| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. яассам̣д̣̇исам̣суд̇д̇ам̣
4. Yassaṃdisaṃsuttaṃ
134. ‘‘бан̃жахи, бхигкавз, ан̇г̇зхи саманнааг̇ад̇о рааж̇аа кад̇д̇ияо муд̣̇д̇хаавасид̇д̇о яассам̣ яассам̣ д̣̇исааяам̣ вихарад̇и, сагасмим̣язва виж̇ид̇з вихарад̇и.
134. ‘‘Pañcahi, bhikkhave, aṅgehi samannāgato rājā khattiyo muddhāvasitto yassaṃ yassaṃ disāyaṃ viharati, sakasmiṃyeva vijite viharati.
‘‘гад̇амзхи бан̃жахи? ид̇ха, бхигкавз, рааж̇аа кад̇д̇ияо муд̣̇д̇хаавасид̇д̇о убхад̇о суж̇аад̇о ход̇и маад̇ид̇о жа бид̇ид̇о жа, сам̣суд̣̇д̇хаг̇ахан̣иго, яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна; ад̣дхо ход̇и махад̣̇д̇хано махаабхог̇о барибун̣н̣агосагодтааг̇ааро; б̣алаваа ко бана ход̇и жад̇уран̇г̇инияаа сзнааяа саманнааг̇ад̇о ассавааяа оваад̣̇абадигарааяа; барин̣ааяаго ко банасса ход̇и бан̣д̣ид̇о вияад̇д̇о мзд̇хаавий бадиб̣ало ад̇ийд̇аанааг̇ад̇абажжуббаннз ад̇т̇з жинд̇зд̇ум̣; д̇ассимз жад̇д̇ааро д̇хаммаа яасам̣ барибаажзнд̇и. со иминаа яасабан̃жамзна 1 д̇хаммзна саманнааг̇ад̇о яассам̣ яассам̣ д̣̇исааяам̣ вихарад̇и, сагасмим̣язва виж̇ид̇з вихарад̇и. д̇ам̣ гисса хзд̇у? зван̃хзд̇ам̣, бхигкавз, ход̇и виж̇ид̇аавийнам̣.
‘‘Katamehi pañcahi? Idha, bhikkhave, rājā khattiyo muddhāvasitto ubhato sujāto hoti mātito ca pitito ca, saṃsuddhagahaṇiko, yāva sattamā pitāmahayugā akkhitto anupakkuṭṭho jātivādena; aḍḍho hoti mahaddhano mahābhogo paripuṇṇakosakoṭṭhāgāro; balavā kho pana hoti caturaṅginiyā senāya samannāgato assavāya ovādapaṭikarāya; pariṇāyako kho panassa hoti paṇḍito viyatto medhāvī paṭibalo atītānāgatapaccuppanne atthe cintetuṃ; tassime cattāro dhammā yasaṃ paripācenti. So iminā yasapañcamena 2 dhammena samannāgato yassaṃ yassaṃ disāyaṃ viharati, sakasmiṃyeva vijite viharati. Taṃ kissa hetu? Evañhetaṃ, bhikkhave, hoti vijitāvīnaṃ.
‘‘звамзвам̣ ко, бхигкавз, бан̃жахи д̇хаммзхи саманнааг̇ад̇о бхигку яассам̣ яассам̣ д̣̇исааяам̣ вихарад̇и, вимуд̇д̇ажид̇д̇ова 3 вихарад̇и. гад̇амзхи бан̃жахи? ид̇ха, бхигкавз, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу – рааж̇аава кад̇д̇ияо муд̣̇д̇хаавасид̇д̇о ж̇аад̇исамбанно; б̣ахуссуд̇о ход̇и суд̇ад̇харо суд̇асаннижаяо, яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубаасса д̇хаммаа б̣ахуссуд̇аа хонд̇и д̇хаад̇аа важасаа барижид̇аа манасаанубзгкид̇аа д̣̇идтияаа суббадивид̣̇д̇хаа – рааж̇аава кад̇д̇ияо муд̣̇д̇хаавасид̇д̇о ад̣дхо махад̣̇д̇хано махаабхог̇о барибун̣н̣агосагодтааг̇ааро; аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа гусалаанам̣ д̇хаммаанам̣ убасамбад̣̇ааяа т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу – рааж̇аава кад̇д̇ияо муд̣̇д̇хаавасид̇д̇о б̣аласамбанно; бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа – рааж̇аава кад̇д̇ияо муд̣̇д̇хаавасид̇д̇о барин̣ааяагасамбанно; д̇ассимз жад̇д̇ааро д̇хаммаа вимуд̇д̇им̣ барибаажзнд̇и . со иминаа вимуд̇д̇ибан̃жамзна д̇хаммзна саманнааг̇ад̇о яассам̣ яассам̣ д̣̇исааяам̣ вихарад̇и вимуд̇д̇ажид̇д̇ова вихарад̇и. д̇ам̣ гисса хзд̇у? зван̃хзд̇ам̣, бхигкавз, ход̇и вимуд̇д̇ажид̇д̇аана’’нд̇и. жад̇уд̇т̇ам̣.
‘‘Evamevaṃ kho, bhikkhave, pañcahi dhammehi samannāgato bhikkhu yassaṃ yassaṃ disāyaṃ viharati, vimuttacittova 4 viharati. Katamehi pañcahi? Idha, bhikkhave, bhikkhu sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu – rājāva khattiyo muddhāvasitto jātisampanno; bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā – rājāva khattiyo muddhāvasitto aḍḍho mahaddhano mahābhogo paripuṇṇakosakoṭṭhāgāro; āraddhavīriyo viharati akusalānaṃ dhammānaṃ pahānāya kusalānaṃ dhammānaṃ upasampadāya thāmavā daḷhaparakkamo anikkhittadhuro kusalesu dhammesu – rājāva khattiyo muddhāvasitto balasampanno; paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā – rājāva khattiyo muddhāvasitto pariṇāyakasampanno; tassime cattāro dhammā vimuttiṃ paripācenti . So iminā vimuttipañcamena dhammena samannāgato yassaṃ yassaṃ disāyaṃ viharati vimuttacittova viharati. Taṃ kissa hetu? Evañhetaṃ, bhikkhave, hoti vimuttacittāna’’nti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. яассам̣д̣̇исам̣суд̇д̇аван̣н̣анаа • 4. Yassaṃdisaṃsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. яассам̣д̣̇исам̣суд̇д̇аван̣н̣анаа • 4. Yassaṃdisaṃsuttavaṇṇanā
