| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. яассам̣д̣̇исам̣суд̇д̇аван̣н̣анаа
4. Yassaṃdisaṃsuttavaṇṇanā
134. жад̇уд̇т̇з убхад̇од̇и д̣̇вийхиби багкзхи. маад̇ид̇о жа бид̇ид̇о жаад̇и яасса хи маад̇аа кад̇д̇ияаа, маад̇умаад̇аа кад̇д̇ияаа, д̇ассааби маад̇аа кад̇д̇ияаа. бид̇аа кад̇д̇ияо, бид̇убид̇аа кад̇д̇ияо, д̇ассаби бид̇аа кад̇д̇ияо. со убхад̇о суж̇аад̇о маад̇ид̇о жа бид̇ид̇о жа. сам̣суд̣̇д̇хаг̇ахан̣игод̇и сам̣суд̣̇д̇хааяа маад̇угужчияаа саманнааг̇ад̇о. ‘‘самавзбаагинияаа г̇ахан̣ияаа’’д̇и зд̇т̇а бана гаммаж̇ад̇зж̇од̇хаад̇у г̇ахан̣ийд̇и вужжад̇и. яаава сад̇д̇амаа бид̇аамахаяуг̇аад̇и зд̇т̇а бид̇убид̇аа бид̇аамахо, бид̇аамахасса яуг̇ам̣ бид̇аамахаяуг̇ам̣. яуг̇анд̇и ааяуббамаан̣ам̣ вужжад̇и. абхилаабамад̇д̇амзва жзд̇ам̣, ад̇т̇ад̇о бана бид̇аамахоязва бид̇аамахаяуг̇ам̣. д̇ад̇о уд̣̇д̇хам̣ саб̣б̣зби буб̣б̣абурисаа бид̇аамахаг̇г̇ахан̣знзва г̇ахид̇аа. звам̣ яаава сад̇д̇амо бурисо, д̇аава сам̣суд̣̇д̇хаг̇ахан̣иго, ат̇а ваа агкид̇д̇о анубаггудто ж̇аад̇иваад̣̇знаад̇и д̣̇ассзд̇и. агкид̇д̇од̇и ‘‘абанзт̇а зд̇ам̣, гим̣ иминаа’’д̇и звам̣ агкид̇д̇о анавагкид̇д̇о. анубаггудтод̇и на убаггудто на аггосам̣ ваа нинд̣̇ам̣ ваа бад̇д̇абуб̣б̣о. гзна гааран̣знаад̇и? ж̇аад̇иваад̣̇зна, ‘‘ид̇иби хийнаж̇аад̇иго зсо’’д̇и зваруубзна важанзнаад̇и ад̇т̇о.
134. Catutthe ubhatoti dvīhipi pakkhehi. Mātito ca pitito cāti yassa hi mātā khattiyā, mātumātā khattiyā, tassāpi mātā khattiyā. Pitā khattiyo, pitupitā khattiyo, tassapi pitā khattiyo. So ubhato sujāto mātito ca pitito ca. Saṃsuddhagahaṇikoti saṃsuddhāya mātukucchiyā samannāgato. ‘‘Samavepākiniyā gahaṇiyā’’ti ettha pana kammajatejodhātu gahaṇīti vuccati. Yāva sattamā pitāmahayugāti ettha pitupitā pitāmaho, pitāmahassa yugaṃ pitāmahayugaṃ. Yuganti āyuppamāṇaṃ vuccati. Abhilāpamattameva cetaṃ, atthato pana pitāmahoyeva pitāmahayugaṃ. Tato uddhaṃ sabbepi pubbapurisā pitāmahaggahaṇeneva gahitā. Evaṃ yāva sattamo puriso, tāva saṃsuddhagahaṇiko, atha vā akkhitto anupakkuṭṭho jātivādenāti dasseti. Akkhittoti ‘‘apanetha etaṃ, kiṃ iminā’’ti evaṃ akkhitto anavakkhitto. Anupakkuṭṭhoti na upakkuṭṭho na akkosaṃ vā nindaṃ vā pattapubbo. Kena kāraṇenāti? Jātivādena, ‘‘itipi hīnajātiko eso’’ti evarūpena vacanenāti attho.
