathā eko, yathā devo tathā duve;
яат̇аа г̇аамо д̇ат̇аа д̇аяо, голаахалам̣ д̇ад̇уд̇д̇ари’’нд̇и. –
Yathā gāmo tathā tayo, kolāhalaṃ tatuttari’’nti. –
имаа д̣̇вз г̇аат̇аа абхааси.
Imā dve gāthā abhāsi.
д̇ад̇т̇а нааг̇о сан̇г̇аамасийсзваад̇и яат̇аа наама ааж̇аанзяяо хад̇т̇инааг̇о яуд̣̇д̇хаман̣д̣алз асисад̇д̇ид̇омараад̣̇иббахаарз ад̇хиваасзд̇ваа барасзнам̣ вид̣̇д̇хам̣сзд̇и, звам̣ бхигку аран̃н̃асмим̣ б̣рахааванз аран̃н̃аанияам̣ д̣ам̣саад̣̇ибариссаяз сад̇о самбаж̇аано ад̇хиваасзяяа, ад̇хиваасзд̇ваа жа бхааванааб̣алзна маараб̣алам̣ вид̇хамзяяа.
Tattha nāgo saṅgāmasīsevāti yathā nāma ājāneyyo hatthināgo yuddhamaṇḍale asisattitomarādippahāre adhivāsetvā parasenaṃ viddhaṃseti, evaṃ bhikkhu araññasmiṃ brahāvane araññāniyaṃ ḍaṃsādiparissaye sato sampajāno adhivāseyya, adhivāsetvā ca bhāvanābalena mārabalaṃ vidhameyya.
яат̇аа б̣рахмаад̇и яат̇аа б̣рахмаа згаго жид̇д̇аббагобарахид̇о жхаанасукзна нижжамзва сукид̇о вихарад̇и д̇ат̇аа згод̇и бхигкуби зго ад̣̇уд̇ияо вивзгасукамануб̣руухзнд̇о сукам̣ вихарад̇и. згасса сааман̃н̃асукам̣ бан̣ийд̇анд̇и хи вуд̇д̇ам̣. зд̇зна згавихаарий бхигку ‘‘б̣рахмасамо’’д̇и оваад̣̇ам̣ д̣̇зд̇и. яат̇аа д̣̇зво д̇ат̇аа д̣̇увзд̇и яат̇аа д̣̇зваанам̣ анд̇аранд̇араа жид̇д̇аббагобоби сияаа, д̇ат̇аа д̣̇виннам̣ бхигкуунам̣ сахаваасз гхадданааби бхавзяяаад̇и сад̣̇уд̇ияаваасзна бхигку ‘‘д̣̇звасамо’’д̇и вуд̇д̇о. яат̇аа г̇аамо д̇ат̇аа д̇аяод̇и асмимзва баатз д̇ин̣н̣ам̣ бхигкуунам̣ сахаваасо г̇аамаваасасад̣̇исо вивзгаваасо на ход̇ийд̇и ад̇хиббааяо . голаахалам̣ д̇ад̇уд̇д̇аринд̇и д̇ад̇о д̇аяад̇о убари жа б̣ахуунам̣ сам̣ваасо голаахалам̣ ужжаасад̣̇д̣̇амахаасад̣̇д̣̇амахааж̇анасаннибаад̇асад̣̇исо, д̇асмаа згавихааринаа бхавид̇аб̣б̣анд̇и ад̇хиббааяод̇и.
Yathā brahmāti yathā brahmā ekako cittappakoparahito jhānasukhena niccameva sukhito viharati tathā ekoti bhikkhupi eko adutiyo vivekasukhamanubrūhento sukhaṃ viharati. Ekassa sāmaññasukhaṃ paṇītanti hi vuttaṃ. Etena ekavihārī bhikkhu ‘‘brahmasamo’’ti ovādaṃ deti. Yathā devo tathā duveti yathā devānaṃ antarantarā cittappakopopi siyā, tathā dvinnaṃ bhikkhūnaṃ sahavāse ghaṭṭanāpi bhaveyyāti sadutiyavāsena bhikkhu ‘‘devasamo’’ti vutto. Yathā gāmo tathā tayoti asmimeva pāṭhe tiṇṇaṃ bhikkhūnaṃ sahavāso gāmavāsasadiso vivekavāso na hotīti adhippāyo . Kolāhalaṃ tatuttarinti tato tayato upari ca bahūnaṃ saṃvāso kolāhalaṃ uccāsaddamahāsaddamahājanasannipātasadiso, tasmā ekavihārinā bhavitabbanti adhippāyoti.
яасож̇ад̇т̇зраг̇аат̇ааван̣н̣анаа нидтид̇аа.
Yasojattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. яасож̇ад̇т̇зраг̇аат̇аа • 9. Yasojattheragāthā