ад̣дход̇иаад̣̇ийсу яо гожи ад̇д̇ано санд̇агзна вибхавзна ад̣дхо ход̇и. ид̇ха бана на гзвалам̣ ад̣дхоязва, махад̣̇д̇хано махад̇аа абаримаан̣асан̇кзна д̇ханзна саманнааг̇ад̇од̇и ад̇т̇о. бан̃жагаамаг̇ун̣авасзна маханд̇аа ул̣аараа бхог̇аа ассаад̇и махаабхог̇о. барибун̣н̣агосагодтааг̇аарод̇и госо вужжад̇и бхан̣д̣ааг̇аарам̣, нид̣̇ахид̇ваа табид̇зна д̇ханзна барибун̣н̣агосо, д̇хан̃н̃зна жа барибун̣н̣агодтааг̇аарод̇и ад̇т̇о. ат̇а ваа жад̇уб̣б̣ид̇хо госо хад̇т̇ий ассаа рат̇аа радтанд̇и, д̇ивид̇хам̣ годтааг̇аарам̣ д̇ханагодтааг̇аарам̣ д̇хан̃н̃агодтааг̇аарам̣ вад̇т̇агодтааг̇ааранд̇и. д̇ам̣ саб̣б̣амби барибун̣н̣амассаад̇и барибун̣н̣агосагодтааг̇ааро. ассавааяаад̇и гассажи б̣ахумби д̇ханам̣ д̣̇знд̇асса сзнаа на сун̣аад̇и, саа анассаваа наама ход̇и. гассажи ад̣̇знд̇ассааби сун̣аад̇иязва, аяам̣ ассаваа наама. оваад̣̇абадигарааяаад̇и ‘‘ид̣̇ам̣ во гад̇д̇аб̣б̣а, ид̣̇ам̣ на гад̇д̇аб̣б̣а’’нд̇и д̣̇иннаоваад̣̇агарааяа. бан̣д̣ид̇од̇и бан̣д̣ижжзна саманнааг̇ад̇о. б̣яад̇д̇од̇и бан̃н̃аавзяяад̇д̇иязна яуд̇д̇о. мзд̇хаавийд̇и таануббад̇д̇игабан̃н̃ааяа саманнааг̇ад̇о. бадиб̣алод̇и самад̇т̇о. ад̇т̇з жинд̇зд̇унд̇и вад̣дхиад̇т̇з жинд̇зд̇ум̣. со хи бажжуббаннаад̇т̇авасзнзва ‘‘ад̇ийд̇зби звам̣ ахзсум̣, анааг̇ад̇зби звам̣ бхависсанд̇ий’’д̇и жинд̇зд̇и. виж̇ид̇аавийнанд̇и виж̇ид̇авиж̇аяаанам̣, маханд̇зна ваа виж̇аязна саманнааг̇ад̇аанам̣. вимуд̇д̇ажид̇д̇аананд̇и бан̃жахи вимуд̇д̇ийхи вимуд̇д̇амаанасаанам̣.
Aḍḍhotiādīsu yo koci attano santakena vibhavena aḍḍho hoti. Idha pana na kevalaṃ aḍḍhoyeva, mahaddhano mahatā aparimāṇasaṅkhena dhanena samannāgatoti attho. Pañcakāmaguṇavasena mahantā uḷārā bhogā assāti mahābhogo. Paripuṇṇakosakoṭṭhāgāroti koso vuccati bhaṇḍāgāraṃ, nidahitvā ṭhapitena dhanena paripuṇṇakoso, dhaññena ca paripuṇṇakoṭṭhāgāroti attho. Atha vā catubbidho koso hatthī assā rathā raṭṭhanti, tividhaṃ koṭṭhāgāraṃ dhanakoṭṭhāgāraṃ dhaññakoṭṭhāgāraṃ vatthakoṭṭhāgāranti. Taṃ sabbampi paripuṇṇamassāti paripuṇṇakosakoṭṭhāgāro. Assavāyāti kassaci bahumpi dhanaṃ dentassa senā na suṇāti, sā anassavā nāma hoti. Kassaci adentassāpi suṇātiyeva, ayaṃ assavā nāma. Ovādapaṭikarāyāti ‘‘idaṃ vo kattabba, idaṃ na kattabba’’nti dinnaovādakarāya. Paṇḍitoti paṇḍiccena samannāgato. Byattoti paññāveyyattiyena yutto. Medhāvīti ṭhānuppattikapaññāya samannāgato. Paṭibaloti samattho. Atthe cintetunti vaḍḍhiatthe cintetuṃ. So hi paccuppannaatthavaseneva ‘‘atītepi evaṃ ahesuṃ, anāgatepi evaṃ bhavissantī’’ti cinteti. Vijitāvīnanti vijitavijayānaṃ, mahantena vā vijayena samannāgatānaṃ. Vimuttacittānanti pañcahi vimuttīhi vimuttamānasānaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. яассам̣д̣̇исам̣суд̇д̇ам̣ • 4. Yassaṃdisaṃsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. яассам̣д̣̇исам̣суд̇д̇аван̣н̣анаа • 4. Yassaṃdisaṃsuttavaṇṇanā
